% Text title : mahAtripurasundarIsahasranAmastotra % File name : mahAtripurasundarIsahasranAmastotra.itx % Category : sahasranAma, devii, dashamahAvidyA, stotra, devI % Location : doc\_devii % Transliterated by : Muktabodha.org % Proofread by : Muktabodha.org, DPD % Description-comments : From Shaktapramoda kAlyAdidashamahAvidyAtantrAtmakaH % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : October 2, 2014, May 5, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Mahatripurasundari Sahasranamastotram ..}## \itxtitle{.. shrImahAtripurasundarIsahasranAmastotram ..}##\endtitles ## atha shrImahAtripurasundarIsahasranAmastotram | kailAsashikhare ramye nAnAratnopashobhite | kalpapAdapamadhyasthe nAnApuShpopashobhite | maNimaNDapamadhyasthe munigandharvasevite | ta~NkashchitsukhamAsInambhagavanta~njagadgurum || kapAlakhaTvA~Ngadhara~nchandrArddhakR^itashekharam | trishUlaDamarUhastamahAvR^iShabhavAhanam || jaTAjUTadharandevavAsukIkaNThabhUShaNam | vibhUtibhUShaNandevannIlakaNThantrilochanam || dvIpicharmaparIdhAnaM shuddhasphaTikasannibham | sahasrAdityasa~NkAsha~NgirijArddhA~NgabhUShaNam || praNamya shirasA nAtha~NkAraNavishvarUpiNam | kR^itA~njalipuTo bhUtvA prAhainaM shikhivAhanaH || kArtikeya uvAcha \- devadeva jagannAtha sR^iShTisthitilayAtmaka | tvameva paramAtmA cha tva~NgatiH sarvadehinAm || tvaM gatissarvalokAnAndInAnA~ncha tvameva hi | tvameva jagadAdhArastvameSha vishvakAraNaH || tvameva pUjyassarveShAntvadanyo nAsti me gatiH | ki~NguhyamparamaM loke kimekaM sarvasiddhidam || kimekamparamaM shreShTha~Nki yogaM svargamokShadam | vinA tIrthena tapasA vinA dAnairvinA makhaiH || vinA layena dhyAnena naraH siddhimavApnuyAt | kasmAdutpadyate sR^iShTiH kasmiMshcha pralayo bhavet || kasmAduttIryate deva saMsArArNavasa~NkaTAt | tadahaM shrotumichChAmi kathayasva maheshvara || Ishvara uvAcha \- sAdhu sAdhu tvayA pR^iShTampArvatIpriyanandana | asti guhyatamamputra kathayiShyAmyasaMshayam || sattvaM rajastamashchaiva ye chAnye mahadAdayaH | ye chAnye bahavo bhUtAH sarvaprakR^itisambhavAH || saiva devI parAshaktirmahAtripurasundarI | saiva prasUyate vishvavishvaM saiva prayAsyati || saiva saMharate vishva~njagadetachcharAcharam | AdhArassarvabhUtAnAM saiva rogArtihAriNI || ichChAj~nAnakriyAshaktirbahmaviShNushivAdayaH | tridhA shaktisvarUpeNa sR^iShTisthitivinAshinI | sR^ijyate brahmarUpeNa viShNurUpeNa pAlyate | saMharedrudrarUpeNa jagadetachcharAcharam || yasyA yonau jagatsarvamadyApi parivartate | yasyAmpralIyate chAnte yasyA~ncha jAyate punaH | yAM samArAdhya trailokyaM samprAptampadamuttamam | tasyA nAma sahasrantu kathayAmi shR^iNuShva tat || OM asya shrImahAtripurasundarIsahasranAmastotramantrasya shrIbhagavAndakShiNAmUrtirR^iShiH jagatIchChandaH samastaprakaTaguptasampradAyakulakaulottIrNanirgarbharahasyAchintyaprabhA vatI devatA ombIjam || mAyAshaktiH kAmarAjabIjakIlakam jIvo bIjam suShumnA nADI sarasvatI shaktirdharmArthakAmamokShArthe jape viniyogaH || AdhAre taruNArkabimbaruchiraM hemaprabhamvAgbhavam\- bIjaM manmathamindragopasadR^ishaM hR^itpa~Nkaje saMsthitam || viShNubrahmapadasthashaktikalitaM somaprabhAbhAsura ye dhyAyanti padatrayantava shive te yAnti saukhyampadam || kalyANI kamalA kAlI karAlI kAmarUpiNI | kAmAkhyA kAmadA kAmyA kAmanA kAmachAriNI || kAlarAtrirmahArAtriH kapAlI kAlarUpiNI | kaumArI karuNAmuktiH kalikalmaShanAshinI || kAtyAyanI karAdhArA kaumudI kamalapriyA | kIrtidA buddhidA medhA nItij~nA nItivatsalA || mAheshvarI mahAmAyA mahAtejA maheshvarI | mahAjihvA mahAghorA mahAdaMShTrA mahAbhujA || mahAmohAndhakAraghnI mahAmokShapradAyinI | mahAdAridryanAshA cha mahAshatruvimarddinI || mahAmAyA mahAvIryA mahApAtakanAshinI | mahAmakhA mantramayI maNipUrakavAsinI || mAnasI mAnadA mAnyA manashchakShU raNecharA | gaNamAtA cha gAyatrI gaNagandharvasevitA || girijA girishA sAdhvI giristhA girivallabhA | chaNDeshvarI chaNDarUpA prachaNDA chaNDamAlinI || charvikA charchikAkArA chaNDikA chArurUpiNI | yaj~neshvarI yaj~narUpA japayaj~naparAyaNA || yaj~namAtA yaj~nabhoktrI yaj~neshI yaj~nasambhavA | siddhayaj~nakriyAsiddhiryaj~nA~NgI yaj~narakShikA || yaj~nakriyA yaj~narUpA yaj~nA~NgI yaj~narakShikA | yaj~nakriyA cha yaj~nA cha yaj~nAyaj~nakriyAlayA || jAlandharI jaganmAtA jAtavedA jagatpriyA | jitendriyA jitakrodhA jananI janmadAyinI || ga~NgA godAvarI chaiva gomatI cha shatadrukA | ghargharA vedagarbhA cha rechikA samavAsinI || sindhurmandAkinI kShiprA yamunA cha sarasvatI | bhadrA rAgavipAshA cha gaNDakI vindhyavAsinI || narmadA sindhu kAverI vetravatyA sukaushikI | mahendratanayA chaiva ahalyA charmakAvatI || ayodhyA mathurA mAyA kAshI kA~nchI avantikA | purI dvArAvatI tIrthA mahAkilbiShanAshinIi || padminI padmamadhyasthA padmaki~njalkavAsinI | padmavaktrA chakorAkShI padmasthA padmasambhavA || hrI~NkArI kuNDalIdhArI hR^itpadmasthA sulochanA | shrI~NkArIbhUShaNA lakShmIH klI~NkArI kleshanAshinI || harivaktrodbhavA shAntA harivaktrakR^itAlayA | harivaktrodbhavA shAntA harivakShasthalasthitA || vaiShNavI viShNurUpA cha viShNumAtR^isvarUpiNI | viShNumAyA vishAlAkShI vishAlanayanojjvalA || vishveshvarI cha vishvAtmA vishveshI vishvarUpiNI | vishveshvarI shivArAdhyA shivanAthA shivapriyA || shivamAtA shivAkhyA cha shivadA shivarUpiNI | bhaveshvarI bhavArAdhyA bhaveshI bhavanAyikA || bhavamAtA bhavagamyA bhavakaNTakanAshinI | bhavapriyA bhavAnandA bhavAnI bhavamohinI || gAyatrI chaiva sAvitrI brahmANI brahmarUpiNI | brahmeshI brahmadA brahmA brahmANI brahmavAdinI || durgasthA durgarUpA cha durgA durgArtinAshinI | sugamA durgamA dAntA dayA dogdhrI durApahA || duritaghnI durAdhyakShA durA duShkR^itanAshinI | pa~nchAsyA pa~nchamI pUrNA pUrNapIThanivAsinI || sattvasthA sattvarUpA cha sattvasthA sattvasambhavA | rajassthA cha rajorUpA rajoguNasamudbhavA || tamassthA cha tamorUpA tAmasI tAmasapriyA | tamoguNasamudbhUtA sAttvikI rAjasI kalA || kAShThA muhUrtA nimiShA animeShA tataH param | arddhamAsA cha mAsA cha sa.NvatsarasvarUpiNI || yogasthA yogarUpA cha kalpasthA kalparUpiNI | nAnAratnavichitrA~NgI nAnAbharaNamaNDitA || vishvAtmikA vishvamAtA vishvapAshavinAshinI | vishvAsakAriNI vishvA vishvashaktivichAraNA || yavAkusumasa~NkAshA dADimIkusumopamA | chatura~NgI chaturbAhushchaturAchAravAsinI || sarveshI sarvadA sarvA sarvadA sarvadAyinI | mAheshvarI cha sarvAdyA sharvANI sarvama~NgalA || nalinI nandinI nandA AnandA nandavarddhinI | vyApinI sarvabhUteShu shavabhAravinAshinI || sarvashR^i~NgAraveShADhyA pAshA~NkushakarodyatA | sUryakoTisahasrAbhA chandrakoTinibhAnanA || gaNeshakoTilAvaNyA viShNukoTyarimardinI | dAvAgnikoTinalinI rudrakoTyugrarUpiNI || samudrakoTigambhIrA vAyukoTimahAbalA | AkAshakoTivistArA yamakoTibhaya~NkarI || merukoTisamuchChrAyA gaNakoTisamR^iddhidA | niShkastokA nirAdhArA nirguNA guNavarjitA || ashokA shokarahitA tApatrayavivarjitA | vasiShThA vishvajananI vishvAkhyA vishvavarddhinI | chitrA vichitrachitrA~NgI hetugarbhA kuleshvarI | ichChAshaktirj~nAnashaktiH kriyAshaktiH shuchismitA || shuchiH smR^itimayI satyA shrutirUpA shrutipriyA | mahAsattvamayI sattvA pa~nchatattvoparisthitA || pArvatI himavatputrI pArasthA pArarUpiNI | jayantI bhadrakAlI cha ahalyA kulanAyikA || bhUtadhAtrI cha bhUteshI bhUtasthA bhUtabhAvanA | mahAkuNDalinI shaktirmahAvibhavavarddhinI || haMsAkShI haMsarUpA cha haMsasthA haMsarUpiNI | somasUryAgnimadhyasthA maNimaNDalavAsinI || dvAdashArasarojasthA sUryamaNDalavAsinI | akala~NkA shashA~NkAbhA ShoDashAranivAsinI || DAkinI rAkinI chaiva lAkinI kAkinI tathA | shAkinI hAkinI chaiva ShaTchakreShu nivAsinI || sR^iShTisthitivinAshAya sR^iShTisthityantakAriNI | shrIkaNThapriyahR^itkaNThA nandAkhyA bindumAlinI || chatuShShaShTikalAdhArA dehadaNDasamAshritA | mAyA kAlI dhR^itirmedhA kShudhA tuShTirmahAdyutiH || hi~NgulA ma~NgalA sItA suShumnAmadhyagAminI | paraghorA karAlAkShI vijayA jayadAyinI || hR^itpadmanilayA bhImamahAbhairavanAdinI | AkAshali~NgasambhUtA bhuvanodyAnavAsinI || mahatsUkShmA cha ka~NkAlI bhImarUpA mahAbalA | menakAgarbhasambhUtA taptakA~nchanasannibhA || antarasthA kUTabIjA trikUTAchalavAsinI | varNAkhyA varNarahitA pa~nchAshadvarNabhedinI || vidyAdharI lokadhAtrI apsarA apsaraH priyA | dIkShA dAkShAyaNI dakShA dakShayaj~navinAshinI || yashaH pUrNA yashodA cha yashodAgarbhasambhavA | devakI devamAtA cha rAdhikA kR^iShNavallabhA || arundhatI shachIndrANI gAndhArI gandhamAlinI | dhyAnAtItA dhyAnagamyA dhyAnaj~nA dhyAnadhAriNI || lambodarI cha lamboShThI jAmbavantI jalodarI | mahodarI muktakeshI muktakAmArthasiddhidA || tapasvinI taponiShThA suparNA dharmavAsinI | vANachApadharA dhIrA pA~nchAlI pa~nchamapriyA || guhyA~NgI cha subhImA cha guhyatattvA nira~njanA | asharIrA sharIrasthA saMsArArNavatAriNI || amR^itA niShkalA bhadrA sakalA kR^iShNapi~NgalA | chakrapriyA cha chakrAhvA pa~nchachakrAdidAriNI || padmarAgapratIkAshA nirmalAkAshasannibhA | adhaHsthA UrddhvarUpA cha UrddhvapadmanivAsinI || kAryakAraNa kartR^itve shashvadrUpeShu saMsthitA | rasaj~nA rasamadhyasthA gandhasthA gandharUpiNI || prabrahmasvarUpA cha parabrahmanivAsinI | shabdabrahmasvarUpA cha shabdasthA shabdavarjitA || siddhirbuddhiH parAbuddhiH sandIptirmadhyasaMsthitA | svaguhyA shAmbhavIshaktistattvasthA tattvarUpiNI || shAshvatI bhUtamAtA cha mahAbhUtAdhipapriyA | shuchipretA dharmasiddhirdharmavR^iddhiH parAjitA || kAmasandIpiNI kAmA sadA kautUhalapriyA | jaTAjUTadharA muktA sUkShmA shaktivibhUShaNA || dvIpicharmaparIdhAnA chIravalkaladhAriNI | trishUlaDamarudharA naramAlAvibhUShaNA || atyugrarUpiNI chogrA kalpAntadahanopamA | trailokyasAdhinI sAdhyA siddhisAdhakavatsalA || sarvavidyAmayI sArA chAsurANAvinAshinI | damanI dAmanI dAntA dayA dogdhrI durApahA || agnijihvopamA ghorA ghoraghoratarAnanA | nArAyaNI nArasiMhI nR^isiMhahR^idayesthitA || yogeshvarI yogarUpA yogamAtA cha yoginI | khecharI khacharI khelA nirvANapadasaMshrayA || nAginI nAgakanyA cha suveshA nAganAyikA | viShajvAlAvatI dIptA kalAshatavibhUShaNA || tIvravaktrA mahAvaktrA nAgakoTitvadhAriNI | mahAsattvA cha dharmaj~nA dharmAtisukhadAyinI || kR^iShNamUrddhA mahAmUrddhA ghoramUrddhA varAnanA | sarvendriyamanonmattA sarvendriyamanomayI || sarvasa~NgrAmajayadA sarvapraharaNodyatA | sarvapIDopashamanI sarvAriShTanivAriNI || sarvaishvaryasamutpannA sarvagrahavinAshinI | mAta~NgI mattamAta~NgI mAta~NgIpriyamaNDalA || amR^itodadhimadhyasthA kaTisUtrairala~NkR^itA | amR^itodadhimadhyasthA pravAlavasanAmbujA || maNimaNDalamadhyasthA IShatprahasitAnanA | kumudA lalitA lolA lAkShA lohitalochanA || digvAsA devadUtI cha devadevAdhidevatA | siMhoparisamArUDhA himAchalanivAsinI || aTTATTahAsinI ghorA ghoradaityavinAshinI | atyugraraktavastrAbhA nAgakeyUramaNDitA || muktAhAralatopetA tu~NgapInapayodharA | raktotpaladalAkArA madAghUrNitalochanA || samastadevatAmUrtiH surArikShayakAriNI | khaDginI shUlahastA cha chakriNI chakramAlinI || sha~NkhinI chApinI vANI vajriNI vajradaNDinI | AnandodadhimadhyasthA kaTisUtrairala~NkR^itA || nAnAbharaNadIptA~NgA nAnAmaNivibhUShitA | jagadAnandasambhUtA chintAmaNiguNAnvitA || trailokyanamitA turyA chinmayAnandarUpiNI | trailokyanandinI devI duHkhasussvapnanAshinI || ghorAgnidAhashamanI rAjyadevArthasAdhinI | mahAparAdharAshighnI mahAchaurabhayApahA || rAgAdidoSharahitA jarAmaraNavarjitA | chandramaNDalamadhyasthA pIyUShArNavasambhavA || sarvadevaiH stutA devI sarvasiddhairnnamaskR^itA | achintyashaktirUpA cha maNimantramahauShadhI || astisvastimayI bAlA malayAchalavAsinI | dhAtrI vidhAtrI saMhArI ratij~nA ratidAyinI || rudrANI rudrarUpA cha rudraraudrArttinAshinI | sarvaj~nA chaiva dharmaj~nA rasaj~nA dInavatsalA || anAhatA trinayanA nirbhArA nirvR^itiH parA | parAghorA karAlAkShI sumatI shreShThadAyinI || mantrAlikA mantragamyA mantramAlA sumantriNI | shraddhAnandA mahAbhadrA nirdvandvA nirguNAtmikA || dhariNI dhAriNI pR^ithvI dharA dhAtrI vasundharA | merumandaramadhyasthAsthitiH sha~NkaravallabhA || shrImatI shrImayI shreShThA shrIkarI bhAvabhAvinI | shrIdA shrImA shrInivAsA shrImatI shrImatA~NgatiH || umA sAra~NgiNI kR^iShNA kuTilA kuTilAlakA | trilochanA trilokAtmA puNyapuNyA prakIrtitA || amR^itA satyasa~NkalpA sAsatyA granthibhedinI | pareshI paramA sAdhyA parAvidyA parAtparA || sundarA~NgI suvarNAbhA surAsuranamaskR^itA | prajA prajAvatI dhanyA dhanadhAnyasamR^iddhidA || IshAnI bhuvaneshAnI bhavAnI bhuvaneshvarI | anantAnatamahitA jagatsArA jagadbhavA || achintyAtmA chintyashaktishchintyAchintyasvarUpiNI | j~nAnagamyA j~nAnamUrtirj~nAninI j~nAnashAlinI || asitA ghorarUpA cha sudhAdhArA sudhAvahA | bhAskarI bhAsvatI bhItirbhAsvadakShAnushAyinI || anasUyA kShamA lajjA durlabhA bharaNAtmikA | vishvaghnI vishvavIrA cha vishvaghnI vishvasaMsthitA || shIlasthA shIlarUpA cha shIlA shIlapradAyinI | bodhanI bodhakushalA rodhanI bodhanI tathA || vidyotinI vichitrAtmA vidyutpaTalasannibhA | vishvayonirmahAyoniH karmayoniH priyAtmikA || rohiNI rogashamanI mahArogajvarApahA | rasadA puShTidA puShTirmAnadA mAnavapriyA || kR^iShNA~NgavAhinI kR^iShNA kR^iShNAkR^iShNasahodarI | shAmbhavI shambhurUpA cha shambhusthA shambhusambhavA || vishvodarI yogamAtA yogamudrAdhnayoginI | vAgIshvarI yoganidrA yoginIkoTisevitA || kaulikA mandakanyA cha shR^i~NgArapIThavAsinI | kShema~NkarI sarvarUpA divyarUpA digambarI || dhUmravaktrA dhUmranetrA dhUmrakeshI cha dhUsarA | pinAkI rudravetAlI mahAvetAlarUpiNI || tapinI tApinI dIkShA viShNuvidyAtmanAshrItA | mantharA jaTharA tIvrA agnijihvA bhayApahA || pashughnI pashurUpA cha pashuhA pashubAhinI | pItA mAtA cha dhIrA cha pashupAshavinAshinI || chandraprabhA chandrarekhA chandrakAntivibhUShiNI | ku~NkumA~NkitasarvA~NgI sudhAsadgurulochanA || shuklAmbaradharA devI vINApustakadhAriNI | airAvatapadmadhArA shvetapadmAsanasthitA || raktAmbaradharA devI raktapadmavilochanA | dustarA tAriNI tArA taruNI tArarUpiNI || sudhAdhArA cha dharmaj~nA dharmasa~NgopadeshinI | bhageshvarI bhagArAdhyA bhaginI bhaganAyikA || bhagabimbA bhagaklinnA bhagayonirbhagapradA | bhageshvarI bhagArAdhyA bhaginI bhaganAyakA || bhageshI bhagarUpA cha bhagaguhyA bhagAvahA | bhagodarI bhagAnandA bhagasthA bhagashAlinI || sarvasa~NkShobhiNI shaktissarvavidrAviNI tathA | mAlinI mAdhavI mAdhvI madhurUpA mahotkaTA || bharuNDachandrikA jyotsnA vishvachakShustamopahA | suprasannA mahAdUtI yamadUtI bhaya~NkarI || unmAdinI mahArUpA divyarUpA surArchitA | chaitanyarUpiNI nityA klinnA kAmamadoddhatA || madirAnandakaivalyA madirAkShI madAlasA | siddheshvarI siddhavidyA siddhAdyA siddhasambhavA || siddharddhiH siddhamAtA cha siddhissarvArthasiddhidA | manomayI guNAtItA para~njyotiHsvarUpiNI || pareshI paragA pArA parAsiddhiH parAgatiH | vimalA mohinI AdyA madhupAnaparAyaNA || vedavedA~NgajananI sarvashAstravishAradA | sarvadevamayI vidyA sarvashAstramayI tathA || sarvaj~nAnamayI devI sarvadharmamayIshvarI | sarvayaj~namayI yaj~nA sarvamantrAdhikAriNI || sarvasampatpratiShThAtrI sarvavidrAviNI parA | sarvasa~NkShobhiNI devI sarvama~NgalakAriNI || trailokyAkarShiNI devI sarvAhlAdanakAriNI | sarvasammohinI devI sarvastambhanakAriNI || trailokyajR^imbhiNI devI tathA sarvavasha~NkarI | trailokyara~njinI devI sarvasampattidAyinI | sarvamantramayI devI sarvadvandvakShaya~NkarI || sarvasiddhipradA devI sarvasampatpradAyinI | sarvapriyakarI devI sarvama~NgalakAriNI || sarvakAmapradA devI sarvaduHkhavimochinI | sarvamR^ityuprashamanI sarvavighnavinAshinI || sarvA~NgasundarI mAtA sarvasaubhAgyadAyinI | sarvaj~nA sarvashaktishcha sarvaishvaryaphalapradA || sarvaj~nAnamayI devI sarvavyAdhivinAshinI | sarvAdhArasvarUpA cha sarvapApaharA tathA || sarvAnandamayI devI sarvekShAyAHsvarUpiNI | sarvalakShmImayI vidyA sarvepsitaphalapradA || sarvAriShTaprashamanI paramAnandadAyinI | trikoNanilayA tristhA trimAtrA tritanusthitA || triveNI tripathA tristhA trimUrtistripureshvarI | tridhAmnI tridashAdhyakShA trivittripuravAsinI || trayIvidyA cha trishirA trailokyA cha tripuShkarA | trikoTarasthA trividhA tripurA tripurAtmikA || tripurAshrI trijananI tripurA tripurasundarI | idantripurasundaryAH stotrannAma sahasrakam || guhyAdguhyataramputra tava prItyai prakIrtitam | gopanIyamprayatnena paThanIyamprayatnataH || nAtaH paratarampuNyannAtaH paratarantapaH | nAtaH parataraM stotrannAtaH paratarA gatiH || stotraM sahasranAmAkhyaM mama vaktrAdvinirgatam | yaH paThetprayato bhaktyA shR^iNuyAdvA samAhitaH || mokShArthI labhate mokShaM svargArthI svargamApnuyAt | kAmAMshcha prApnuyAtkAmI dhanArthI cha labheddhanam || vidyArthI labhate vidyAyashorthI labhate yashaH | kanyArthI labhate kanyAM sutArthI labhate sutam || gurviNI janayetputra~NkanyA vindati satpatim | mUrkho.api labhate shAstraM hIno.api labhate gatim || sa~NkrAntyAvArkAmAvasyAmaShTamyA~ncha visheShataH | paurNamAsyA~nchaturddashyAnnavamyAmbhaumavAsare || paThedvA pAThayedvApi shR^iNuyAdvA samAhitaH | sa muktassarvapApebhyaH kAmeshvarasamo bhavet || lakShmIvAndharmavAMshchaiva vallabhassarvayoShitAm | tasya vashyambhavedAshu trailokyaM sacharAcharam || rudrandR^iShTvA yathA devA viShNundR^iShTvA cha dAnavAH | yathAhirgaruDandR^iShTvA siMhandR^iShTvA yathA gajAH | kITavatprapalAyante tasya vaktrAvalokanAt | agnichaurabhayantasya kadAchinnaiva sambhavet || pAtakA vividhAH shAntirmeruparvatasannibhAH | yasmAttachChR^iNuyAdvighnAMstR^iNavahnihutayyathA || ekadA paThanAdeva sarvapApakShayo bhavet | dashadhA paThanAdeva vAchA siddhiH prajAyate || shatadhA paThanAdvApi khecharo jAyate naraH | sahasradashasa~NkhyAtayaH paThedbhaktimAnasaH || mAtAsya jagatAndhAtrI pratyakShA bhavati dhruvam | lakShapUrNe yathA putra stotrarAjampaThetsudhIH || bhavapAshavinirmukto mama tulyo na saMshayaH | sarvatIrtheShu yatpuNyaM sakR^ijjaptvA labhennaraH || sarvavedeShu yatproktantatphalamparikIrtitam | bhUtvA cha balavAnputra dhanavAnsarvasampadaH || dehAnte paramaM sthAnayatsurairapi durlabham | sa yAsyati na sandehaH stavarAjasya kIrtanAt || iti shrIvAmakeshvaratantre harakumArasa.NvAde mahAtripurasundaryAH ShoDashyAH sahasranAmastotraM samAptam || ## \medskip\hrule\medskip The original text is from Muktabodha Indological Research Institute www.muktabodha.org. Data-entered by the staff of Muktabodha under the direction of Mark S. G. Dyczkowski. Reprint of edition published in 1892. Revision 0 february 9, 2009 Publisher : Shrivenkateshvara press Publication year : 1949 Reproofread by DPD Corrected the regional influence associated with doubling of letters such as k, g, j, t, y, l, v, etc. \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}