% Text title            : Namaste He Durge
% File name             : namastehedurge.itx
% Category              : devii, sanskritgeet, aShTaka, durgA, hkmeher
% Location              : doc\_devii
% Author                : Harekrishna Meher meher.hk at gmail.com
% Transliterated by     : Harekrishna Meher
% Proofread by          : Harekrishna Meher
% Description/comments  : Stavarchana-Stavakam (Sanskrit Stotra-Kavya)
% Acknowledge-Permission: Dr. Harekrishna Meher
% Latest update         : October 16, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Namaste He Durge ..}##
\itxtitle{.. namaste he durge ..}##\endtitles ##
namaste he svastiprada\-varada\-haste ! suhasite !
       mahAsiMhAsIne ! dara\-durita\-saMhAraNa\-rate ! |
sumArge mAM durge ! janani ! tava bhargAnvita\-kR^ipA
       dahantI dushchintAM dishatu vilasantI pratidisham || 1||
ananyA gaurI tvaM himagiri\-sukanyA sumahitA
       parAmbA herambAkalita\-mukhabimbA madhumatI |
svabhAvai\-rbhavyA tvaM muni\-manuja\-sevyA janahitA
       mamAntaH\-santApaM hR^idayagata\-pApaM hara shive ! || 2||
aparNA tvaM svarNAdhika\-madhura\-varNA sunayanA
       suhAsyA sallAsyA bhuvana\-samupAsyA sulapanA |
jagaddhAtrI pAtrI pragati\-shubhadAtrI bhagavatI
       pradehi tvaM hArdaM parama\-samudAraM priyakaram || 3||
dharA duShTai\-rbhraShTaiH paradhana\-supuShTaiH kavalitA
       durAchAra\-dvArA khila\-khala\-balodvega\-dalitA |
mahAkAlI tvaM vai kaluSha\-kaShaNAnAM prashamanI
       maheshAnI hantrI mahiSha\-danujAnAM vijayinI || 4||
idAnIM medinyA hR^idayamatidInaM pratidinaM
       vipad\-grastaM trastaM nigadati samastaM janapadam |
mahAsha~NkAta~Nkai\-rvyathita\-pR^ithivIyaM pramathitA
       narANAmArttiM te haratu raNamUrttiH sharaNadA || 5||
samagre saMsAre prasaratu tavograM gurutaraM
       svarUpaM saMharttuM danuja\-kula\-jAtaM kalimalam |
punaH saumyA ramyA nihita\-mamatA\-sneha\-sutanu\-
       rmanovyomni vyAptA janayatu janAnAM hR^idi mudam || 6||
anindyA tvaM vandyA jagadurasi vR^indArakagaNaiH
       prashAnte me svAnte vikashatu nitAntaM tava kathA |
dayA\-dR^iShTi\-rdeyA sakala\-manasAM shoka\-haraNI
       saduktyA me bhaktyA tava charaNa\-padme praNatayaH || 7||
bhaved gurvI chArvI chiradivasamurvI gatabhayA
       sadannA sampannA sarasa\-saraNI te karuNayA |
samutsAhaM hAsaM priya\-dashaharA\-parva\-sahitaM
       saparyA te paryAvaraNa\-kR^itakAryA vitanutAm || 8||

      \-\- rachayitA \: DA.c harekR^iShNa\-meheraH
##
Copyright Dr.Harekrishna Meher

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}