नदी स्तोत्रम्
नदी स्तोत्रं प्रवक्ष्यामि सर्वपापप्रणाशनम् ।
भागीरथी वारणासी यमुना च सरस्वती ॥ १॥
फल्गुनी शोणभद्रा च नर्मदा गण्डकी तथा ।
मणिकर्णिका गोमती प्रयागी च पुनः पुनी ॥ २॥
गोदावरी सिन्धुनदी सरयूर्वर्णिनी तथा ।
कृष्णवेणी भीमरथी खागिनी भवनाशिनी ॥ ३॥
तुङ्गभद्रा मलहरी वरदा च कुमुद्वती ।
कावेरी कपिला कुन्ती हेमावती हरिद्वती ॥ ४॥
नेत्रावती वेदवती सुद्योती कनकावती ।
ताम्रपर्णी भरद्वाजा श्वेता रामेश्वरी कुशा ॥ ५॥
मन्दरी तपती काली कालिन्दी जाह्नवी तथा ।
कौमोदकी कुरुक्षेत्रा गोविन्दा द्वारकी भवेत् ॥ ६॥
ब्राह्मी माहेश्वरी मात्रा इन्द्राणी अत्रिणी तथा ।
नलिनी नन्दिनी सीता मालती च मलापहा ॥ ७॥
सम्भूता वैष्णवी वेणी त्रिपथा भोगवती तथा ।
कमण्डलु धनुष्कोटी तपिनी गौतमी तथा ॥ ८॥
नारदी च नदी पूर्णा सर्वनद्यः प्रकीर्तिताः ।
प्रातःकाले पठेन्नित्यं स्नानकाले विशेषतः ॥ ९॥
कोटिजन्मार्जितं पापं स्मरणेन विनश्यति ।
इहलोके सुखी भूत्वा विष्णुलोकं सगच्छति ॥ १०॥
॥ इति नारदीयपुराणे नदीस्तोत्रं सम्पूर्णम् ॥