% Text title            : Parvatavardhini Sahasranama Stotram
% File name             : parvatavardhinIsahasranAmastotram.itx
% Category              : devii, sahasranAma
% Location              : doc\_devii
% Transliterated by     : Sivakumar Thyagarajan
% Proofread by          : Sivakumar Thyagarajan, Rajani Arjun Shankar
% Description-comments  : See corresponding Namavali
% Latest update         : June 12, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Parvatavardhini Sahasranama Stotram ..}##
\itxtitle{.. shrIparvatavardhinIsahasranAmastotram ..}##\endtitles ##
OM shrIgaNeshAya namaH |
hariH OM |
R^IShayaH \-
sUta shrutAni bahushaH puNyatIrthAni te mukhAt |
shivashakti\- ramAviShNu\-tuShTAni pR^ithivI\-tale || 1||
tatra setu\-prashaMsAyAM yaduktaM bhavatA purA |
nAmnAM sahasraM divyAnAM chintitArthaika\-sAdhanam || 2||
maitrAvaruNinA proktaM rAghavAya mahAtmane |
tadvayaM shrotumichChAmo vistareNa yathAtatham || 3||
brUhi naH shraddadhAnAnAM tatphala~nchApi yAdR^isham |
sAdhu pR^iShTaM mahAbhAgAH kathayAmyatha vistarAt || 4||
nAmnAM sahasraM divyAnAM kumbhajena yathoditam |
devyAH parvatavardhinyAH rAmAyAdbhutakarmaNe || 5||
phalaM tasya cha vakShyAmi shR^iNudhvaM munipu~NgavAH |
pUrvaM saMsthApya rAmeshamarchayitvA yathAvidhi || 6||
tasya dakShiNapArshve cha devIM parvatavardhinIm |
varAbhaya\-karAmbhojAM padmakairava\-dhAriNIm || 7||
chakrarAjopari sthApyAM mahAdevIM manonmanIm |
parivAra\-samAyuktAM pa~nchAvaraNa\-madhyagAm || 8||
agastya\-proktavidhinA yathAshAstramapUjayat |
sarvopachAraissampUjya devIM parvatavardhinIm || 9||
sasItAlakShmaNo rAmaH kumbhaja~nchedamabravIt |
brahman nAma\-sahasreNa suvarNakamalairaham || 10||
pUjayiShye.aghashAntyarthaM devIM parvatavardhinIm |
taM mahyaM shraddadhAnAya brUhi nAmasahasrakam || 11||
rAmesha\-vallabhA yena tuShTA bhavati pUjitA |
shrIsUtaH \-
tattasya vachanaM shrutvA santuShTaH kumbhajo muniH || 12||
devyA nAma\-sahasraM tu shambhorlabdhamuvAcha tam |
agastyaH \-
paraM guhyamidaM nAma\-sahasamaghanAshanam || 13||
chintitArthapradaM devI\-sAkShAtkArakarannR^iNAm |
vakShye rAghava te bhaktyA lokopakR^itaye tathA || 14||
anenArchaya rAmesha\-vallabhAM tvaM manonmanIm |
tatprasAdAddAsharathe sarvAn kAmAnavApsyasi || 15||
etannAmasahasraM me purA provAcha sha~NkaraH |
shrIsUtaH \-
evamuktvA dAsharathiM kumbhayonirmahAtapAH || 16||
nAmnAM sahasraM rAmAya sAkShAdupadidesha ha |
labdhopadesho rAmo.atha yadAnarcha maheshvarIm || 17||
prItA cha devI rAmAya varAnyAn pradadau shubhAn |
etannAma\-sahasrasya devyuktaM pAThajaM phalam || 18||
tadahaM vaH pravakShyAmi shR^iNutAvyagra\-mAnasAH |
AnIya hemapadmAni hemapAtre nidhAya cha || 19||
sItayA sahito rAmaH upavishyAsane shuchiH |
prANAyAmAdikaM kR^itvA kumbhayonyupadeshavat || 20||
chaturthyantairnAmapadaishchakre.ambA\-pAdukArchanam |
shrIrAmaH \-
OM ajA.avyayA.anAdi\-bodhA.aneka\-rUpA.agnihotriNI || 21||
achintya\-vibhavA.ananta\-guNadA.agha\-vinAshinI |
atisUkShma\-dhiyA.a.arAdhyA.aNimAdyaShTa\-pradAyinI || 22||
aLipriyA.alikanetrA\-.amR^itavAgadrikanyakA |
ardhachandra\-dharA.ardheshA\-.amoghapAdaniShevaNA || 23||
arthitA.arthi\-janArAdhyA\-.avyaktArthaika\-prakAshikA |
aharpati\-nishAnAtha\-jAtaveda\-vilochanA || 24||
ashvArUDhA.ashvinIputra\-vaidyavidyA\-pradAyinI |
agadhanvi\-priyA.ana~Nga\-sa~njIvanamahauShadhI || 25||
alakShmInAshadA\-.a.alakShyAvayavA\-.asuramardinI |
ajarAmara\-siddhaugha\-niShevita\-padAmbujA || 26||
aTavIvAsa\-sanyAsi\-tApasAnanda\-dAyinI |
atharvashirasi khyAtA\-.apavarga\-phaladAyinI || 27||
amarI\-vR^inda\-vandyA~Nghri\-rayadA.araNya\-vAsinI |
ahantAdi\-prapa~nchaika\-hetubhUtA.a.adirAtmikA || 28||
akhilAgama\-vedokta\-mantra\-siddhipradAyinI |
ajeyA.asuravR^indAnAmameyA.aniyatAtmabhiH || 29||
akaLa~Nka\-kalAnAtha\-pUrNabimba\-samAnanA |
AdirUpA.a.akAshavAsi\-priyA\-.a.adinidhanAtigA || 30||
AtmArAma\-janArAdhyA\-.a.aditya\-koTisamaprabhA |
AchArachaturA.a.achArya\-mukhaj~neya\-svarUpiNI || 31||
Aji\-gambhIraninada\-chChinna\-daitya\-shirodharA |
Ata~NkavarjitA\-.a.adeyA.a.adityAdi\-gaNasaukhyadA || 32||
AdhArabhUtA jagatAmAdhivyAdhi\-vinAshinI |
AnandanilayA.a.anandavardhinyAnanda\-dAyinI || 33||
ApyAyinyApadAM hantrI nityAkAsha\-nivAsinI |
AdikShAntAkSharamayI sarvAmaya\-vinAshinI || 34||
AyatA.a.arAma\-nilayA shayitA chAsavapriyA |
AdinAthapriyA.a.akAra\-rahitA\-.a.akAradAyinI || 35||
AshApAshakleshaharA.a.ahutirUpA\-.adhvarikriyA |
AhArarAtrirjagatAmAyurdA\-.a.arambha\-siddhidA || 36||
AsanasthA.a.atmA jagadAmayajAta\-nivAriNI |
ichChAshaktipradeyattA\-rahiteShu\-sharAsanA || 37||
itihAsapurANArtha\-vaktrI ShaDasitAnanA |
iLeDA\-pi~NgaLAnADI vAyusa~nchAra\-dAyinI || 38||
itiha\-yogatrayA.agni\-vAsinI jyAsvarUpiNI |
indukhaNDa\-dhareShvAsA vidyeshatvAdimantriNI || 39||
ishirAhAradechCheShuriShumatkarapa~NkajA |
IshvarArdhatanUrIshA shashvadIshitvadAyinI || 40||
IDiteshAna\-pa~nchAsyairIti\-bhIti\-nivAriNI |
unmeSha\-budhabhA\-dIptirudyadAditya\-rUpiNI
uktA choddhatadaiteyA prodgItA surakinnaraiH |
udgIrNekShudhanuHpuShpabANa\-pAshA~NkushAyudhA || 41||
udghAta\-shamanI chehAmutra\-bhAgyapradAyinI |
umA.adanI mahApAnamuchChiShTa\-gaNapArchitA || 42||
udgatochChiShTA mAta~NgI tathaivochChinnakandakA |
uDDAmara\-mahAmantrarUpiNyuddaNDa\-shUlinI || 43||
utthitArAti\-shamanI choddaNDAsuramardinI |
uttAriNI bhavAmbhodheruttamA~Nghri\-niShevaNA || 44||
unnatoroja\-kalashoddhR^ita\-brahmANDa\-goLakA |
upAMshu\-mantraphaladA.abhyupajIvyA.anyadaivataiH || 45||
upamA\-rahitodbhUti\-sthitisaMhAra\-kAriNI |
unmanyavasthA\-vij~neyottama\-vIra\-niShevitA || 46||
urassaropavItArghyorarIkR^ita\-sukhapradA |
ullAsinyullasadvaktrollUna\-pApamahAdrumA || 47||
udvAsitAri\-bhavanodvelAmR^ita\-mahodadhiH |
uttaMsavAdya\-santuShTA vegaduHkha\-nivAriNI || 48||
uchchaiHShaDAsanagatoShatkAlAditya\-sannibhA |
utkShepaNAdi\-karmaNokShavAha\-manoramA || 49||
UrdhvakeshyUrdhvagatidorjasvalormi\-vivarjitA |
UnIkR^ita\-surArAtirUrdhvakAya\-manupriyA || 50||
R^iNamokShapradA R^iddhiH R^igvedokta\-svarUpiNI |
R^itavAkyapriyA R^iddhA R^iShisevyarShimokShadA || 51||
edhinyekAkShara\-manuH ekIkR^itamaheshvarA |
ejitAsheShadevAriH etAvattA\-vivarjitA || 52||
enorAshi\-prashamanI ekAmra\-tarumUlakA |
aihikAmuShmika\-phala\-pradAtryaishvarya\-vardhinI || 53||
aindavArdha\-dharaishAna\-guNavarNana\-tatparA |
airAvata\-samArUDha\-devarAja\-namaskR^itA || 54||
aindraiLabila\-saubhAgya\-dAyinyai~NkAra\-mantriNI |
o~NkArAdichaturveda\-vidyauShadhipati\-prabhA || 55||
ojasvinyojasAM rAshirotasarvaprapa~nchanI |
oghapradaughataTinI cho~NkArasvasvarUpiNI || 56||
auShadhaM bhavarogasyauttAnapAdi\-padapradA |
aunnatyahantrI daityAnAmaudbhijjAdi\-chaturvidhA || 57||
aupAsanAdi\-somAntaM brahmakarma\-pravartinI |
annapUrNA.ambikA.ambAlI chAmbarAntarachAriNI || 58||
a~NkarUpA.a~Nka\-saMviShTa\-ShaDAnana\-gajAnanA |
a~NgaNAntara\-sa~nchAri\-siddhadevarShi\-sevitA || 59||
a~NgaliptAShTagandhA.a~NgatuShTipuShTi\-vidhAyinI |
a~NganA.aghArtishamanI dayA.a~NgArakabhItihA || 60||
antaHpuraM maheshasya chAntaHkaraNachetanA |
andhakAsura\-saMhartrI chaNDAkAra\-vinAshinI || 61||
ambhojanayanA.ambhojasambhavAdi\-prabodhadA |
aMsAsakta\-dhanurbANA.aMshumatkoTi\-prakAshinI || 62||
akShamAlA~NkushadharA.akSharamAlA\-svarUpiNI |
akShakrIDA\-parA.astItivAdinI yAchakA~njanAn || 63||
kachanyasta\-nishAnAtha\-shakalA kachChapAkR^itiH |
kanakAmbara\-saMvIta\-tanuH kanakapAdukA || 64||
kabarI\-bhAra\-vinyasta\-kalpadruma\-sumAlikA |
kamalAkAra\-nayanA kaThora\-kuchamaNDalA || 65||
kambukaNThI karmasiddhi\-jananI kamalApradA |
kaTItaTa\-kvaNatkA~nchi\-ki~NkiNI\-dAma\-maNDitA || 66||
kalahaMsaravA kadrUsuta\-nAthopavItinI |
kadaLIkANDa\-chArUruH karaka~NkaNa\-nisvanA || 67||
kalyANakAriNI kAmadAyinI karmasiddhidA |
kAlakAlapriyA kALI kALA~njana\-samaprabhA || 68||
kAsAra\-krIDana\-parA kANAda\-mata\-kovidA |
kAyAtItA kishorendu\-shekharA kIradhAriNI || 69||
kalmaShaghnI kulAchArapriyA kuNDalinIkriyA |
kumArI kuNDalAmR^iShTa\-gaNDA kuhariNI kuhU || 70||
kulasundarikA nityA kuNDAgni\-hutaharShiNI |
karuNApUrNahR^idayA ku~njarAnana\-vardhinI || 71||
kumArajananI kundadhAriNI ku~nchitAvikA |
karpUralavaNI kUjat\-kokilodyAna\-vAsinI || 72||
kUrmAdhArA kurukShetravAsinI kA~nchanapradA |
kundAgra\-dashanAkArA ku~nchitAgra\-shiroruhA || 73||
kalhArakumudAmodA kekipi~nCha\-virAjitA |
krUradaitya\-prashamanI krodhalobha\-vivarjitA || 74||
kR^ishodarI kR^ipAvatI kleshanAsha\-vidhAyinI |
klinnA klesha\-harA kluptiH kuharAntara\-chAriNI || 75||
kuNThIkR^itasurArAtiH kukShinyastajagattrayA |
khaDginI kheTakadharA khAditAmara\-vairiNI || 76||
khavAsA khapurAhArA kheda\-pIDA\-nivAriNI |
khadyota\-koTiruchirA khadyotAnvaya\-devatA || 77||
vidvatsAdhu\-kR^itAnandA khaNDitAsheSha\-pAtakA |
khagesha\-vAha\-sahajA khalapittAtidUragA || 78||
gajAsya\-jananI gadyapadya\-vidyA\-vinodinI |
gadAbAdha\-paridhvaMsa\-hetu\-pAdaniShevaNA || 79||
gaditA gaNagandharva\-siddhavidyAdharaisttathA |
garbhavAsa\-klama\-harA garavega\-nivAriNI || 80||
gaLadyAvaka\-pAdAbjA gaganAmbara\-kAminI |
garjadghana\-samArAvA gahanAvAsa\-sevitA || 81||
gAnapriyA gAruDinI gA~NgatoyArdra\-mUrdhajA |
gAndharva\-shAstranipuNA garvitAsura\-ghAtakA || 82||
gAlavArAdhita\-padA girijA giLitAsurA |
gIrgirIshapriyA gaurI\-guruj~neyA guhAshayA || 83||
guhyA guhAvAsanutA guptA vishvaguNAtmikA |
gupta\-trayAtIta\-rUpA gUDhatattvA guhArchitA || 84||
geyA gairika\-sa~NkAshA goptrI gokShIra\-sannibhA |
govAhanA gopasutA govindAgra\-samudbhavA || 85||
gomatI godharAgArA gokarNa\-kR^itabhUShaNA |
gaurI gambhIra\-ninadA gauDavindhyAshayA guhA || 86||
godAvarI gadaharA gR^ihIta\-paramAyudhA |
grAmaNAgrA sadAgrAhyA gandhamAdana\-vAsinI || 87||
gADhaduHkhaharA gaNDa\-patravallI\-lasanmukhA |
ghanavR^iShTipradA ghorA gharmarashmirghanAghanA || 88||
ghoragR^ihA saduddharShAvAsA ghoShasukhapradA |
ghaNTAlasatkarAmbhojA ghuTikAsiddhi\-dAyinI || 89||
ghR^iShTachandana\-liptA~NgI ghaTAkAra\-payodharA |
ghaTitAsheSha\-bhuvanA ghAtinI suravidviShAm || 90||
chaturveda\-vachovedyA chaturvargaphalapradA |
chakrarAjAntara\-gatA chakracharyA chaturvidhA || 91||
chaturmukhanutA.aneka\-charitA charvaNa\-priyA |
chaShakA~Nakita\-hastAbjA charamA chalakuNDalA || 92||
charmAmbarapriyA chaNDI chaNDabhairava\-sevitA |
chandramaNDala\-madhyasthA chaNDamAruta\-veginI || 93||
cha~ncharIkADhya\-dhammillA champaka\-sragala~NkR^itA |
chandanAgaru\-saugandhyA cha~nchachchAmIkarAmbarA || 94||
chaNDamuNDashirohantrI chatuShpatha\-nivAsinI |
chatuHpIThAntarAsInA chaturA chaturAyudhA || 95||
chArva~NgI chAruvadanA chATu\-sha~NkarabhAShiNI |
chAmpeya\-kAnti\-ruchirA chitriNI chitrabhUShaNA || 96||
chittAnandakarI chittA chidAnanda\-svarUpiNI |
chinmAtrA chitimadhyasthA chirantana\-shivapriyA || 97||
chidambara\-chirAvAsA chidghanA chIrNa\-sadvR^itA |
chIrAmbarA chIrNatapAH chUtamUla\-kR^itAlayA || 98||
chUDA\-shashA~NkashakalA chUrNitAsura\-mastakA |
chArIkR^ita\-maheshAnA cheTIbhUta\-surA~NganA || 99||
chaityAyatana\-madhyasthA chaitrAdi\-dvAdashAbhidhA |
chodanA chorashamanI choritesha\-mahAshayA || 100||
chauryavidyA chamatkArAkAriNI ChatradhAriNI |
ChalAtItA ChadmacharA ChalitAmara\-vairiNI || 101||
ChinnamuNDA ChidachChedyA ChinnapApa\-mahAtaruH |
Chidra\-goptrI ChoTamudrA ChAyA Chando.adhidevatA || 102||
Chando\-mAtA jagaddhAtrI jagadAnanda\-dAyinI |
jaDabuddhipriyA janyA jaTAmaNDala\-maNDitA || 103||
janApavAdashamanI japahomArchana\-priyA |
janmamR^ityu\-prashamanI jananI jayadAyinI || 104||
jarAmaraNa\-saMhartrI jalarUpA jalasthitA |
jAgarUkA jADyahantrI jAtaveda\-kalAmayI || 105||
jAtivyakti\-kriyAtItA jAtashAtrava\-mardinI |
jAtirjAyA.ajitA.arandhyA jitadaityA jitashramA || 106||
jihvAhastA jIrNagarA jIrNavidyAprakAshikA |
juhUrjuShTAkhilasukhA jaiminIyAnusAriNI || 107||
jambhAri\-natapAdabjA jahnukanyA\-jalapriyA |
jantukoTi\-mahAbodha\-pradA jambUvanAshritA || 108||
jR^imbhikA jR^imbhiNI jR^imbhA nIlotpalavilochanA |
jAtarUpapradA jyotirjAmadagnyA jayapradA || 109||
jayashrIrjayinI jetrI jagadAnanda\-vardhinI |
jhillI\-raNat\-padayugA Ta~NkahastA DabIjinI || 110||
DAkinI DAmaramanurDamaDDamaru\-nAdinI |
DhakkA\-ninAda\-santuShTA prANitrANa\-parAyaNA || 111||
tanturUpA taporUpA talAtalanivAsinI |
tarasvinI tamotItA talpIkR^ita\-maheshvarA || 112||
tvaritA tAmasI tantrAtantriNI tAntrikapriyA |
tamAla\-shyAmalAkArA taTidAbhA taTAkinI || 113||
tAnavidyA tAlamayI trAsitAsura\-sainikA |
trAsArdita\-trANaparA trinetrA varavarNiNI || 114||
trayIvidyA tridhAgnisthA trisargAtmA kakudvanA |
tiraskaraNikA tIvrA tIvra\-jvAlAdi\-bhIShaNA || 115||
tirashchInesha\-gamanA tulAkoTi\-kavaNatpadA |
turIyA tundilA tu~Nga\-pIThatraya\-nivAsinI || 116||
tUNIriNI tUrNigamA  tR^iNIkR^ita\-mahAsurA |
tR^iShNAtItA truTistIShNA tIShNa\-buddhi\-pradAyinI || 117||
tejasvinI tailasiktA tilahomapriyAnanA |
taittirIya\-mahAvidyA tanvI tantusvarUpiNI || 118||
tANDavADambaranaTI tALarAga\-vichakShaNA |
tamburAtantri\-ninadAnandinI tAranAdinI || 119||
taruNAruNa\-sa~NkAshA taruNI tAraNakShamA |
nIra\-bahula\-pAthodhi\-setumadhya\-nivAsinI || 120||
tAmbUla\-vilasadvaktrA tArA\-tATa~Nka\-maNDitA |
sthAnadA sthagitA.asheSha\-bhuvanA  sthiti\-dAyinI || 121||
sthANupriyA sthirA sthairya\-rAshiH sthalavisheShiNI |
sthUlasUkShmagatiH sthAsnu\-kIrtidA sthAvarAkR^itiH || 122||
daLitAsheSha\-danujA dagdhapApA damapriyA |
darshanIyA dayAsindhuH dattasevyA darIsthitA || 123||
dAridra\-doSha\-shamanI dAsIbhUta\-jagattrayA |
digambarapriyA dIptA dIrghanetrA durAsadA || 124||
dInabandhurdIrghakeshI dIpa\-mAlAntara\-sthitA |
dIkShA dIkShitasantapta\-havyabhojana\-lAlasA || 125||
dambhAtIta\-hR^idAvAsA dandashUkesha\-dhAriNI |
daMShTrA\-karALa\-vadanA daNDitAnanta\-dAnavA || 126||
devArAdhyA devarUpA devArAti\-niShUdinI |
devastrI\-vanditapadA dainya\-vidhvaMsa\-kAriNI || 127||
dordaNDavidhR^itAneka\-hetirdaitya\-nikR^intanI |
doShApahA doShadakShA dolA\-khelana\-lAlasA || 128||
doShAkara\-kalAdR^iShTA daNDavAda\-naTapriyA |
dhanurvidyA dhanAdhyakShA dhanadA dharmavardhinI || 129||
dharA dhavArdha\-chArva~NgI dhAmadA dhAmadurjayA |
dhAtupuShTikarI dhAtre varadA dhIradharmiNI || 130||
dhutALakA dhUmavatI dhULi\-dhUsaravigrahA |
dhammilla\-bhAra\-ruchirA dharAdhara\-dhanuHpriyA || 131||
dharAdharakulA naShTAdhArA dhairya\-pradAyinI |
dhUrjaTi\-priya\-sarvA~NgI dhUmaketu\-bhayApahA || 132||
dhAryA dhanAdhipArAdhyA dhurINA dhR^itirUpiNI |
dhR^itAkhila\-jagadbhArA dUrvArAdhyA dhR^itipriyA || 133||
dhAraNA dhIrdhUtapApA dhUmadhvaja\-nivAsinI |
nagAtmajA natAsheSha\-devatA nayavartinI || 134||
naramaNDala\-sammAnA namaskAra\-sukhapradA |
nagendra\-shikharArUDhA nAgarAjopavItinI || 135||
naranArAyaNArAdhyA nAkanAyaka\-vanditA |
nArasiMhI nAgakanyA\-namaskR^ita\-padAmbujA || 136||
naLinodara\-sa~NkAshA nagnabhairava\-sevitA |
naTanAtha\-priyA nATya\-nAdaj~nA naTanAyikA || 137||
nAgAbharaNa\-shobhADhyA navaratna\-virAjitA |
nimnamadhyA nijAnandA nitambaprathimAvatI || 138||
nityA nitAnta\-sukhadA nirvikArA nirAmayA |
nihatAsheSha\-pApaughA niShAdakula\-toShadA || 139||
nigarbhAdi\-rahasyAkhyA\-yoginI\-gaNasevitA |
nAmajAti\-guNAtItA nirviklpA nira~njanA || 140||
nItij~nA nirayachChettrI nirAdhArA  janAshritA |
nitya\-naimittika\-prAyashchittopAsana\-siddhidA || 141||
navAvaraNa\-chakrasthA navanAtha\-niShevitA |
navayauvana\-madhyasthA nidhidA nidhisevitA || 142||
nitAnta\-nirmala\-svAnta\-niShevyA navyabhavyadA |
nunna\-pApA nutAgneyA navanIta\-guNAnvitA || 143||
nayanAnanda\-jananI navArNa\-manu\-nAyikA |
naisargika\-guNopetA nadInadajalesthitA || 144||
nandinI nandigA nanda\-gopajA nirmalAkR^itiH |
nakShatra\-devatA nAka\-nAyakArchita\-pAdukA || 145||
nakulIsha\-samArAdhyA niyatAtma\-sukhapradA |
nirvANadA nAmajAti\-yojanAtIta\-vigrahA || 146||
pavitrA paramApadyA vidyA parvatavardhinI |
paramApakShapAtADhyA padavI\-darshakA satAm || 147||
pAdasevA\-mokShadAtrI pAtALa\-talavAsinI |
pApaghnI pAradA pArAvAra\-madhya\-kR^itAlayA || 148||
pAlitAneka\-bhuvanA pashupAsha\-vimokShaNI |
pAkhaNDa\-khaNDinI pAntha\-rakShikA patidevatA || 149||
pAnapAtrakarA pItA sudhApIna\-payodharA |
pIyUSha\-varShiNI pIDAhAriNI pi~NgaLAkR^itiH || 150||
pishAchapati\-saMsevyA parAvaravidAnatA |
puNyApuNya\-janArAdhyA paNinI puNyavardhinI || 151||
purANapuruShArAdhyA puruShArtha\-pradAyinI |
pUrNAmR^itA pUrNasukhA pUrNachandra\-nibhAnanA || 152||
pUrvarShi\-viditA pUjyA pR^itanApati\-janmabhUH |
pR^ithivyAdi\-prasUvR^ittA pUtanA\-bhIti\-nAshinI || 153||
prasiddhA prANadA prAMshuH prAchInamuni\-bhAvitA |
prashasta\-bhAgyadA prAj~nA taijasAtIta\-rUpiNI || 154||
pretArUDhA pAnaparA purANA madhumoditA |
sphaTikAchCha\-tanuH sphItA sphAra\-sphurita\-lochanA || 155||
sphuTa\-padma\-pada\-dvandvA sphoTitAri\-shiroghaTA |
phaladA phulla\-padmAbhA phaNirAja\-shiraHsthitA || 156||
phalamUlakarAphalgu\-ShaTkAra\-manu\-pallavA |
baladA balisantuShTA bahushakti\-gaNAnvitA || 157||
baddha\-chandrakalA\-shIrShA barbarALaka\-maNDitA |
bAlagraha\-prashamanI bAdhitAkhila\-pAtakA || 158||
bAlA bAlakuchadvandvA vaTuka\-trayasevitA |
bANahastA bIjarUpA bindunAda\-kalAdikA || 159||
bimbitAneka\-bhuvanA buddhidA buddhivardhinI |
bubhukShA\-shAntijananI bahvanna\-rasa\-dAyinI || 160||
bahiShkR^ita\-durAchArA bandhamokSha\-vidhAyikA |
brahmaj~nA brahmajananI brahmaj~nAnaikakAriNI || 161||
brahmakarma\-pratiShThAtrI brAhmI brAhmaNadevatA |
bR^ihaspati\-samArAdhyA bR^ihatI bR^ihadAkR^itiH || 162||
bhagamAlA bhagAkArA bhagaguhyA bhagodarI |
bhagayonirbhAgyadAtrI bhAlalochana\-maNDitA || 163||
bhinnAsukhA bhUtadhAtrI bheruNDA bhayahAriNI |
bhUchakra\-koNanilayA bhairavAShTaka\-sevitA || 164||
bhavaroga\-prashamanI bhavabhUtirbhavapriyA |
bhikShukArAdhita\-padA bhikShAdAna\-vishAradA || 165||
bhakShya\-bhojya\-priyA bhoktrI bhANDIra\-bhaNiti\-priyA |
bhidipAlAyudhA bhrAnti\-hAriNI bhrAmarI bhR^iguH || 166||
bhramadbhramara\-dhammillA bhrAjiShNurbhojanapriyA |
bhATTadarshana\-santuShTA bhImabhairava\-nisvanA || 167||
mattamAta~Nga\-gamanA madhumattA madotkaTA |
manastoShakarI mandahAsA manmathamAlinI || 168||
malaghnI madhurAkArA manunIti\-prakAshikA |
mAdhavAnandadA mAnyA mAta~NgI mAnavarjitA || 169||
mAlAdharI mAtR^irUpA mAlatI\-kusumapriyA |
mahiShAntakarI mAtA mAtR^ikA\-hAradhAriNI || 170||
mAkanda\-ma~njarIhastA mohinI mAdhavAgrajA |
mAShAnnabhoktrI mAShAda\-mAnyA mAkShika\-tarpaNA || 171||
mithunIkR^ita\-rAmeshA mithyAj~nAna\-vinAshinI |
mInaketana\-vandyA~NghriH munimAnasa\-modadA || 172||
mudAlokana\-santuShTA mudgarAyudha\-bhIShaNA |
mUlAdhAra\-sthitikarI mUDhajIva\-prabodhadA || 173||
medhyA meghapriyA meSha\-vapAhuti\-muda~njitA |
medinI modasantuShTA modakAhAra\-modinI || 174||
mAyA mandAranilayA mahAvidyeshvarI mR^iduH |
yajvavidyA yantrarUpA yAgasiddhi\-vidhAyikA || 175||
yAchamAnArti\-shamanI yatachitta\-kR^ipAvatI |
yavAhutipriyA yakShma\-nAshinI yuktasha~NkarA || 176||
yamabAdhA\-prashamanI yamAdyaShTA~Nga\-yogadA |
yogivR^indapriyA yogyA yukta\-sAyaka\-kArmukA || 177||
yuddhAvanI\-durAdharShA yAvakAtta\-padAmbujA |
raghuvaMsha\-bhavArAdhyA rAma\-kAma\-pradAyinI || 178||
rAkeshavadanA rAgavatI ramaNamUrtiShu |
rachitAneka\-bhuvanA raNa\-ka~NkaTa\-durjayA || 179||
ratna\-kA~nchana\-bhUShADhyA rakShoghnI rAmasevitA |
rudrAkSha\-hR^iShTA rudreshA rUpalAvaNya\-shAlinI |
rajatAdri\-kR^itAvAsA rakShitAsheSha\-nirjarA || 180||
raudrAstravidyA rambhAdi\-naTInaTana\-lampaTA |
lasanmukha\-mahApadmA lakShya\-lakShaNa\-varjitA || 181||
lalitA laghimA lakShmI\-dAna\-shauNDA layapradA |
lAsyatuShTA latAkArA lAsinI lola\-lochanA || 182||
lokAtItA lokamAtA lokAlokAchala\-sthitA |
lelihAnAgra\-rasanA lAkinI lubdhakapriyA || 183||
la~Nkesha\-vadha\-sa.nj~nAtA mahApAtaka\-nAshinI |
varadA vashyakariNI vAgdevI vimalAkR^itiH || 184||
vardhitAnanta\-vibhavA vanadurgA vanecharI |
vArirAshi\-taTAvAsA vAmA vAmAgama\-priyA || 185||
vishiShTa\-puNya\-phaladA vItarAga\-munipriyA |
vidyAvinoda\-nipuNA vichitrA vijayA viyat || 186||
vedAntavedyA vairAgya\-labhyA vaibhavadAyinI |
vIraveShTita\-pAdAbjA vetALa\-gaNavanditA || 187||
sharakArmuka\-hastAbja\-shamitAsura\-nAyakA |
shamAdi\-sampadAsAdhyA shatakoTi\-svarUpiNI || 188||
shAtodarI shubhAlokA shuchiH shuchijanapriyA |
shuddhipriyA shuddhidAtrI shUlinI shauryashAlinI || 189||
sha~NkhinI shAkinI shokamoha\-vidhvaMsa\-kAriNI |
shochiShkesha\-mukhI shobhA shukrashApa\-vimochanI || 190||
shrutyartha\-nipuNArAdhyA shrIpradA shrAnti\-nAshinI |
shrIkaNThavallabhA shlAghyA sheShAsheSha\-mukhastutA || 191||
shrautakarmaTha\-prashvAsA shaiva\-mArgAdhidevatA |
ShaDAdhArAdi\-nilayA ShaDAnana\-dayAparA || 192||
ShaDUrmirahitA ShoDhAnyAsa\-siddhi\-vidhAyikA |
ShoDashI ShoDashAkArA vidvad\-darshana\-dAyikA || 193||
sarvaloka\-samArAdhyA sAmagAna\-parAyaNA |
siddhiH siddhAnta\-saMvedyA siddhavidyAdharastutA || 194||
shumbhahantrI sukhakarI surAsura\-namaskR^itA |
sulabhA setuvAsAnAM seturakShA\-vidhAyinI || 195||
sandarshita\-svasvarUpA saMshaya\-dhvaMsa\-kAriNI |
saundarya\-shAlinI sarvasaubhAgya\-prada\-pAdukA || 196||
harapriyA hayArUDhA hATakottama\-varNinI |
halAhalormi\-shamanI himavatkula\-vardhinI || 197||
hrImatI herambamAtA hu~NkAra\-hata\-dAnavA |
hiraNyagarbha\-pramukha\-prabodha\-sukhadAyinI || 198||
kShamAvatI kShuNNadaityA kShuttR^iNmR^ityu\-vinAshinI |
kShveDormi\-ghUrNiteshAna\-nijasparsha\-sukhapradA || 199||
kShAra\-dAkShiNa\-pAthodhi\-setumadhya\-nivAsinI |
kShINadoSha\-janArAdhyA divya\-hATaka\-pAdukA || 200||
shrIsUtaH
ityetairnAmabhishchakre rAmo.ambA\-pAda\-pUjanam |
tataHprItA mahAdevI rAmaM provAcha pArvatI || 201||
tasyA mUrterviniShkramya divya\-vigraha\-dhAriNI |
pashyatAM sarvadevAnAM vAnarANA~ncha pashyatAm || 202||
shrIdevI \-
rAma prItAsmi te bhaktyA hema\-padmArchanAdapi |
sahasranAma\-pAThena varaM vR^iNu yadIpsasi || 203||
shrIsUtaH
tadAshcharyakaraM dR^iShTvA rUpaM tasyA raghUdvahaH |
uvAcha parayA bhaktyA praNato daNDavadbhuvi || 204||
shrIrAmaH
dhanyo.asmi kR^itakR^ityo.asmi gatAgho.asmi maheshvari |
ataH parataraH ko vA varastvaddarshanAdhikaH || 205||
tathApi prArthaye mAtaH lokopakR^itaye shive |
varaM tvatto mahAdevi sarvajIva\-dayApare || 206||
yAvachchandrashcha sUryashcha yAvattiShThati medinI |
tAvattvaM mAmake setau gandhamAdana\-mUrdhani || 207||
nityaM sAnnihitA bhUtvA harAghaM sarvadehinAm |
tvaddarshanavatAmamba vara eSha vR^ito mayA || 208||
shrIsUtaH
tachChrutvA vachanaM tatra rAghavasya mahAtmanaH |
punaH provAcha santuShTA rAmaM parvatavardhinI || 209||
shrIdevI \-
evamastu mahAbAho rAkShasesha\-nikR^intana |
sthAsye nityaM sannihitA gandhamAdana\-parvate || 210||
mama prasAdAttvaM gachCha purIM pUrvaja\-pAlitAm |
ayodhyAM vijayI shrImAn putravAMshcha bhaviShyasi || 211||
etannAma\-sahasraM me paTha nityaM samAhitaH |
tenAhaM tava dAsyAmi sarvAn kAmAnmanogatAn || 212||
varShANAmayutaM sAgraM kR^itvA rAjyamakaNTakam |
anena vartmanA gachCha vaikuNThaM sapurIjanaH || 213||
etannAma\-sahasraM me yaH paThiShyati mAnavaH |
rAma vakShye phalaM tasya shR^iNu rAkShasa\-kR^intana || 214||
ekA pratikR^itA yena yatrakutrApi tiShThatA |
setusnAna\-phalaM tasya bhavet pAtaka\-nAshanam || 215||
dasha pratikR^itA rAma setuyAtrA bhaved dR^iDham |
mAsamAtraM krameNaitat yaH paThetsusamAhitaH || 216||
tasyAhaM sakalAbhIShTaM dharmaM kIrti~ncha nirmalAm |
setuvAsaM sadAkAlaM pradAsye raghunandana || 217||
ShaNmAsaM pAThataH shrImAn jAyate mAnavo bhuvi |
setAvAgatya rAmeshaM mA~ncha saMsevya bhaktitaH || 218||
dhanuShkoTau naraH snAtvA sannidhau mama yaH paThet |
varShamekaM krameNaiva putravAn bhavati dhruvam || 219||
rogebhyo muchyate sadyaH kuShThebhyo.api vimuchyate |
R^iNa\-traya\-vimuktassan brahmabhUyAya kalpate || 220||
setau cha yatra kutrApi nityametatpaThannaraH |
madrUpI jAyate rAma nAtra kAryA vichAraNA || 221||
yastaddveShTi sa mA dveShTi tatpriyo yassa me priyaH |
shatravastatra kAkutstha praLayaM yAnti sarvataH || 222||
shApAnugraha\-sAmarthyaM tasyaiva dharaNItale |
tasmAnnAma sahasraM me rAma tvaM paTha sarvadA || 223||
na deyaM durjanAyaitaddeyaM shiShyAya sAdhave || 224||
shrI sUtaH \-
ityuktvA rAghavaM devI sAkShAtparvatavardhinI |
antardadhe shilAmayyAM mUrtau lokasya pashyataH || 225||
etatparvatavardhinyAH proktaM nAmasahasrakam |
tatpATha\-phalamapyuktaM kimanyat shrotumichChata || 226||

iti shrIpAdme purANe shatakoTi\-saMhitAyAM uttarakhaNDe sUtaR^IShisaMvAde tIrthaprashaMsAyAM
parvatavardhinI\-sahasranAma\-stotrakathanannAma dvishataikAshItitamassargaH ||

hariH OM |

##
The sahasranAmastotra is not found in the known
text of padmapurANa although the manuscript says
so.  It is possible that it is either wrongly
attributed or was found in some manuscript from
which the linked handwritten text was prepared.
Send any additional information you find elsewhere.


Encoded by Sivakumar Thyagarajan Iyer
Proofread by Sivakumar Thyagarajan Iyer, Rajani Arjun Shankar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}