% Text title : Niroshthayam Indira Shatakam % File name : niroShThyamindirAshatakam.itx % Category : devii, shataka % Location : doc\_devii % Author : kRiShNakavi % Proofread by : Rajesh Thyagarajan % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Niroshthayam Indira Shatakam ..}## \itxtitle{.. niroShThyamindirAshatakam ..}##\endtitles ## atha niroShTyapadairlalitAmimAM kalasha sindhusutA vibhavodayAm | kalayituM kavikR^iShNa iha stutiM kalayate hR^idi tAM harinAyikAm || jayati sA jaladhestanayA dayAkalitanityacharAchararakShaNA | sahacharI cha harerlalitakriyA lasitadaityanihantR^ihR^idantarA || 1|| jayati nikhilanAkitrANadattaikadR^iShTi\- rhatanatajanadainyA kIrtitA jAnakIti | sarasijanilayA sA sAdarA sArasAkShI trijagadahitahAridhyAnadhArAgryahArA || 2|| dineshasantatyadhinetR^ikR^ittanishAchareshAnashirA dharaNyAH | AkhaNDalAdyairakhilaishcha kalyA kanyAryagaNyA rathahastidhanyA || 3|| nAkAlayAhArakR^ite nadIshe dharAdharAdhaHsthalasannikR^iShTe | jAtAstatastatra rasArdrachetAH sA shrIrjagattrANakR^itAttanAthA || 4|| sArAsArakalAderjanayitrI sarasagAdhayA kIrtyA | dhIrAgragaNyadasharathatanayenaiShA kR^itAkhilashreyaH || 5|| sahR^idayahR^idayArAdhyA sA yasyA nAyakaH khyAtaH | netArkasantateryastrAtA jagatashcharAchareshashcha || 6|| karakalitasarasijashrIH sarasijanilayA cha sArasAkShI yA | karadAnakR^itashreyaHsantatireShA chakAsti saddhR^idaye || 7|| nAgeshayasya sA kAntA nAkinAthArchanAdR^itA | dAsahR^itsarasIjAtanilayA rakShaNArthinI || 8|| sarasA dayayA hi sArasAkShI kR^itasantAnakalArtihAriNI yA | nijanAthakarasthasAyakAlIhatanAkAririhAryadhAraNArhA || 9|| tara~NgiNInAyakakanyakAyAH kaTAkShadhATyA kalitashriyaste | hareshcha kai~NkaryanirantarAsha rAjanti kAle nihatArisa~NghAH || 10|| raNajitarajanIchareshasenA nikhilajagajjananI tathA hi jaj~ne | sarasijanilayA dharAryakanyA dinakarasantatinetR^inityadAraH || 11|| nijakaTAkShajharIkalitAkhilakShayajarAdirarAtikR^itAntakA | tridashanAthakR^itArchanayA jagajjayakarI kila sA harinAyikA || 12|| sAketa netR^idayitA saiShA sIteti kIrtitA | kirITA dilasaddehA jagadArtiharI kila || 13|| nIlanIrada sa~NkAshakeshA dAsharatherhareH | karNAntAyatanetrAntA kAntArtajanarakShiNI || 14|| kA~NkShitAdhikadAnena khyAtA sA dharaNItale | anAdinidhireShA naH shreyaHsantAnadAyinI || 15|| dineshatanayAga~NgAsahyajAditaTItale | sA shrIH kalitasAnnidhyA jayadA rAjate kila || 16|| kA~NkShitAdhikadAyinyA sItayA hitayA tathA | kR^itArthAnIha kAryANi sanAthAshcha kR^itA narAH || 17|| sharaNAgatArtiharaNA yaiShA jananIha sahyajAtIre | sahR^idayahR^idayArAdhyA jayati khageshAnadhAryanijacharaNA || 18|| kalindanandinItIre nandanandanalIlayA | nananda yendirAnandakalindashrIrihaidhate || 19|| gItAchAryasya dayitA yA gItA kinnarIgaNaiH | sA hi shrIrindirA dAsyashrIkarI harinandinI || 20|| hareH sA nityakalyANadAyinI jananI cha naH | tara~Ngayati yA shreyashcharAcharahitaiShiNI || 21|| nArAyaNasya kAntA sArArdrahR^idantare kalitakeliH | hariNanayanA cha kAle kariNArchitanaijacharaNanalinA cha || 22|| nirIkShitA tayA kAle hariNAkShyA dharA hi yA | nidhayastatra nAkeshalAlyA rAjanti tatkShaNAt || 23|| shAradasarasijanayanA nAradakalagItigeyacharitA cha | sAradadharaNestanayA sAradadhIstArakArinatikalyA || 24|| shithilitakalihAniH sAgarendrasya kanyA dashashatanayanAdyairAdarAdarchanIyA | janayati tanayAdInAdareNAryahR^idyA\- nakhilachidachidAditrANanAdattadIkShA || 25|| sA sAgarendratanayA dAshArhahR^idi sthirAsanA jananI | nAsAratnaghR^iNIDitakAsArajasadR^ishanetrA yA || 26|| nArAyaNasya gR^ihiNI tArAsa~NkAshahAralalitagalA | ArAdhanArhacharaNA sArArthaj~nAnadAyinI jananI || 27|| sajjanarakShaNadhanyA kanyA sA sAgarasya kR^itadhanyA | tanyAdanitarakanyAdAnAdishreya AdarAdiha naH || 28|| harihR^idayAntaHsharaNA sharaNAgatasajjanAlinatacharaNA | sati kalitAdaraNA sA jayatIha tale sadAhR^itAcharaNA || 29|| sajjanairArAdR^itAnIha dhanAni nayate kShaNAt | dharaNItanayA saiShA nAnAdeshagatArthinaH || 30|| sadAdR^itA sadArAdhyA sadAnandAsanasthitA | kadA hi kalayennaijakaTAkShalaharIriha || 31|| tilakAla~NkR^itA hyeShAnilajAtakR^itAdarA | gharAyAstanayA khyAtA jAnakIti dharAtale || 32|| dadyAdadya shreyaH kirITahArAdilasitanijadehA | jalanidhikanyA dhanyA yatsthAnanatikShatArikalikArshryAH || 33|| AkhyAtA dishi saiShA shreyaHsantAnashAkhilatiketi | natanAkishIrSharatnAdR^itanijanIrAjanakriyA jayati || 34|| hAsashriyA lasitanaijasharIrayaShTirindrAdinAkigaNadattasadAdarAdiH | kIlAlarAshitanayA jayatIha dattadAnAdirAryagaNageyanijAryayAtrA || 35|| yAtAyAtAdikhedA dishAntidArAdhitA satI | trijagajjananI jIyAdihAchAryagaNeDitA || 36|| yayArAdhitayAnAthAH nAthakAryAshcha nishchitAH | jananI sA janatrANayAgadIkShAdiredhate || 37|| kR^itakR^iShNakelireShA sR^ijati kaTAkShAn hi yatra dharaNitale | gajagaNDaniryadaligaNagAnA tasya sthalIgR^ihasyAt || 38|| agatIn sahasA nirIkShya kAle jananI sA hi kaTAkShakAntisAraiH | hasitatridashendrakIrtikhaNDAnnijanAthA~NghrisharaNyakAnatAnIt || 39|| nArAyaNasya kAntA nAkAlayalAlyacharaNanalinA sA | saddhR^idayakalitanilayA nirasitakalikAlajAtakArshryAdiH || 40|| kR^ishakaraNAdaraNA~NkA hariNA~NkAdR^itanijAsyaghR^iNinichayA | sarasA dayayA saiShA chAhlAdakarI cha sati nate nityA || 41|| sarasijAsanasha~NkarashAradAdharaNidhR^ittanayA dinatIDitA | kalitanityagR^ihasthitiredhate dhR^itadayA cha harerhR^idayAntare || 42|| sA rAjati hareH kAntA yA rAjAdikR^itAdarA | dhIrArAdhyA cha sarasA dhIrAdihitadAyinI || 43|| ratinAyakadAyAdA gatireShA sanAtanI | yatidhyAnArhacharitA natikR^itkalinAshinI || 44|| dhArAdharasadR^i~NnaijakachakAntijharI hareH | kAntA jayati kalyANI shreyaH santatidAyinI || 45|| tanayA jaladheH kalAdhinetR^igrathitAnekakalAdihR^iShTachetAH | sanayAn tanayAdinA sanAthAniha kAlena natAn hi sAdhayantI || 46|| anantashakterlIlAdisAkShiNI jayadAyinI | jaj~ne dharaNikanyA sA dInatrANakR^itAdarA || 47|| A~njaneyAdarAnItanAtharatnanirIkShaNAt | sA sItA kalitAnandArAtisa~NghAhitaiShiNI || 48|| nirasitaniShki~nchanajanadainyA kanyA hi sA~Ngarendrasya | tanyAdadya shreyaH sAnnyAsAdR^itakaTAkShaka~njashrIH || 49|| sheShashAyindayite dayAnidhe shrIrasheShajanarakShaNAdare | rAjase jagati ra~NganAyikA sAjAsalilashItale sthale || 50|| sA~NgasharaNAgatAlestrAyiNi ra~NgeshanAyike janani | dainyAdiratra na hi na tatra nidAne hi te dayAsAraH || 51|| AdR^itakA~nchanashATI kR^itanatijanageyanaijagIrdhATI | AnandAdR^itacheTI rAjati harinAyikA \.\.\.\. || 52|| kR^iShNena yena dayitAkA~NkShitadAnAdareNa nAktilAt | shAkhI sAnnyastaH kila dharAtale sa shriyA lasati ra~Nge || 53|| kAliyanAganiyantA kalashanadIshAnakanyakA netA | kAle kAle janayati naH shrIrakhilArthidainyahAridR^ishA || 54|| AshritarakShaNadhIrA dhIrArAdhyA cha sadgaNAdhArA | dhArAkalita shreyaH sA rAjati sAgarendratanayA naH || 55|| dhIrAgragaNyadasharathatanayeritashatasahasrasharanikaraiH | dalitA rAkShasasenAsa~NkhyeyA janani sA hi la~NkA cha || 56|| chaidyAdyA daiteyA nihatAH kAlena tena kR^iShNena | tena jagatyA janani shreyaH santAnalatikayA hi tayA || 57|| hariNA tena nR^ihariNA kAlena tathA hiraNyakastena | kAntenAkali kalitAhlAdaH sa cha tanayadainyahAridR^ishA || 58|| shriyaH shriyArAdhitayA sakalAshcha kalAstathA | rasA cha sArasAsArA lalanA lalitakriyAH || 59|| sharkarAkShIrAdisadR^igrasA cha saralA cha gIH | tanayAdyAshcha ye.anindyAstanyante dharaNItale || 60|| tayA hi hitadAyinyA sItayAdR^itajAtayA | dhyAnArhayA sanAthAste dayAhR^idayayA janAH || 61|| dharAdharadharaH kR^iShNaH kAlindItaTakelikaH | nAkinAthanatA~Nghrishcha yasyA netA cha gIyate || 62|| aShTadi~NnAyakArAdhyA naShTarAjyAdidAyinI | sR^iShTisthityadhinetrI sA sAShTA~NganatirakShiNI || 63|| sadarhaNAdilasitA sAnnadAnAdidAyinI | satsa~NghatrANajanitA sA sItA sArasAsanA || 64|| shAntArAdhitayA kAle tAntayAraNyachArataH | kAntayA hi hareH kAle sAntakA na narAH kR^itAH || 65|| AdareNa kalitArchanashcha yastasya tasya nagarI garIyasI | sAgarendratanayAdR^ishA shriyaH sAdareNa kalidR^iShTihAriNI || 66|| sR^iShTisthitilayAderyaH kartA nAtha itIritaH | sA shrIH sahacharI tasya khyAtA sItAdinA sadA || 67|| sA dhAraNIyacharitA tAthAgatanirAsinA | nAthArhakelirjayati gAdhA shreNIkR^idIDitA || 68|| jarAdihAnidA sendhe dharAdharagaNeDitA | nirAkR^itArtirjananI karAkalitasArasA || 69|| sIrAkR^iShTasthale jAtA dhIrArAdhyasya nAyikA | sArArthakR^iddayAsArA nArAyaNasahAsanA || 70|| tAranAthAdR^itAsyaiShA sAradhIsadgaNArchitA | yA rakShaNe dhR^itadayA sArakShetrAdidAyinI || 71|| nijanAthashastradalitArichayA janakAdhirAjatanayA jananI | kalitashriyA hi nijayA hi dR^ishA janatAhitAya kila ra~Ngatale || 72|| ra~NgatalakalitakeliH sajjanarakShAdareNa kalyANI | nijakarakisalayakalitAnantashayA~Nghrishcha rAjate jananI || 73|| kalashasAgarakanyakayA tayA jagati sajjanarakShaNadIkShitaH | kalitara~NgagR^ihe hariredhate karakR^itAdarasha~NkharathA~NgakaH || 74|| dishi dishi dhanadhArA daityajinnityadArAH kR^itanatijanadhIrArAdhitA jAtasArA | kalitagaganachArA kAshate ratnahArA nirasitajaninArA satkR^itAnandasArA || 75|| dhanatarashashihArA shreyasaH sA hi dhArA dinakarashashinetrA rakShitAnekayAtrA | nirasitakalikAlA nAthakR^iShNArhalIlA kanati kanakachelA dInarakShaikashIlA || 76|| anAdinidhireShA naH shreyase jayashAlinI | ka~njAlayA kR^iShNadArA jananI kalihAriNI || 77|| chirakAlArchitA dhanyairdharaNItanayA hi naH | kA~NkShitAni dadAtyeShA ka~njAyatadR^ishaH shriyA || 78|| nAlIkinInAthajanAyakena yadarthinA kinnarageyakIrtyA | la~NkA hatA sA shararAshidagdhA sA jAnakI rakShitasadgaNA hi || 79|| sAra~NgAkShI sarasijakarA sAgarendrasya kanyA sArAsArAdhigatadhiShaNaiH sannatA sannatA~NgI | sItA khyAtA sadayahR^idayA sAdarA sAdhayantI saiShA shreyaH sakalajagatIsadgatIrdarshayantI || 80|| kalyANI sA kalashajaladheH kanyakA kleshahantrI kAle kAle kR^itanatihitA kA~NkShitAdhikyadAtrI | kAntArAntaH kalitacharaNA kinnarIgItakIrtiH kR^iShNAkR^iShTA kanakasaritaH saikate kAntakeliH || 81|| rAsakrIDArasikadayitA ra~NgagehAntarasthA rAjashreNIlalitashirasAM ratnanIrAjitA~NghriH | rAjatyeShA lalitanagarIrAjadhAnyAdidAtrI rAkAchandrAdR^itajaladhijA rAjate rAjatejAH || 82|| jananInirIkShitA ye te sarasijanetrarakShitAH kalitAH | tannaH shreyaH shreNIjayAditataye sadA lasati || 83|| kalitAgaH shatanichaye jane nate te dayAsAraH | kR^itarakShaNaghATI syAditi nishchityAdareNa janani janAH || 84|| yA shItakiraNasahajA sA nastrANAya kalitadIkShA hi nirasitakR^itAntaki~NkaradR^iShTaya ete janAH kAle || 85|| kalayati jalanidhikanyA ga~NgAsahyAdrijAditaTasa~NgA | shreyaH sakalArthihitA yasyAshcharaNasthalAni kalitAni || 86|| j~nAnaghanA sA jananI kandalayati sArasArasashreyaH | chandanalatayA kanakajalatayArAdAdarAt kR^itike || 87|| dayayA shItalahR^idayA sArasahastA cha lasati jananI naH | rakShitasatsa~NghArAnnAkigaNArchyA~NghrisarasijA kAle || 88|| rakShitarasikagaNaiShA kisalayacharaNA hi jayati jananI naH | kIragaNakalyagIriha sakale shAstrArthasa~nchaye lasitA || 89|| AdR^itasatsatkArA nAthahitAnAtharakShaNaikadR^ishA | kalayati naijadR^ishA kila naH shreyaH kalinirAsakR^itaghATI || 90|| jananI kala~NkarahitAnanA ghanashrIH sadA lasati ra~Nge | rasaghananijAsyasarasijagIreShA satyasandhAnA || 91|| kekAnAde kanakakadalIkANDanIlAntarAle ka~njAkShI sA kanakasaritaH keligehAntarasthA | kAntakrIDAkalitahR^idayA rakShaNe dattakeliH kalhArashrIkarakisalayA kajjalAktAyatAkShI || 92|| chandrakalAchandanarasaghanasArAdyaiH sadR^iggirA jananI | janayati rakShAdAyinyeShA ka~njAkShahR^idyanijakalanAH || 93|| jitasAra~NgAkShI sA yA ra~NgAkShIDitA cha ra~Ngatale | kalayati dAnAni hi naH kAle kAle cha kR^iShNajaladena || 94|| a~njanAdrIshakelyA yAdR^itachittA sanAtanI | nira~njanajanaireShArAdhitA hi chirAya sA || 95|| nAkeshanagarIkAntAlAlyanaijA~NghrisArasA | jananI chandrasahajA sA ra~NgAditaTe sthirA || 96|| rAjati harihR^idaye sA kalitatrANA kR^itAgasi jane hi | yallIlArasaghATyAkR^iShTakR^idindhe sa ra~NgeshaH || 97|| atishayitanaijadAnA sA shrIrAnandakandalashrIrhi | jananI rakShitadharaNI nirasitadehIti gIrihAryeDyA || 98|| natakAkShitadAnakalAkalitAdR^itageyakIrtikalikA sA | rAjati ra~NgeshagR^ihe sanAtanI sannidhiH shrIrhi || 99|| nirasitAdharasa~NganijAkSharagrathitayA hyanayA harinAyikA | jayati sA dhR^itaharShaNasantatiH kR^itadhanAdirihAdR^itasadgaNA || 100|| iti niroShThayapadairlalitAmimAM stutimudAramatiH kR^itakautukaH | jayati kR^iShNakaviH kamalApadAmbujayuge kalayan saphalakriyaH || 101|| iti kR^iShNakavipraNItaM niroShTayamindirAshatakaM sampUrNam | stotrasamuchchayaH 2 (82) ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}