% Text title            : shrIpadmAvatIstotram
% File name             : padmAvatIstotram.itx
% Category              : devii, stotra, devI
% Location              : doc\_devii
% Proofread by          : Malleswara Rao Yellapragada malleswararaoy at yahoo.com
% Source                : Venkatesha KavyakalApa
% Latest update         : June 10, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIpadmAvatIstotram ..}##
\itxtitle{.. shrIpadmAvatIstotram ..}##\endtitles ##
% 27
shrIH ||
astu padmasaromadhyAdAvirbhUtaM paraM mahaH |
vashe yasya paraM dhAma tadvR^iShAchala mAsthitam || 1||
ananyAdhInavibhavamadbhutaM daivataM shraye |
mAtaraM jagatAM lakShmIM jaganmAtuH parAM priyAm || 2||
sakhIbhishshrutibhirnityaM yAM yathAvat panAyitAm |
AkarNya hR^idaye nyasyan labdhAtmA shrInidhiH paraH || 3||
mAtuste nAmadheyaM tat debateti harirdhruvam |
padmadevyuchyate tena nityashliShTatayA tvayA || 4||
prajAH patipriyAH kR^itvA bhogasAmyavidhitsayA |
svachChAyAshrayaNaM tAsu tanoShi kR^ipayA rame || 5||
sarojasaurabhA.a.adhAyi divyaM lAvaNyavarShi te |
vashIkR^itavR^iShAdrIshaM rUpaM pApaM vyapohatu || 6||
abhaye kR^ipayA devi pratij~nAte tvayA hariH |
vyAjabha~NgabhiyA vakti prapattiM pANimudrayA || 7||
yayA khalu pariShvakto devo devatvamashnute |
shraddhayA sarvalokaikahitAM tvAM mAtaraM shraye || 8||
ambujanivAsarasikAmambujanetrasya vallabhAM devIm |
anavadyaguNagarimnA shriyaM parAM nissamAM vande || 9||
Ashrayatu mAnasaM sukhamAsInAmambuje jagajjananIm |
AshritarakShaNahetorAdR^itapadmAvatIrUpAm || 10||
praNamayati savyakarato dakShiNato yA dadAti chApyabhayam |
svAdhInalokavR^ittiM sarojavAsAM parAM vande || 11||
parayA mayA tvayA khalu paramo.abhUtpuruSha eSha devi tathA |
aparamatA.a.apattibhiyA.anapAyinImurasi dhatte tvAm || 12||
nigrahanitAntadUrAmAgraharahitaiH prabuddhavibhavAM tvAm |
prApyAM prApakabhUtAM paramAM viShNoH priyAM vande || 13||
nikhilavibhUtiniyantA yatpadalAkShA~NkalakShitoraskaH |
atyantasaumyamUrtiM mAtaramanaghAM shriyaM vande || 14||
duShkR^itakartR^ibahiShkR^itibaddhashraddhe pare harau puMsi |
prAduShkR^itavachanasudhAM shriyaM prapadye shubhaM dadatIm || 15||
akhilairAshritahrudyairguNaiH parAM tvAM nirIkShya savrIDam |
viShNuM shrutIrdhruvaM shrIH sakhIstvamAdiShTavatyasi stotum || 16||
pApAni vardhayati naH paro raNaM taishchikIrShurativelam |
rakShovadhAnta iva te parirambhaM mAtaradbhutaM lipsuH || 17||
anaghairambujavAsini kaTAkShitaissahajashItalairdivyaiH |
achyutarUpollAsibhirasmAka bhavukamatra dehi tvam || 18||
shukapuramadhyashobhishubhasadmasamujjvalayA
vR^iShagirishR^i~NgavAsipuruShottamasaMshritayA |
akhilajagaddhitaikaparayA kR^ipayA parayA
mama shubhamastu nityamanayA.anaghayA ramayA || 19||
kamalakuhara dIvyaddivyarUpAM shrayantaH
punarapi puruhUto.anye cha yAM prAptasattAH |
vR^iShagirivaravAsI yadvashe vishruto.asau
savinayamayamasyai sAdhu baddho.a~njalirme || 20||
trAyasva mAmakhilarakShaNajAgarUke
nArAyaNasya hR^idaye vihitAdhivAse |
pAthojavAsarasike padapa~NkajaM te
kAruNyadugdhajaladhe sharaNaM bhajAmi || 21||
shrIstvaM shritA sharaNamIpsubhiramArtarAvaM
shrutvA shritA vR^iShagirIshabhujAntarAlam |
taM shrAvayasyatha shR^iNAsi samastamenaH
shrINAsi sarvamapi sheShajanochitaM naH || 22||
madhye samastajagadIshiturabjagehe
mAtashchitashcha bhavatI praNave vibhAntI |
satyaM vyanakti ghaTanAM sarasairvachobhiH
sheShAdrigasya charaNe sharaNArthinAM na: || 23||
shukapattanavAsatatparAM jagatAM bhAgyamanugrahAtmikAm |
sarasIruhavAsinImimAM sharaNaM yAbhyahamanvahaM shriyam || 24||
atishAyyanurUpadivyarUpA satataM tvaM shritarakShakastha shaureH |
dayayA vR^iShashailamAshrite.asmin kamale.adhaH kamale yadAvirAsIH || 25||
vR^iShaparvatatu~NgashR^i~NgabhAjA
nihitA mAdR^ishanIcharakShaNArthe |
yagrIvakaTashakAvyakalApaM
kamale karuNArasaikasAndrA
svakasaMvIkShaNasaMhatirdhruvaM tvama || 26||
nikaTe.atra girau samAgato.asau
tanayAH! maivabhito vidhatta pApam |
iti duHkhanirAchikIrShurasma\-
tpratibodhArthamihaitya bhAsi mAtaH || 27||
patireSha paraM padaM vihAya
prathitaM ve~NkaTashailamAshritassan |
upatiShThati me guNIbhavastat
na bhayaM vaH shrayateti vakShi mAtaH || 28||
nAnArUpANyadhigatavatI nAthamenaM shrayantI
nAkitvaM tvaM janani tanuShe nArakiShvapyaraM yat |
tatkiM chitraM jagati hatakAH kaShTagatyA tavedaM
prAptAH pAdAmbujamiha lasantyeva labdheShTavargAH || 29||
(TippaNI \-araM \- bhR^ishaM, rephashUnyamityapyarthaH |
nArakiNAM rephashUnyatve nAkitvam |
hatakAH hatakakArA ityarthAntaram | idaM ikAradam
kaShTagatau kakArahAnau ikAre sati iShTagatirbhavati)
tvadAshliShToraske svakacharaNayugmaM praNayataH
prapattavyaM deve prakaTayati nArAyaNa iha |
tvamamba shrIH svasmin shrutimitamupAyatvamabhaya\-
sphuTIkR^ityA patyA tulitamanukampya prathayasi || 30||
tapasA shrInivAsena prAptAM shukapure purA |
shriyaM padmAvatImitthaM praNato vIrarAghavaH || 31||

iti tarkArNavashcha paNDitaratna vAtsya
shrIvIrarAghavavirachitaM padmAvatIstotraM sampUrNam ||

##
From venkaTeshakAvyakalApaH
Proofread by Malleswara Rao Yellapragada malleswararaoy at yahoo.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}