% Text title            : Panchastavi (laghu, charchA, ghaTa, ambA, sakalajananI)
% File name             : panchastavI.itx
% Category              : devii, devI, dashamahAvidyA, panchaka, sangraha
% Location              : doc\_devii
% Proofread by          : NA
% Latest update         : October 11, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Panchastavi ..}##
\itxtitle{.. dharmAchAryakR^itA shrIpa~nchastavI ..}##\endtitles ##
pa~nchAnAM stavAnAM samAhArA ## - A collection of five eulogiums##
                       1\. laghustavaH |
                       2\. charchAstavaH |
                       3\. ghaTastavaH |
                       4\. ambAstavaH |
                       5\. sakalajananIstavaH |


                       || shrIH ||
                 shrIgaNeshAya namaH |
                 shrIgurubhyo namaH |
               OM namastripurasundaryai |
\section{atha laghustavaH prathamaH |}
(shrI bAlAviMshatistavaH athavA shrIbAlAlaghustavarAjaH laghustavaH ityapi nAmAntaram |)
% 1 laghubhaTTArakAkhya athavA kAlidAsavirachitaH
aindrasyeva sharAsanasya dadhatI madhyelalATaM prabhAM
shauklIM kAntimanuShNagoriva shirasyAtanvatI sarvataH |
eShA.asau tripurA hR^idi dyutirivoShNAMshoH sadAhaH sthitA
ChindyAnnaH sahasA padaistribhiraghaM jyotirmayI vA~NmayI || 1||
yA mAtrA trapusIlatAtanulasattantUtthitispardhinI
vAgbIje prathame sthitA tava sadA tAM manmahe te vayam |
shaktiH kuNDalinIti vishvajananavyApArabaddhodyamAM
j~nAtvetthaM na punaH spR^ishanti jananI garbhe.arbhakatvaM narAH || 2||
dR^iShTvA sa.nbhramakAri vastusahasA ai ai iti vyAhR^itaM
yenA.akUtavashAda.apIha varade ! binduM vinApyakSharam |
tasyApi dhruvameva devi tarasA jAte tavAnugrahe
vAchaHsUktisudhArasadravamucho niryAnti vaktrAmbujAt || 3||
yannitye tava kAmarAjamaparaM mantrAkSharaM niShkalaM
tatsArasvatamityavaiti viralaH kashchidbudhashchedbhuvi |
AkhyAnaM pratiparva satyatapaso yatkIrtayanto dvijAH
prArambhe praNavAspadapraNayitAM nItvochcharanti sphuTam || 4||
yatsadyo vachasAM pravR^ittikaraNe dR^iShTaprabhAvaM budhaiH
tArtIyIkamahaM namAmi manasA tvadbIjaminduprabham |
astvaurvo.api sarasvatImanugato jADyAmbuvichChittaye
gauH shabdo giri vartate saniyataM yogaM vinA siddhidaH || 5||
ekaikaM tava devi bIjamanaghaM savya~njanA.avya~njanaM
kUTasthaM yadi vA pR^ithak kramagataM yadvA sthitaM vyutkramAt |
yaM yaM kAmamapekShya yena vidhinA kenApi vA chintitaM
japtaM vA saphalIkaroti sahasA taM taM samastaM nR^iNAm || 6||
vAme pustakadhAriNImabhayadAM sAkShasrajaM dakShiNe
bhaktebhyo varadAnapeshalakarAM karpUrakundojjvalAm |
ujjR^imbhAmbujapatrakAntinayanasnigdhaprabhAlokinIM
ye tvAmamba na shIlayanti manasA teShAM kavitvaM kutaH || 7||
ye tvAM pANDurapuNDarIkapaTalaspaShTAbhirAmaprabhAM
si~nchantImamR^itadravairiva shiro dhyAyanti mUrdhni sthitAm |
ashrAntaM vikaTasphuTAkSharapadA niryAnti vaktrAmbujAt
teShAM bhArati bhAratI surasaritkallolalolormivat || 8||
ye sindUraparAgapu~njapihitAM tvattejasA dyAmimA\-
murvIM chApi vilInayAvakarasaprastAramagnAmiva |
pashyanti kShaNamapyananyamanasasteShAmana~Ngajvara\-
klAntAstrastakura~NgashAvakadR^ishovashyAH bhavanti sphuTam || 9||
cha~nchatkA~nchanakuNDalA~NgadadharAmAbaddhakA~nchIsrajaM
ye tvAM chetasi tadgatekShaNamapi dhyAyanti kR^itvA sthirAm |
teShAM veshmasu vibhramAdaharahaH sphArIbhavantyashchiram |
mAdyatku~njarakarNatAlataralAH sthairyaM bhajante shriyaH || 10||
ArbhaTyAshashikhaNDamaNDitajaTAjUTAM nR^imuNDasrajaM
bandhUkaprasavAruNAmbaradharAM pretAsanAdhyAsinIm | ## variation ## kusumAruNA
tvAM dhyAyanti chaturbhujAM trinayanAmApInatu~NgastanIM
madhye nimnavalitrayA~NkitatanuM tvadrUpasaMvittaye || 11||
jAto.apy.alpaparichChade kShitibhujAM sAmAnyamAtre kule
niHsheShAvanichakravartipadavIM labdhvA pratAponnataH |
yadvidyAdhara vR^indavanditapadaH shrIvatsarAjo.abhavat
devi tvachcharaNAmbuja praNatijaH so.ayaM prasAdodayaH || 12||
chaNDi tvachcharaNAmbujArchanavidhau bilvIdalolluNThana\-
truTyatkaNTakakoTibhiH parichayaM yeShAM na jagmuH karAH |
te daNDA~NkushachakrachApakulishashrIvatsamatsyA~Nkitai\-
rjAyante pR^ithivIbhujaH kathamivAmbhojaprabhaiH pANibhiH || 13||
viprAH kShoNibhujo vishastaditare kShIrAjyamadhvAsavaiH |
tvAM devi tripure parAparamayIM santarpya pUjAvidhau |
yAM yAM prArthayate manaH sthiradhiyAM teShAM ta eva dhruvaM
tAM tAM siddhimavApnuvanti tarasA vighnairavighnIkR^itAH || 14||
shabdAnAM jananI tvamatra bhuvane vAgvAdinItyuchyase
tvattaH keshavavAsava prabhR^itayo.apyAvirbhavanti sphuTam |
lIyante khalu yatra kalpavirame brahmAdayaste.apyamI
sA tvaM kAchidachintyarUpamahimA shaktiH parA gIyase || 15||
devAnAM tritayaM trayI hutabhujAM shaktitrayaM trisvarA\-
strailokyaM tripadI tripuShkaramatho tribrahma varNAstrayaH |
yatki~nchijjagati tridhA niyamitaM vastu trivargAmakaM
tatsarvaM tripureti nAma bhagavatyanveti te tattvataH || 16||
lakShmI rAjakule jayAM raNabhivi kShema~NkarImadhvani
kravyAdadvipasarpabhAji shavarIM kAntAradurge girau |
bhUtapretapishAchajambukabhaye smR^itvA mahAbhairavIM
vyAmohe tripurAM taranti vipadastArA~ncha toyaplave || 17||
mAyA kuNDalinI kriyA madhumatI kAlI kalA mAlinI
mAta~NgI vijayA jayA bhagavatI devI shivA shAmbhavI |
shaktiH sha~NkaravallabhA trinayanA vAgvAdinI bhairavI
hri~NkArI tripurA parAparamayI mAtA kumArItyasi || 18||
AIpallavitaiparasparayutairdvitrikramAdyakSharaiH
kAdyaiH kShAntagataiH svarAdibhiratho kShAntaishcha taiH sasvaraiH |
nAmAni tripure bhavanti khalu yAnyatyantaguhyAni te
tebhyo bhairavapatni viMshatisahasrebhyaH parebhyo namaH || 19||
boddhavyA nipuNaM budhaiH stutiriyaM kR^itvA manastadgataM
bhAratyAstripuretyananyamanaso yatrAdyavR^itte sphuTam |
ekadvitripadakrameNa kathitastatpAda sa~NkhyAkSharai\-
rmantroddhAravidhirvisheShasahitaH satsa.npradAyAnvitaH || 20||
sAvadyaM niravadyamastu yadi vA kiM vAnayA chintayA
nUnaM stotramidaM paThiShyati jano yasyAsti bhaktistvayi |
sa~nchintyApi laghutvamAtmani dR^iDhaM sa~njAyamAnaM haThAt
tvadbhaktyA mukharIkR^itena rachitaM yasmAnmayApi sphuTam || 21||

iti shrIdharmAchAryakR^itau shrI pa~nchastavyAM laghustavaH prathamaH samAptaH | 1

\section{atha charchAstavo dvitIyaH |}
OM namastripurasundaryai |
AnandasundarapurandaramuktamAlyaM
maulau haThena nihitaM mahiShAsurasya |
pAdAmbujaM bhavatu me vijayAya ma~nju\-
ma~njIrashi~njitamanoharamambikAyAH || 1||
saundaryavibhramabhuvo bhuvanAdhipatya\-
sampattikalpataravastripure! jayanti |
ete kavitvakumadaprakarAvabodha\-
pUrNendavastvayi jagajjanani praNAmAH || 2||
devi ! stutivyatikare kR^itabuddhayaste
vAchaspati prabhR^itayo.api jaDI bhavanti |
tasmAnnisargajaDimA katamo.ahamatra
stotrarM tava tripuratApanapatni ! kartum || 3||
mAtastathApi bhavatIM bhavatIvratApa\-
vichChittaye stutimahArNava karNadhAraH |
stotuM bhavAni sa bhavachcharaNAravinda\-
bhaktigrahaH kimapi mAM mukharI karoti || 4||
sUte jaganti bhavatI bhavatI bibharti
jAgarti tatkShayakR^ite bhavatI bhavAni |
mohaM bhinatti bhavatI bhavatI ruNaddhi
lIlAyitaM jayati chitramidaM bhavatyAH || 5||
yasminmanAgapi navAmbujapatragauri!
gauri! prasAdamadhurAM dR^ishamAdadhAsi |
tasminnirantaramana~NgasharAvakIrNa\-
sImantinInayanasantatayaH patanti || 6||
pR^ithvIbhujo.apyudayanapravarasya tasya
vidyAdhara praNati chumbita pAda pIThaH |
yachchakravartipadavIpraNayaH sa eSha                  (sa eva)
tvatpAdapa~NkajarajaH kaNajaH prasAdaH || 7||
kalpadrumaprasavakalpitachitrapUjA\-
muddIpita priyatamAmadaraktagItim |
nityaM bhavAni! bhavatImupavINayanti
vidyAdharAH kanakashaila guhAgR^iheShu || 8||
lakShmIvashIkaraNakarmaNikAminInA\-
mAkarShaNavyatikareShu cha siddhamantraH |
nIrandhramohatimirachChidurapradIpo
devi! tvada.a~Nghrijanito jayati prasAdaH || 9||
devi! tvada.a~Nghranakharatnabhuvo mayUkhAH
pratyagramauktikarucho mudamudvahanti |
sevAnativyatikare surasundarINAM
sImantasImni kusumastavakAyitaM yaiH || 10||
mUrdhni sphurattuhinadIdhitidIptidIptaM
madhye lalATamamarAyudharashmichitram |
hR^ichchakrachumbi hutabhukkaNikAnurUpaM
jyotiryadetadidamamba! tava svarUpam || 11||
rUpaM tava sphuritachandramarIchigaura\-
mAmlokate shirasi vAgadhidaivataM yaH |
niHsImasUktirachanAmR^itanirbharasya
tasya prasAdamadhurAH prasaranti vAchaH || 12||
sindUrapAMsupaTalachChuritAmiva dyAM
tvattejasA jaturasasnapitAmivorvIm |
yaH pashyati kShaNamapi tripure! vihAya
vrIDAM mR^iDAni! sudR^ishastamanudravanti || 13||
mAtarmuhUrtamapi yaH smarati svarUpaM
lAkShArasaprasaratantunibhaM bhavatyAH |
dhyAyantyananyamanasastamana~NgataptAH
pradyumnasImni subhagatvaguNaM taruNyaH || 14||
yo.ayaM chakAsti gaganArNavaratnamindu\-
ryo.ayaM surAsuraguruH puruShaH purANaH |
yadvAmamardhamidamandhakasUdanasya
devi! tvameva taditi pratipAdayanti || 15||
ichChAnurUpamanurUpaguNaprakarShaM
sa~NkarShiNi ! tvamanusR^itya yadA vibharShi |
jAyeta sa tribhuvanaika gurustadAnIM
devaH shivo.api bhuvanatrayasUtradhAraH || 16||
rudrANi ! vidrumamayIM pratimAmiva tvAM
ye chintayantyaruNakAntima.ananyarUpAm |
tAnetya pakShmaladR^ishaH prasabhaM bhajante
kaNThAvasaktamR^idubAhulatAstaruNyaH || 17||
tvadrUpamullasitadADimapuShparakta\-
mudbhAvayenmadanadaivatamakSharaM yaH |
taM rUpahInamapi manmathanirvisheSha\-
mAlokayantyurunitambabharAstaruNyaH || 18|| 
dhyAtA.asi haimavati! yena himAMshurashmi\-
mAlA.amaladyutirakalmaSha mAnasena |
tasyA.avilambamanavadyamanalpakalpa\-
malpairdinaiH sR^ijasi sundari! vAgvilAsam || 19||
AdhAramArutanirodhavashena yeShAM
sindUrara~njitasarojaguNAnukAri |
dIptaM hR^idi sphurati devi! vapustvadIyaM    (tIvraM hR^idi)
dhyAyanti tAniha samIhitasiddhasAdhyAH || 20||
tvAmaindavImiva kalAmanubhAladesha\-
mudbhAsitAmbaratalAmavalokayantaH |
sadyo bhavAni! sudhiyaH kavayo bhavanti
tvaM bhAvanAhitadhiyAM kula kAmadhenuH || 21||
tvAM vyApinIti samanA iti kuNDalIti
tvAM kAminIti kamaleti kalAvatIti |
tvAM mAlinIti lalitetyaparAjiteti
devi! stuvanti vijayeti jayetyumeti || 22||
ye chintayantyaruNamaNDalamadhyavarti
rUpaM tavAmba! navayAvakapa~Nkapi~Ngam |
teShAM sadaiva kusumAyudhabANabhinna\-
vakShaHsthalA mR^igadR^isho vashagA bhavanti || 23||
uttaptahemaruchire tripure! punIhi
chetashchirantanamaghaughavanaM lunIhi |
kArAgR^ihe nigaDabandhanapIDitasya
tvatsaMsmR^itau jhaTiti me nigaDAstruTantu || 24||
sharvANi! sarvajanavanditapAdapadme!
padmachChadachChaviviDambitanetralakShmi! |
niShpApamUrti janamAnasarAjahaMsi!
haMsi tvamApadamanekavidhAM janasya || 25||
tvatpAdapa~NkajarajaH praNipAtapUtaiH
puNyairanalpamatibhiH kR^itibhiH kavIndraiH |
kShIrakShapAkaradukUlahimAvadAtA
kairapyavApi bhuvanatritaye.api kIrtiH || 26||
tvadrUpaikanirUpaNapraNayitAbandho dR^ishostvadvaguNa\-
grAmAkarNanarAgitA shravaNayostvatsaMsmR^itishchetasi |
tvatpAdArchanachAturI karayuge tvatkIrtanaM vAchi me
kutrApi tvadupAsanavyasanitA me devi! mA shAmyatu || 27||
uddAmakAmaparamArthasarojaShaNDa\-
chaNDadyutirdyutimupAsitaShaTprakArAm |
mohadvipendrakadanodyatabodhasiMha\-
lIlAguhAM bhagavatIM tripurAM namAmi || 28||
gaNeshavaTukastutA ratisahAyakAmAnvitA
smarArivaraviShTarA kusumabANabANairyutA |
ana~NgakusumAdibhiH parivR^itA cha siddhaistribhiH
kadambavanamadhyagA tripurasundarI pAtu naH || 29||
yaH stotrametadanuvAsaramIshvarAyAH
shreyaskaraM paThati vA yadivA shR^iNoti |
tasyepsitaM phalati rAjabhirIDyate.asau
jAyeta sa priyatamo hariNekShaNAnAm || 30||
brahmendrarudraharichandrasahasrarashmi\-
skandadvipAnanahutAshmavanditAyai |
vAgIshvari! tribhuvaneshvari! vishvamAta\-
rantarbahishcha kR^itasaMsthitaye namaste || 31||

iti shrIdharmAchAryakR^itau shrI pa~nchastavyAM charchAstavo dvitIyaH samAptaH | 2

\section{atha tR^itIyo ghaTastavaH |}
OM
devi! tryambakapatni! pArvati sati! trailokyamAtaH! shive!
sharvANi! tripure! mR^iDAni varade! rudrANi! kAtyAyini! |
bhIme! bhairavi !chaNDi! sharvari! kale! kAlakShaye shUlini!
tvatpAdapraNatAna.ananyamanasaH paryAkulAnpAhinaH || 1||
unmattA iva sagrahA iva viShavyAsaktamUrchChA iva
prAptaprauDhamadA ivAti virahagrastA ivArtA iva |
ye dhyAyanti hi shailarAjatanayAM dhanyAsta ekAgrata\-
styaktopAdhivivR^iddharAgamanaso dhyAyanti vAmabhruvaH || 2||
devi! tvAM sakR^ideva yaH praNamati kShoNIbhR^itastaM nama\-
ntyAjanmasphurada~NighrpIThaviluThatkoTIrakoTichChaTAH |
yastvAmarchati so.archyate suragaNairyaH stauti sa stUyate
yastvAM dhyAyati taM smarArtividhurA dhyAyanti vAmabhruvaH || 3||
dhyAyanti ye kShaNamapi tripure! hR^idi tvAM
lAvaNyayauvanadhanairapi viprayuktAH |
te visphuranti lalitAyatalochanAnAM
chittaikabhittilikhitapratimAH pumAMsaH || 4||
etaM kiM nu dR^ishA pibAmyuta vishAmyasyA~Ngama~NgairnijaiH
kiM vAmu nigalAmyanena sahasA kiM vaikatAmAshraye |
tasyetthaM vivasho vikalpaghaTanAkUtena yoShijjanaH
kiM tadyanna karoti devi! hR^idaye yasya tvamAvartase || 5||
vishvavyApini yadvadIshvara iti sthANAvananyAshrayaH
shabdaH shaktiriti trilokajanani! tvayyeva tathyasthitiH |
itthaM satyapi shaknuvanti yadimAH kShudrA rujo bAdhituM
tyadbhaktAna.api na kShiNoShi cha ruShA taddevi! chitraM mahat || 6||
indormadhyagatAM mR^igA~NkasadR^ishachChAyAM manohAriNI
pANDUtphullasaroruhAsanagatA snigdhapradIpachChavim |
varShantImamR^itaM bhavAni! bhagavatIM dhyAyanti ye dehina\-
ste nirmuktarujo bhavanti vipadaH projjhanti tAndUrataH || 7||
pUrNendoH shakalairivAtibahalaiH pIyUShapUrairiva
kShIrAbdherlaharIbharairiva sudhApa~Nkasya piNDairiva |
prAleyairiva nirmitaM tava vapurdhyAyanti ye shraddhayA
chitrAntarnihatArtitApavipadaste sampadaM bibhrati || 8||
ye saMsmaranti taralAM sahasollasantIM
tvAM granthipa~nchakabhidaM taruNArkashoNAm |
rAgArNave bahalarAgiNi majjayantIM
kR^itsnaM jagaddadhati chetasi tAnmR^igAkShyaH || 9||
lAkShArasasnapitapa~NkajatantutanvI\-
mantaH smaratyanudinaM bhavatIM bhavAni |
yastaM smarapratimamapratimasvarUpA
netrotpalairmR^igadR^isho bhR^ishamarchayanti || 10||
stumastvAM vAchamavyaktAM himakundendurochiSham |
kadambamAlAM bibhrANAm.a.apAdatalalambinIm || 11||
mUrdhnIndoH sitapa~NkajAsanagatAM prAleyapANDutviShaM
varShantImamR^itaM saroruhabhuvo vaktre.api randhre.api cha |
achChinnA cha manoharA cha lalitA chAtiprasannApi cha
tvAmeva smaratAM smarAridayite ! vAk sarvato valgati || 12||
dadAtIShTAnbhogAnkShapayati ripUnhanti vipado
dahatyAdhInvyAdhI~nChamayati sukhAni pratanute |
haThAdantarduHkhaM dalayati pinaShTIShTavirahaM
sakR^iddhyAtA devI kimiva niravadyaM na kurute || 13||
yastvAM dhyAyati vetti vindati japatyAlokate chintaya\-
tyanveti pratipadyate kalayati stautyAshrayatyarchati |
yashcha tryambakavallabhe! tava guNAnAkarNayatyAdarA\-
ttasya shrIrna gR^ihAdapaiti vijayastasyAgrato dhAvati || 14||
kiM kiM duHkhaM danujadalini! kShIyate na smR^itAyAM
kA kA kIrtiH kulakamalini! khyApyate na stutAyAm |
kA kA siddhiH suravaranute! prApyate nArchitAyAM
kaM kaM yogaM tvayi na chinute chittamAlambitAyAm || 15||
ye devi! durdharakR^itAntamukhAntarasthA
ye kAli! kAlaghanapAshanitAnta baddhAH |
ye chaNDi! chaNDagurukalmaShasindhumagnA\-
stAnyAsi mochayasi tArayasi smR^itaiva || 16||
lakShmIvashIkaraNachUrNasahodarANi
tvatpAdapa~NkajarajAMsi chiraM jayanti |
yAni praNAmamilitAni nR^iNAM lalATe
lumpati daivalikhitAni durakSharANi || 17||
re mUDhAH! kimayaM vR^ithaiva tapasA kAyaH pariklishyate
yaj~nairvA bahudakShiNaiH kimitare riktIkriyante gR^ihAH |
bhaktishchedavinAshinI bhagavatIpAdadvayI sevyatA\-
munnidrAmburuhAtapatrasubhagA lakShmIH puro dhAvati || 18||
yAche na ka~nchana na ka~nchana va~nchayAmi
seve na ka~nchana nirastasamastadainyaH |
shlakShNaM vase madhuramadmi bhaje varastrI\-
devI hR^idi sphurati me kulakAmadhenuH || 19||
shabdabrahmamayi! svachChe devi tripurasundari! |
yathAshakti japaM pUjAM gR^ihANa parameshvari || 20||
nandantu sAdhakAH sarve vinashyantu vidUShakAH |
avasthA shAmbhavI me.astu prasanno.astu guruH sadA || 21||
darshanAtpApashamanI japAnmR^ityuvinAshinI |
pUjitA duHkhadaurbhAgyaharA tripurasundarI || 22||
namAmi yAminInAthalekhAla~NkR^itakuntalAm |
bhavAnIM bhavasantApanirvApaNasudhAnadIm || 23||
mantrahInaM kriyAhInaM vidhihInaM cha yadgatam |
tvayA tatkShamyatAM devi! kR^ipayA parameshvari! || 24||

iti shrIdharmAchAryakR^itau shrI pa~nchastavyAM ghaTastavaH tR^itIyaH samAptaH | 3

\section{atha pa~nchastavyAmambAstavashchaturthaH |}
OM yAmAmananti munayaH prakR^itiM purANIM
vidyeti yAM shrutirahasyavidovadanti |
tAmardhapallavitasha~NkararUpamudrAM
devImananyasharaNaH sharaNaM prapadye || 1||
amba! staveShu tava tAvadakartukANi
kuNThIbhavanti vachasAmapi gumphanAni |
Dimbasya me stutirasAva.asama~njasApi
vAtsalyanighnahR^idayAM bhavatIM dhinoti || 2||
vyometi binduriti nAda itIndulekhA\-
rUpeti vAgbhavatanUriti mAtR^iketi |
niHShyandamAnasukhabodhasudhAsvarUpA
vidyotase manasi bhAgyavatAM janAnAm || 3||
AvirbhavatpulakasantatibhiH sharIrai\-
rniHShyandamAnasalilairnavaneshcha nityam |
vAgbhishcha gadgadapadAbhirupAsate ye
pAdau tavAmba! hR^idayeShu ta eva dhanyAH || 4||
vaktraM yadudyatamabhiShTutaye bhavatyA\-
stubhyaM namo yadapi devi! shiraH karoti |
chetashcha yattvayi parAyaNamamba! tAni
kasyApi kairapi bhavanti tapovisheShaiH || 5||
mUlAlavAlakuharAduditA bhavAni!
nirbhidya ShaTsarasijAni taDillateva |
bhUyo.api tatra vishasi dhruvamaNDalendu\-
niHShyandamAnaparamAmR^itatoyarUpA || 6||
dagdhaM yadA madanamekamanekadhA te
mugdhaH kaTAkShavidhira~NkurayA~nchakAra |
dhatte tadA prabhR^iti devi! lalATanetraM
satyaM hriyeva mukulIkR^itamindumauliH || 7||
aj~nAtasambhavamanAkalitAnvavAyaM
bhikShuM kapAlinamavAsasamadvitIyam |
pUrvaM karagrahaNama~Ngalato bhavatyAH
shambhuM ka eva bubudhe girirAjakanye || 8||
charmAmbaraM cha shavabhasmavilepanaM cha
bhikShATanaM cha naTanaM cha paretabhUmau |
vetAlasaMhatiparigrahatA cha shambhoH
shobhAM bibharti girije! tava sAhacharyAt || 9||
kalpopasaMharaNakeliShu paNDitAni
chaNDAni khaNDaparashorapi tANDavAni |
Alokanena tava komalitAni mAta\-
rlAsyAtmanA pariNamanti jagadvibhUtyai || 10||
jantorapashchimatanoH sati karmasAmye
niHsheShapAshapaTalachChidurA nimeShAt |
kalyANi daishikakaTAkShasamAshrayeNa
kAruNyato bhavasi shAmbhavavedadIkShA || 11||
muktAvibhUShaNavatI navavidrumAbhA
yachchetasi sphurasi tArakiteva sandhyA |
ekaH sa eva bhuvanatrayasundarINAM
kandarpatAM vrajati pa~nchasharI vinApi || 12||
ye bhAvayantyamR^itavAhibhiraMshujAlai\-
rApyAyamAnabhuvanAmamR^iteshvarIM tvAm |
te la~Nghayanti nanu mAtara.ala~NghanIyAM
brahmAdibhiH suravarairapi kAlakakShyAm || 13||
yaH sphATikAkShaguNapustakakuNDikADhyAM
vyAkhyAsamudyatakarAM sharadindushubhrAm |
padmAsanAM cha hR^idaye bhavatImupAste
mAtaH sa vishvakavitArkikachakravartI || 14||
barhAvataMsayutabarbarakeshapAshAM
gu~njAvalIkR^itaghanastanahArashobhAm |
shyAmAM pravAlavadanAM sukumArahastA
tvAmeva naumi shavarIM shavarasya jAyAm || 15||
adhena kiM navalatAlalitena mugdhe!
krItaM vibhoH paruShamardhamidaM tvayeti |
AlIjanasya parihAsavachAMsi manye
mandasmitena tava devi! jaDI bhavanti || 16||
brahmANDa budbudakadambakasa~Nkulo.ayaM
mAyodadhirvividhaduHkhatara~NgamAlaH |
Ashcharyamamba! jhaTiti pralayaM prayAti
tvaddhyAnasantatimahAvaDavAmukhAgnau || 17||
dAkShAyaNIti kuTileti guhAraNIti
kAtyAyanIti kamaleti kalAvatIti |
ekA satI bhagavatI paramArthato.api
sa.ndR^ishyase bahuvidhA nanu nartakIva || 18||
AnandalakShaNamanAhatanAmni deshe
nAdAtmanA pariNataM tava rUpamIshe |
pratya~Nmukhena manasA parichIyamAnaM
shaMsanti netrasalilaiH pulakaishcha dhanyAH || 19||
tvaM chandrikA shashini tigmaruchau ruchistvaM
tvaM chetanAsi puruShe pavane balaM tvam |
tvaM svAdutAsi salile shikhini tvamUShmA
niHsArameva nikhilaM tvadR^ite yadi syAt || 20||
jyotIMShi yaddivi charanti yadantarikShaM
sUtepayAMsi yadahirdharaNIM cha dhatte |
yadvAti vAyuranaloyadudarchirAste
tatsarvamamba! tava kevalamAj~nayaiva || 21||
sa~NkochamichChasi yadA girije! tadAnIM
vAktarkayostvamasi bhUmiranAmarUpA |
yadvA vikAsamupayAsi yadA tadAnIM
tvannAmarUpagaNanAH sukarIbhavanti || 22||
bhogAya devi bhavatIM kR^itinaH praNamya
bhrUki~NkarIkR^itasarojagR^ihA sahasrAH |
chintAmaNiprachayakalpitakelishaile
kalpadramopavana eva chiraM ramante || 23||
hantuM tvameva bhavasi tvadadhInamIshe
saMsAratApamakhilaM dayayA pashUnAm |
vaikartanIkiraNasaMhatireva shaktA
dharmaM nijaM shamayituM nijayaiva vR^iShTyA || 24||
shaktiH sharIramadhidaivatamantarAtmA
j~nAnaM kriyA karaNamAsanajAlamichChA |
aishvaryamAyatanamAvaraNAni cha tvaM
kiM tanna yadbhavasi devi shashA~NkamauleH || 25||
bhUmau nivR^ittiruditA payasi pratiShThA
vidyA.anale maruti shAntiratItashAntiH |
vyomnIti yAH kila kalAH kalayanti vishvaM
tAsAM vidUrataramamba !padaM tvadIyam || 26||
yAvatpadaM padasarojayugaM tvadIyaM
nA~NgIkaroti hR^idayeShu jagachCharaNye |
tAvadvikalpa jaTilAH kuTilaprakArA\-
starkagrahAH samayinAM pralayaM na yAnti || 27||
yaddevayAnapitR^iyAnavihArameke
kR^itvA manaH karaNamaNDalasArvabhaumam |
yAne niveshya tava kAraNapa~nchakasya
parvANi pArvati nayanti nijAsanatvam || 28||
shUlAsu mUrtiShu mahIpramukhAsu mUrteH
kasyAshchanApi tava vaibhavamamba yasyAH |
patyA girAmapi na shakyate eva vaktuM
sAsi stutA kila mayeti titikShitavyam || 29||
kAlAgnikoTiruchimamba ShaDadhvashuddhau\-
vAplAvaneShu bhavatImamR^itaughavR^iShTim |
shyAmAM ghanastanataTAM sakalIkR^itau cha
dhyAyanta eva jagatAM guravo bhavanti || 30||
vidyAM parAM katichidambaramamba kechi\-
dAnandameva katichitkatichichcha mAyAm |
tvAM vishvamAhurapare vayamAmanAma
sAkShAdapArakaruNAM gurumUrtimeva || 31||
kuvalayadalanIlam barbarasnigdhakeshaM
pR^ithutarakuchabhArAkrAntakAntAvalagnam |
kimiha bahubhiruktaistvatsvarUpaM paraM naH
sakalabhuvanamAtaH santataM sannidhattAm || 32||

iti shrIdharmAchAryakR^itau shrI pa~nchastavyAM ambAstavaH chaturthaH samAptaH | 4

\section{atha sakalajananIstavaH pa~nchamaH |}
OM ajAnanto yAnti kShayamavashamanyonyakalahai\-
ramI mAyAgranthau tava pariluThantaH samayinaH |
jaganmAtarjanmajvarabhayatamaH kaumudi! vayaM
namaste kurvANAH sharaNamupayAmo bhagavatIm || 1||
vachastarkAgamyasvarasaparamAnandavibhava\-
prabodhAkArAya dyutitulitanIlotpalaruche |
shivasyArAdhyAya stanabharavinamrAya satataM
namo yasmai kasmaichana bhavatu mugdhAya mahase || 2||
luThadgu~njAhArastanabharanamanmadhyalatikA\-
muda~nchaddharmAmbhaH kaNaguNitanIlotpalarucham |
shivaM pArthatrANapravaNamR^igayAkAraguNitaM
shivAmanvagyAntIM shavaramahamanvemi shavarIm || 3||
mithaH keshAkeshipradhananidhanAstarkaghaTanA
bahushraddhAbhaktipraNayaviShayAshchAptavidhayaH |
prasIda pratyakShIbhava girisute! dehi sharaNaM
nirAlambaM chetaH pariluThati pAriplavamidam || 4||
shunAM vA vahnervA khagapariShado vA yadashanaM
kadA kena kveti kvachidapi na kashchitkalayati |
amuShminvishvAsaM vijahihimamAhnAya vapuShi
prapadyethAshchetaH sakalajananImeva sharaNam || 5||
anAdyantAbhedapraNayarasikApi praNayinI
shivasyAsIryattvaM pariNayavidhau devi! gR^ihiNI |
savitrI bhUtAnAmapi yadudabhUH shailatanayA
nadetatsaMsArapraNayanamahAnATakasukham || 6||
bruvantyeke tattvaM bhagavati sadanye vidurasa\-
tpare mAtaH! prAhustava sadasadanye sukavayaH |
pare naitatsarvaM samabhidadhate devi! sudhiya\-
stadetattvanmAyAvilasitamasheShaM nanu shive! || 7||
taDitkoTijyotirdyutidalitaShaDgranthigahanaM
praviShTaM svAdhAraM punarapi sudhAvR^iShTivapuShA |
kimapyaShTAtriMshatkiraNasakalIbhUtamanishaM
bhaje dhAma shyAmaM kuchabharanataM barbarakacham || 8||
chatuShpatrAntaH ShaDdalabhagapuTAntastrivalaya\-
sphuradvidyudvahnidyumaNiniyutAbhadyutiyute |
ShaDashraM bhittvAdau dashadalamatha dvAdashadalaM
kalAshraM cha dvyashraM gatavati! namaste girisute! || 9||
kulaM kechitprAhurvapurakulamanye tava budhAH
pare tatsambhedaM samabhidadhate kaulamapare |
chaturNAmapyeShAmupari kimapi prAhurapare
mahAmAye! tattvaM tava kuthumamI nishchinumahe || 10||
ShaDadhvAraNyAnIM pralayaravikoTipratiruchA
ruchA bhasmIkR^itya svapadakamalaprahvashirasAm |
vitanvAnaH shaivaM kimapi vapurindIvararuchiH
kuchAbhyAmAnamraH shivapuruShakAro vijayate || 11||
prakAshAnandAbhyAmaviditacharIM madhyapadavIM
pravishyaitaddvandvaM ravishashisamAkhyaM kavalayan |
pravishyordhvaM nAdaM layadahanabhasmIkR^itakulaH
prasAdAtte jantuH shivamakulamamba! pravishati || 12||
priya~NgushyAmA~NgImaruNataravAsaH kisalayAM
samunmIlanmuktAphalabahulanepathyakusumAm |
stanadvandvasphArastabakanamitAM kalpalatikAM
sakR^iddhyAyantastvAM dadhati shivachintAmaNi padam || 13||
ShaDAdhArAvartairaparimitamantrormipaTalai\-
shchalanmudrAphenairbahuvidhalasaddaivata jhaShaiH |
kramasrotobhistvaM vahasi paranAdAmR^itanadI
bhavAni! pratyagrA shivachidamR^itAbdhipraNayinI || 14||
mahIpAthovahnishvasanaviyadAtmenduravibhi\-
rvapurbhigrastAMshairapi tava kiyAnamba! mahimA |
amUnyAlokyante bhagavati! nakutrApyaNutarA\-
mavasthAM prAptAni tvayi tu paramavyomavapuShi || 15||
manuShyAstirya~ncho maruta iti lokatrayamidaM
bhavAmbhodhaumagnaM triguNalaharIkoTiluThitam |
kaTAkShashchedatrakvachana tava mAtaH! karuNayA
sharIrI sadyo.ayaM vrajati paramAnandatanutAm || 16||
kalAM praj~nAmAdyAM samayamanubhUtiM samarasAM
guruM pAramparyaM vinayamupadeshaM shivakathAm |
pramANaM nirvANaM paramamatibhUtiM paraguhAM
vidhiM vidyAmAhuH sakalajananImeva munayaH || 17||
pralIne shabdaughe tadanu virate binduvibhave
tatastattve chAShTadhvanibhiranupAdhinyuparate |
shrite shAkte parvaNyanukalitachinmAtra gahanAM
svasaMvittiM yogI rasayati shivAkhyAM paratanum || 18||
parAnandAkArAM niravadhishivaishvarya vapuShaM
nirAkAraj~nAna prakR^itimanavachChinnakaruNAm |
savitrIM bhUtAnAM niratishayadhAmAspadapadAM
bhavo vA mokSho vA bhavatu bhavatImeva bhajatAm || 19||
jagatkAye kR^itvA tamapi hR^idaye tachcha puruShe
pumAMsaM bindusthaM tamapi paranAdAkhyagahane |
tadetajj~nAnAkhye tadapi paramAnandavibhave
mahAvyomAkAre! tvadanubhavashIlo vijayate || 20||
vidhe vidye vedye vividhasamaye vedajanani!
vichitre vishvAdye vinayasulabhe vedagulike |
shivAj~ne shIlasthe shivapadavadAnye shivanidhe
shive mAtarmahyaM tvayi vitarabhaktiM nirupamAm || 21||
vidhermuNDaM hR^itvA yadakuruta pAtraM karatale
hariM shUlaprotaM yada.agamayadaMsAbharaNatAm |
ala~nchakre kaNThaM yadapi garalenAmba ! girishaH
shivasthAyAH shaktestadidamakhilaM te vilasitam || 22||
viri~nchyAkhyA mAtaH! sR^ijasi harisaMj~nA tvamavasi
trilokIM rudrAkhyA harasi vidadhAsIshvaradashAm |
bhavantI sAdAkhyA shivayasi cha pAshaughadalinI
tvamevaikA.anekA bhavasi kR^itibhedairgirisute! || 23||
munInAM chetobhiH pramR^iditakaShAyairapi manA\-
ga.ashakye saMspraShTuM chakitachakitairamba! satatam |
shrutInAM mUrdhAnaH prakR^itikaThinAH komalatare
kathaM te vindante padakisalaye pArvati! padam || 24||
taDidvallIM nityAmamR^ita saritaM pArarahitAM
malottIrNAM jyotsnAM prakR^itimaguNagranthigahanAm |
girAM dUrAM vidyAmavinatakuchAM vishvajananI\-
maparyantAM lakShmImabhidadhati santo bhagavatIm || 25||
sharIraM kShityambhaH prabhR^itirachitaM kevalamidaM
sukhaM duHkhaM chAyaM kalayati pumAMshchetana iti |
sphuTaM jAnAno.api prabhavati na dehI rahayituM
sharIrAha~NkAraM tava samayabAhyo girisute! || 26||
pitA mAtA bhrAtA suhR^ida.anucharaH sadma gR^ihiNI
vapuH putro mitraM dhanamapi yadA mAM vijahati |
tadA me bhindAnA sapadi bhayamohAndhatamasaM
mahAjyotsne mAtarbhava karuNayA sannidhikarI || 27||
sutA dakShasyAdau kila sakalamAtastvamudabhUH
sadoShaM taM hitvA tadanu girirAjasya tanayA |
anAdyantA shambhorapR^ithagapi shaktirbhagavatI
vivAhAjjAyAsItyahaha charitaM vetti tava kaH || 28||
kaNAstvaddIptInAM ravishashikR^ishAnuprabhR^itayaH
paraM brahma kShudraM tava niyatamAndakaNikA |
shiivAdikShityantaM trivalayatanoH sarvamudare
tavAste bhaktasya sphurasi hR^idi chitraM bhagavati || 29||
tvayA yo jAnIte rachayati bhavatyaiva satataM
tvayaivechChatyamba! tvamasi nikhilA yasya tanavaH |
gataH sAmyaM shambhurvahati paramaM vyoma bhavatI
tathApyevaM hitvA viharati shivasyeti kimidam || 30||
puraH pashchAdantarbahiraparimeyaM parimitaM
paraM sthUlaM sUkShmaM sakulamakulaM guhyamaguham |
davIyo nedIyaH sadasaditi vishvaM bhagavatIM
sadA pashyantyAj~nAM vahasi bhuvanakShobha jananIm || 31||
mayUkhAH pUShNIva jvalana iva taddIptikaNikAH
payodhau kallolapratihatamahimnIva pR^iShataH |
udetyodetyAmba tvayi saha nijaistAttvikakulai\-
rbhajante tattvaughAH prashamamanukalpaM paravashAH || 32||
vidhurviShNurbrahmAprakR^itiraNurAtmAdinakaraH
svabhAvo jainendraH sugatamunirAkAshamanilaH |
shivaH shaktishcheti shrutiviShayatAM tAmupagatAM
vikalpairebhistvAma.abhidadhati santo bhagavatIm || 33||
pravishya svaM mArgaM sahajadayayA daishikadR^ishA
ShaDadhvadhvAntaughachChiduragaNanAtItakaruNAm |
parAnandAkArAM sapadi shivayantImapi tanuM
svamAtmAnaM dhanyAshchiramupalabhante bhagavatIm || 34||
shivastvaM shAktastvaM tvamasi samayA tvaM samayinI
tvamAtmA tvaM dIkShA tvamayamaNimAdirguNagaNaH |
avidyA tvaM vidyA tvamasi nikhilaM tvaM kimaparaM
pR^ithaktattvaM tvatto bhagavati! na vIkShAmaha ime || 35||
asa.nkhyaiH prAchInairjanani jananaiHkarmavilayA\-
dgate janmanyantaM guruvapuShamAsAdya girisham |
avApyAj~nAM shaivIM kramatanurapi tvAM viditavA\-
nnayeyaM tvatpUjAstutivirachanenaiva divasAn || 36||
yatShaTpatraM kamalamuditaM tasya yA karNikAkhyA
yonistasyAH prathitamudare yattado~NkArapITham |
tasminna.antaH kuchabharanatAM kuNDalItaH pravR^ittAM
shyAmAkArAM sakalajananIM santataM bhAvayAmi || 37||
bhuvi payasi kR^ishAnau mArute khe shashA~Nke
savitari yajamAne.apyaShTadhA shaktirekA |
vahati kuchabharAbhyAM yA vinamrApi vishvaM
sakalajanani! sAtvaM pAhi mAmityavashyam || 38||

iti shrIdharmAchAryakR^itau shrI pa~nchastavyAM sakalajananIstavaH pa~nchamaH samAptaH | 5

iti pa~nchastavI samAptA |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}