% Text title : rAdhAkRRiShNaprAdurbhAvaH % File name : rAdhAkRRiShNaprAdurbhAvaH.itx % Category : devii, radha, krishna, devI % Location : doc\_devii % Description-comments : sarasa stotrasangrahaH (Lucknow, 1909) % Latest update : August 22, 2010 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Radhakrishna PradurbhavaH ..}## \itxtitle{.. shrIrAdhAkR^iShNaprAdurbhAvaH ..}##\endtitles ## shrImate rAmAnujAya namaH | shrIrAdhAnaTavarAbhyAM namaH | namastasmai bhagavate kR^iShNAyAkuNThamedhase | namo rAdhAdharasudhAsindhunityavihAriNe || 1|| rAdhAkR^iShNasvarUpAM vai kR^iShNarAdhAsvarUpiNam | kAlAtmAnaM niku~njasthaM gururUpaM sadA bhaje || 2|| hariNIM hAriNIM hrINAM haritAM chaturakriyAm | kaumArIM satataM vande taptachAmIkaraprabhAm || 3|| mugdhAM snigdhAM vidagdhAM chAsandigdhAM chaturakriyAm | vande raNakriyAbhAsA devarShipramukhAkR^itIH || 4|| si~njannUpurapAdapadmayugalAM haMsIgatiM bibhratIM cha~nchatkha~njanama~njulochanayugAM pInollasatkandharAm | bibhratkA~nchanaka~NkaNaM dyutimilatpANau chalachchAmaraM kurvANAM harirAdhikopari sadA shrIra~NgadevIM bhaje || 5|| navyAM nUtanachIradhAraNaparAM nIlaprabhAM dyotitAM nIlendIvaradIrghasundaradR^ishAM nIlaM nirIkShadvanam | vR^indAraNyaniku~njavAsamuditaM rAjIvanetraM hariM dhyAyantI dharaNi sthireNa manasA shrInavyavAsAM bhaje || 6|| vachanemR^itasAgarAyatIM gamane mattasuradvipAyatIm | hasane malamauktikAyatIM satataM shrIsakhivishvamAM bhaje || 7|| uttamA~NgaparirakShaNasthirAmuttarottararasapradAyanIm | svAminIM praNayapUranirbharAmuttamAM cha shirasAbhivAdaye || 8|| nijadAsavilAsadAyinIM nijanAthaikaguNaughagAyinIm | vayasA nayanenduhAyinIM suvilAsAM shirasA natosmyaham || 9|| rasasAgarapAradhoraNIM rasarUpAmR^itachandratoraNIm | sarasasmitahAsyavAdinIM sarasAM rAsakarIM bhajAmahe || 10|| madhurAM madhuraprabhAShiNIM harirAdhAratira~NgasAkShiNIm | shashikoTivikAsasusmitAM praNamAmi praNayAtmani sthitAm || 11|| bhavatApaharAM bhayApahAM bhavapAthodhitarIM dayAparAm | dalitAmbujanetrashAlinImatibhadrAM manasA smare mudA || 12|| nijavargamadhuvratAvalIM kamanIyA~NgulipallavaprarUDhAm | svajanAmalamAnasaprasUtaM priyapadmApadapa~NkajaM smarAmi || 13|| shyAmAM shyAmavayonvitAM parilasannIlAmbaraM bibhratIM AkarNAyatanetrapa~NkajabharairAlasyamAtanvatim | lIlAlolamana~Ngara~NgamadhuravyAparabhArAvahAM rAdhAkR^iShNamukhAravindamatulaM sa~nchinayantIM bhaje || 14|| vINAvAdanatAratAnamadhuratvAviShkaratrIM mudAM shrIvR^indAvanachandrakR^iShNavilasatpAdAmbujadhyAyinIm | rAdhAhAravilAsabhArakushalAM kundendujyotsnAmukhA\- michChAshaktiratAM hareH privatarAM shrIshAradAmbAM bhaje || 15|| kareNottrIyaM hasantI dadhAnA dvitIyena phullAravindAnvahantI | lasatpInavakSho lasatpuShpahArAM sadA saMsmarehaM kR^ipAlAmudArAm || 16|| raNachchArupAdAmbujanyAsanirjidgajendrAmurau mauklikasphArahArAm | sudhAmAdhurIhArimandasmitAsyAM bhaje devadevIM suraprArthyadAsyAm || 17|| sphuratsundarodAramandArahArastanadvandvabhArAvasIdatsumadhyAm | lasaddhastavinyastatAmbUlapatrAM bhaje sundarIM sundarAkAraChatrAm || 18|| pAdAravindaM shithilaM dadhAnA padmAlayA padmaparAgara~njitA | padmaprabhA padmakuchAbhirAmA namAmi tasyAH padapa~NkajaM sadA || 19|| anApnuvaMstanmukhachandramastulAM vidhurgataH khaM trapayA jvarArditaH | jale patannAptamukhAmbujashrIstAmindirAM chetasi bhAvayAmi || 20|| kAmA~NganAkoTimanoj~narUpAM mukhaprabhAniirjitarAtribhUpAm | svIyapriyAsnehanidhAnakUpAM rAmAM smare kR^iShNamanonurUpAm || 21|| prAvR^iT praphullanavachArukadambapuShpahArAmukhadyutivinirjitachandravArA | kAntA~Ngasa~NgajanitA~NkanidarshanAya vAmA karodabhilasanmukurasvasakhyAH || 22|| kR^iShNAmahamabhivande yugalapadAmbhojabhAvanAmuditAm | kR^iShNarasAyanatR^iTami sAkShAdiva sindhujAM kL^iptAm || 23|| yamunAtIraniku~nje madhukarapu~nje vinidrataruvR^inde | padmAmahamabhibande raTatIM kR^iShNeti kR^iShNeti || 24|| ayutAyutendurUpAM sakalasakhImAlikAnUpAm | vandehaM shrutirUpAM koTismarakAntisarUpAm || 25|| madanamohanamohanasundarasmitavilAsakalAsu kutUhalAm | pramuditena hR^idA tvabhivAdaye manasi bhAgavatIM bhagavatpriyAm || 26|| vasantakAlodayapuShpitAni dvisandhirAgAyutapa~NkajAni | priyapriyAchArupadAmbujeShu prItyArpayantIM praNamAmi mAdhavIm || 27|| yachChobhAbharajaladhau vidhimukhavibudhAlayaM yayuH suchiram | asitAyAshcha tadAsyaM shAradavidhumaNDalAkR^itiM dhyAye || 28|| shR^i~NgArabhAraM vividhaM vidhAya prAtaH sthitAyA nijadevatAyAH | mukhAravindaikanirIkShaNAya guNAkarI darpaNamAchakAra || 29|| dvijarAjakalAvirajamAnAM mukhashobhAjitaphullaka~njalakShmIm | mR^igarAjakaTiM mR^igAyatAkShImahamIDe satataM suvallabhAkhyAm || 30|| shAradIyavidhubimbamukhAbhAM kundapa~NktiradanashriyamekAm | tu~NgapInakuchabhAravinamrAmAnato.asmi shAshigauratarA~NgIm || 31|| mayUrapichChadyutihArachAmaraprabhAtiraskAri nijapriyAyAH | sa~NgumphayantIM vilasatkarAbhyAM dhammillabhAraM praNamAmi keshIm || 32|| jagatpavitraM kurute hi yasyA dR^igantapAto vitanoti saukhyam | shrIsvAminI snehanidhAnabhUtAM shrIkR^iShNamitrAM prabhaje pavitrAm || 33|| kAshmIrapa~NkA~NkitahR^itsarojAM sambhAvitashrIpatipatsarojAm | vinidraraktotpalalochanAbhAM mudA smare chetasi ku~NkumAbhAm || 34|| samastanAnAvidhadevatAgaNairviri~nchiga~NgAdharashAradAdibhiH | mUrdhnAbhivandyAruNapAdapadmAM shrIshrIhitAM santatamAnato.asmi || 35|| vilohitaprAntavishAlalochanAM mukhaprabhApUrNanishAkaropamAm | suchAmarAla~NkR^itahastapa~NkajAM shrIra~NgadevIM manasA smarAmi tAm || 36|| alinde kAlindIkamalasurabhIku~njavasatau vasantI vAsantI navaparimalodgArivadanAm | taduttu~Nge lIlAmadamukulitAkShIM punarimAM kadAhaM sevyaMse kisalayakalApapramadane || 37|| shyAmAli~NgitagauradehalatayA vidyuchChaviM nindatIM shyAmAmbhodharamAdhurIpariNatIM padbhayAM tiraskurvatIm | sarvAsAM ratikelibhAvachaturAM strINAM shirobhUShaNAM shrIkR^iShNasmaramantradeshanaguruM tAM rAdhikAmAshraye || 38|| shyAmapremavilAsanItinipuNA shR^i~NgArabhAvAnvitA vaidagdhImadama~njatIrasamayI lAvaNyavishrAmabhUH | rAsollAsarasaprabandharasikA saundaryasImAshrayA shrIvR^indAvanadevatA vijayate rAdhA sudhAma~njarI || 39|| shrIshrIkoTinitAntarUparuchirAM saundaryasammohinIM shrIvR^idAvanama~njuku~njanibhR^itikrIDarasAveshinIm | shrImadrAsavilAsalAlasamahAnandAmR^itaplAvinIM shrImaddurlabhadurlabhA vijayate rAdhA sudhAma~njarI || 40|| uttu~NgastanabhArabha~NguratanurvidyAchChaTAkaChavI prodyannIlanavAmbarA mR^idupadAmbhojasphuranma~njarI | susmerAdharabimbachandravadanI kandarpadarpA~NkurA premAbdhau madamantharA vijayate prANAdhikA rAdhikA || 41|| bhasmIbhUtamanobhavaM haradR^ishodArasphuli~NgA~Nkurai\- rlIlApA~NganirIkShaNena kutukA tatsa~njayantI punaH | mR^igyantI smarakeliku~njabhavanekAntaM sakhIbhiH samaM nityaM nityavinodinAM vijayate prANAdhikA rAdhikA || 42|| unmIlannavanetrapa~NkajataroH phullastanAla~NkR^itA sushroNIbharabha~NgurA suruchirAM smerAdharAmedurAm | rakShantI nijavallabhaM navaghanashyAmAlikelisthalI\- pronmIlankuchakorakA vijayate prANAdhikA rAdhikA || 43|| shrImatkoTimanobhavairvijayate yatrArthasaMvAdinI shrImadgAnavasantarAgavilasad vaktrAmbujAmohinIm | ##line missing in the print## shrIvR^indAvanavallabhA vijayate rAdhA sudhAma~njarI || 44|| kalAkushalara~NginI naTati yatra rAdhA naTI na yatra muralIshrutipriyasakho bhavehAgapi | yadIha tarupakShiNAmanubhavosti sa~NgrAhaka\- ssmarAmi yamunAtaTe rasikavR^indavR^indAvanam || 45|| prathamamilitabhItAhrAyitA sA svarAshau priyatamabhujarAdhAvyagrahastau hasantau | anamanamatilIlAgadgadoktermadAndhau smaranibhR^itaniku~njau rAdhikAkR^iShNachandrau || 46|| hR^itakanakasugaurasnigdhameghaughanIla\- chChavibhirakhilavR^indAraNyamArge vrajantau | mR^idulanavadukUle nIlapIte dadhAnau smaranibhR^itaniku~njau rAdhikAkR^iShNachandrau || 47|| navalalitavapuShkau navyalAvaNyapu~njau navarasachalachittau nUtanapremavR^ittau | navanidhivanalIlAkautukenAtilolau smaranibhR^itaniku~njau rAdhikAkR^iShNachandrau || 48|| nikhilanigamagUDhau nityamatyantagUDhau praNataparanibaddhau shR^i~NkhalAbaddhacheShTau | surataratimadAndhau nyastamishraughakandau smaranibhR^itaniku~njau rAdhikAkR^iShNachandrau || 49|| jaghanalulitaveNUvisphuradbarhachUDau ruchirakanakachUDAka~NkaNadvandvapANI | vilasadaruNarochiH pItakausheyaramyau smaranibhR^itaniku~njau rAdhikAkR^iShNachandrauha || 50|| gahanasuratalIlApAshasaMsvinnagAtrau dayitanijasakhIbhirvedyamAnau paTAnte | suratasubhujavallIpIDyamAnau cha bhUyaH smaranibhR^itaniku~njau rAdhikAkR^iShNachandrau || 51|| vilulitavaraveNIhAranAlAvataMsau mR^idulamadhurahAsollAsavaktrAravindau | atirasamadanAndhau chitrakandarpakelI\- smaranibhR^itanikullau rAdhikAkR^iShNachandrau || 52|| iti shrIrAdhAkR^iShNaprAdurbhAvaH sampUrtimagAt || ## Proofread by Pallasena Narayanaswami ppnswami at gmail.com From shrI sarasa stotrasangrahaH (Lucknow, 1909). \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}