% Text title : Radhakrishnasahasranamastotra from nAradapurANa % File name : rAdhAkRishNasahasra.itx % Category : sahasranAma, devii, radha, stotra, devI % Location : doc\_devii % Transliterated by : Kirk Wortman kirkwort at hotmail.com % Proofread by : Kirk Wortman kirkwort at hotmail.com, Singanallur Ganesan % Description-comments : Naradapurana pUrvArdhe adhyAya 82, Vishnu Stuti Manjari Volume 1 p. 558 % Latest update : December 6, 2002, July 9, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrI rAdhAkRiShNa or yugala sahasranAma stotram ..}## \itxtitle{.. shrIrAdhAkR^iShNayugalasahasranAmastotram ..}##\endtitles ## sanatkumAra uvAcha \- kiM tvaM nArada jAnAsi pUrvajanmani yattvayA | prAptaM bhagavataH sAkShAchChUlino yugalAtmakam || 1|| kR^iShNamantrarahasyaM cha smara vismR^itimAgatam | sUta uvAcha \- ityukto nArado viprAH kumAreNa tu dhImatA || 2|| dhyAne vivedAshu chiraM charitaM pUrvajanmanaH | tatashchiraM dhyAnaparo nArado bhagavatpriyaH || 3|| j~nAtvA sarvaM suvR^ittAntaM suprasannAnano.abravIt | bhagavansarvavR^ittAntaH pUrvakalpasamudbhavaH || 4|| mama smR^itimanuprApto vinA yugalalambhanam || tachChrutvA vachanaM tasya nAradasya mahAtmanaH || 5|| sanatkumAro bhagavAn vyAjahAra yathAtatham | sanatkumAra uvAcha \- shR^iNu vipra pravakShyAmi yasmi~njanmani shUlinaH || 6|| prAptaM kR^iShNarahasyaM vai sAvadhAno bhavAdhunA | asmAtsArasvatAtkalpAtpUrvasminpa~nchaviMshake || 7|| kalpe tvaM kAshyapo jAto nArado nAma nAmataH | tatraikadA tvaM kailAsaM prAptaH kR^iShNasya yoginaH || 8|| sampraShTuM paramaM tattvaM shivaM kailAsavAsinam | tvayA pR^iShTo mahAdevo rahasyaM svaprakAshitam || 9|| kathayA mAsa tattvena nityalIlAnugaM hareH | tatastadante tu punastvayA vij~nApito haraH || 10|| nityAM lIlAM harerdraShTuM tataH prAha sadAshivaH | gopIjanapadasyAnte vallabheti padaM tataH || 11|| charaNAchCharaNaM pashchAtprapadye iti vai manuH | mantrasyAsya R^iShiH prokto surabhishChanda eva cha || 12|| gAyatrI devatA chAsya ballavIvallabho vibhuH | prapanno.asmIti tadbhaktau viniyoga udAhR^itaH || 13|| nAsya siddhAdikaM vipra shodhanaM nyAsakalpanam | kevalaM chintanaM sadyo nityalIlAprakAshakam || 14|| Abhyantarasya dharmasya sAdhanaM vachmi sAmpratam || 15|| sa~NgR^ihya mantraM gurubhaktiyukto vichintya sarvaM manasA tadIhitam | kR^ipAM tadIyAM nijadharmasaMstho vibhAvayannAtmani toShayedgurum || 16|| satAM shikSheta vai dharmAnprapannAnAM bhayApahAn | aihikAmuShmikIchintAvidhurAn siddhidAyakAn || 17|| sveShTadevadhiyA nityaM toShayedvaiShNavAMstathA | bhartsanAdikameteShAM na kadAchidvichintayet || 18|| pUrvakarmavashAdbhavyamaihikaM bhogyameva cha | AyuShyakaM tathA kR^iShNaH svayameva kariShyati || 19|| shrIkR^iShNaM nityalIlAsthaM chintayetsvadhiyAnisham | shrImadarchAvatAreNa kR^iShNaM paricharetsadA || 20|| ananyachintanIyo.asau prapannaiH sharaNArthibhiH | stheyaM cha dehagehAdAvudAsInatayA budhaiH || 21|| guroravaj~nAM sAdhUnAM nindAM bhedaM hare harau | vedanindAM harernAmabalAtpApasamIhanam || 22|| arthavAdaM harernAmni pAShaNDaM nAmasa~Ngrahe | alase nAstike chaiva harinAmopadeshanam || 23|| nAmavismaraNaM chApi nAmnyanAdarameva cha | santyajed dUrato vatsa doShAnetAnsudAruNAn || 24|| prapanno.asmIti satataM chintayeddhR^idgataM harim | sa eva pAlanaM nityaM kariShyati mameti cha || 25|| tavAsmi rAdhikAnAtha karmaNA manasA girA | kR^iShNakAnteti chaivAsmi yuvAmeva gatirmama || 26|| dAsAH sakhAyaH pitaraH preyasyashcha hareriha | sarve nityA munishreShTha chintanIyA mahAtmabhiH || 27|| gamanAgamane nityaM karoti vanagoShThayoH | gochAraNaM vayasyaishcha vinAsuravighAtanam || 28|| sakhAyo dvAdashAkhyAtA hareH shrIdAmapUrvakAH | rAdhikAyAH sushIlAdyAH sakhyo dvAtriMshadIritAH || 29|| AtmAnaM chintayedvatsa tAsAM madhye manoramAm | rUpayauvanasampannAM kishorIM cha svala~NkR^itAm || 30|| nAnAshilpakalAbhij~nAM kR^iShNabhogAnurUpiNIm | tatsevanasukhAhlAdabhAvenAtisunirvR^itAm || 31|| brAhmaM muhUrtamArabhya yAvadardhanishA bhavet | tAvatparicharettau tu yathAkAlAnusevayA || 32|| sahasraM cha tayornAmnAM paThennityaM samAhitaH | etatsAdhanamuddiShTaM prapannAnAM munIshvara || 33|| nAkhyeyaM kasyachittubhyaM mayA tattvaM prakAshitam | sanatkumAra uvAcha \- tatastvaM nArada punaH pR^iShTavAnvai sadAshivam || 34|| nAmnAM sahasraM tachchApi proktavAMstachChR^iNuShva me | dhyAtvA vR^indAvane ramye yamunAtIrasa~Ngatam || 35|| kalpavR^ikShaM samAshritya tiShThantaM rAdhikAyutam | paThennAmasahasraM tu yugalAkhyaM mahAmune || 36|| OM devakInandanaH shaurirvAsudevo balAnujaH | gadAgrajaH kaMsamohaH kaMsasevakamohanaH || 37|| bhinnArgalo bhinnalohaH pitR^ibAhyAH pitR^istutaH | mAtR^istutaH shivadhyeyo yamunAjalabhedanaH || 38|| vrajavAsI vrajAnandI nandabAlo dayAnidhiH | lIlAbAlaH padmanetro gokulotsava IshvaraH || 39|| gopikAnandanaH kR^iShNo gopAnandaH satAM gatiH | bakaprANaharo viShNurbakamuktiprado hariH || 40|| baladolAshayashayaH shyAmalaH sarvasundaraH | padmanAbho hR^iShIkeshaH krIDAmanujabAlakaH || 41|| lIlAvidhvastashakaTo vedamantrAbhiShechitaH | yashodAnandanaH kAnto munikoTiniShevitaH || 42|| nityaM madhuvanAvAsI vaikuNThaH sambhavaH kratuH | ramApatiryadupatirmurArirmadhusUdanaH || 43|| mAdhavo mAnahArI cha shrIpatirbhUdharaH prabhuH | bR^ihadvanamahAlIlo nandasUnurmahAsanaH || 44|| tR^iNAvartaprANahArI yashodAvismayapradaH | trailokyavaktraH padmAkShaH padmahastaH priya~NkaraH || 45|| brahmaNyo dharmagoptA cha bhUpatiH shrIdharaH svarAT | ajAdhyakShaH shivAdhyakSho dharmAdhyakSho maheshvaraH || 46|| vedAntavedyo brahmasthaH prajApatiramoghadR^ik | gopIkarAvalambI cha gopabAlakasupriyaH || 47|| bAlAnuyAyI balavAn shrIdAmapriya AtmavAn | gopIgR^ihA~NgaNaratirbhadraH sushlokama~NgalaH || 48|| navanItaharo bAlo navanItapriyAshanaH | bAlavR^indI markavR^indI chakitAkShaH palAyitaH || 49|| yashodAtarjitaH kampI mAyAruditashobhanaH | dAmodaro.aprameyAtmA dayAlurbhaktavatsalaH || 50|| subaddholUkhale namrashirA gopIkadarthitaH | vR^ikShabha~NgI shokabha~NgI dhanadAtmajamokShaNaH || 51|| devarShivachanashlAghI bhaktavAtsalyasAgaraH | vrajakolAhalakaro vrajAnadavivarddhanaH || 52|| gopAtmA prerakaH sAkShI vR^indAvananivAsakR^it | vatsapAlo vatsapatirgopadArakamaNDanaH || 53|| bAlakrIDo bAlaratirbAlakaH kanakA~NgadI | pItAmbaro hemamAlI maNimuktAvibhUShaNaH || 54|| ki~NkiNIkaTakI sUtrI nUpurI mudrikAnvitaH | vatsAsurapatidhvaMsI bakAsuravinAshanaH || 55|| aghAsuravinAshI cha vinidrIkR^itabAlakaH | Adya AtmapradaH sa~NgI yamunAtIrabhojanaH || 56|| gopAlamaNDalImadhyaH sarvagopAlabhUShaNaH | kR^itahastatalagrAso vya~njanAshritashAkhikaH || 57|| kR^itabAhushR^i~NgayaShTirgu~njAla~NkR^itakaNThakaH | mayUrapichChamukuTo vanamAlAvibhUShitaH || 58|| gairikAchitritavapurnavameghavapuH smaraH | koTikandarpalAvaNyo lasanmakarakuNDalaH || 59|| AjAnubAhurbhagavAnnidrArahitalochanaH | koTisAgaragAmbhIryaH kAlakAlaH sadAshivaH || 60|| vira~nchimohanavapurgopavatsavapurddharaH | brahmANDakoTijanako brahmamohavinAshakaH || 61|| brahmA brahmeDitaH svAmI shakradarpAdinAshanaH | giripUjopadeShTA cha dhR^itagovarddhanAchalaH || 62|| purandareDitaH pUjyaH kAmadhenuprapUjitaH | sarvatIrthAbhiShiktashcha govindo goparakShakaH || 63|| kAliyArtikaraH krUro nAgapatnIDito virAT | dhenukAriH pralambArirvR^iShAsuravimardanaH || 64|| mAyAsurAtmajadhvaMsI keshikaNThavidArakaH | gopagoptA dhenugoptA dAvAgniparishoShakaH || 65|| gopakanyAvastrahArI gopakanyAvarapradaH | yaj~napatnyannabhojI cha munimAnApahArakaH || 66|| jaleshamAnamathano nandagopAlajIvanaH | gandharvashApamoktA cha sha~NkhachUDashiro haraH || 67|| vaMshI vaTI veNuvAdI gopIchintApahArakaH | sarvagoptA samAhvAnaH sarvagopImanorathaH || 68|| vya~NgadharmapravaktA cha gopImaNDalamohanaH | rAsakrIDArasAsvAdI rasiko rAdhikAdhavaH || 69|| kishorIprANanAthashcha vR^iShabhAnasutApriyaH | sarvagopIjanAnandI gopIjanavimohanaH || 70|| gopikAgItacharito gopInartanalAlasaH | gopIskandhAshritakaro gopikAchumbanapriyaH || 71|| gopikAmArjitamukho gopIvyajanavIjitaH | gopikAkeshasaMskArI gopikApuShpasaMstaraH || 72|| gopikAhR^idayAlambI gopIvahanatatparaH | gopikAmadahArI cha gopikAparamArjitaH || 73|| gopikAkR^itasaMnIlo gopikAsaMsmR^itapriyaH | gopikAvanditapado gopikAvashavartanaH || 74|| rAdhAparAjitaH shrImAnniku~njesuvihAravAn | ku~njapriyaH ku~njavAsI vR^indAvanavikAsanaH || 75|| yamunAjalasiktA~Ngo yamunAsaukhyadAyakaH | shashisaMstambhanaH shUraH kAmI kAmavijohanaH || 76|| kAmAdyAH kAmanAthashcha kAmamAnasabhedanaH | kAmadaH kAmarUpashcha kAminI kAmasa~nchayaH || 77|| nityakrIDo mahAlIlaH sarvaH sarvagatastathA | paramAtmA parAdhIshaH sarvakAraNakAraNaH ##(or##m##)##|| 78|| gR^ihItanAradavachA hyakrUraparichintitaH | akrUravanditapado gopikAtoShakArakaH || 79|| akrUravAkyasa~NgrAhI mathurAvAsakAraNaH ##(or##m##)##. akrUratApashamano rajakAyuHpraNAshanaH || 80|| mathurAnandadAyI cha kaMsavastraviluNThanaH | kaMsavastraparIdhAno gopavastrapradAyakaH || 81|| sudAmagR^ihagAmI cha sudAmaparipUjitaH | tantuvAyakasamprItaH kubjAchandanalepanaH || 82|| kubjArUpaprado vij~no mukundo viShTarashravAH | sarvaj~no mathurAlokI sarvalokAbhinandanaH || 83|| kR^ipAkaTAkShadarshI cha daityArirdevapAlakaH | sarvaduHkhaprashamano dhanurbha~NgI mahotsavaH || 84|| kuvalayApIDahantA dantaskandhabalAgraNIH | kalparUpadharo dhIro divyavastrAnulepanaH || 85|| mallarUpo mahAkAlaH kAmarUpI balAnvitaH | kaMsatrAsakaro bhImo muShTikAntashcha kaMsahA || 86|| chANUraghno bhayaharaH shalAristoshalAntakaH | vaikuNThavAsI kaMsAriH sarvaduShTaniShUdanaH || 87|| devadundubhinirghoShI pitR^ishokanivAraNaH | yAdavendraH satAMnAtho yAdavAripramarddanaH || 88|| shaurishokavinAshI cha devakItApanAshanaH | ugrasenaparitrAtA ugrasenAbhipUjitaH || 89|| ugrasenAbhiShekI cha ugrasenadayAparaH | sarvasAtvatasAkShI cha yadUnAmabhinandanaH || 90|| sarvamAthurasaMsevyaH karuNo bhaktabAndhavaH | sarvagopAladhanado gopIgopAlalAlasaH || 91|| shauridattopavItI cha ugrasenadayAkaraH | gurubhakto brahmachArI nigamAdhyayane rataH || 92|| sa~NkarShaNasahAdhyAyI sudAmasuhR^ideva cha | vidyAnidhiH kalAkosho mR^itaputrapradastathA || 93|| chakrI pA~nchajanI chaiva sarvanArakimochanaH | yamArchitaH paro devo nAmochchAravasho.achyutaH || 94|| kubjAvilAsI subhago dInabandhuranUpamaH | akrUragR^ihagoptA cha pratij~nApAlakaH shubhaH || 95|| jarAsandhajayI vidvAn yavanAnto dvijAshrayaH | muchukundapriyakaro jarAsandhapalAyitaH || 96|| dvArakAjanako gUDho brahmaNyaH satyasa~NgaraH | lIlAdharaH priyakaro vishvakarmA yashaHpradaH || 97|| rukmiNIpriyasandesho rukmashokavivarddhanaH | chaidyashokAlayaH shreShTho duShTarAjanyanAshanaH || 98|| rukmivairUpyakaraNo rukmiNIvachane rataH | balabhadravachogrAhI muktarukmI janArdanaH || 99|| rukmiNIprANanAthashcha satyabhAmApatiH svayam | bhaktapakShI bhaktivashyo hyakrUramaNidAyakaH || 100|| shatadhanvAprANahArI R^ikSharAjasutApriyaH | satrAjittanayAkAnto mitravindApahArakaH || 101. satyApatirlakShmaNAjitpUjyo bhadrApriya~NkaraH | narakAsuraghAtI cha lIlAkanyAharo jayI || 102|| murArirmadanesho.api dharitrIduHkhanAshanaH | vainateyI svargagAmI aditya kuNDalapradaH || 103|| indrArchito ramAkAnto vajribhAryAprapUjitaH | pArijAtApahArI cha shakramAnApahArakaH || 104|| pradyumnajanakaH sAmbatAto bahusuto vidhuH | gargAchAryaH satyagatirdharmAdhAro dharAdharaH || 105|| dvArakAmaNDanaH shlokyaH sushloko nigamAlayaH | pauNDrakaprANahArI cha kAshIrAjashiroharaH || 106|| avaiShNavavipradAhI sudakShiNabhayAvahaH | jarAsandhavidArI cha dharmanandanayaj~nakR^it || 107|| shishupAlashirashChedI dantavaktravinAshanaH | vidUrathAntakaH shrIshaH shrIdo dvividanAshanaH || 108|| rukmiNImAnahArI cha rukmiNImAnavarddhanaH | devarShishApahartA cha draupadIvAkyapAlakaH || 109|| durvAsobhayahArI cha pA~nchAlIsmaraNAgataH | pArthadUtaH pArthamantrI pArthaduHkhaughanAshanaH || 110|| pArthamAnApahArI cha pArthajIvanadAyakaH | pA~nchAlIvastradAtA cha vishvapAlakapAlakaH || 111|| shvetAshvasArathiH satyaH satyasAdhyo bhayApahaH | satyasandhaH satyaratiH satyapriya udAradhIH || 112|| mahAsenajayI chaiva shivasainyavinAshanaH | bANAsurabhujachChettA bANabAhuvarapradaH || 113|| tArkShyamAnApahArI cha tArkShyatejovivarddhanaH | rAmasvarUpadhArI cha satyabhAmAmudAvahaH || 114|| ratnAkarajalakrIDo vrajalIlApradarshakaH | svapratij~nAparidhvaMsI bhIShmAj~nAparipAlakaH || 115|| vIrAyudhaharaH kAlaH kAlikesho mahAbalaH | varvarIShashirohArI varvarIShashiraHpradaH || 116|| dharmaputrajayI shUraduryodhanamadAntakaH | gopikAprItinirbandhanityakrIDo vrajeshvaraH || 117|| rAdhAkuNDaratirdhanyaH sadAndolasamAshritaH | sadAmadhuvanAnandI sadAvR^indAvanapriyaH || 118|| ashokavanasannaddhaH sadAtilakasa~NgataH | sadAgovarddhanaratiH sadA gokulavallabhaH || 119|| bhANDIravaTasaMvAsI nityaM vaMshIvaTasthitaH | nandagrAmakR^itAvAso vR^iShabhAnugrahapriyaH || 120|| gR^ihItakAminIrUpo nityaM rAsavilAsakR^it | vallavIjanasa~NgoptA vallavIjanavallabhaH || 121|| devasharmakR^ipAkartA kalpapAdapasaMsthitaH | shilAnugandhanilayaH pAdachArI ghanachChaviH || 122|| atasIkusumaprakhyaH sadA lakShmIkR^ipAkaraH | tripurAripriyakaro hyugradhanvAparAjitaH || 123|| ShaDdhuradhvaMsakartA cha nikumbhaprANahArakaH | vajranAbhapuradhvaMsI pauNDrakaprANahArakaH || 124|| bahulAshvaprItikartA dvijavaryapriya~NkaraH | shivasa~NkaTahArI cha vR^ikAsuravinAshanaH || 125|| bhR^igusatkArakArI cha shivasAttvikatApradaH | gokarNapUjakaH sAmbakuShThavidhvaMsakAraNaH || 126|| vedastuto vedavettA yaduvaMshavivarddhanaH | yaduvaMshavinAshI cha uddhavoddhArakArakaH || 127|| (iti kR^iShNanAmAvaliH\-500 atha rAdhAnAmAvaliH\-500) rAdhA cha rAdhikA chaiva AnandA vR^iShabhAnujA | vR^indAvaneshvarI puNyA kR^iShNamAnasahAriNI || 128|| pragalbhA chaturA kAmA kAminI harimohinI | lalitA madhurA mAdhvI kishorI kanakaprabhA || 129|| jitachandrA jitamR^igA jitasiMhA jitadvipA | jitarambhA jitapikA govindahR^idayodbhavA || 130|| jitabimbA jitashukA jitapadmA kumArikA | shrIkR^iShNAkarShaNA devI nityaM yugmasvarUpiNI || 131|| nityaM vihAriNI kAntA rasikA kR^iShNavallabhA | AmodinI modavatI nandanandanabhUShitA || 132|| divyAmbarA divyahArA muktAmaNivibhUShitA | ku~njapriyA ku~njavAsA ku~njanAyakanAyikA || 133|| chArurUpA chAruvaktrA chAruhemA~NgadA shubhA | shrIkR^iShNaveNusa~NgItA muralIhAriNI shivA || 134|| bhadrA bhagavatI shAntA kumudA sundarI priyA | kR^iShNakrIDA kR^iShNaratiH shrIkR^iShNasahachAriNI || 135|| vaMshIvaTapriyasthAnA yugmAyugmasvarUpiNI | bhANDIravAsinI shubhrA gopInAthapriyA sakhI || 136|| shrutiniHshvasitA divyA govindarasadAyinI | shrIkR^iShNaprArthanIshAnA mahAnandapradAyinI || 137|| vaikuNThajanasaMsevyA koTilakShmIsukhAvahA | koTikandarpalAvaNyA ratikoTiratipradA || 138|| bhaktigrAhyA bhaktirUpA lAvaNyasarasI umA | brahmarudrAdisaMrAdhyA nityaM kautUhalAnvitA || 139|| nityalIlA nityakAmA nityashR^i~NgArabhUShitA | nityavR^indAvanarasA nandanandanasaMyutA || 140|| gopikAmaNDalIyuktA nityaM gopAlasa~NgatA | gorasakShepaNI shUrA sAnandAnandadAyinI || 141|| mahAlIlA prakR^iShTA cha nAgarI nagachAriNI | nityamAghUrNitA pUrNA kastUrItilakAnvitA || 142|| padmA shyAmA mR^igAkShI cha siddhirUpA rasAvahA | koTichandrAnanA gaurI koTikokilasusvarA || 143|| shIlasaundaryanilayA nandanandanalAlitA | ashokavanasaMvAsA bhANDIravanasa~NgatA || 144|| kalpadrumatalAviShTA kR^iShNA vishvA haripriyA | ajAgamyA bhavAgamyA govarddhanakR^itAlayA || 145|| yamunAtIranilayA shashvadgovindajalpinI | shashvanmAnavatI snigdhA shrIkR^iShNaparivanditA || 146|| kR^iShNastutA kR^iShNavR^itA shrIkR^iShNahR^idayAlayA | devadrumaphalA sevyA vR^indAvanarasAlayA || 147|| koTitIrthamayI satyA koTitIrthaphalapradA | koTiyogasuduShprApyA koTiyaj~nadurAshrayA || 148|| manasA shashilekhA cha shrIkoTisubhagA.anaghA | koTimuktasukhA saumyA lakShmIkoTivilAsinI || 149|| tilottamA trikAlasthA trikAlaj~nApyadhIshvarI | trivedaj~nA trilokaj~nA turIyAntanivAsinI || 150|| durgArAdhyA ramArAdhyA vishvArAdhyA chidAtmikA | devArAdhyA parArAdhyA brahmArAdhyA parAtmikA || 151|| shivArAdhyA premasAdhyA bhaktArAdhyA rasAtmikA | kR^iShNaprANArpiNI bhAmA shuddhapremavilAsinI || 152|| kR^iShNArAdhyA bhaktisAdhyA bhaktavR^indaniShevitA | vishvAdhArA kR^ipAdhArA jIvadhArAtinAyikA || 153|| shuddhapremamayI lajjA nityasiddhA shiromaNiH | divyarUpA divyabhogA divyaveShA mudAnvitA || 154|| divyA~NganAvR^indasArA nityanUtanayauvanA | parabrahmAvR^itA dhyeyA mahArUpA mahojjvalA || 155|| koTisUryaprabhA koTichandrabimbAdhikachChaviH | komalAmR^itavAgAdyA vedAdyA vedadurlabhA || 156|| kR^iShNAsaktA kR^iShNabhaktA chandrAvaliniShevitA | kalAShoDashasampUrNA kR^iShNadehArddhadhAriNI || 157|| kR^iShNabuddhiH kR^iShNasArA kR^iShNarUpavihAriNI | kR^iShNakAntA kR^iShNadhanA kR^iShNamohanakAriNI || 158|| kR^iShNadR^iShTiH kR^iShNagotrI kR^iShNadevI kulodvahA | sarvabhUtasthitAvAtmA sarvalokanamaskR^itA || 159|| kR^iShNadAtrI premadhAtrI svarNagAtrI manoramA | nagadhAtrI yashodAtrI mahAdevI shubha~NkarI || 160|| shrIsheShadevajananI avatAragaNaprasUH | utpalA~NkAravindA~NkA prasAdA~NkA dvitIyakA || 161|| rathA~NkA ku~njarA~NkA cha kuNDalA~NkapadasthitA | ChatrA~NkA vidyuda~NkA cha puShpamAlA~NkitApi cha || 162|| daNDA~NkA mukuTA~NkA cha pUrNachandrA shukA~NkitA | kR^iShNAnnAhArapAkA cha vR^indAku~njavihAriNI || 163|| kR^iShNaprabodhanakarI kR^iShNasheShAnnabhojinI | padmakesaramadhyasthA sa~NgItAgamavedinI || 164|| koTikalpAntabhrUbha~NgA aprAptapralayAchyutA | sarvasattvanidhiH padmasha~NkhAdinidhisevitA || 165|| aNimAdiguNaishvaryA devavR^indavimohinI | sarvAnandapradA sarvA suvarNalatikAkR^itiH || 166|| kR^iShNAbhisArasa~NketA mAlinI nR^ityapaNDitA | gopIsindhusakAshAhvA gopamaNDapashobhinI || 167|| shrIkR^iShNaprItidA bhItA pratya~NgapulakA~nchitA | shrIkR^iShNAli~NganaratA govindavirahAkShamA || 168|| anantaguNasampannA kR^iShNakIrtanalAlasA | bIjatrayamayI mUrtiH kR^iShNAnugrahavA~nChitA || 169|| vimalAdiniShevyA cha lalitAdyarchitA satI | padmavR^indasthitA hR^iShTA tripurAparisevitA || 170|| vR^intAvatyarchitA shraddhA durj~neyA bhaktavallabhA | durlabhA sAndrasaukhyAtmA shreyohetuH subhogadA || 171|| sAra~NgA shAradA bodhA sadvR^indAvanachAriNI | brahmAnandA chidAnandA dhyAnAnandArddhamAtrikA || 172|| gandharvA surataj~nA cha govindaprANasa~NgamA | kR^iShNA~NgabhUShaNA ratnabhUShaNA svarNabhUShitA || 173|| shrIkR^iShNahR^idayAvAsamuktAkanakanAli##(or##si##)##kA | sadratnaka~NkaNayutA shrImannIlagiristhitA || 174|| svarNanUpurasampannA svarNaki~NkiNimaNDitA | ashoSharAsakutukA rambhorUstanumadhyamA || 175|| parAkR^itiH parAnandA parasvargavihAriNI | prasUnakabarI chitrA mahAsindUrasundarI || 176|| kaishoravayasA bAlA pramadAkulashekharA | kR^iShNAdharasudhAsvAdA shyAmapremavinodinI || 177|| shikhipichChalasachchUDA svarNachampakabhUShitA | ku~NkumAlaktakastUrImaNDitA chAparAjitA || 178|| hemahArAnvitA puShpAhArADhyA rasavatyapi | mAdhuryyamadhurA padmA padmahastA suvishrutA || 179|| bhrUbha~NgAbha~NgakodaNDakaTAkShasharasandhinI | sheShadevA shirasthA cha nityasthalavihAriNI || 180|| kAruNyajalamadhyasthA nityamattAdhirohiNI | aShTabhAShavatI chAShTanAyikA lakShaNAnvitA || 181|| sunItij~nA shrutij~nA cha sarvaj~nA duHkhahAriNI | rajoguNeshvarI chaiva sharachchandranibhAnanA || 182|| ketakIkusumAbhAsA sadA sindhuvanasthitA | hemapuShpAdhikakarA pa~nchashaktimayI hitA || 183|| stanakumbhI narADhyA cha kShINApuNyA yashasvinI | vairAjasUyajananI shrIshA bhuvanamohinI || 184|| mahAshobhA mahAmAyA mahAkAntirmahAsmR^itiH | mahAmohA mahAvidyA mahAkIrtirmahAratiH || 185|| mahAdhairyA mahAvIryA mahAshaktirmahAdyutiH | mahAgaurI mahAsampanmahAbhogavilAsinI || 186|| samayA bhaktidAshokA vAtsalyarasadAyinI | suhR^idbhaktipradA svachChA mAdhuryarasavarShiNI || 187|| bhAvabhaktipradA shuddhapremabhaktividhAyinI | goparAmAbhirAmA cha krIDArAmA pareshvarI || 188|| nityarAmA chAtmarAmA kR^iShNarAmA rameshvarI | ekAnekajagadvyAptA vishvalIlAprakAshinI || 189|| sarasvatIshA durgeshA jagadIshA jagadvidhiH | viShNuvaMshanivAsA cha viShNuvaMshasamudbhavA || 190|| viShNuvaMshastutA kartrI viShNuvaMshAvanI sadA | ArAmasthA vanasthA cha sUryyaputryavagAhinI || 191|| prItisthA nityayantrasthA golokasthA vibhUtidA | svAnubhUtisthitA vyaktA sarvalokanivAsinI || 192|| amR^itA hyadbhutA shrImannArAyaNasamIDitA | akSharApi cha kUTasthA mahApuruShasambhavA || 193|| audAryabhAvasAdhyA cha sthUlasUkShmAtirUpiNI | shirIShapuShpamR^idulA gA~NgeyamukuraprabhA || 194|| nIlotpalajitAkShI cha sadratnakavarAnvitA | premaparya~NkanilayA tejomaNDalamadhyagA || 195|| kR^iShNA~NgagopanA.abhedA lIlAvaraNanAyikA | sudhAsindhusamullAsAmR^itAsyandavidhAyinI || 196|| kR^iShNachittA rAsachittA premachittA haripriyA | achintanaguNagrAmA kR^iShNalIlA malApahA || 197|| rAsasindhushashA~NkA cha rAsamaNDalamaNDinI | natavratA siMharIchChA sumUrtiH suravanditA || 198|| gopIchUDAmaNirgopI gaNeDyA virajAdhikA | gopapreShThA gopakanyA gopanArI sugopikA || 199|| gopadhAmA sudAmAmbA gopAlI gopamohinI | gopabhUShA kR^iShNabhUShA shrIvR^indAvanachandrikA || 200|| vINAdighoShaniratA rAsotsavavikAsinI | kR^iShNacheShTA parij~nAtA koTikandarpamohinI || 201|| shrIkR^iShNaguNanAgADhyA devasundarimohinI | kR^iShNachandramanoj~nA cha kR^iShNadevasahodarI || 202|| kR^iShNAbhilAShiNI kR^iShNapremAnugrahavA~nChitA | kShemA cha madhurAlApA bhruvomAyA subhadrikA || 203|| prakR^itiH paramAnandA nIpadrumatalasthitA | kR^ipAkaTAkShA bimboShThI rambhA chArunitambinI || 204|| smarakelinidhAnA cha gaNDatATa~NkamaNDitA | hemAdrikAntiruchirA premAdyA madamantharA || 205|| kR^iShNachintA premachintA ratichintA cha kR^iShNadA | rAsachintA bhAvachintA shuddhachintA mahArasA || 206|| kR^iShNAdR^iShTitruTiyugA dR^iShTipakShmivinindinI | kandarpajananI mukhyA vaikuNThagatidAyinI || 207|| rAsabhAvA priyAshliShTA preShThA prathamanAyikA | shuddhA sudhAdehinI cha shrIrAmA rasama~njarI || 208|| suprabhAvA shubhAchArA svarNadI narmadAmbikA | gomatI chandrabhAgeDyA sarayUstAmraparNisUH || 209|| niShkala~NkacharitrA cha nirguNA cha nira~njanA | etannAmasahasraM tu yugmarUpasya nArada || 210|| paThanIyaM prayatnena vR^indAvanarasAvahe | mahApApaprashamanaM vandhyAtvavinivartakam || 211|| dAridryashamanaM roganAshanaM kAmadaM mahat | pApApahaM vairiharaM rAdhAmAdhavabhaktidam || 212|| namastasmai bhagavate kR^iShNAyAkuNThamedhase | rAdhAsa~NgasudhAsindhau namo nityavihAriNe || 213|| rAdhAdevI jagatkartrI jagatpAlanatatparA | jagallayavidhAtrI cha sarveshI sarvasUtikA || 214|| tasyA nAmasahasraM vai mayA proktaM munIshvara | bhuktimuktipradaM divyaM kiM bhUyaH shrotumichChasi || 215|| || iti shrIbR^ihannAradIyapurANe pUrvabhAge bR^ihadupAkhyAne tR^itIyapAde rAdhAkR^iShNasahasranAmakathanaM nAma dvyashItitamo.adhyAyaH || ## Encoded by Kirk Wortman kirkwort@hotmail.com Naradapurana Purvardha adhyAya 82 There are 500 nAmas for Krishna and 500 for Radha separated at verse 127 \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}