% Text title            : Shri Mahavidya Vaishnavi Kavachastotram
% File name             : mahAvidyAvaiShNavIkavachastotram.itx
% Category              : devii, dashamahAvidyA, kavacha
% Location              : doc\_devii
% Latest update         : August 10, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mahavidya Vaishnavi Kavachastotram ..}##
\itxtitle{.. shrImahAvidyA vaiShNavI kavachastotram ..}##\endtitles ##
shrIbhagavAnuvAcha\-
asya mantrasya kavachaM shR^iNu vetAlabhairava |
vaiShNavItantrasa.nj~nasya vaiShNavyAshcha visheShataH || 1||
tatra mantrAdyakSharaM tu vAsudevasvarUpadhR^ik |
varNo dvitIyo brahmaiva tR^itIyashchandrashekharaH || 2||
chaturtho gajavaktrashcha pa~nchamastu divAkaraH |
shaktiH svayaM pakArashcha mahAmAyA jaganmayI || 3||
yakArastu mahAlakShmIH sheShavarNaH sarasvatI |
yoginI pUrvavarNasya shailaputrI prakIrtitA || 4||
dvitIyasya tu varNasya chaNDikA yoginI matA |
chaNDaghaNTA tR^itIyasya kUShmANDA tatparasya cha || 5||
skandamAtA takArasya pasya kAtyAyanI svayam |
kAlarAtriH saptamasya mahAdevIti saMsthitA || 6||
prathamaM varNakavachaM yoginIkavachaM tathA |
devaughakavachaM pashchAddevIdikkavachaM tathA || 7||
tatastu pArshvakavachaM dvitIyAntAvyayasya cha |
kavachaM tu tataH pashchAt ShaDvarNakavachaM tathA || 8||
abhedyakavachaM cheti sarvatrANaparAyaNam |
imAni kavachAnyaShTau yo jAnAti narottamaH |
so.ahameva mahAdevo devIrUpashcha shaktimAn || 9||

OM asya shrIvaiShNavIkavachastotramahAmantrasya nArAyaNa R^iShiH |
anuShTup ChandaH | shrImahAvidyA vaiShNavIkAtyAyanI devatA |
sarvArthasAdhane jape viniyogaH ||
aH pAtu pUrvakAShThAyAmAgneyyAM pAtu kaH sadA |
pAtu cho yamakAShThAyANTo nairR^ityAM cha sarvadA || 10||
mAM pAtu to.asau pAshchAtye shaktirvAyavyadiggatA |
mUrdhni rakShatu mAM so.asau bAhau mAM dakShiNe tu kaH |
mAM vAmabAhau cha pAtu hR^idi to mAM sadAvatu || 11||
taH pAtu kaNThadeshe mAM kaTyoH shaktistathAvatu |
yaH pAtu dakShiNe pAde sho mAM vAmapade tathA || 12||
shailaputrI tu pUrvasyAMAgneyyAM pAtu chaNDikA |
chaNDAghaNTA pAtu yAmyAM yamabhItivimardinI || 13||
nairR^itye tvatha kUShmANDA pAtu mAM jagatAM prasUH |
skandamAtA pashchimAyAM mAM rakShatu sadaiva hi || 14||
kAtyAyanI mAM vAyavye pAtu lokeshvarI sadA |
kAlarAtrI tu kauberyAM sadA rakShatu mAM svayam || 15||
mahAgaurI tatheshAnyAM satataM pAtu pAvanI |
netrayorvAsudevo mAM pAtu nityaM sanAtanaH || 16||
brahmA mAM pAtu vadane padmayonirayonijaH |
nAsAbhAge rakShatu mAM sarvadA chandrashekharaH || 17||
gajavaktraH stanyayugme pAtu nityaM harAtmajaH |
vAmadakShiNapANyormAM nityaM pAtu divAkaraH || 18||
mahAmAyA svayaM nAbhau mAM pAtu parameshvarI |
mahAlakShmIH pAtu guhye jAnunI tu sarasvatI || 19||
mahAmAyA pUrvabhAge nityaM rakShatu mAMshubhA |
agnijvAlA tathAgneyyAM pAyAnnityaM varAsanI || 20||
rudrANI pAtu mAM yAmyAM nairR^ityAM chaNDanAyikA |
ugrachaNDA pashchimAyAM pAtu nityaM maheshvarI || 21||
prachaNDA pAtu vAyavye kauberyAM ghorarUpiNI |
IshvarI cha tathaishAnyAM pAtu nityaM sanAtanI || 22||
Urdhve pAtu mahAmAyA pAtvadhaH parameshvarI |
agrataH pAtu mAmugrA pR^iShThato vaiShNavI tathA || 23||
brahmANI dakShiNe pArshve nityaM rakShatu shobhanA |
kaumArI parvate pAtu vArAhI salile cha mAm || 24||
nArasiMhI daMShTribhaye pAtu mAM vipineShu cha |
aindrI mAM pAtu chAkAshe tathA sarvajale sthale || 25||
setuH sarvA~NgulIH pAtu devAdiH pAtu karNayoH |
devAntashchibuke pAtu pArshvayoH shaktipa~nchamaH || 26||
hA pAtu mAM tathairvorvormAyA rakShatu ja~NghayoH |
sarvendriyANi me pAtu romakUpeShu sarvadA || 27||
tvachi mAM vai sadA pAtu mAMshambhuH pAtu sarvadA |
nakhadantakaroShThAdau yo mAM pAtu sadaiva hi || 28||
devAdiH pAtu mAM hastau devAntaH stanakakShayoH |
etadAdau tu yaH seturbAhye mAM pAtu dehataH || 29||
Aj~nAchakre suShumnAyAMShaTchakre hR^idisandhiShu |
AdiShoDashachakre cha lalATAkAsha eva cha || 30||
vaiShNavItantramantrashcha mAM nityaM rakShatAtsadA |
karNanADIShu sarvAsu pArshvakakShashikhAsu cha || 31||
rudhirasnAyumajjAsu mastiShkeShu cha parvasu |
dvitIyAShTAkSharo mantraH kavachaM pAtu sarvataH || 32||
reto vAyau nAbhirandhre pR^iShThasandhiShu sarvataH |
ShaDakSharastR^itIyo.ayaM mantro mAM pAtu sarvadA || 33||
nAsArandhre mahAmAyA kaNTharandhre tu vaiShNavI |
sarvasandhiShu mAM pAtu durgA durgArtihAriNI || 34||
shrotrayorhuM phaDityevaM nityaM rakShatu kAlikA |
netrabIjatrayaM netre sadA tiShThatu rakShitum || 35||
OM aiM hrIM hrauM nAsikAyAM rakShantI chAstu chaNDikA |
OM hrIM hrUM mAM sadA tArA jihvamUle tu tiShThatu || 36||
hR^idi tiShThatu me seturj~nAnaM rakShitumuttamam |
OM kShauM phaT cha mahAmArI pAtu mAM sarvataH sadA || 37||
OM jUM saH kaushikI mAM prANan rakShatu rakShitA |
OM hrIM hrUM mAM bhargadayitA dehashUnyeShu pAtu mAm || 38||
OM maH sadAshailaputrI sarvAnogrAn pramR^ijyatAm |
OM hrIM saH spheM kShaH phaDastrAya siMhavyAghrabhayAdraNAt || 39||
shivadUtI pAtu nityaM hrIM sarvAstreShu tiShThatu |
OM hrAM hrIM saH chaNDaghaNTA karNaChidreShu pAtu mAm || 40||
OM hrIM saH kAmeshvarI kAmAnabhitiShThatu rakShatu |
OM AM hUM phaT ugrachaNDA ripUn vighnAn vimardatAm || 41||
OM AM lAM pAtu mAM nityaM vaiShNavI jagadIshvarI |
OM kaM brahmANI pAtu chakrAt OM chaM rudrANI tu shaktitaH || 42||
OM TaM kaumArI pAtu vajrAt OM taM vArAhI tu kANDataH |
OM paM pAtu nArasiMhI mAM kravyAdebhyastathAstrataH || 43||
shastrAstrebhyaH samastebhyo yantrebhyo.aniShTamantrataH |
chaNDikA mAM sadA pAtu OM yaM saM devyai namo namaH || 44||
vishvAsaghAtakebhyo mAmaindrI rakShatu manmanaH |
OM namo mahAmAyAyai OM vaiShNavyai namo namaH |
rakSha mAM sarvabhUtebhyaH sarvatra parameshvarI || 45||
AdhAre vAyumArge hR^idi kamaladale chandravatsmerasUrye
     hastau vahnau samiddhe vishatu varadayAmantramaShTAkSharaM tat |
yadbrahmA mUrdhni dhatte hariravati gale chandrachUDo hR^idisthaM
     tanmAM pAtu pradhAnaM nikhilamatishayampradmagarbhAbhabIjam || 46||
AdyAH sheShAH svaraughairnamayabalavarairasvareNApi yuktaiH
     sAnusvArA visargairhariharaviditaM yatsahasraM cha sAShTam |
mantrANAM setubandhaM nivasati satataM vaiShNavItantramantre
     tanmAM pAyAtpavitraM paramavaramajambhUtalavyomabhAge || 47||
a~NgAnyaShTau tathAShTau vasava iha tathaivAShTamUrtirdalAni
     proktAnyaShTau tathAShTau madhumatirachitAH siddhayo.aShTau tathaiva |
aShTAvaShTAShTasa~NkhyA jagati ratikalAH kShiprakAShTA~NgayogA
     mayyaShTAvakSharANi kSharatu sahigaNo yaddhR^idoyastvamUShAm || 48||
phalashrutiH \-
iti tatkavachaM proktaM dharmakAmArthasAdhakam |
idaM rahasyaM paramamidaM sarvArthasAdhakam || 49||
yaH sakR^ichChR^iNuyAdetatkavachaM yanmayoditam |
sa sarvAn labhate kAmAn paratra shivarUpatAm || 50||
sakR^idyastu paThedetat kavachaM yanmayoditam |
sa sarvayaj~nasya phalaM labhate nAtra saMshayaH || 51||
sa~NgrAmeShu jayechChatrUn mata~NgAniva kesarI |
dahettR^iNaM yathA vahnistathAshatrUn dahetsadA || 52||
nAstrANi tasya shastrANi sharIre pravishanti vai |
na tasya jAyate vyAdhirna cha duHkhaM kadAchana || 53||
guTikA~njanapAtAlapAdaleparasA~njanam |
uchchATanAdyAstAH sarvAH prasIdanti cha siddhayaH || 54||
vAyoriva gatistasya bhavedanyairavAritA |
dIrghAyuH kAmabhogI cha dhanavAnabhijAyate || 55||
aShTamyAM saMyuto bhUtvA navamyAM vidhivachChivAm |
pUjayitvA vidhAnena vichintya manasAshivAm || 56||
yo nyaset kavachaM dehe tasya puNyaphalaMshR^iNu |
jitavyAdhiH shatAyushcha rUpavAn guNavAn sadA || 57||
dhanaratnaughasampUrNo vidyAvAn sa cha jAyate |
nAgnirdahati tatkAyaM nApaH sa~Nkledayanti cha || 58||
na shoShayati taM vAyuH kravyAttanna hinasti cha |
shastrANi nainaM Chindanti na tApayati bhAskaraH || 59||
na tasya jAyate vighno nAsti tasya cha sa~njvaraH |
vetAlAshcha pishAchAshcha rAkShasA gaNanAyakAH || 60||
sarve tasya vashaM yAnti bhUtagrAmAshchaturvidhAH |
nityaM paThati yo bhaktyA kavachaM haranirmitam || 61||
so.ahameva mahAdevo mahAmAyA cha mAtR^ikA |
dharmArthakAmamokShAshcha tasya nityaM kare sthitAH || 62||
anyasya varadaH so vai nityaM bhavati paNDitaH |
kavitvaM satyavAditvaM satataM tasya jAyate || 63||
vadet shlokasahasrANi bhavet shrutidharastathA |
likhitaM yasya gehe tu kavachaM bhairavasthitam || 64||
na tasya durgatiH kvApi jAyate tasya dUShaNam |
grahAshcha sarve tuShyanti vashaM gachChanti bhUmipAH || 65||
yadrAjye kavachaj~no.asti jAyante tatra netayaH |
seturdevaH shaktibIjaM pa~nchamo hAyane namaH || 66||
vAyurbalena chaitAyai dvitIyAShTAkSharaM tvidam |
seturdevo.atha vaiShNavyai ShaDakSharamidaM smR^itam || 67||
etaddvayaM tu jihvAgre satataM yasya vartate |
tasya devI mahAmAyA kAye tiShThati vai sadA || 68||
mantrANAM praNavaH setuH tatsetuH praNavaH smR^itaH |
kSharatyano~NkR^itaM pUrvaM parastAchcha vishIryate || 69||
namaskAro mahAmantro deva ityuchyate suraiH |
dvijAtInAmayaM mantraH shUdrANAM sarvakarmaNi || 70||
akAraM chApyukAraM cha makAraM cha prajApatiH |
vedatrayAtsamuddhR^itya praNavaM nirmame purA || 71||
sa udAtto dvijAtInAM rAj~nAM syAdanudAttakaH |
prachitashchorujAtAnAM manasApi tathA smaret || 72||
chaturdashasvaro yo.asau sheSha aukArasa.nj~nakaH |
sa chAnusvArachandrAbhyAMshUdrANAM seturuchyate || 73||
niHsetu cha yathA toyaM kShaNAnnimnaM prasarpati |
mantrastathaiva niHsetuH kShaNAt kSharati yajjvanAm || 74||
tasmAtsarvatra mantreShu chaturvarNA dvijAtayaH |
pArshvayoH setumAdAya japakarma samAcharet || 75||
shUdrANAmAdiseturvA dviH seturvA yathechChataH |
dviH setavaH samAkhyAtAH sarvadaiva dvijAtayaH || 76||
aurva uvAchaetatte sarvamAkhyAtaM kavachaM tryambakoditam |
abhedyaM kavachaM tattu kavachAShTakamuttamam || 77||
mahAmAyAmantrakalpaM kavachaM mantrasaMyutam |
ShaDakSharasamAyuktaM triShu lokeShu durlabham || 78||
ettatvaM nR^ipashArdUla nityaM bhaktiyutaH paThan |
japan mantraM cha vaiShNavyAH sarvasiddhimavApsyasi || 79||

iti shrImahAvidyA vaiShNavI kavachastotraM sampUrNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}