% Text title            : bhagavatIpadyapuShpA.njalistotra which includes Shri
% File name             : mahisha.itx
% Category              : devii, durgA, stotra, devI
% Location              : doc\_devii
% Author                : raamakRiShNa kavii
% Transliterated by     : Originally A.Hudli also by G. Ramkumar ramkumar at cs.stanford.edu
% Proofread by          : Sunder hattangadi
% Description-comments  : Mahishasuramardini Stotra 21 out of 30 verses, Needs proofreading
% Latest update         : October 29, 2002, October 6, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagavatipadyapushpanjalistotra Mahishasuramardini Stotra ..}##
\itxtitle{.. bhagavatIpadyapuShpA.njalistotraM athavA mahiShAsuramardinistotram ..}##\endtitles ##

shrI bhagavatyai namaH ||
bhagavati bhagavatpadapa~NkajaM bhramarabhUtasurAsurasevitam |
sujanamAnasaha.nsaparistutaM kamalayA.amalayA nibhR^itaM bhaje || 1||
te ubhe abhivande.ahaM vighneshakuladaivate |
naranAgAnanastveko narasi.nha namo.astute || 2||
harigurupadapadmaM shuddhapadme.anurAgAd\-
   vigataparamabhAge sannidhAyAdareNa |
tadanuchari karomi prItaye bhaktibhAjAM
   bhagavati padapadme padyapuShpA~njaliM te || 3||
kenaite rachitAH kuto na nihitAH shumbhAdayo durmadAH
   kenaite tava pAlitA iti hi tat prashne kimAchakShmahe |
brahmAdyA api sha.nkitAH svaviShaye yasyAH prasAdAvadhi
   prItA sA mahiShAsurapramathinI chChindyAdavadyAni me || 4||
pAtu shrIstu chaturbhujA kimu chaturbAhormahaujAnbhujAn
   dhatte.aShTAdashadhA hi kAraNaguNAH kArye guNArambhakAH |
satyaM dikpatidantisa.nkhyabhujabhR^ichChambhuH svaymbhUH svayaM
   dhAmaikapratipattaye kimathavA pAtuM dashAShTau dishaH || 5||
prItyA.aShTAdashasaMmiteShu yugapaddvIpeShu dAtuM varAn.h
   trAtuM vA bhayato bibharShi bhagavatyaShTAdashaitAn bhujAn |
yadvA.aShTAdashadhA bhujA.nstu bibhR^itaH kAlI sarasvatyubhe
   mIlitvaikamihAnayoH prathayituM sA tvaM rame rakSha mAm || 6||
ChandaH ..
ayi girina.ndini na.nditamedini vishvavinodini na.ndanute
girivaravi.ndhyashirodhinivAsini viShNuvilAsini jiShNunute .
bhagavati he shitikaNThakuTuMbini bhUrikuTuMbini bhUrikR^ite
jaya jaya he mahiShAsuramardini ramyakapardini shailasute .. 1.. || 7||
suravaravarShiNi durdharadharShiNi durmukhamarShiNi harSharate
tribhuvanapoShiNi sha.nkaratoShiNi kilbiShamoShiNi ghoSharate .
danujaniroShiNi ditisutaroShiNi durmadashoShiNi sindhusute
jaya jaya he mahiShAsuramardini ramyakapardini shailasute .. 2.. || 8||
ayi jagadaMba madaMba kadaMbavanapriyavAsini hAsarate
shikharishiromaNitu~NgahimAlayashR^i.nganijAlayamadhyagate .
madhumadhure madhukaiTabhaga.njini kaiTabhabha.njini rAsarate
jaya jaya he mahiShAsuramardini ramyakapardini shailasute .. 3.. || 9||
ayi shatakhaNDavikhaNDitaruNDavituNDitashuNDagajAdhipate
ripugajagaNDavidAraNachaNDaparAkramashuNDa mR^igAdhipate .
nijabhujadaNDanipAtitakhaNDavipAtitamuNDabhaTAdhipate
jaya jaya he mahiShAsuramardini ramyakapardini shailasute .. 4.. || 10||
ayi raNadurmadashatruvadhoditadurdharanirjarashaktibhR^ite
chaturavichAradhurINamahAshivadUtakR^itapramathAdhipate .
duritadurIhadurAshayadurmatidAnavadUtakR^itA.ntamate
jaya jaya he mahiShAsuramardini ramyakapardini shailasute .. 5.. || 11||
ayi sharaNAgatavairivadhUvaravIravarAbhayadAyakare
tribhuvanamastakashUlavirodhishirodhikR^itAmalashUlakare .
dumidumitAmaradu.ndubhinAdamahomukharIkR^itatigmakare
jaya jaya he mahiShAsuramardini ramyakapardini shailasute .. 6.. || 12||
ayi nijahu.NkR^itimAtranirAkR^itadhUmravilochanadhUmrashate
samaravishoShitashoNitabIjasamudbhavashoNitabIjalate .
shivashiva shuMbhanishuMbhamahAhavatarpitabhUtapishAcharate
jaya jaya he mahiShAsuramardini ramyakapardini shailasute .. 7.. || 13||
dhanuranusa.ngaraNakShaNasa.ngaparisphurada.nganaTatkaTake
kanakapisha.ngapR^iShatkaniSha.ngarasadbhaTashR^i.ngahatAvaTuke .
kR^itachatura~NgabalakShitira~NgaghaTadbahura~NgaraTadbaTuke
jaya jaya he mahiShAsuramardini ramyakapardini shailasute .. 8..|| 14||
suralalanAtatatheyitatheyitathAbhinayottaranR^ityarate
hAsavilAsahulAsamayi praNatArtajane.amitapremabhare .
dhimikiTadhikkaTadhikaTadhimidhvanighoramR^ida.nganinAdarate
jaya jaya he mahiShAsuramardini ramyakapardini shailasute .. 9.. || 15||
jaya jaya japyajaye jayashabdaparastutitatparavishvanute
jhaNajhaNajhi~njhimijhi.nkR^itanUpurasi.njitamohitabhUtapate .
naTitanaTArdhanaTInaTanAyakanATitanATyasugAnarate
jaya jaya he mahiShAsuramardini ramyakapardini shailasute .. 10.. || 16||
ayi sumanaHsumanaH sumanaH sumanaH sumanoharakA.ntiyute
shritarajanIrajanIrajanIrajanIrajanIkaravaktravR^ite .
sunayanavibhramarabhramarabhramarabhramarabhramarAdhipate
jaya jaya he mahiShAsuramardini ramyakapardini shailasute .. 11.. || 17||
sahitamahAhavamallamatallikamallitarallakamallarate
virachitavallikapallikamallikajhillikabhillikavargavR^ite .
sitakR^itaphullisamullasitAruNatallajapallavasallalite
jaya jaya he mahiShAsuramardini ramyakapardini shailasute .. 12.. || 18||
aviralagaNDagalanmadameduramattamata~NgajarAjapate
tribhuvanabhUShaNabhUtakalAnidhirUpapayonidhirAjasute .
ayi sudatI janalAlasamAnasamohanamanmatharAjasute
jaya jaya he mahiShAsuramardini ramyakapardini shailasute .. 13.. || 19||
kamaladalAmalakomalakA.ntikalAkalitAmalabhAlalate
sakalavilAsakalAnilayakramakelichalatkalaha.nsakule .
alikulasa~NkulakuvalayamaNDalamaulimiladbhakulAlikule
jaya jaya he mahiShAsuramardini ramyakapardini shailasute .. 14.. || 20||
karamuralIravavIjitakUjitalajjitakokilama~njumate
militapulindamanoharagu~njitara~njitashailaniku~njagate .
nijaguNabhUtamahAshabarIgaNasadguNasaMbhR^itakelitale 
##variation ## nijagaNabhUtamahAshabarIgaNara~NgaNasambhR^itakelirate
jaya jaya he mahiShAsuramardini ramyakapardini shailasute .. 15.. || 21||
kaTitaTapItadukUlavichitramayUkhatiraskR^itacha.ndraruche
praNatasurAsuramaulimaNisphurada.nshulasannakhacha.ndraruche .
jitakanakAchalamaulipadorjitanirjharaku.njarakuMbhakuche
jaya jaya he mahiShAsuramardini ramyakapardini shailasute .. 16.. || 22||
vijitasahasrakaraikasahasrakaraikasahasrakaraikanute
kR^itasuratArakasa~NgaratArakasa~NgaratArakasUnusute .
surathasamAdhisamAnasamAdhisamAdhisamAdhisujAtarate
jaya jaya he mahiShAsuramardini ramyakapardini shailasute .. 17.. || 23||
padakamalaM karuNAnilaye varivasyati yo.anudina.n sa shive
ayi kamale kamalAnilaye kamalAnilayaH sa kathaM na bhavet .
tava padameva paraMpadamevamanushIlayato mama kiM na shive
jaya jaya he mahiShAsuramardini ramyakapardini shailasute .. 18.. || 24||
kanakalasatkalasindhujalairanusi~nchinute guNa ra~NgabhuvaM
bhajati sa kiM na shachIkuchakuMbhataTIpariraMbhasukhAnubhavam .
tava charaNaM sharaNaM karavANi natAmaravANinivAsi shivaM 
               ##variation ## mR^iDAni sadA mayi dehi shivaM
jaya jaya he mahiShAsuramardini ramyakapardini shailasute .. 19.. || 25||
tava vimalendukulaM vadanendumalaM sakalaM nanu kUlayate
kimu puruhUtapurIndumukhIsumukhIbhirasau vimukhIkriyate .
mama tu mataM shivanAmadhane bhavatI kR^ipayA kimuta kriyate
jaya jaya he mahiShAsuramardini ramyakapardini shailasute .. 20.. || 26||
ayi mayi dInadayAlutayA kR^ipayaiva tvayA bhavitavyamume
ayi jagato jananI kR^ipayAsi yathAsi tathA.anumitAsi rate .
yaduchitamatra bhavatyurarIkurutAdurutApamapAkurute
jaya jaya he mahiShAsuramardini ramyakapardini shailasute .. 21.. || 27||
stutimitastimitaH susamAdhinA niyamato.ayamato.anudinaM paThet |
paramayA ramayApi niShevyate parijano.arijano.api cha taM bhajet || 28||
ramayati kila karShasteShu chittaM narANAmavarajavarayasmAdrAmakR^iShNaH kavInAm |
akR^ita sukR^itigamyaM ramyapadyaikaharmyaM stavanamavanahetuM prItaye vishvamAtuH || 29||
induramyo muhurbinduramyo muhurbinduramyo yataH sA.anavadyaM smR^itaH |
shrIpateH sUnUnA kArito yo.adhunA vishvamAtuH pade padyapuShpA~njaliH || 30||
iti shrIbhagavatIpadyapuShpA~njalistotraM sampUrNam||
##
The inner numbering of 1 through 21, between 7 and 27 suggests the popular
mahiShasuramardini stotra.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}