% Text title            : pratyangirAkavacham
% File name             : pratyangirAkavacham.itx
% Category              : devii, kavacha, otherforms, devI
% Location              : doc\_devii
% Transliterated by     : Krishna Vallapareddy krishna321 at hotmail.com
% Proofread by          : Krishna Vallapareddy, PSA Easwaran
% Description/comments  : rudrayAmala tantre panchANgakhaNDe
% Latest update         : March 30, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Pratyangira SarvarthasAdhaka Kavacham ..}##
\itxtitle{.. shrI pratya~NgirA sarvArthasAdhakakavacham ..}##\endtitles ##

devyuvAcha |
bhagavan sarvadharmaj~na sarvashAstrArthapAraga |
devyAH pratya~NgirAyAshcha kavachaM yatprakAshitam || 1||
sarvArthasAdhanaM nAma kathayasva mayi prabho |
bhairava uvAcha |
shR^iNu devi pravakShyAmi kavachaM paramAdbhutam || 2||
sarvArthasAdhanaM nAma trailokye chA.atidurlabham |
sarvasiddhimayaM devi sarvaishvaryapradAyakam || 3||
paThanAchChrvaNAnmartyastrailokyaishvaryabhAgbhavet |
sarvArthasAdhakasyA.asya kavachasya R^iShiH shivaH || 4||
Chando virAT parAshaktirjagaddhAtrI cha devatA |
dharmA.arthakAmamokSheShu viniyogaH prakIrtitaH || 5||

viniyogaH\-
OM shrIsarvArthasAdhakakavachasya shiva R^iShiH |
virAT ChandaH | shrImatpratya~NgirA devatA | aiM bIjam | hrIM shaktiH |
shrIM kIlakaM shrIsadAshivadevatA prItyarthe pAThe viniyogaH ||
OM praNavaM me shiraH pAtu vAgbhavaM cha lalATakam |
hrIM pAtu dakShanetraM me lakShmIrvAma sureshvarI || 1||
pratya~NgirA dakShakarNa vAme kAmeshvarI tathA |
lakShmIH prANaM sadA pAtu vadanaM pAtu keshavaH || 2||
gaurI tu rasanAM pAtu kaNThaM pAtu maheshvaraH |
skandhadeshaM ratiH pAtu bhujau tu makaradhvajaH || 3||
sha~NkhanidhiH karau pAtu vakShaH padmanidhistathA |
brAhmI madhyaM sadA pAtu nAbhiM pAtu maheshvarI || 4||
kaumArI pR^iShThadeshaM tu guhyaM rakShatu vaiShNavI |
vArAhI cha kaTimpAtu chaindrI pAtu padadvayam || 5||
bhAryAM rakShatu chAmuNDA lakShmI rakShatu putrakAn |
indraH pUrve sadA pAtu AgneyyAM agnidevatA || 6||
yAmye yamaH sadA pAtu nairR^ityAM nirR^itistathA |
pashchime varuNaH pAtu vAyavyAM vAyudevatA || 7||
saumyAM somaH sadA pAtu chaishAnyAmIshvaro vibhuH |
UrdhvaM prajApatiH pAtu hyadhashchA.anantadevatA || 8||
rAjadvAre shmashAne tu araNye prAntare tathA |
jale sthale chA.antarikShe shatrUNAM nigrahe tathA || 9||
etAbhiH sahitA devI chaturbIjA maheshvarI |
pratya~NgirA mahAshaktiH sarvatra mAM sadA.avatu || 10||

phalashrutiH |
iti te kathitaM devi sArAtsAraM parAtparam |
sarvArthasAdhanaM nAma kavachaM paramAdbhutam || 1||
asyA.api paThanAtsadyaH kubero.api dhaneshvaraH |
indrAdyAH sakalA devAH dhAraNAtpaThanAdyataH || 2||
sarvasiddhIshvaro santaH sarvaishvaryamavApnuyuH |
prItimanye.anyataH kR^itvA kamalA nishchalA gR^ihe || 3||
vANI cha nivasedvaktre satyaM satyaM na saMshayaH |
yo dhArayati puNyAtmA sarvArthasAdhanAbhidham || 4||
kavachaM paramaM puNyaM so.api puNyavatAM varaH |
sarvaishvaryayuto bhUtvA trailokyavijayI bhavet || 5||
puruSho dakShiNe bAhau nArI vAmabhuje tathA |
bahuputravatI bhUyAdvandhyA.api labhate sutam || 6||
brahmAstrAdIni shastrANi naiva kR^intanti tattanum |
etatkavachamaj~nAtvA yo japetparameshvarIm || 7||
dAridryaM paramaM prApya so.achirAnmR^ityumApnuyAt ||
shrI rudrayAmala tantre pa~nchA~NgakhaNDe pratya~NgirAyAH
sarvArthasAdhanaM nAmakaM kavachaM paripUrNam ||

##
Encoded by krishna vallapareddy krishna321 at hotmail.com
Proofread by krishna vallapareddy, PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}