% Text title            : navaratnamAlikA ambikAstutiH
% File name             : navaratnamAlikA.itx
% Category              : devii, pArvatI, devI, nava
% Location              : doc\_devii
% Author                : narakaNThIravashAstri
% Transliterated by     : Sunder Hattangadi
% Proofread by          : Sunder Hattangadi
% Description/comments  : shrIkAlahastikShetrasthajnAnaprasUnAmbikAstutiH, from Malayamaruta 4 pages 5-6
% Latest update         : August 18, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Navaratnamalika Ambikastutih ..}##
\itxtitle{.. navaratnamAlikA ambikAstutiH ..}##\endtitles ##
(shrIkAlahastikShetrasthaj~nAnaprasUnAmbikAstutiH)
shrInarakaNThIravashAstrivirachitA |
shrInAkanAthamukhanAnAsahasrasurasenAgramaulivalabhI\-
sUnAvalIbahulalInAlinImadhuragAnA~nchitA~NghrinalinA |
mAnAtila~NghimahimAnAdirAnatajanAnAmanekaphaladA
j~nAnAmbikA bhavatu dInAvanI kushaladAnAya me bhagavatI || 1||
rAkAshashA~NkaruchirAkArachArupAdanA(patadA)kAshasindhulaharI\-
nIkAshasUktisaraNIkAriNI prakR^itimUkAtmanAmapi nR^iNAm |
pAkAhitapramukhanAkAlayaprakarashokApanodanachaNA
shrIkAlahastinagaraikAyanAvatu pinAkAyudhasya dayitA || 2||
shreNIbhavaddiviShadeNIdR^igullasitaveNIpinaddhasumano\-
droNImarandarasaveNIprasArabhR^ishashoNIkR^itA~NghrikamalA |
shroNInaTatsarakR^ipANImanoj~naghanaveNI kR^ipArdrahR^idayA
kShoNIdharendratanayANIyasImapi cha vANIM pragalbhayatu me || 3||
kelIsamAkalitatAlIdalashravaNapAlIvibhUShaNamaNI\-
vA(pA)lI madoddhatamarAlIgatirdiMshatu nAlIkadIrghanayanA |
chUlItalAbharaNanAlIkavairishakalAlIbhavatsuravadhUH.a
kAlI giraM mR^idu mR^iNAlIbhujA mama madhUlIrasormimadhurAm || 4||
hR^idyAnavadyataragadyAnubaddhamR^idupadyAbhirUpakavitAM
dadyAjjaganmahitavidyAM trayIshikharavedyA himAdritanayA |
AdyA parA mama sharadyAminIshabhR^idavidyAvilAsashamanI
vidyAdharI samabhivAdyA jvalanmaNiniShadyAyamANarashanA || 5||
hAlAmadAkalitahelAlasadbahulalolAruNAkShiyugalI
lIlApinaddhasurasAlAvalIprasavamAlAsugandhachikurA |
kailAsanAthahitashIlA karA~nchitashukAlApalolahR^idayA
velAtila~NghishubhajAlAya me bhavatu shailAdhinAthatanayA || 6||
chaNDApadAnayutachaNDAbhidhAsurapichaNDAvadAraNachaNA
bhaNDAsurograbhujadaNDAgranirdalanashauNDAyudhoddhatakarA |
shuNDAnukArikarakANDAvadIrNajagadaNDATTahAsabhayadA
daNDAyudhAya shashikhaNDAvataMsitashikhaNDA na chArpayatu mAm || 7||
hu~NkAranirgaladasha~NkApatad.hviShadaha~NkAramAratimirAM
a~NkAntalambisitak~NkAlahArasadala~NkArabandhuragalAm |
hrI~NkAriNIM bhayadaTa~NkArakArmukakarAM kAlahastinilayAM
pa~NkApahAmapakala~NkAvataMsahariNA~NkAM bhaje bhagavatIm || 8||
kaNThAravodyadupakaNThAridurviShahakaNThIravendragamano\-
tkaNThA nikAmashitikaNThAnukarShikalakaNThAnulApalalitA |
shuNThIbhavaddanujakaNThIravaprakarakuNThIkR^itikShamabalA
kuNThIkarotu narakaNThIravAkhyakavikaNThIravasya duritam || 9||
shrIkAlahastinilayaj~nAnaprasavAmbikAmude rachitA |
narakaNThIravakR^itinA navaratnastutiriyaM chiraM jayatu || 10||

|| iti shrInarakaNThIravashAstrivirachitA navaratnamAlikA samAptA ||

shrInarakaNThIravashAstri kavirayaM Andhro vaTTiyallivaMshIyaH
19\-shatakAnte madrAsa\-nagarAnnatidavIyasi kArveTinagaranAmni sthale
tadadhIshasya bommarAjasyAsthAnakavirAsIt | asya pautrA adyApi jIvanti |
asya kR^itaya \- 
1 abhinavAsavadattA (subandhukR^ita\-vAsavadattAgadyakAvyasya padyaiH sa~NgrahaH),
2 yatisArvabhaumopahAraH (shrIsha~NkarAchAryapAramparyavarNanam)
3 kapileshvarastutiH (tiruppatikShetrasthashivastutiH); gairvANyAM (4\-11, 15\-11\-66) mudritA |\-
4 j~nAnaprasUnAmbikA navaratnamAlikA (atra mudryamANA).
etA adya upalabhyante | kechana shAstragranthAshchAnena rachitAH |
navaratnamAlikAyA mAtR^ikA aDyAra\-koshAgAre.apyupalabhyate | iyaM
kvachidanyatra mudriteti shrUyate, kintu aprasiddhA durlabhA cha |

##
Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}