% Text title            : Radha Krishna Kavacham
% File name             : rAdhAkRRiShNakavacham.itx
% Category              : devii, devI, radha
% Location              : doc\_devii
% Transliterated by     : Sivakumar Thyagarajan shivakumar24 at gmail
% Proofread by          : Sivakumar Thyagarajan, PSA Easwaran
% Description-comments  : vishvanAthasAroddhAre mahAtantre
% Latest update         : March 14, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Radhakrishna Kavacham ..}##
\itxtitle{.. shrIrAdhAkR^iShNakavacham ..}##\endtitles ##
OM shrIgaNeshAya namaH |
shrIbhairava uvAcha |
adhunA kathayiShyAmi rAdhakR^iShNasya bhairavi |
kavachaM mantragarbhaM tu vajrapa~njarasa.nj~nakam || 1||
rahasyaM sarvadevAnAM martyAnAM cha visheShataH |
asyaiva dhAraNAchchAhaM sarvaj~no.asmi maheshvari || 2||
yaddhAraNAtsasarjAdau brahmA sR^iShTiM pR^ithagvidhAm |
yaM dhR^itvA tridashendratvaM prAlebhe pAkashAsanaH || 3||
vyomni prakAshate bhAnurnityaM yaddhAraNAtpriye ||
sarvaprANiniyantApi babhUva dharmarADyataH || 4||
dhanAdhyakShaH kubero.abhUdasya sandhAraNAdapi ||
yasmindhR^ite pAshahastaH salilesho babhUva ha || 5||
ye ye pUrvaM dAnavendrAH prabalAH karmaNApi cha ||
asyaiva dhAraNAtsarve te te nItA mR^itiM mayA || 6||
shaknuyAtko gaNayituM mAhAtmyamasya cheshvari |
vinAnena na siddhiH syAdiha loke paratra cha || 7||
kavachaM yaM samAbadhya mantrajApaM samAcharet |
tenaiva mantrasiddhishcha jAyate paramAdbhutA || 8||
kavachasyAsya deveshi brahmA prokto munistathA |
gAyatraM Chanda ityuktaM shrIrAdhApriyavallabhaH || 9||
devatAtra paraM bIjaM mAyAyAH parameshvari |
ramA shaktiH kAmarAjabIjaM kIlakamIshvari || 10||
chaturvargaphalAvAptau viniyogaH prakIrtitaH || 11||
atha dhyAnam ||
dhyAnaM vakShye mahAdevi shrIrAdhAmAdhavasya cha |
yajj~nAtvA mantravitprAj~naH siddhiM prApnoti chaishvarIm || 12|
shrImadudyAnakalpadrumaviTapalasatsvarNadolAdhirUDhaM
     shrIrAdhAM ri~NkhamANaM kaTitaTavilasatkShudraghaNaTAravADhayam |
vaMshIrandhrAntaraM shrImukhakamalagaladvAyunA pUryamANaM
     rAdhAprekShaNaharShaphullanayanaM vande sadA mAdhavam || 13||
shyAmaM pUrNenduvadanaM varAbhayalasatkaram |
rAdhA.a.ashliShTatanuM kAntaM muktidaM mAdhavaM bhaje || 14||
OM hrIM mastakaM mAdhavo.avyAchChrIM shrIkR^iShNo lalATakam |
pAyAnnetre sadA pAtu klIM govindaH samantataH || 15||
shrIrAdhAvallabhaH pAtu nAsAM me bhaktavatsalaH ||
 dAmodaro mukhaM pAtu vaikuNThaH pAtu kaNThakam || 16||
vakShaHsthalaM sadA pAyAnmama shrIvatsalA~nChanaH ||
chaturbhujo bhujau pAtu hastau rakShatu keshavaH || 17||
pArshvau mama sadA pAtu pUrNachandranibhAnanaH ||
hR^idayaM mukundaH pAyAnme kukShiM vishvambharo mama || 18||
pR^iShThaM pArthasakhaH pAtu nAbhiM pa~nchajanAbhiyuk ||
guhyaM me rakShatu shrImAnsarvatoviShTarashravAH || 19||
shishnaM shrIshaH sadA pAyAtkaTiM kaiTabhajittathA ||
UrU trivikramaH pAtu jAnunI cha janArdanaH || 20||
ja~Nghe gadAdharaH pAtu gulphau me garuDadhvajaH ||
pAdau sahasrapAtpAtu rAdheshaH sakalaM vapuH || 21||
indro mAM pUrvataH pAtu vahnirvahnau sadA mama ||
yamo dakShiNataH pAtu nairR^ite nirR^itistathA || 22||
varuNaH pashchime pAyAdvAyavye.avyAtsadAgatiH ||
kubera uttare pAyAdaishAnyAmIshvaro.avatu || 23||
dashadikShu sadA pAtu shrIrAdhAvallabhaH prabhuH ||
prabhAte pAtu shrIkR^iShNo madhyAhne gopavallabhaH || 24||
sAyaM rAdhApriyaH pAtu pradoShe gopatipriyaH ||
ardharAtre sadA pAtu pradyumno bhagavAnmama || 25||
nishAnte mAdhavaH pAtu viShvaksenastu sarvadA ||
raNe rAjabhaye dyUte vivAde shatrusa~NkaTe || 26||
OM hrIM shrIM klIM sadA pAtu shrIrAdhAvallabhaH prabhuH || 27||
OM hrIM shrIM garuDadhvajaH sagatimAnpAyAdraNe sa~NkaTe
     shrIkR^iShNo bhagavAnmamArinivahAnvidhvaMsayettatkShaNAt |
govindo.avatu mAM sadA haribhayAdrAdhApriyo mAdhavo
     mAM pAyAdvipadaH shmashAnagacharo.avyAdbhayAtsarvataH || 28||
(toyaughAjjvalanodbhavAdaribhayAnmAmpAtu rAdheshvaraH)|
itIdaM kavachaM divyaM vajrapa~njarakAbhidham ||
sarvasaubhAgyajananaM sukhadaM santatipradam || 29||
lakShmIsaMvardhanaM devi paramArtharasAyanam || 30||
mantragarbhaparaM sArarahasyaM tridivaukasAm |
trisandhyaM yaH paThennityaM kavachaM prayataH pumAn || 31||
sa yAti paramaM dhAma vaiShNavaM sAdhakottamaH |
dashavAraM paThedyastu ratAdau vaiShNavottamaH || 32||
viShNubhaktirataM putraM prApnoti kuladIpakam ||
ravivAre likhedyastu tiShyarkShe sAdhakottamaH || 33||
gandhAShTakena vimale bhUrje randhravihInake ||
likhitvA raktavastreNa saMveShTya sa manuM japan || 34||
suvarNaguTikAmadhye sthApayitvA vidhAnataH ||
mUrdhni tAndhArayeddhImAn shrIrAdhAvallabhaM smaran || 35||
raNe ripU~njayatyAshu vAde stutyo bhaviShyati ||
nArIM rUpavatIM sAdhvIM labhate nAtrasaMshayaH || 36||
vandhyA vA kAkavandhyA vA mR^itavatsApi yA~NganA ||
sA badhnIyAtkaNThadeshe labhetputrAMshchirAyuShaH || 37||
gurUpadeshato dhR^itvA guruM dhyAtvA manuM japan ||
varNalakShapurashcharyAphalaM prApnoti sAdhakaH || 38||
bahunAtra kimuktena kavachasyAsya pArvati ||
vinAnena na siddhiH syAnmantrasyAsya maheshvari || 39||
gopyAdgopyaM mahAdevi shrIrAdhAkR^iShNasambhavam |
vajrapa~njarakaM varma gopanIyaM maheshvari || 40||
dIkShitAya kulInAya shiShyAya guNashAline |
dAtavyaM shraddadhAnAya kR^iShNabhaktiratAyacha || 41||
abhaktAya na dAtavyaM kuchailAya durAtmane ||
krUrAya parashiShyAya shaThAya parameshvari || 42||
rahasyaM sarvasArADhyaM gopanIyaM svayonivat || 43||

|| iti shrIvishvanAthasAroddhAre mahAtantre
shrIrAdhAkR^iShNakavachaM samAptam ||
##
Entered by Sivakumar Thyagarajan
Proofread by Sivakumar Thyagarajan, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}