% Text title : ShaTtri.nshanavamallikaastotra % File name : navamallika36.itx % Category : devii, dashamahAvidyA, stotra, tyAgarAja, devI % Location : doc\_devii % Author : tyAgarAja % Transliterated by : Sridhar Seshagiri seshagir at engineering.sdsu.edu % Proofread by : Sridhar Seshagiri seshagir at engineering.sdsu.edu % Description-comments : Hymn in praise of the Devi as Tripurasundari % Latest update : March 22, 2002, June 26, 2011 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Hymn in praise of Goddess Tripurasundari in 36 verses ..}## \itxtitle{.. ShaTtri.nshannavamallikAstavaH ..}##\endtitles ## yA mAtA sadasadvilakShaNaparAsa.nvitsvarUpA sadA jAgratsvapnasuShuptivR^ittivilasatsphUrtiH parA vaikharI | ichChAditrayadharmiNI paraguhAhantAprakAshAtmikA tAM naumi tripurAM parAparamayIM svAnandasa.nvittaye || 1|| yAM mUlAmbujakarNikApravilasatkAmAkhyapIThe parAM somArkAnaladIptimakSharatanuM bAlAM vimarshAtmikAm | dhyAyantaH sahasA bhajanti kavitApANDityamatyadbhutaM tAM naumi tripurAM parAparamayIM svAnandasa.nvittaye || 2|| yAmambhojamR^iNAlatantusutanuM vidyutsahasraprabhAM kUjantIM kulakuNDakhelanaparAM prANAnilodyojanIm | oDyANe parichintayanti kR^itinaH pIyUShavarShAptaye tAM naumi tripurAM parAparamayIM svAnandasa.nvittaye || 3|| yAM smR^itvA maNipUrake ravinibhe raudre kR^ishAnvAlaye pashyantIM padavAkyapadyarachanApANDityasa.nvardhinIm | vaktrAmbhoruhasaudhanartananaTIM pashyanti shaivAH sadA tAM naumi tripurAM parAparamayIM svAnandasa.nvittaye || 4|| yAM dhyAyanti vidhUtapApahR^idayA hR^itpuNDarIkAmbare nirdoShAruNaratnadIpatulitAM praj~nAnasImantinIm | sa.nlabdhuM sakalAtmikAM paramanaHkAyapraveshAkriyAM tAM naumi tripurAM parAparamayIM svAnandasa.nvittaye || 5|| yAM jAlandharabandhanordhvagamanAM chakre vishuddhau shara\- jjyotsnAkAshanibhe svarAkSharalasaddvyaShTAbjapatrAnvite | dhyAyantyAtmasukhAnubhUtimamalAM labdhuM chira~njIvitAM tAM naumi tripurAM parAparamayIM svAnandasa.nvittaye || 6|| yAM pashyanti purANapuNyalasikAH shrIdeshikAj~nAdharA bhrUmadhyadvidalAmbujapravilasachchAndrIkalAM shAshvatIm | nityAnandasudhAsamudralaharIkrIDAnubhUtyai sadA tAM naumi tripurAM parAparamayIM svAnandasa.nvittaye || 7|| yAM pArshvasthitaha.nsavarNavilasadbindau trivarNAtmikAM pradyumnIyakalAmayIM nijasukhodbodhaprasAdodayAm | siddhAntArtharatA jitendriyakaNA dhyAyantyabhedAya vai tAM naumi tripurAM parAparamayIM svAnandasa.nvittaye || 8|| yAmardhendusaroruhe.ardhashashabhR^idrUpe himA.nshuprabhe pashyantyAtmasukhAya visvanamayIM tattantrasa~NkhyAlavaiH | hR^illekhAmanupAragA niyamitaprANAdisarvendriyAH tAM naumi tripurAM parAparamayIM svAnandasa.nvittaye || 9|| rodhinyamburuhe trikoNaruchire jyotsnAnibhe sarvadA dvAtri.nshallavamAnanisvanavahAM pashyanti yAM khecharIm | mAyAkrIDanapeshalAnijapadAnandAptaye.apyadbhutaM tAM naumi tripurAM parAparamayIM svAnandasa.nvittaye || 10|| nAdAbje varapadmarAgamaNiyaShTyA spardhamAnAM parAM gachChantIM shivadhAma ShoDashalavadhyAnAtmikAM sa.nvidA | tArAnAyakabhAnusa~NgarasikAH pashyanti mudrAnvitAH tAM naumi tripurAM parAparamayIM svAnandasa.nvittaye || 11|| nAdAnte.aShTalavadhvaniprakaTitAM vidyuchChaTAbhAsurAM yAM savyasthitabindulA~NgalamivA svaM rUpamAbibhratIm | yAntImUrdhvakulaM yamAdiniratAH pashyantyakhaNDAptaye tAM naumi tripurAM parAparamayIM svAnandasa.nvittaye || 12|| tiryagbinduyugasya vAmavicharadrekhAmaye nirmale shaktyabje taruNArkarochiShi cha yAM pashyanti lakShekShaNAH | svAnandAya chaturlavasvanamayIM shrIpAdukAgAminIM tAM naumi tripurAM parAparamayIM svAnandasa.nvittaye || 13|| bindvAshliShTakR^ishAnukoNatanumatyAM vyApikAyAM sadA bAloShNA.nshuruchau parAM lavayugadhyAnAtmikAM sa.nvidam | yAM pashyanti manIShiNaH kulavadhUpAdAbjareNUdvahAH tAM naumi tripurAM parAparamayIM svAnandasa.nvittaye || 14|| UrdhvAdhovilasatsubinduyutarekhAmbhoruhe nirmale sUryAbhe samanetinAmni lavanisvAnAtmikAM chetanAm | yAM pashyantyamanaskayogavibhavAyAntarmukhArAdhakAH tAM naumi tripurAM parAparamayIM svAnandasa.nvittaye || 15|| unmanyamburuhe dviShaDadinamaNijyotirmaye chinmayIM bindvAdhArasamullasatsaralasadrekhAmaye yoginaH | yAM pashyantyaNimAdivighnadalane dhIdhairyavij~nAninaH tAM naumi tripurAM parAparamayIM svAnandasa.nvittaye || 16|| yAM dhAtrAdivihInadhAmarasikAM j~nAtrAdivishrAntikAm AtmArAmaparAyaNashrutishiromaunArtharUpAM shivAm | nirdvandvAtmaparAyaNA anubhavantyAnandasImAtigAH tAM naumi tripurAM parAparamayIM svAnandasa.nvittaye || 17|| yAmAbAlabudhAj~nagopaviditAha.nrUpiNIM sarvadA sarvopaplavamuktadhAmaramaNIM svAnandalIlAvatIm | nistraiguNyaparAparetararasAH svenaiva pashyantyaho tAM naumi tripurAM parAparamayIM svAnandasa.nvittaye || 18|| yAM praj~neti vadanti kechiditare sadrUpiNItyAdimAM shUnyaM kechidajeti kechidapare jADyAtmiketyadbhutam | jADyAjADyamayIti kechiditare tadbrahma sarvAtmakaM tAM naumi tripurAM parAparamayIM svAnandasa.nvittaye || 19|| yA kAShThA paramA gatiH paramabhUdaspandinI spandinI sR^iShTvAdau nikhilaM charAcharamidaM svasmin praveshyechChayA | krIDatyekarasAtmikApi bahudhA bhAtIva yA sarvagA tAM naumi tripurAM parAparamayIM svAnandasa.nvittaye || 20|| yAhampratyayasAkShiNI jagadupAdAnaM cha niShkAraNaM yAvasthAtrayavarjitApi sakalAvasthAtmikA sa.nvidA | yA bhoktR^itvavilakShaNApi satataM bhoktrI pramodAnnijAt tAM naumi tripurAM parAparamayIM svAnandasa.nvittaye || 21|| sarvAnugrahadharmiNI svayamabhUt sAdAkhyadharmeNa yA lokAnAM parameshvarI kila tirodhAnena dharmeNa yA | yA nAshasthitisR^iShTidharmavibhavai rudrAdimUrtyAtmikA tAM naumi tripurAM parAparamayIM svAnandasa.nvittaye || 22|| yA somArkamahIjalAgnimarudAkAshAtmadehaiH sadA sarvaM vishvamidaM dadhatyApi paraM nirdehalepAdbhutam | yA vedAgamashAstramUlagururapyavyAjamaunAtmikA tAM naumi tripurAM parAparamayIM svAnandasa.nvittaye || 23|| sUkShmAt sUkShmatamA vibhorvibhutamA yA madhyamA sarvadA shrotrAdeH shravaNAdirAtmani chidAbhAso matau prerikA | vishvo jAgrati taijasaH paramabhUt svapne suShuptau sukhaM tAM naumi tripurAM parAparamayIM svAnandasa.nvittaye || 24|| nirdoShA sakalAntara~NgaramaNIyApyadbhutaM niShkriyA yA sarvendriyakarmakartryapi satAM pAshAShTakachChedinI | nirlobhA nikhilaprapa~nchamamatAhantAtmikApyadvayI tAM naumi tripurAM parAparamayIM svAnandasa.nvittaye || 25|| adhvAtItacharitravatyapi satAM sanmArgasandarshinI yA pUjAvimukhI nR^iNAM nijapadArchAyAM niyantrI param | sarvAha~NkR^itirUpiNI natajanAha~NkAravichChedinI tAM naumi tripurAM parAparamayIM svAnandasa.nvittaye || 26|| yA pa~nchAnanama~nchamadhyavilasatkAmeshvarA~NkasthitA nityA pUjitapAdapadmayugalA nityotsavAhlAdinI | sarvAnandagR^ihojjvalA gurukR^ipApIyUShaTTaggocharA tAM naumi tripurAM parAparamayIM svAnandasa.nvittaye || 27|| naiShkarmyA svayamapyaho nijakR^ipApAtrasya yat sa~nchitaM prArabdham kShapayatyananyagatikaM taM yAkaroddevatAm | nirdharmiNyapi sarvadA nijanatAyAnandadAyinyaho tAM naumi tripurAM parAparamayIM svAnandasa.nvittaye || 28|| yA brahmANDajagatprasUrapi sadA tAruNyavatyadbhutaM sarvaishvaryaratApi garvamadamAtsaryAdihInA param | trailokyeshvararAj~nyapi shritajanairdattaM pragR^ihNAtyaho tAM naumi tripurAM parAparamayIM svAnandasa.nvittaye || 29|| yA bhaktottamachetasashchapalatAM hantrI kura~NgekShaNA chitraM kAmaripormanashchapalatAM dAtrI svarUpeNa cha | mohaM hanti natasya mandahasitairmohaM vidhatte vibhoH tAM naumi tripurAM parAparamayIM svAnandasa.nvittaye || 30|| yasyAH padmadalAyatAkShikaruNApAtrANi vANyAdaya\- stattatkAryaparA bhavanti kR^itino brahmendrarudrAdayaH | yasyAH pAdasarojasevanaparA nandantyaho siddhayaH tAM naumi tripurAM parAparamayIM svAnandasa.nvittaye || 31|| divyashrIcharaNAravindavigalatpIyUShasarpiH plutaM j~nAnAgnau sumanaHsruchA jaDamidaM dR^ishyaM tapaHsa.nskR^itam | yasyai bhaktisatIsamanvitabudhA juhvatyajasraM paraM tAM naumi tripurAM parAparamayIM svAnandasa.nvittaye || 32|| yA shR^i~NgArarasopadeshanaguruH shrIkAmajetuH sadA kAruNyAmR^itavR^iShTipUrNajalamuk shrInIlakaNThapriyA | pa~ncheShorvijayashriyo dhvajapaTI yA shAntisImAnaTI tAM naumi tripurAM parAparamayIM svAnandasa.nvittaye || 33|| vidyodyAnamarAlikA parashivotsa~NgollasachChArikA menApuNyasupa~njarAshritashukI kAtyAtanI yAmbikA | shrIpANDyeshvarakIrtikalpalatikA kA~nchIpurInAyikA tAM naumi tripurAM parAparamayIM svAnandasa.nvittaye || 34|| lokAnAM paramauShadhaM bhagavadadhva.nsAya vidyAptaye mUkAnAmamR^itAbdhivIchikavitApANDityasImAptaye | nistraiguNyaparAtparasya madanodrekAya chitraM cha yA tAM naumi tripurAM parAparamayIM svAnandasa.nvittaye || 35|| nityaishvaryavatI mahAguNavatI satputrasampadvatI satsaubhAgyavatI patipriyavatI prAj~neshvarI pArvatI | satsaundaryavatI shivavratavatI sAdhvI cha yA shAshvatI tAM naumi tripurAM parAparamayIM svAnandasa.nvittaye || 36|| ShaTtri.nshannavamallikAsrajamimAM tyAgeshapAdArpitAM praj~nAsUtrasugumbhitAM gurukR^ipAnandAmR^itAplAvitAm | yo dhatte hR^idi mUrdhni nishchaladhiyA shrotreNa vAchAthavA tasmai dAsyati devatA shivapadaM satputrasampatsukham || 37|| ityAnandanAthapAdapapadmopajIvinA kAshyapagotrotpannenAndhreNa tyAgarAjanAmnA virachitaH ShaTtri.nshannavamallikAstavaH sampUrNaH | ## Encoded and proofread by Sridhar Seshagiri seshagir at engineering.sdsu.edu \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}