% Text title            : Shri Navadurgasvarupanusandhana Stuti
% File name             : navadurgAsvarUpAnusandhAnastutiH.itx
% Category              : devii, devI, stuti, durgA
% Location              : doc\_devii
% Proofread by          : Aruna Narayanan
% Description/comments  : From shrInaTarAjastavamanjarI. atharvaNa rahasye shrI dakShiNAmUrtisaMhitAyAM vidyAmnAya kalpa
% Latest update         : July 10, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Navadurgasvarupanusandhana Stuti ..}##
\itxtitle{.. shrI navadurgAsvarUpAnusandhAnastutiH ..}##\endtitles ##
vakShye.ahaM nava durgAyAH svarUpANyadhunA kramAt |
prathamA vana durgA syAt shUlinyAkhyA dvitIyikA || 1||
tR^itIyA jAtavedAstu shAntidurgA chaturthikA |
pa~nchamI shabarI durgA jvalad durgA cha ShaShThikA || 2||
saptamI lavaNAbhikhyA dIpadurgA tathA.aShTamI |
navamI hyAsurI durgA proktA etA navAmbikAH || 3||
purA bhaNDamahAyuddhe lalitAmbA.aTTahAsataH |
AvirbhUtA imA devyaH madhvAdyasurabhIkarAH || 4||
smaraNAdarchanAttAsAM japAt durgANi mAnavAH |
taranti tarasA nAnyo hyupAyo.asti kalau yuge || 5||
duHkhena shatrubhirgantumashakyatvAt yato.ambikA |
durgeti kathitA shambhuM samarodyuktamAshritA || 6||
durgAt santrAyate yasmAt devI durgeti kathyate |
prapadye sharaNaM devi chetyAhAtharvaNI shrutiH || 7||
AkrIDAyAM bhavAnI sA shambhoH kope tu kALikA |
jagatAM pAlane viShNuH yuddhe durgA shivapriyA || 8||
samaShTi vyaShTi bhedena dvidhA tanmUrtirIritA |
samaShTireva sarvatra pUjyate hi dvijAtibhiH || 9||
vikhyAtA sarvadA durgA mahiShAsuramardinI |
samaShTirUpiNI devI navadurgAtmikA shivA || 10||
vindhyadarpavinAshArthamagastyena vane purA |
yA durgA pUjitA tasmAt vanadurgeti kIrtitA || 11||
tripurANAM mahAyuddhe vahantI shUlamAyudham |
shambhoH vAmagatA durgA tasmAt sA shUlinI matA || 12||
jAtavedaH svarUpA yA ga~NgAM nayati shAmbhavam |
vIryaM tasmAt jAtavedodurgeti prathitA bhuvi || 13||
R^iNarogapishAchAdi sarvopadrava nAshanAt |
rudrakopaprashamanAt shAnti durgeti kIrtitA || 14||
yA pArthasyAnugrahArthaM shabarAtmAnamIshvaram |
purA vane hyanugatA tasmAtsA shabarI matA || 15||
rakShArthaM shaktisenAstAH purA bhaNDAsurAhave |
abhijajvAla shibiraM jvalad durgA tato matA || 16||
lavaNAsura saMhR^ityai lakShmaNena samarchitA |
yA purA rAmavinutA sA durgA lavaNAbhidhA || 17||
hArdAndhakAraM yA durgA vArayantyAshu yoginAm |
dIpavattimiraM sA syAt dIpadurgA sukhapradA || 18||
asurAn mohayantI yA purA.ayachChat sudhArasam |
surebhyaH sA.a.asurI durgA kIrtitA sarvasiddhidA || 19||
samaShTidurgA
arisha~NkhakR^ipANa kheTa bANAnsadhanushshUlaka tarjanIrdadhAnA |
mama sA mahiShottamA~NgasaMsthA navadurgAsadR^ishI shriye.astu durgA || 20||
1\. vanadurgAdhyAnam |
sauvarNAmbuja madhyagAM trinayanAM saudAminI sannibhAM
      sha~NkhaM chakravarAbhayAni dadhatImindoH kalAM bibhratIm |
graiveyA~Ngada hAra kuNDaladharAmAkhaNDalAdyaiH stutAM
      dhyAyedvindhyanivAsinIM shashimukhIM pArshvasthapa~nchAnanAm || 21||
2\. shUlinIdurgAdhyAnam |
adhyArUDhAM mR^igendraM sajalajaladharashyAmaLAM hasta padmaiH
      shUlaM bANaM kR^ipANImarijalajagadAchApapAshAnvahantIm |
chandrottaMsAM trinetrAM chatasR^ibhirasinA kheTakaM bibhratIbhiH
      kanyAbhiH sevyamAnAM pratibhaTabhayadAM shUlinIM bhAvayAmi || 22||
3\. jAtavedodurgAdhyAnam |
vidyuddAmasamaprabhAM mR^igapatiskandhasthitAM bhIShaNAM
      kanyAbhiH karavALakheTavilasaddhastAbhirAsevitAm |
hastaishchakradharAsikheTa vishikhAn pAshA~Nkushau tarjanIM
      bibhrANAmanalAtmikAM shashidharAM durgAM trinetrAM bhaje || 23||
4\. shAntidurgAdhyAnam |
rogopadrava shatrubhIti vividha krUrAhi shUkolbaNod\-
      duShTAriShTapishAchajA bahuvidhAstA Apado hyAmayAH |
yad.hdhyAnAtprashamaM prayAnti sahasA sA shAntidurgA.avatAt
      hastAshliShTavaratrishUla kamalAbhItirmR^igendrAsanA || 24||
5\. shabarIdurgAdhyAnam |
gu~njAphalAkalpita hAraramyAM shrutyoH shikhaNDaM shikhino vahantIm |
kodaNDabANau dadhatIM karAbhyAM kaTisthavalkAM shabarIM smarAmi ||
6\. jvaladdurgAdhyAnam |
jvAlAmAlAvalIDhA jvalanasharadhanushsha~NkhachakrAsikheTAn
      shUlaM santarjanIM yA karasarasiruhaissandadhAnA trinetrA |
aurvAgniM sa~NkirantI raNabhuvi ditijAnnAshayantI parA sA
      durgA jAjvalyamAnA bhavatu mama sadA siMhasaMsthA purastAt || 26||
7\. lavaNadurgAdhyAnam |
karakamala virAjachchakrasha~NkhAsishUlA
      parilasitakirITA pATitAnekadaityA |
trinayanalasitA~NgI tigmarashmiprakAshA
      pavanasakhanibhA~NgI lAvaNI pAtu durgA || 27||
8\. dIpadurgAdhyAnam |
dIpAntarjvalitAravindasadR^ishA siMhAsanasthA shivA
      shUleShvAsasharAri sha~Nkha kamalAbhItIShTa hastojjvalA |
sampUjyA.amaraloka vAsibhirasAvAkhelayantI mudA
      svAbhAdIptanishA mahesharamaNI durgAmbikA rakShatAt || 28||
9\. AsurIdurgAdhyAnam |
sharachchandrakAntirvarAbhItishUlAn sR^iNiM hastapadmairdadhAnA.ambujasthA |
vibhUShAmbarADhyA.ahiyaj~nopavItA mudo.atharvaputrI karotvAsurI naH || 29||
samaShTistutiH |
navIkR^itAkAradharA.api yA.anavIkR^itA.avikArApi vikArarUpiNI |
visargarUpA.apyavisargarakShaNonmukhI sadA rakShatu sA navAtmikA || 30||
durge shUlini jAtavedasi mahAshAntyAhvaye shAbari
      jvAlAdurgavarAbhidhe lavaNage dIpAbhidhe hyAsuri |
ehyambe purato mamAdya bhayakR^idrogAri pIDAdimAn
      vidhvastAn kuru dehi saukhyamatulaM bhaktiM tathA.avyAhatAm || 31||
phalAshaMsanam |
navadurgAsvarUpAnusandhAyakamanuttamam |
idaM stotravaraM nityaM yaH paThet sarvasiddhidam || 32||
trikAlaM hyekakAlaM vA sa~NkAntAvayane tathA |
viShau darshe paurNamAsyAmaShTamyAM bhaumavAsare || 33||
shukravAre chaturdashyAM rohiNyAM vA visheShataH |
kR^iShNA~NgArachaturdashyAM bhaumAshvinyAM paThedidam || 34||
mahAmR^ityuM cha tarati mahAdurgANi shIghrataH |
nishIthinyAM japedetat vAksiddhirapi labhyate || 35||
sarvAn kAmAnavAproti sarvasiddhi~ncha vindati |
atyutpAtabhaye jAte rogopadravasambhave || 36||
R^iNe bandhe cha yo dhImAn navadurgAM hR^idi smaran |
paThedAshu sukhaM yAti mahAdevyAH prasAdataH || 37||
gopanIyamidaM stotraM nAtra kAryA vichAraNA |
navadurgA mahAvidyA navadhA hyuddhR^itAshcha tAH || 38||
japitvA.ante paThedetat stotraM tasyANimAdayaH |
vashaM yAnti na sandeho navadurgA prasIdati || 39||
evaM yo hR^idi bhAvayan stutimimAM sa~NkIrtayan pratyahaM
      mantrANAM navakaM navAkR^itidharAM durgAmupAste shivAm |
saMyAtyAshu mano vichintitaphalaM santAnasatsampadaH
      kAntAbhUdhanadhAnyavargamatulAM puShTiM cha nirvairatAm || 40||
(atharvaNa rahasye shrI dakShiNAmUrtisaMhitAyAM vidyAmnAya kalpataH)

iti shrI navadurgAsvarUpAnusandhAnastutiH samAptA |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}