श्रीनर्मदासहस्रनामस्तोत्रम् २
श्रीगणेशाय नमः ।
श्री गुरुभ्यो नमः ।
श्री नर्मदायै नमः ।
॥ अथ श्रीनर्मदासहस्रनाम प्रारम्भः ॥
तन्मे कथय
श्रीपार्वत्युवाच -
ॐ जगदीश जगद्धाम दिग्वासो मदनान्तक ।
रेवा नाम सहस्रन्तु कथयस्व मम प्रभो ॥ १॥
श्रीशिव उवाच -
साधुप्रिये महासाधो लोकानुग्रहकारिणी ।
नर्मदा महती माया सर्वसम्पत्तिकारिणी ॥ २॥
हारिणी सर्वमायानां संसारार्णवतारिणी ।
धारिणी सर्वविद्यानामविद्याभेदकारिणी ॥ ३॥
श्रीपार्वत्युवाच -
का तिथिः कस्तु वारश्च किं स्थलं पठने शुभम् ।
यस्य विज्ञानमात्रेण सर्वसिद्धिर्भवेन्नरः ॥ ४॥
तन्मे कथय देवेश सर्वलोकोपकारकम् ।
श्रीशिव उवाच -
न योगं करणं वारं नक्षत्रं नापि सङ्क्रमम् ॥ ५॥
यस्य पठन मात्रेण सद्यः सिद्धिं लभेन्नरः (सिद्धिर्भवेन्नरं) ।
नर्मदा सततं रक्षेज्जननी जगदम्बिका ॥ ६॥
ॐ अस्य श्री नाम रेवायाः सहस्रं परिकीर्तितम् ।
ऋषी रुद्रो विराडेषच्छन्न्दो निगदितो मया ॥ ७॥
धर्मार्थ-काम-मोक्षार्थे विनियोगः प्रकीर्तितः ।
रुद्रः शिरो मुखे छन्दो हृदये देवता स्मृता ॥ ८॥
ॐ नर्मदायै विद्महे मेकलकन्यायै धीमहि ।
तन्नो रेवा प्रचोदयात् । ॐ ह्रीं श्री नर्मदायै स्वाहा ॥
इति गायत्रीमन्त्रं यथाशक्ति जपित्वा सहस्रनाम पाठं कुर्यात् ।
तद्यथा-
अथ सहस्रनामस्तोत्रम् ।
ॐ नर्मदा नागकन्या च नागेशी नागवल्लभा ।
नारायणी निराकारा निरालम्बा निरञ्जनी ॥ ९॥
निरीहा निर्विकारा च नित्यानन्द स्वरूपिणी ।
निस्पृहा नित्यरूपा च निर्लोभा निश्चयात्मिका ॥ १०॥
नक्रेशी नागगमनी नागकन्या नगेश्वरी ।
निर्दोषा निर्झरा नीरा निरीहा नित्यनन्दिनी ॥ ११॥
निश्चया निश्चला नीला निर्लेपा निधनेश्वरी ।
नलनीलविलासा च नारायणपरायणा ॥ १२॥
निर्जरा नाकगमनी नक्षत्रा नेत्रवर्धिनी ।
निर्भरा निर्मला नेत्रा निश्शङ्का निर्जरात्मिका ॥ १३॥
नीपप्रिया नीपरता निष्कलङ्का गणेश्वरी ॥
नाशिनी सर्वशत्रूणां नूतना नूतनेश्वरी ॥ १४॥
निषङ्गधारिणी नीवा निर्धमा नखवर्धिनी ।
नदी मन्दाकिनी नाम मानरूपा नरातिहा ॥ १५॥
नरकासुरनाशी च नरेशी नरपालिनी ।
नरेन्द्रमानिनी निद्रानिग्रहा निग्रहेश्वरी ॥ १६॥
नटिनी नाटिनी नाट्या निर्दृढा निर्दृढेश्वरी ।
नितम्बिनी नितम्बी च निर्धना धनवर्धिनी ॥ १७॥
निर्धूता निर्दया दुष्टा निष्ठुरा नैककामगा ।
नभोरूपा नभेशी च नागरी नागरात्मिका ॥ १८॥
नरनीतिप्रिया नेमी निर्भीका निष्कलेश्वरी ।
नरेशपालिनी नौका नागस्था नागपार्श्विनी ॥ १९॥
नागेन्द्रमानिनी नद्या नदेशी नर्मभाषिणी ।
परमा परमेशी च पाकशासन पोषिणी ॥ २०॥
पवित्रा पावनी पद्मा पादुका पदकेचरी ॥ २१॥
पोषिणी पोषिका पोषा पूर्विका पूर्वमम्बिका ।
पञ्चमी पञ्चितप्रेमा पाञ्चाली परमेश्वरी ॥ २२॥
पक्षधारा च पक्षेशी पक्षिणी पक्षिरूपधृक् ।
पक्षिपालनसम्प्रीता पक्षिणी परमात्मिका ॥ २३॥
पञ्जरी पिञ्जरी पिङ्गा पिङ्गला पिकवल्लभा ।
पिकरूपधरा पित्रा पिकेशी पिकभाषिणी ॥ २४॥
प्रभाकारा प्रभारूपा प्रगल्भा पाकशासिनी ।
पशुप्रीता पशुरता पुरन्दरहितैषिणी ॥ २५॥
पुरुहूतप्रिया पद्मा पद्ममालाविभूषणा ।
पापसन्त्रासिनी पापोत्पाटिनी पङ्कजेश्वरी ॥ २६॥
पङ्कजाक्षी परभूतिः पथिनी पथिरक्षिणी ।
पथिप्रिया पथिरता परसम्मोहकारिणी ॥ २७॥
परेशी परहन्त्री च परब्रह्मस्वरूपिणी ।
पराचाररता पापा पद्माक्षी पद्मवल्लभा ॥ २८॥
पाठिनी सर्वविद्यानां पापपाशविनाशिनी ।
पटुप्रीता पाठरता पण्डिताबुद्धिवर्धिनी (द्धिनी) ॥ २९॥
पुण्डरीकविशालाक्षी पुण्ड्रधारणपुण्डिणी ।
पूतना पुत्रपाली च पुरुषार्थप्रसाधिनी ॥ ३०॥
पदस्था पापदमनी पादपङ्कजसेविता ।
फलदा फलरूपा च फलेशी फलवर्धिनी ॥ ३१॥
फुङ्कारी फणिपाली च फणेशी पन्नगेश्वरी ।
फूत्कारी फलदा फेकी फलेशी फलपोषिणी ॥ ३२॥
फटाकारा फणादर्शी फल्गुनी फलसाधिनी ।
फल्गुनी फाल्गुनप्रीता फल्गुः फल्गुफलात्मिका ॥ ३३॥
फूङ्कारी फलदात्री च निःस्फुलिङ्गा स्फुलिङ्गिनी ।
बालिका बालिकामाला बाला बुद्धिविवर्धिनी ॥ ३४॥
वरदा वररूपा च वरमाता वरेश्वरी ।
बगला वाग्विलासी च वाचनी वचनप्रिया ॥ ३५॥
वत्सला वत्सलेशी च वज्रिणी वज्रधारिणी ।
बालिका बालिकावस्था बाहुदण्डविलासिनी ॥ ३६॥
बाहुनी बाहुवरदा वर्तिनी वर्तुला बला ।
वीथिनी विधिका वीचि विकटा विकटेश्वरी ॥ ३७॥
ब्रह्मरूपा विष्णुप्रीता ब्रह्मविष्णुशिवात्मिका ।
वराक्षी वामना वामा वामिका वरदायिका ॥ ३८॥
ब्राह्मी बाला वराहीच वराक्षी विकृतानना ।
वसिष्ठा वादिनी वाक्या वाद्यरूपा वरेश्वरी ॥ ३९॥
बषट्कारा वकेशी च बकदालभ्यपालिका ।
वागुरी विकसद्दक्त्रा वक्रिणी वक्रकारिणी ॥ ४०॥
वक्ररूपा वक्रधरा वक्रेशी वक्रभाषिणी ।
व्यक्ताऽव्यक्ताच बलदा बलेशा ब्रह्मचारिणी ॥ ४१॥
बदराश्रमसंस्था च बदराश्रमवासिनी ।
बदरीफलसन्तुष्टा बदरी बदरीश्वरी ॥ ४२॥
बदरीफलसन्दोहा बदरीफलभाविनी ।
बदरीफलसम्पूज्या बदरीफलतोषिता ॥ ४३॥
बदरीफलसंस्नेहा बदरीफलभाविनी ।
वरदा वरदेशी च वसिष्ठाद्यैस्सुपूजिता ॥ ४४॥
विश्वामित्रसदापाली विश्वम्भरी विचक्षणी ।
विश्वम्भरा विश्वरूपा विश्वात्मा विश्वपालिनी ॥ ४५॥
विश्वेशी विश्वहन्त्री च विश्वात्मा विश्वपोषिणी ।
वीरहा विरता वीरा बिभीषणवरप्रदा ॥ ४६॥
विश्वामित्रबृहत्स्नेहा विश्वहा विश्वरूपिणी ।
भवानी भूतभव्या च भवपाशविमोचनी ॥ ४७॥
भोगिनी भोगकारी च भोगदा भोगवर्धिनी ।
भीषणा भीषणेशी च भीमा भीमपराक्रमा ॥ ४८॥
भिक्षुकापालिनी भूति भूधरा भूधरात्मजा ।
भूषणा भूतपाली च भूजेशी भोगनायिनी ॥ ४९॥
भूतात्मा भूतसंरक्षी भूतिदा भूतिभूषणा ।
भवदा भवहन्त्री च भवशोक विनाशिनी ॥ ५०॥
भ्रामरी भ्रमराकारा भूतभावनभाविनी ।
भारद्वाजसदापूज्या भूषिता भूषितेश्वरी ॥ ५१॥
भक्षिणी भल्लुका भीषा भैरवी भवनाशिनी ।
भानुपूज्या भानुरता भवानी भुवनेश्वरी ॥ ५२॥
भूतला भूतलेशी च भूतली भूतलात्मिका ।
भोगिनी भोगदात्री च भोगदा भोगवर्धिनी ॥ ५३॥
भगात्मिका भगवती भगेशी भगपूजिता ।
भास्करी भास्करप्रीता भास्वती भासकारिणी ॥ ५४॥
भाषणी भाषिणी भामा भजनी भवरूपधृक् ।
भट्टिनी भट्टसम्पूज्या भट्टानां बुद्धिवर्धिनी ॥ ५५॥
भूपश्रीर्भूपसंरक्षी भूपात्मा भूपपालिका ।
भूपसाक्षी भूपरता भूमिपा भूमिधारिणी ॥ ५६॥
भूमिभोगरता माया भौमपूज्यासनातनी ।
भूमिदा भूमिजननी भूमिस्थिता भयापहा ॥ ५७॥
भावुका भवनाशा च भूरिदा भूमिपालिका ।
भुवना भुवनेशा च भुवनैकसुपालिका ॥ ५९॥
भूरिपूजारता नित्या भूरिदा भूरिभोगिनी ।
भूतनाथसदाप्रीता भूतनाथसुपूजिता ॥ ६०॥
भूतनाथसदापाली भूतनाथप्रहर्षिणी ।
भैरवप्रीतिमापन्ना भैरवानन्दवर्धिनी ॥ ६१॥
भिक्षुपाली भिक्षुकेशी भिक्षुदा भिक्षुरक्षिणी ।
भेदकारी च भेदेशी भीतिदा भीतिघातिनी ॥ ६२॥
भीतिरक्षाकरिताम्बा भीतिरूपा भयात्मिका ।
भस्मचन्दनसंयुक्ता भालरक्षा च भालिनी ॥ ६३॥
भालप्रीतिकरी भल्ला भल्लान्तकविदारिणी ।
मोहिनी मेहनेशा च महिला मदनासुरा ॥ ६४॥
महामाया महादेवी महामोहविनाशिनी ।
महायोगरता रेवा मदिरा मदिरेक्षणा ॥ ६५॥
मखरूपा मखेशी च मखगा मखधारिणी ।
मानिनी मानदा मान्या मोहरात्रि महेश्वरी ॥ ६६॥
मार्गणी मार्गणप्रीता मार्गदा मार्गरक्षिणी ।
मन्त्ररूपा मन्त्रकरी मञ्चाली मञ्चलेश्वरी ॥ ६७॥
मोक्षदा मोहदात्री च मोक्षहा मोक्षकारिणी ।
मत्सरा मत्सरप्रीता मत्सरात्मा मखान्तकृत् ॥ ६८॥
मार्जनी मार्जनरता मार्जना मार्जनेश्वरी ।
मिहिका मेढ्रिणी मेहा मेढ्रा मेढ्रविवर्धनी ॥ ६९॥
मनोरूपा मनस्था च मानसी मनमोहिनी ।
मनस्विनी मनस्थैर्या मानका मानमानिनी ॥ ७०॥
मनोरूपा मानभावा मानभावविदारिणी ।
मन्त्रिणी मन्त्रमाया च मन्त्रात्मा मन्त्रपालिनी ॥ ७१॥
मन्त्रहा मन्त्रसम्प्रीता मान्त्रिकी मन्त्रकारिणी ।
मखेशी मखकारी च मखरूपा मखेश्वरी ॥ ७२॥
मन्थिनी मन्थनाधीशा मन्थने शस्यपालिका ।
मदना मदरूपा च मदहा मदभञ्जनी ॥ ७३॥
मेदुरा मेदुराक्षी च मेदुरात्मा मदेश्वरी ।
माररूपा मारकारी मार्तण्डी मारवर्धिनी ॥ ७४॥
मारशान्तिकरी माया मानसैका मनस्विनी ।
मङ्गला मङ्गलाकारा मङ्गलात्मा महासुरी ॥ ७५॥
मध्यनीलम्बमध्यस्था मध्यमा मध्यरक्षिणी ।
महती मञ्जना मोटा मटका मरटात्मिका ॥ ७६॥
मलहा मलविध्वंसा मलसन्तोषकारिणी ।
जननी च जगद्धात्री जाह्नवी जगदम्बिका ॥ ७७॥
योगमाया जगज्जेत्री जनित्री जननी जरा ।
जठरा योगसिद्धा च योगाक्षी योगवर्धिनी ॥ ७८॥
योगसंरक्षिणी योग्या योगिनां गतिदायिनी ।
योगसंरक्षणप्रीता जगत्त्रयविहारिणी ॥ ७९॥
योगरक्षाकरी योग्या योगसम्मोहकारिणी ।
योगिनी योगिसंसेव्या योगहा योगपालिका ॥ ८०॥
जगदात्मा जगद्रूपा जगन्ती जगती जगत् ।
जघना जघनेशी च यक्षिणी यक्षपालिका ॥ ८१॥
यक्षसम्मोहनिरता यक्षात्मा यक्षभेदिनी ।
त्र्यक्षरी त्र्यक्षरेशी च यक्षदा यक्षकारिणी ॥ ८४॥
यक्षदा यक्षमाता च यक्षसम्प्रीतिवर्धिनी ।
जगद्धात्री जगज्जेत्री जयकृत् जयदायिनी ॥ ८३॥
यमुना यमुनापाली यमशङ्कानिवारिणी ।
योगेशी योगमाया च जाह्नवी जठरात्मिका ॥ ८४॥
यन्त्ररूपा यन्त्रमयी जनभक्तिविवर्धिनी ।
जनेशी जनसंरक्षी जानकी जगदम्बिका ॥ ८५॥
युद्धनियुद्धप्रीता च युद्धभक्तिप्रवर्धिनी ।
योधनि योधसम्प्रीता युद्धकार्यप्रदर्शिनी ॥ ८६॥
युद्धारिर्युद्धमाता च युद्धात्मा युद्धभाविनी ।
जगद्रञ्जनकारी च जनता जनकात्मिका ॥ ८७॥
योगरूपा योगधरा योगिनी योगमानिनी ।
जयरूपा जयमयी जयात्मा जयनेश्वरी ॥ ८८॥
जयहा जयसंरक्षी जयसम्मोहधारिणी ।
जीवन्ती युवतिर्जीवा जीवनी जीवरक्षिका ॥ ८९॥
जीवपाली जीवभेदी जीवहा जीवपालिका ।
जीवेशी जीवसम्मोहा जीवकौतुकधारिणी ॥ ९०॥
जीवना जीवनारम्भा जीवनी जगदूहिनी ।
रमणी रङ्किणी रेवा रेणुका रणरक्षिणी ॥ ९१॥
राजकर्मरताऽनन्ता रक्षणा रक्षणेश्वरी ।
रक्षिका राक्षसाभक्ष्या राक्षसादिविमर्दिनी ॥ ९२॥
रोगहा रोगकारी च रोगात्मा रोगनाशिनी ।
रघुराजसदापूज्या रघुवंशविवर्धिनी ॥ ९३॥
रामकार्यकरी रामा रामराज्यप्रतिष्ठिता ।
रमणी रामणी राज्ञी राज्यश्री राज्यभञ्जिनी ॥ ९४॥
रक्षिणी रक्षिकारक्षा रक्षेशी रक्षणात्मिका ।
राजकी राजिका राज्या राजयोगविलासिनी ॥ ९५॥
रथिनी रथसम्प्रीता रथात्मा रथकारिणी ।
रतिरूपा रूपधारी रूपात्मा रूपधारिणी ॥ ९६॥
रूपहा रूपसम्भेदी रूपाक्षी रूपकारिका ।
राकापतिसदाभीता राकापतिविभेदिनी ॥ ९७॥
राकापतिसदालीना राकापतिसुपूजिता ।
रासभी रासभप्रोता रासभा रासमण्डिनी ॥ ९८॥
राजकेलीसमाक्रान्ता रामराज्यप्रतिष्ठिता ।
रञ्जनी रङ्गरूपा च राहुधर्मकरी सदा ॥ ९९॥
राहुशीर्षच्छिदा रोहा राहुरूपप्रधर्षिणी ।
रमणी रेवती रम्या रोहिणी रतिभोगिनी ॥ १००॥
रतिपूज्यतमा लोके रतिमानविभेदिनी ।
लोलाक्षी लक्षणा लक्ष्मी लोकपाला लकावली ॥ १०१॥
लङ्कापाली च लङ्केशी लोकालोकप्रपूजिता ।
लोलेक्षणा लोमपाली लोमेशी लोकपालिका ॥ १०२॥
लाक्षा लाक्षारुणा लक्षा लक्षणा लक्ष्यगोचरी ।
ललिताङ्गी लोलरतिर्लीलाबालविहारिणी ॥ १०३॥
लालसारुणलिप्ताङ्गी लालिता लालनेश्वरी ।
लोकेशी लोकपाली च लोकात्मा लोकरक्षिणी ॥ १०४॥
लोकस्था लोकसाक्षी च लोकालोकविलासिनी ।
रोचनी रोचना लोला लीलालास्यविहारिणी ॥ १०५॥
लक्षणा लक्षिता लक्ष्या लक्षग्रहविनाशिनी ।
लज्जामयी लोकलज्जा लज्जोत्पत्तिप्रचारिणी ॥ १०६॥
लोपामुद्रा लोमकी च लिप्सा चोल्लिप्सिता सदा ॥
लवणाब्धितरी लङ्का लङ्केशी लङ्कपालिका ॥ १०७॥
लोभदा लोभहन्त्री च लोभमोहप्रहारिणी ।
लोभशान्तिकरीमन्त्रा लोमेशी लोमशात्मिका ॥ १०८॥
लालसावर्धिनी लास्या लक्षिका लक्ष्यदायिनी ।
वन्तिकावरदप्रोक्ता वीर्यदा वीर्यवर्धिनी ॥ १०९॥
विकलावस्थिनी वन्द्या वन्दनप्रियवन्दना ।
वासिता वासितागारा विफला व्योमधारिणी ॥ ११०॥
सावित्री शारदा सन्ध्या शाम्भवी शाङ्करी शिवा ।
सुकेशी शोभना सौम्या सात्विकी सत्यधारिणी ॥ १११॥
सत्या सत्यात्मिका शेषा राका शशिस्वरात्मिका ।
शोकदा शोकनाशी च शोकहा शोकवर्धिनी ॥ ११२॥
सगुणा शोकहन्त्री च साक्षिणी सूक्ष्मरूपभाक् ।
स्वक्षा स्वक्षविनिक्षिप्ता शिञ्जना शिञ्जनावती ॥ ११३॥
शाटिनी शाटशुभ्रा च शौरेयी शेखरेश्वरी ।
सत्यहा सत्यपाली च शत्रुहा शत्रुनाशिनी ॥ ११४॥
शत्रुसम्मोहिनी सत्या शत्रूणां बुद्धिनाशिनी ।
सुस्थला सुस्थली स्वस्था सुन्दरी सुन्दरा सदा ॥ ११५॥
सुधना शुद्धमानस्या सुधार्णवनिवासिनी ।
सुधासागरसम्भूता सुधाशी शुद्धचन्दिका ॥ ११६॥
शून्यरूपा शून्यमयी शून्याशून्यनिवासिनी ।
सर्पभूषा सर्पधरी सपेशी सर्पहारिणी ॥ ११७॥
स्वप्नावती सुषुप्तिस्था सर्वस्था सर्वपालिनी ।
सर्वाङ्गी साधुशीला च सुशीला सुलभावती ॥ ११८।
सफला शोभना शोभा सुभामा शुभगा शुभा ।
सोमोद्भवा सोमसुता सोमात्मा सोमकन्यका ॥ ११९॥
सोमजा समता सोमा सौम्या सौम्यविहारिणी ।
सुराज्य सुरता सूर्या सुरेशी सुरतिः स्वरा ॥ १२०॥
सुरात्मजा सुरसुता सुरथा शूरवर्धिनी ।
शूलहा शूलभृच्छृलभित्शूलधृताम्बरा ॥ १२१॥
शूलजा शूलजा शूला सुशिला च सुलोचना ।
शर्वरी शर्वरप्रीता शयना शयनेश्वरी ॥ १२२॥
सहजा सिंल्हिका सिंही सिंहिका सिंहपालिनी ।
खङ्गिनी खङ्गिका खङ्गी खगेशी खगगामिनी ॥ १२३॥
खलघ्नी खलसम्मोहा खलरूपा खलप्रिया ।
खलजा साधुशीला च शबरी शबरात्मिका ॥ १२४॥
शाङ्करी शङ्करप्रीता शङ्करप्रियकारिका ।
सौन्दरी सुन्दरी सौधा सुधासिन्धुनिवासिनी ॥ १२५॥
सर्वदा सर्वमान्या च सर्वात्मा सर्वभोगिनी ।
सवरा सर्वदा सर्वा सर्वस्था सर्वभूषणी ॥ १२६॥
सर्वारूढा सुवार्ता च सुवार्तावचनेश्वरी ।
साक्षिणी धर्मसेतूनां साधिनी सर्वकर्मणाम् ॥ १२७॥
सुप्ता सुप्तोत्थिता श्यामा श्यामला सौख्यकारिणी ।
सौख्यदा सौख्यपाली च सौख्यघ्ना सौख्यभोगिणी ॥ १२८॥
सुदती सुमुखी स्मेरा सुवासा शरदम्बिका ।
सरिता शारदा सौरा सौरेयी सोमकारिणी ॥ १२९॥
सुवचास्सुखदा स्वक्षा स्वक्षणी स्वक्षणेश्वरी ।
हासिनी हर्षिणी हंसी हंसगा हंसधारिणी ॥ १३०॥
हठिनी हर्षसंवर्धिर्हराहरविहारिणी ।
हनूमत्प्रीतीमापन्ना हरिरूपा हरिप्रिया ॥ १३१॥
हर्यक्षी हारिणी हन्त्री हेरम्बा हरवल्लभा ।
हृशिकेषि सदास्नेहा हलाहलविमर्दिनी ॥ १३२॥
हलहा हलरूपा च हरैका हरतोषिणी ।
पद्मिनी छेदनप्रीता छन्देशी छन्दकारिणी ॥ १३३॥
छलात्मा छलभैदी च क्षुद्रबुद्धिविनाशिनी ।
छत्रिणी छत्रदा छत्रा सुच्छत्रा छत्रकारिणी ॥ १३४॥
आदिरूपा आदिमाया आद्या अम्बा च अम्बरी ।
अक्षनीरक्षधारी च आदिशक्ति राजेश्वरी ॥ १३५॥
अजा च अजनी अम्बा अजात्मा अजपोषिणी ।
अट्टहासा अट्टरूपा अग्निस्था अग्निरूपिणी ॥ १३६॥
अवर्त्या अर्बुदा ओजा अशोका शोकहारिणी ।
आदिस्था अञ्जनी अञ्जा अजानेयाम्बिकाशिनी ॥ १३७॥
ईश्वरी ईशपाली च ईशाना ईशवासिनी ।
ईडा ईशविलासा च ईशस्था ईशपोषिणी ॥ १३८॥
ईतिदा ईतिहन्त्री च ईतिभीतिविमर्दिनी ।
उमा उमापतिप्रीता उमापतिविहारिणी ॥ १३९॥
ऐश्वर्य्यदायिन्यैश्वर्या एकात्मानेकसम्भवा ।
कलिका कामिनी कान्ता कामिनी कामभोगिनी ॥ १४०॥
कौतुकी कमला काली कल्याणी कमलेश्वरी ।
काशी काञ्ची च कावेरी कैलासी केशवी कविः ॥ १४१॥
कामदा कान्तिदा कान्तिः कार्तिकी कृत्तिका क्रिया ।
कार्तवीर्यविलासा च कार्तवीर्यप्रबोधिनी ॥ १४२॥
कुरुक्षेत्रनिवासा च कुरुकुल्ला कपालिनी ।
कुमारी कुलजा कान्तिः कपाली केशपालिनी ॥ १४३॥
कौलिनी कञ्जधारी च कञ्जाक्षी कञ्जपालिनी ।
कञ्जपुष्पसदाप्रीता कज्जमालाविहारिणी ॥ १४४॥
कज्जस्था कञ्जिनी काया कायस्था कायसुन्दरी !
कामभोगसदाप्रीता कामिका कामसुन्दरी ॥ १४५॥
कामकेलीरतोन्मत्ता कामक्रीडाविहारिणी ।
कामिनी कामदात्री च कार्यदा कार्यवर्धिनी ॥ १४६॥
कोशा कोशी च कौशेयी कुटिला कुटिलेश्वरी ।
कुरूपा क्रूरगर्भा च क्रूरक्रीडा कपालिनी ॥ १४७॥
कामाख्या कौशिकप्रीता कोशला कोशपालिनी ।
कुचस्थाना कुचक्रूरा कवच्या कौञ्चदारिणी ॥ १४८॥
कुट्टिनी कुलजेशा च कौशिकागारवासिनी ।
कोपा कोपवती कुण्डा कुण्डलेशा च कुण्डली ॥ १४९॥
कुभोजनरता कुम्भा कुम्भिनी कुम्भगामिनी ।
कुधना क्रोधिनी क्रुद्धा कुशावर्तनिवासिनी ॥ १५०॥
कुमारी क्रूरगर्भा च क्रूराक्षी क्रूरपालिनी ।
कुञ्जरी कुञ्जरप्रीता कुञ्जपाली कुजार्तिहा ॥ १५१॥
कुजमाता च कौलीना कुलीना कुलभोजना ।
कामिका कामदा काली कालञ्जरनिवासिनी ॥ १५२॥
कुस्थला च कुदत्कारी कामदा कामवर्धिनी ।
खलिनी खलपाली च खलदा खलवर्धिनी ॥ १५३॥
खङ्गहस्ता च खङ्गशी खर्परी खर्परप्रिया ।
खट्वाङ्गधारिणी खङ्गा खगदा खगगामिनी ॥ १५४॥
खेचरी खेचरा खेमा खजानेया खगेश्वरी ।
खट्वाङ्गी खङ्गधारी च षण्मुखी षण्मुखप्रिया ॥ १५५॥
खरेशी खरभक्षी च खरदूषणमर्दिनी ।
गौरी गौराङ्गिनीगौरी गौरीगिरिवरात्मजा ॥ १५६॥
गिरीशतनया गौर्या गीर्द्धरी गीर्धरेश्वरी ।
गीर्वाणी गिरिजा गीर्ष्या गोष्पतिप्रेमवर्धिनी ॥ १५७॥
गिरीशवल्लभा गोत्रा गोत्रजा गोत्रपालिनी ।
गोत्रेशा गोपना गोपी गोपाली गोपवल्लभा ॥ १५८॥
गौतमी गारुडी गेया गौतमी गौतमप्रिया ।
गोदावरी च गण्डक्या गोकुला गोकुलाङ्गजा ॥ १५९॥
गणेशी गणपाली च गणहा गणतोषिणी ।
गणपूज्या गणध्वंसी गणमान्या गणेश्वरी ॥ १६०॥
गणघ्नी गणसन्तुष्टा गारुडी गरुडप्रिया ।
ग्रहेशी ग्रहमान्या च ग्रहपूज्या ग्रहेश्वरी ॥ १६१॥
ग्राहिणी ग्रहणा गेहा ग्रहेशा ग्रहवल्लभा ।
गोधा गोधामिनी गोपा गोपाली गिरिजेश्वरी ॥ १६२॥
गगना गगनेशा च गगनी गगनेश्वरी ।
गङ्गा गव्या च गायत्री गोधना गोधनेश्वरी ॥ १६३॥
गौणी गौणात्मिका गोत्रा गोत्रिणी गोत्रवर्धिनी ।
गोत्रदा गोत्रपाली च गोत्रघ्ना गोत्रवल्लभा ॥ १६४॥
गोरजा गोस्वरूपा च गोपाली गिरिकन्यका ।
गोत्रजा गोत्रसंवृद्धिर्गौधना गोधनप्रिया ॥ १६५॥
गोलगर्भनिवासा च गोलगर्भविमोचना ।
गोलगर्भमनस्स्नेहा गोलगर्भविमर्दिनी ॥ १६६॥
गर्भिणी गर्भवासिन्या क्रूरगर्भनिवारिणी ।
गर्भरूपा गर्भमयी गर्विणी गर्वमोचना ॥ १६७॥
गर्वहा गर्व्वहन्त्री च गर्वघ्नी गर्वपालिनी ।
गर्वेशी गर्वयोग्या च गर्वदा गर्वकारिणी ॥ १६८॥
गलगण्डविनाशा च गलगण्डविभेदनी ।
गलगण्डबहिस्स्था च गलगण्डोपकारिणी ॥ १६९॥
गोक्षणी गोजनिर्गुर्व्वी गुर्विणी गर्वमर्दिनी ।
गीताज्ञाना च गोलब्धिर्गोलेपी गोत्रजा ग्रहा ॥ १७०॥
घनेशी घनपाली च घनौघा घनवर्धिनी ।
घोषपाली च घोषेशी घोषहा घोषघातिनी ॥ १७१॥
घटस्था घटरूपा च घटेशी घटना घटा ।
घण्टानाद सदाप्रीता घण्टानादप्रतोषिणी ॥ १७२॥
घटिका घण्टिका घण्टा घण्टानादप्रहर्षिणी ।
घोटिनी घोटजा घोटा घोटकी घोटकप्रिया ॥ १७३॥
घनिनी घनरूपा च घनकेशी घनार्तिहा ।
घनदा घनसम्मोहा घनद्युतिर्घनप्रिया ॥ १७४॥
घर्मरूपा घर्मकरी घर्मदा घर्महारिणी ।
घर्मेशी घर्मसम्मोहा घनौधा घनवर्षिणी ॥ १७५॥
चन्द्रिका चन्द्रवदना चर्च्चिका चन्दनप्रिया ।
चन्डिका चण्डहन्त्री च चण्डी चण्डपराक्रमा ॥ १७६॥
चारुरूपा चारुमयी चतुरा चतुरानना ।
चित्रिणी चित्ररूपा च विचित्रा चित्रवल्लभा ॥ १७७॥
चखिनी च चखेशी च चारुवक्त्राब्जहामिनी ।
चूडामणिकरस्था च चूडामणिविभूषणा ॥ १७८॥
चार्वंङ्गी चारुसर्वाङ्गी चच्चिनी चर्चनेश्वरी ।
चापिनी चापहस्ता च चापेशी चम्पकद्युतिः ॥ १७९॥
चम्पकपुष्पसम्प्रीता चम्पकेशी च चम्पिका ।
चपला चारुचार्वङ्गी चामीकरमहाद्युतिः ॥ १८०॥
चामीकरसदाप्रीता चामीकरविभूषणा ।
चामीकरमहाप्रेमा चम्पका चम्पकप्रिया ॥ १८१॥
चमरी चामरी चौरी चौराङ्गी चौरवर्धिनी ।
चारुचन्द्रकलायुक्ता चण्डमुण्डविनाशिनी ॥ १८२॥
चरेशी चररूपा च चर्च्चिनी चर्चनार्चिता ।
चारुचन्दनलिप्ताङ्गी चतुरा चतुरानना ॥ १८३॥
चलत्कुण्डलचिन्मौली चारुबाहुविलासिनी ।
चतुर्मुखा चतुर्वक्त्रा चतुर्बाहुश्चतुर्भुजा ॥ १८४॥
चक्रधरा च चक्राङ्गी चक्रहा चक्रभेदिनी ।
चकोरी चन्द्रिका स्नेहा चन्द्र कान्ति सदार्च्चिता ॥ १८५॥
छत्रिणी छत्ररूपा च छत्रणी छत्रपालिनी ।
छत्रेशी छत्रिका छत्रा छद्मना छद्मनप्रिया ॥ १८६॥
छागप्रिया छागभक्षा शोकहा शोकभेदिनी ।
शोकदा शोकहन्त्री च क्षेमङ्करी क्षरेश्वरी ॥ १८७॥
छलिनी छलरूपा च छत्रहा छत्रदायिनी ।
छटाकारा छन्नमुखी छदनी छदवल्लभा ॥ १८८॥
क्षणदा क्षणरूपा च क्षमदा क्षामसुन्दरी ।
क्षोभना क्षोभिनी क्षोभा क्षोभात्मा क्षोभकारिणी ॥ १८९॥
छजिनी छाजिनी छज्जा छटिनी छटना द्युतिः ।
क्षेपेशी क्षेपणी क्षेपा क्षपानाथसदाप्रिया ॥ १९०॥
क्षरेशी क्षरकारी च क्षपना क्षपिनी क्षपा ।
जननी च जगन्माता जनयित्री जराजया ॥ १९१॥
जनशोकहरी जन्या जनदा जनरञ्जनी ।
जयरूपा जगद्धात्री जर्जरा जर्जरेश्वरी ॥ १९२॥
जघना जघनी जङ्घा जघासुजङ्घवर्धिनी ।
यन्त्रिणी यन्त्ररूपा च जगदा जगदम्बिका ॥ १९३॥
योगमाया योगिनी च योगिनां बुद्धिदायिनी ।
जगज्जयन्ती जेत्रा च जाह्नवी जानकी जरा ॥ १९४॥
जठरा ज्येष्ठधान्या च जडेशी जडबुद्धिदा ।
जाड्यहा जाड्यध्वंसी च जाड्यसम्भेदकारिणी ॥ १९५॥
यज्ञरूपा च यज्ञाङ्गी यज्ञेशी जगदम्बिका ।
जारमार्गरता जारा जर्जरी जगन्मातृका ॥ १९६॥
जयिनी जृम्भणी जृम्भा यदुनाथविमोहिनी ।
यादवजीतिमापन्ना यद्वीशा यादवात्मजा ॥ १९७॥
यशोदा च यशःपाली यशोहा यशवर्धिनी ।
यशः क्षेमकरी योषा पोषिणी जगत्पालिनी ॥ १९८॥
जलदा जलसंवृष्टिर्जलधाराप्रहारिणी ।
जलेशी जलशय्या च जलसागरवासिनी ॥ १९९॥
जलसङ्क्षोभणी ज्येष्ठा ज्येष्ठेशा ज्येष्ठपालिनी ।
ज्येष्ठरूपा ज्येष्ठमयी ज्येष्ठसम्मोहकारिणी ॥ २००॥
भूर्भूरिणी भूरिभूषा भूपेशा भूपरूपिणी ।
भूपपाली च भूपेशी भूपप्रीता भूपप्रिया ॥ २०१॥
टङ्किनी टङ्करूपा च टङ्कात्मा टङ्कनेश्वरी ।
टोपा टोपायनी टेरा टौरिका टारटारिणी ॥ २०२॥
टासन्जा टाटिनी टौरा टामरप्रियकारिका ।
टोरा टट्टाट्टहासा च ठमिनि ठम्भठम्भिनी ॥ २०३॥
डण्डिनी डण्डधारी च डण्डेशी डमरात्मिका ।
डाकिनी डामरी दण्डी डेरेका डामरप्रिया ॥ २०४॥
ढक्का सङ्क्षोभिनी ढौरा ढुण्डिराजसदाप्रिया ।
ढुण्डिराजप्रहर्षा च ढुण्डिराजप्रपूजिता ॥ २०५॥
नारायणी नरेन्द्राणी निरीहा नरकार्तिहा ।
निशुम्भशुम्भमथिनी नरकासुरघातिनी ॥ २०६॥
नित्यानन्दा नरेशाना निर्विकारा निरञ्जनी ।
निर्लोपा निर्लया नीला नारिकेलफलप्रिया ॥ २०७॥
नाकिनी नाकशयना नीरवाहा नरप्रिया ।
निर्भासा नूतनानन्दा नन्दिकेशप्रपूजिता ॥ २०८॥
नन्दिकेश्वरसम्मोहा नन्दिकेश्वरपूजिनी ।
नौकासन्तारिणी नीला नासिकाग्रसुगन्धिनी ॥ २०९॥
नागसन्धारिणी नग्ना नगेशी नगरेश्वरी ।
निःशङ्कनिकटा नारी नवीना नरपालिनी ॥ २१०॥
नरवाहनशोभाढया नखिनी नखधारिणी
तन्त्रिणी तन्त्रवाद्या च तारिका तारिकोत्तमा ॥ २११॥
तारा तरङ्गिणी तीरा ताटङ्की तटनीस्थली ।
तुलजा तोतला तुर्य्या तुरीया तरुणी त्वरा ॥ २१२॥
तारिणी तामसी तन्त्रा तन्त्रिका तमहारिणी ।
तुन्दरा तुकरूपा च तोषिणी त्रिगुणात्मिका ॥ २१३॥
तञ्चिनी तुच्छहन्त्री च निर्भूरा निजकारिणी ।
तपिनी तापिनी तापी तपेशी तपमानिनी ॥ २१४॥
तारुण्यतमहन्त्री च तमोहा तमभक्षिणी ।
स्तम्भिनी स्तम्भरूपा च स्थलिनी स्थलधारिणी ॥ २१५॥
स्थलेशी स्थलहारी च थर्थरा स्थलभोगिनी ।
दमनी सर्वशत्रूणां दमयन्ती दयार्णवी ॥ २१६॥
दुर्गा दुर्गतिहारी च दुर्गिणी दुर्गरूपिणी ।
दुरन्ता दुष्कृतिर्दूरा दुर्दरोद्धारकेश्वरी ॥ २१७॥
दुर्विनीता च दैत्यारिर्दानवानां विमर्दिनी ।
दुःखहा दुर्गरूपा च दुरन्ता दयिता दया ॥ २१८॥
दुर्भिक्षहारिणी दीर्घा दीर्घहा दीर्घलोचनी ।
द्विजरूपा द्विजप्रीता द्विजेशी द्विजपूजिता ॥ २१९॥
द्विजात्मा द्विजमान्या च द्विजविद्याविवर्धिनी ।
द्विरूपा दीर्घनयना दीर्घवक्त्रप्रकाशिनी ॥ २२०॥
दीर्घहस्ता दीर्घदेहा दीर्घहासा दृहासिनी ।
दुर्लभा दुर्भरा दूर्वा दुर्वासोमुनिपूजिता ॥ २२१॥
दण्डिनी दण्डरूपा च हेमदण्डसुधारिणी ।
दूती दुःस्थालिका दुर्गा दुर्दराधरधारिणी ॥ २२२॥
दानदा दानपूज्या च दानमानविलासिनी ।
द्युमणिस्तिमिरारिश्च दुःसहा दुःसहेश्वरी ॥ २२३॥
धामिनी धामपूज्या च धूमा धूम्राक्षहारिणी ।
ध्वजिनी ध्वजवाही च ध्वजात्मा ध्वजधारिणी ॥ २२४॥
धनदा धनपूज्या च धनहा धनवर्धिनी ।
धनेशपोषिणी धन्या धारिणी धनदेश्वरी ॥ २२५॥
धरणीधरमान्या च धरणीधरवल्लभी
धाराधरी जलधरी धरेशा धरणीधरा ॥ २२६॥
धूलिसम्मोहिनी धौरा धर्षणी धूमसी ध्वजा । ओं ।
इति नामसहस्रन्तु नर्मदायाः प्रकाशितम् ॥ २२७॥
ये पठन्ति महादेवि तेषां सिद्धिरनेकधा ।
प्रातःकाले पठेन्नित्यं धनधान्य समृद्धिमान् ॥ २२८॥
माध्याह्ने च पठेद्देवि ईप्सितं लभते क्षणात् ।
सायङ्काले पठेद्यस्तु सर्वकामार्थसिद्धये ॥ २२९॥
अर्धरात्रे विशेषण नर्मदाप्रियकारकम् ।
एकवारं पठेद्यस्तु सर्वबाधा विमोचयेत् ॥ २३०॥
द्विवारं च पठेन्नित्यं सर्वशत्रुविमर्दनम् ।
त्रिवारं तु पठेन्नित्यं सर्वरोगनिवारणम् ॥ २३१॥
चतुर्वारं पठेन्नित्यं चतुर्वेदाधिपी भवेत् ।
पञ्चवारं पठेन्नित्यं पञ्चभूतेश्वरी भवेत् ॥ २३२॥
षड्वारं च पठेन्नित्यं सर्वैश्वर्य्यत्नमेद्ध्रुवम् ।
सप्तवारं पठेन्नित्यं सम्भवेद्विजयी नरः ॥ २३३॥
अष्टवारं पठेन्नित्यमष्टासिद्धिमवाप्नुयात् ।
नववारं पठेद्यस्तु नवनाथसमद्युतिः ॥ २३४॥
दशवारं पठेन्नित्यं दशविद्यालभेत्स्वयम् ।
रुद्रवारं पठेद्यस्तु रुद्रतुल्यपराक्रमः ॥ २३५॥
विंशतिवारं पठेद्देवि सर्वदुःखनिवारणम् ।
त्रिंशद्वारं पठेद्यस्तु मुच्यते व्याधिबन्धनात् ॥ २३६॥
चत्वारिंशत्समावर्त्य कामुकी लभते स्त्रियम् ।
पञ्चाशद्वारमासाद्य कामकोटिविमोहितम् ॥ २३७॥
षष्ठिवारं पठेद्यस्तु स लभेदचलां श्रियम् ।
पठेत्सप्ततिवारं चेच्छत्रुहानिः प्रजायते ॥ २३८॥
पठेदशीतिवारं वै सभवेद्देवदुर्लभः ।
पठेन्नवतिवारं यः सभवेद्धनदोपमः ॥ २३९॥
शतावृत्तिपठेद्यस्तु मनोभिलषितं लभेत् ।
सहस्रावृत्तिपाठेन मुच्यते व्याधिबन्धनात् ॥ २४०॥
निशीथे नर्मदातीरे यः पठेच्छिवसन्निधौ ।
सहस्रावृत्तिपाठेन सर्वसिद्धि लभेन्नरः ॥ २४१॥
राजभ्रंशे महादुःखे दारिद्र्ये व्याधिसम्भवे ।
अयुतावृत्तिपाठेन गतराज्यमवाप्नुयात् ॥ २४२॥
दुष्टग्रहविनाशं च अयुतावृत्तिपाठतः ।
शिवगेहे रिपोर्भङ्गे श्रीकामे विष्णुमन्दिरे ॥ २४३॥
अश्वत्थे राजवश्यार्थे कन्यार्थे चण्डिकागृहे ।
जले स्वरूपकामी हि राज्यार्थे सरितस्तटे ॥ २४४॥
विद्यार्थे ब्रह्मवृक्षे च रोगे चारण्ययोगकः ।
यं यं कामयते काममयुतावृत्तिपाठतः ॥ २४५॥
तं तं प्राप्नोति देवेशि नान्यथा वचनं मम ।
प्रतिमा मर्चयेद्धीमान्स पुष्पबिल्वपत्रकैः ॥ २४६॥
तस्य सिद्धिरनेकस्था सर्वसौभाग्यसम्पदा ।
दारिद्र्य नश्यते सर्वं नर्मदायाः प्रसादतः ॥ २४७॥
नान्यदेवी नान्यदेवी नान्यदेवी महीतले ।
नर्मदा सदृशा लोके न गङ्गापि वरानने ॥ २४८॥
नर्मदा नर्मदा सर्वमनोरथान्ददाति वै ।
कलौ तु नर्मदा देवी कल्पवृक्षी भनार्तिहा ॥ २४९॥
तस्या वै स्तोत्रपाठेन भवन्ति सफलाः क्रियाः ।
तस्मात्सर्वप्रयत्नेन नर्मदा सेवनं कुरु ॥ २५०॥
ऐश्वर्यदात्री जनदुःखहन्त्री
पापान्विहन्त्री विमलाच्चितश्रीः ।
शिवात्मिका लोकपदस्थिता त्वं
श्रीनर्मदे देवि मम प्रसीद ॥ २५१॥
श्रीनर्मदे देवि मम प्रसीद । देवि मम प्रसीद ।
हरिः ॐ तत्सदिति श्री भवानीतन्त्रे हरगौरी संवादे
अक्षरादिनर्मदासहस्रनामस्तोत्रं सम्पूर्णम् ।
श्रीनर्मदागजाननार्पणमस्तु ।