% Text title            : Narayanastiti durgA saptashatI
% File name             : nArAyaNIstutiH.itx
% Category              : devii, durgA, stotra, devI
% Location              : doc\_devii
% Transliterated by     : Ahto Jarve ajarve at fms30.cca.rockwell.com jarve at cs.miu.edu ek879 at cleveland.freenet.edu
% Proofread by          : Ahto Jarve ajarve at fms30.cca.rockwell.com jarve at cs.miu.edu ek879 at cleveland.freenet.edu
% Description-comments  : from durgA saptashatI adhyAya 11. Verses 7-23 are use
d as mahAlasA nArAyaNI stutiH
% Latest update         : November 1, 2010
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nArAyaNIstutiH ..}##
\itxtitle{.. nArAyaNIstutiH athavA nArAyaNIsUktam ..}##\endtitles ##

           .. devI mAhAtmye ekAdasho.adhyAyaH ..

AUM R^iShiruvAcha .. 1..

devyA hate tatra mahAsurendre
        sendrAH surA vahnipurogamAstAm.h .
kAtyAyanIM tuShTuvuriShTalAbhAd
      vikAshivaktrAbjavikAshitAshAH .. 2..

devi prapannArtihare prasIda
        prasIda mAtarjagato.akhilasya .
prasIda vishveshvari pAhi vishvaM
        tvamIshvarI devi charAcharasya .. 3..

AdhArabhUtA jagatastvamekA
        mahIsvarUpeNa yataH sthitAsi .
apAM svarUpasthitayA tvayaita\-
      dApyAyate kR^itsnamala~NghyavIrye .. 4..

tvaM vaiShNavIshaktiranantavIryA
      vishvasya bIjaM paramAsi mAyA .
sammohitaM devi samastametat
      tvaM vai prasannA bhuvi muktihetuH .. 5..

vidyAH samastAstava devi bhedAH
        striyaH samastAH sakalA jagatsu .
tvayaikayA pUritamambayaitat.h
        kA te stutiH stavyaparAparoktiH .. 6..

sarvabhUtA yadA devI bhuktimuktipradAyinI .
tvaM stutA stutaye kA vA bhavantu paramoktayaH .. 7..

sarvasya buddhirUpeNa janasya hR^idi sa.nsthite .
svargApavargade devi nArAyaNi namo.astu te .. 8..

kalAkAShThAdirUpeNa pariNAmapradAyini .
vishvasyoparatau shakte nArAyaNi namo.astu te .. 9..

sarvama~NgalamA~Ngalye shive sarvArthasAdhike .
sharaNye tryambake gauri nArAyaNi namo.astu te .. 10..

sR^iShTisthitivinAshAnAM shaktibhUte sanAtani .
guNAshraye guNamaye nArAyaNi namo.astu te .. 11..

sharaNAgatadInArtaparitrANaparAyaNe .
sarvasyArtihare devi nArAyaNi namo.astu te .. 12..

ha.nsayuktavimAnasthe brahmANIrUpadhAriNi .
kaushAmbhaHkSharike devi nArAyaNi namo.astu te .. 13..

trishUlachandrAhidhare mahAvR^iShabhavAhini .
mAheshvarIsvarUpeNa nArAyaNi namo.astute .. 14..

mayUrakukkuTavR^ite mahAshaktidhare.anaghe .
kaumArIrUpasa.nsthAne nArAyaNi namo.astu te .. 15..

sha~NkhachakragadAshAr~NgagR^ihItaparamAyudhe .
prasIda vaiShNavIrUpe nArAyaNi namo.astu te .. 16..

gR^ihItogramahAchakre da.nShTroddhR^itavasundhare .
varAharUpiNi shive nArAyaNi namo.astu te .. 17..

nR^isi.nharUpeNogreNa hantuM daityAn.h kR^itodyame .
trailokyatrANasahite nArAyaNi namo.astu te .. 18..

kirITini mahAvajre sahasranayanojjvale .
vR^itraprANahare chaindri nArAyaNi namo.astu te .. 19..

shivadUtIsvarUpeNa hatadaityamahAbale .
ghorarUpe mahArAve nArAyaNi namo.astu te .. 20..

da.nShTrAkarAlavadane shiromAlAvibhUShaNe .
chAmuNDe muNDamathane nArAyaNi namo.astu te .. 21..

lakShmi lajje mahAvidye shraddhe puShTi svadhe dhruve .
mahArAtri mahAmAye nArAyaNi namo.astu te .. 22..

medhe sarasvati vare bhUti bAbhravi tAmasi .
niyate tvaM prasIdeshe nArAyaNi namo.astute .. 23..

sarvasvarUpe sarveshe sarvashaktisamanvite .
bhayebhyastrAhi no devi durge devi namo.astu te .. 24..

etatte vadanaM saumyaM lochanatrayabhUShitam.h .
pAtu naH sarvabhUtebhyaH kAtyAyani namo.astu te .. 25..

jvAlAkarAlamatyugramasheShAsurasUdanam.h .
trishUlaM pAtu no bhIterbhadrakAli namo.astu te .. 26..

hinasti daityatejA.nsi svanenApUrya yA jagat.h .
sA ghaNTA pAtu no devi pApebhyo naH sutAniva .. 27..

asurAsR^igvasApa~Nkacharchitaste karojjvalaH .
shubhAya khaDgo bhavatu chaNDike tvAM natA vayam.h .. 28..

rogAnasheShAnapaha.nsi tuShTA
        ruShTA tu kAmAn.h sakalAnabhIShTAn.h .
tvAmAshritAnAM na vipannarANAM
        tvAmAshritA hyAshrayatAM prayAnti .. 29..

etatkR^itaM yatkadanaM tvayAdya
        dharmadviShAM devi mahAsurANAm.h .
rUpairanekairbahudhAtmamUrti.n
        kR^itvAmbike tatprakaroti kAnyA .. 30..

vidyAsu shAstreShu vivekadIpe\-
      ShvAdyeShu vAkyeShu cha kA tvadanyA .
mamatvagarte.atimahAndhakAre
      vibhrAmayatyetadatIva vishvam.h .. 31..

rakShA.nsi yatrograviShAshcha nAgA
        yatrArayo dasyubalAni yatra .
dAvAnalo yatra tathAbdhimadhye
        tatra sthitA tvaM paripAsi vishvam.h .. 32..

vishveshvari tvaM paripAsi vishvaM
        vishvAtmikA dhArayasIha vishvam.h .
vishveshavandyA bhavatI bhavanti
        vishvAshrayA ye tvayi bhaktinamrAH .. 33..

devi prasIda paripAlaya no.aribhIte\-
      rnityaM yathAsuravadhAdadhunaiva sadyaH .
pApAni sarvajagatAM prashamaM nayAshu
        utpAtapAkajanitA.nshcha mahopasargAn.h .. 34..

praNatAnAM prasIda tvaM devi vishvArtihAriNi .
trailokyavAsinAmIDye lokAnAM varadA bhava .. 35..

devyuvAcha .. 36..

varadAhaM suragaNA varaM yanmanasechChatha .
taM vR^iNudhvaM prayachChAmi jagatAmupakArakam.h .. 37..

devA UchuH .. 38..

sarvAbAdhAprashamanaM trailokyasyAkhileshvari .
evameva tvayA kAryamasmadvairivinAshanam.h .. 39..

devyuvAcha .. 40..

vaivasvate.antare prApte aShTAvi.nshatime yuge .
shumbho nishumbhashchaivAnyAvutpatsyete mahAsurau .. 41..

nandagopagR^ihe jAtA yashodAgarbhasambhavA .
tatastau nAshayiShyAmi vindhyAchalanivAsinI .. 42..

punarapyatiraudreNa rUpeNa pR^ithivItale .
avatIrya haniShyAmi vaiprachittA.nshcha dAnavAn.h .. 43..

bhakShayantyAshcha tAnugrAn.h vaiprachittAn.h mahAsurAn.h .
raktA dantA bhaviShyanti dADimIkusumopamAH .. 44..

tato mAM devatAH svarge martyaloke cha mAnavAH .
stuvanto vyAhariShyanti satataM raktadantikAm.h .. 45..

bhUyashcha shatavArShikyAmanAvR^iShTyAmanambhasi .
munibhiH sa.nsmR^itA bhUmau sambhaviShyAmyayonijA .. 46..

tataH shatena netrANAM nirIkShiShyAmyaha.n munIn.h .
kIrtayiShyanti manujAH shatAkShImiti mAM tataH .. 47..

tato.ahamakhilaM lokamAtmadehasamudbhavaiH .
bhariShyAmi surAH shAkairAvR^iShTeH prANadhArakaiH .. 48..

shAkambharIti vikhyAtiM tadA yAsyAmyahaM bhuvi .
tatraiva cha vadhiShyAmi durgamAkhyaM mahAsuram.h .. 49..

durgAdevIti vikhyAtaM tanme nAma bhaviShyati .
punashchAhaM yadA bhImaM rUpaM kR^itvA himAchale .. 50..

rakShA.nsi bhaxayiShyAmi munInAM trANakAraNAt.h .
tadA mAM munayaH sarve stoShyantyAnamramUrtayaH .. 51..

bhImAdevIti vikhyAtaM tanme nAma bhaviShyati .
yadAruNAkhyastrailokye mahAbAdhAM kariShyati .. 52..

tadAhaM bhrAmaraM rUpaM kR^itvAsa.nkhyeyaShaTpadam.h .
trailokyasya hitArthAya vadhiShyAmi mahAsuram.h .. 53..

bhrAmarIti cha mAM lokAstadA stoShyanti sarvataH .
itthaM yadA yadA bAdhA dAnavotthA bhaviShyati .. 54..

tadA tadAvatIryAhaM kariShyAmyarisa.nkShayam.h .. 55..

.. svasti shrImArkaNDeyapurANe sAvarNike manvantare devImAhAtmye
nArAyaNIstutiH sampUrNA .. 11..

nArAyaNIsUktam
mahAlasA nArAyaNIstutiH
##
Encoded by Smt. K. Shankaran and
reencoded by Kirk Wortman kirkwort@hotmail.com
Proofread by Sunder Hattangadi
and Kirk Wortman kirkwort@hotmail.com

Verses upto sarvAbAdhAprashamanaM are considered nArAyaNIsUktam by some.
Verses 7-23 are used as mahAlasA nArAyaNIstutiH

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}