% Text title            : Mahasarasvati Stavam
% File name             : mahAsarasvatIstavam.itx
% Category              : devii, stotra, sarasvatI, devI
% Location              : doc\_devii
% Transliterated by     : NA
% Proofread by          : Lalitha Parameswari parameswari.lalitha at gmail.com, Venkata Sujatha Yellapragada, NA
% Description/comments  : Markandeya Purana adhyAya 23, verses 30-47
% Latest update         : November 11, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mahasarasvati Stavam ..}##
\itxtitle{.. shrImahAsarasvatIstavam ..}##\endtitles ##
ashvatara uvAcha \-
jagaddhAtrImahaM devImArirAdhayiShuH shubhAm |
stoShye praNamya shirasA brahmayoniM sarasvatIm || 1||
sadasaddevi ! satki~nchinmokShavachchArthavatpadam |
tatsarvaM tvayyasaMyogaM yogavaddevi ! saMsthitam || 2||
tvamakSharaM paraM devi ! yatra sarvaM pratiShThitam |
akSharaM paramaM devi ! saMsthitaM paramANuvat || 3||
akSharaM paramaM brahma vishva~nchaitatkSharAtmakam |
dAruNyavasthito vahnirbhaumAshcha paramANavaH || 4||
tathA tvayi sthitaM brahma jagachchedamasheShataH |
o~NkArAkSharasaMsthAnaM yattu devi ! sthirAsthiram || 5||
tatra mAtrAtrayaM sarvamasti yaddevi nAsti cha |
trayo lokAstrayo vedAstraividyaM pAvakatrayam || 6||
trINi jyotIMShi varNAshcha trayo dharmAgamAstathA |
trayo guNAstrayaH shabdastrayo vedAstathAshramAH || 7||
trayaH kAlAstathAvasthAH pitaro.aharnishAdayaH |
etanmAtrAtrayaM devi ! tava rUpaM sarasvati || 8||
vibhinnadarshinAmAdyA brahmaNo hi sanAtanAH |
somasaMsthA haviH saMsthAH pAkasaMsthAshcha sapta yAH || 9||
tAstvaduchchAraNAddevi ! kriyante brahmavAdibhiH |
anirdeshyaM tathA chAnyadardhamAtrAnvitaM param || 10||
avikAryakShayaM divyaM pariNAmavivarjitam |
tavaitatparamaM rUpaM yanna shakyaM mayoditum || 11||
na chAsye na cha tajjihvA tAmroShThAdibhiruchyate |
indro.api vasavo brahmA chandrArkau jyotireva cha || 12||
vishvAvAsaM vishvarUpaM vishveshaM parameshvaram |
sA~NkhyavedAntavAdoktaM bahushAkhAsthirIkR^itam || 13||
anAdimadhyanidhanaM sadasanna sadeva yat |
ekantvanekaM nApyekaM bhavabhedasamAshraitam || 14||
anAkhyaM ShaDguNAkhya~ncha vargAkhyaM triguNAshrayam |
nAnAshaktimatAmekaM shaktivaibhavikaM param || 15||
sukhAsukhaM mahAsaukhyarUpaM tvayi vibhAvyate |
evaM devi ! tvayA vyAptaM sakalaM niShkala~ncha yat |
advaitAvasthitaM brahma yachcha dvaite vyavasthitam || 16||
ye.arthA nityA ye vinashyanti chAnye
     ye vA sthUlA ye cha sUkShmAtisUkShmAH |
ye vA bhUmau ye.antarIkShe.anyato vA
     teShAM teShAM tvatta evopalabdhiH || 17||
yachchAmUrtaM yachcha mUrtaM samastaM
     yadvA bhUteShvekameka~ncha ki~nchit |
yaddivyasti kShmAtale khe.anyato vA
     tvatsambaddhaM tvatsvarairvya~njanaishcha || 18||

iti shrImArkaNDeyapurANe trayoviMsho.adhyAyAntaragataM mahAsarasvatIstavaM sampUrNam |

shrImArkaNDeyapurANe madAlasopAkhyAne kuvalayAshvapAtAlagamanaMnAma

##
Markandeya Purana adhyAya 23, verses 30-47
Proofread by Lalitha Parameswari parameswari.lalitha at gmail.com
Venkata Sujatha Yellapragada sujathayv1968 at gmail.com, NA

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}