% Text title            : rAdhAShTakam 2
% File name             : rAdhAShTakam2.itx
% Category              : devii, puShTimArgIya, aShTaka, radha
% Location              : doc\_devii
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrImadrAdhAShTakam 2 ..}##
\itxtitle{.. shrImadrAdhAShTakam 2 ..}##\endtitles ##

niku~nje ma~njUShadvividhamR^idupuShpaikanichayaiH
samAkIrNaM dAntaM sumaNijaTitaM kelishayanam |
hR^idi prAdurbhUtodbhaTavirahabhAvaiH sapadi yat
kare kR^itvA patravyajanamupavishantIM hR^idi bhaje || 1||
viditvA gopIshaM shramavihitanidraM hR^idi bhiyA
raNatkArairbhUyAnna khalu gatanidraH paramiti |
dvitIyena stabdhAchalanachapalaM ka~NkaNachayaM
vitanvantIM mandaM vyajanamatha rAdhAM hR^idi bhaje || 2||
vidhAyAchChaiH puShpairvividharachanAM chArumR^idulAM
padaprAntAlambAM svakarakamalAbhyAM punarasau |
sthitaM svaprANAnAM priyatamamananyaM nijapuro\-
.avagatyAtanvantImurasi vanamAlAM hR^idi bhaje || 3||
purA rAsArambhe sharadamalarAtriShvapi hari\-
prabhAvAdyullIDhasmaraNakR^itachintAshatayutAm |
hR^idi prAdurbhUtaM bahirapi samudvIkShitumiva
svato vAraM vAraM vikasitadR^igabjAM hR^idi bhaje || 4||
vichinvantIM nAthaM niratishayalIlAkR^itirataM
prapashyantIM chihnaM charaNayugasambhUtamatulam |
prakurvantIM mUrdhanyahaha padareNUtkaramapi
priyAM gopIshasya praNatanijanAthAM hR^idi bhaje || 5||
nijaprANAdhIshaprasabhamilanAnandavikasa\-
tsamastA~NgapremodgatamatanuromAvalimapi |
sphuratsItkArAntaHsthitasabhayabhAvaikanayanAM
punaH pashchAttaptAmatularasapAtraM hR^idi bhaje || 6||
lasadgopInAthAnanakamalasaMyojitamukhAM
mukhAmbhodhiprAdurbhavadamR^itapAnaikachaturAm |
parIrambhaprAptapriyatamasharIraikyarasikAM
tR^itIyArthaprAptiprakaTaharisiddhiM hR^idi bhaje || 7||
na me vA~nChyo mokShaH shrutiShu chaturAtmA nigadito
na shAstrIyA bhaktirna punarapi vij~nAnamapi me |
kadAchinmAM svAminyahaha mayi dAse kR^ipayatu
svataH svAchAryANAM charaNasharaNe dInakaruNA || 8||

iti shrImadrAdhAShTakaM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}