% Text title            : prAdhAnikarahasyam
% File name             : prAdhAnikarahasyam.itx
% Category              : devii, devI
% Location              : doc\_devii
% Proofread by          : Pallasena Narayanaswami ppnswami at gmail.com
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Source                : mArkaNDeyapurANa
% Latest update         : February 20, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. prAdhAnikarahasyam ..}##
\itxtitle{.. prAdhAnikarahasyam ..}##\endtitles ##

shrIgaNeshAya namaH ||
asya shrIsaptashatIrahaspatrayasya brahmaviShNurudrA R^iShayaH ,
mahAkAlImahAlakShmImahAsarasvatyo devatAH , anuShTup ChandaH ,
navadurgAmahAlakShmIrbIjaM , shrIM shaktiH ,
mamAbhIShTaphalasiddhaye jape viniyogaH ||
rAjovAcha ||
bhagavannavatArA me chaNDikAyAstvayoditAH |
eteShAM prakR^itiM brahman pradhAnaM vaktumarhasi || 1||
ArAdhyaM yanmayA devyAH svarUpaM yena vai dvija |
vidhinA brUhi sakalaM yathAvatpraNatasya me || 2||
R^iShiruvAcha ||
idaM rahasyaM paramamanAkhyeyaM prachakShate |
bhakto.asIti na me ki~nchittavAvAchyaM narAdhipa || 3||
sarvasyAdyA mahAlakShmIstriguNA parameshvarI |
lakShyAlakShyasvarUpA sA vyApya kR^itsnaM vyavasthitA || 4||
mAtuli~NgaM gadAM kheTaM pAnapAtraM cha bibhratI |
nAgaM li~NgaM cha yoniM cha bibhratI nR^ipa mUrdhani || 5||
taptakA~nchanavarNAbhA taptak~nchanabhUShaNA |
shUnyaM tadakhilaM svena pUrayAmAsa tejasA || 6||
shUnyaM tadakhilaM lokaM vilokya parameshvarI |
babhAra rUpamaparaM tamasA kevalena hi || 7||
sA bhinnA~njanasa~NkAshA daMShTrAchitavarAnanA |
vishAlalochanA nArI babhUva tanumadhyamA || 8||
khaDgapAtrashiraHkheTairala~NkR^itachaturbhujA ||
kabandhahAraM shirasA bibhrANAhishiraHsrajam || 9||
tAM provAcha mahAlakShmIstAmasI pramadottamAm |
dadAmi tava nAmAni yAni karmANi tAni te || 10||
mahAmAyA mahAkAlI mahAmArI kShudhA tR^iShA |
nidrA tR^iShNA chaikavIrA kAlarAtrirduratyayA || 11||
imAni tava nAmAni pratipAdyAni karmabhiH |
ebhiH karmANi te j~nAtvA yo.adhIte so.ashnute sukham || 12||
tAmityuktvA mahAlakShmIH svarUpamaparaM nR^ipa |
sattvAkhyenAtishuddhena guNeneduprabhraM dadhau || 13||
akShamAlA~NkushadharA vINApustakadhAriNI |
sA babhUva varA nArI nAmAnyasyai cha sA dadau || 14||
mahAvidyA mahAvANI bhAratI vAk sarasvatI |
AryA brAhmI kAmadhenurvedagarbhA sureshvarI || 15||
athovAcha mahAlakShmIrmahAkAlIM sarasvatIm ||
yuvAM janayatAM devyau mithune svAnurUpataH || 16||
ityuktvA te mahAlakShmIH sasarja mithunaM svayam |
hiraNyagarbhau ruchirau strIpuMsau kamalAsanau || 17||
brahmanvidhe vira~ncheti dhAtarityAha taM naram ||
shrIH padme kamale lakShmItyAha mAtA striyaM cha tAm || 18||
mahAkAlI bhAratI cha mithune sR^ijataH saha |
etayorapi rUpANi nAmAni cha vadAmi te || 19||
nIlakaNThaM raktabAhu shvetA~NgaM chadrashekharam |
janayAmAsa puruShaM mahAkAlI sitAM striyam || 20||
sa rudraH sha~NkaraH sthANuH kapardI cha trilochanaH |
trayIvidyAkAmadhenuH sA strI bhAShAsvarAkSharA || 21||
sarasvatI striyaM gaurIM kR^iShNaM cha puruShaM nR^ipa |
janayAmAsa nAmAni tayorapi vadAmi te || 22||
viShNuH kR^iShNo hR^iShIkesho vAsudevo janArdanaH |
umA gaurI satI chaNDI sundarI subhagA shubhA || 23||
evaM yuvatayaH sadyaH puruShatvaM prapedire |
chakShuShmanto nu pashyanti netare tadvido janAH || 24||
brahmaNe pradadau patnIM mahAlakShmIrnR^ipa trayIm |
rudrAya gaurIM varadAM vAsudevAya cha shriyam || 25||
svarayA saha sambhUya vira~ncho.aNDamajIjanat |
bibheda bhagavAn rudrastadgauryA saha vIryavAn || 26||
aNDamadhye pradhAnAdi kAryajAtamabhUnnR^ipa |
mahAbhUtAtmakaM sarvaM jagatsthAvaraja~Ngamam || 27||
pupoSha pAlayAmAsa tallakShmyA saha keshavaH |
mahAlakShmIrevamajA rAjan sarveshvareshvarI || 28||
 nirAkArA cha sAkArA saiva nAnAbhidhAnabhR^it |
nAmAtarairnirUpyaiShA nAmnA nAnyena kenachit || 29||

iti shrImArkaNDeyapurANe sAvarNike manvantare devImAhAtmye
prAdhAnikarahasyaM sampUrNam || adhyAya 14
##
See also vaikRitikararahasyam and mUrtirahasyam

Proofread by Pallasena Narayanaswami ppnswami at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}