% Text title            : Radha Varnamala Stutih
% File name             : rAdhAvarNamAlAstutiHKrishnaYamala.itx
% Category              : devii, rAdhA, varNamAlA
% Location              : doc\_devii
% Proofread by          : Tanvir Chowdhury
% Description/comments  : Krishna Yamala Tantra Adhyaya 14
% Latest update         : January 28, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Radha Varnamala Stutih ..}##
\itxtitle{.. rAdhAvarNamAlAstutiH ..}##\endtitles ##
shrIkR^iShNa uvAcha \-
vashagApi mahAdevI yadi nAtiprasIdati |
tatastAM stotumArabdhavAnahaM premagadgadaH || 1||
shabdabrahmamayIM vaMshIM mUrChayan svarasampadA |
tato vyakto.avyaktarUpo nAdaH saptavidho.abhavat || 2||
niShAdarShabhagAndhAraShaDjamadhyamadhaivatAH (daivatAH)
pa~nchamashcheti tairnAdaiH rAgAH samabhavaMshcha ShaT || 3||
ekaikasyAnugAminyo rAginyaH ShaT ShaDujjvalAH |
tathA tAlagaNAshchaiva trayo grAmAstathaiva cha || 4||
tArAdyAshcha trayashchaiva mUrchChanAstvekaviMshatiH | (tAlAdyAshcha)
tato bhagavatI devI gAyatrI tripadA.abhavat || 5||
tato.api vedAshchatvAraH shrutayashcha tataH parAH | (devAshcha)
tato.api dehajairdevaiH sastrIkaiH sUkShmamUrtibhiH || 6||
svarai rAgai rAginIbhistAlairgrAmaistathaiva cha |
tArAdyairnAdabhedaishcha mUrchChanAbhiH samantataH || 7||
gAyatryA cha(shcha) mahAdevyA vedaishcha shrutibhiH saha | (devaishcha)
prasAdanArthaM tasyA vai svayamevAhamavyayaH || 8||
sarvadevastutaH sarvadevatAhR^idayeshvaraH |
astu vaishlakShayA vAchAbhaviShyad guNanAmabhiH || 9|| (AntaraM sUkShmayA vAchA)

atha varNamAlA |
OM anAdirUpe chichChaktij~nAnAnandapradAyinI(ni) | (anAdirUpa vitbhakti)
AdidevArchite nitye rAdhike sharaNaM bhava || 10||
indukoTisamAnAsye indIvaradalekShaNe |
IshvarIshAnajanani rAdhike tvaM bhajasva mAm || 11|| (rAdhikA)

ujjvale ujjvalarasapriye paramadurlabhe |
UrdhvA.adhovyApinIchArutanushrojitamanmathe || 12|| (taruHshrI)

R^ituShaTkasukhAmodayuktA~Nge.ana~Ngavardhini | (R^ituShaTke)
R^ikShamAlAdhare dhIre rAdhike tvaM bhajasva mAm || 13|| (rUkShamAlA)

ekAnekasvarUpAsi nityAnandasvarUpiNI |
o~NkArAnandahR^idaye rAdhe kiM mAmupekShase || 14|| (ekArAnanda)

omityekAkSharAkAre kSharAkSharaparApare |
o~NkAradhvanisambhUtA.a.anandarUpe nirAmaye || 15||
bindurUpe nirAlambe parabrahmasvarUpiNi |
abhiniShThAna(apyadhiShThAna)rUpAyai shabdAtIte namo.astu te || 16||
kamale kAlike kAnte kuTilakuntale vare | (kale kuTilakuNDale)
kAmaprade kAmini tvaM kAmukaM ki~NkaraM kuru || 17|| (kaprade kAminI, kAmukA~Nka~NkaraM kuru)

kharAMshukoTisa~NkAshe kha~njarITavilochane |
khale (tu) ramakhalIkAre khelasva khagavAhane || 18|| (khalo.anantamakhanIkAre, bhagavAhane)

galanmadagajagrAmagamane gaNanAyike | (gadanmada)
gaganAbjagate gIte gachCha mAM garuNDadhvajam || 19||
dharma bindushobhitAsye ghUrNamAnAkShighUrghure |
ghanasAreNa ghaTite ghrANAgragajamauktike || 20||
chAruchandana charchA~Nge charAcharavichAriNi | (chArva~Nge)
chakorAkShi cha~nchalAbhe mAM kiM chakarthacha~nchalam || 21||
ChandAMsi ChadmamAnuShyA ChaTayA ChAditAni te |
Chadapriye ChoTikayA ChavishAntinibhA bhava || 22|| (ChavishAlinibhA)

jagajjanani jantUnAM jIvAto janmavarjite | (jIvAte)
jalajAsye jaleshAni mAM jAnIhi janapriye || 23|| (janmanA cha jale)

jhaTiti j~nAnavidite jha~njhAjharjhararUpiNi |
jhiNTIkusumasaMshobhA parAbhAvini mAmava || 24||
TaM TaM Tamiti Ta~NkAri ghaNTollAsitamAnase | (jha~NkAri)
TalasthaladhArasTAle trAhi mAM sharaNAgatam || 25|| (TalasthalAdhArasthAne)

ThadvayAnandasa~NkAshe chakorapriyakAriNi | (Thakurapriya)
ThakArAkShararUpe tvaM trAhi mAM kAmamohitam || 26||
(chakArA, pAhi)
DiM DiM DiM DimaDA~NkAri veNuvAdavinodini | (DiM DimaM tadAkAri, veNuvAdyavi)
vinodaya DakArAkhye smareNa chiraduHkhitam || 27||
DhakkArAdyAnandichitte DhuNDhinAthArchitA~Nghrike | (DhakArA va)
DhakAravarNarUpe tvamAtmAnamupaDhaukaya || 28|| (DhakkAravaM tu rUpatva)

taruNI taruNAnanda tApinI tanurUpataH | (taraNI taraNAnandaM, tarurUpataH)
tapasvinAM tapogamye tattvaM tAriNi tAraya || 29||
sthirAnande sthirapraj~ne sthirapremarasaprade |
sthirasarveshvarUpe tvamasthiraM mAM sthiraM kuru || 30|| (sarvasvarUpe)

devAdhidevatAmaulau dIvyantI dividIpikA |
dayAmayi dakArAkhye dUnaM nUnaM dayasva mAm || 31||
dhanye dharmapriye dhIre dharmAdharmavivarjite |
dharAdharadharoddhAradhurINe dhara mA.adhunA || 32||
nityAnitye nirAlambe nityAnandalatonnate | (nate jane)
namaste nartane nIlanayane nayashAlini || 33||
parabrahmasvarUpA.asi paramAnandavandite |
pAthojapulinaprIte punIhi pathikaM priye || 34||
phullAmbhojAtavadane phalarUpiNi phetkR^ite |
phalatkapAlaphalake phalinaM tvaM kuruShva mAm || 35||
brahmajyotirbrate vAle varuNAlayavAsini | (charaNA)
vare charaya mAM bIre vachanAmR^itavarShiNi || 36|| (varaM varaya)

bhAvAnande bhavAnande bhAvAbhAvavivarjite |
bhavabhAvini bhAvAnAM bhavanaM bhUtibhAvini || 37|| (bhR^iti)

mandamandasmite mugdhe madhurAkSharamodite |
mAdyantI makarandena mAlAmayi matAmayi || 38||
yaj~nAlaye yaj~narUpA yoginAM yogamUrtikA |
yatinAM yattaso(po) labhyA yAyAmi sharaNaM hi tAm || 39||
ramye raktakShaNe rAdhe rAdhike ramaNIrame |
rAme manorame ratnamAle ramamayA samam || 40||
rephastu sarvamantrANAmAdhAra kathyate budhaiH |
tasyAdhAnasvarUpeyaM tena rAdheti sAdhyate || 41|| (tasmAnnaiva sva, bAdhyeti)

rephastu vahnirAkhyAto yaj~ne vahniH pratiShThitAH |
devAH pratiShThitA yaj~ne tato varShaM tadaudanam || 42||
tatastu sarvabhUtAni nAnAvarNAkR^itIni cha | (tadastu)
sarvaM tadAdhIyate yattena rAdheti kathyate || 43|| (ye tena)

nAnAvidhai rasairbhAvairjagatsthAvaraja~Ngamam |
sraShTuM prAptA mayA tvaM hi rAdhikA kAryasAdhikA || 44|| (aShTau prAptA nidhitvaM)

mama dehasthitaiH sarvairdevairbrahmapurogamaiH |
ArAdhitA yatastasmAd rAdheti parikIrtite || 45|| (parikIrtyate)

lakShmI lakShalakShite tvaM lakShyalakShaNalakShaNe |
lalAmalalite lAsya lIlAlApini mAmava || 46||
vAsudevArchite vidye vedavAdabahirgate |
varade vasanAvIte valantI balinaM kuru || 47||
shabdAtIte shabdarUpe shAnte sarvAdirUpiNi |
shAshvatI tvaM shaktikale shraya mAM shaktishAlinam || 48||
samastasya priye sAdhvi sImantopari saMsthite |
sakale sakaleshAni nityaM me sthAH sahAyini || 49|| (satyaM)

ShaTpadI ShaTapadI cha~nchad vanamAlAvibhUShite |
ShaDR^ItUtsavasampanne ShaNmukheshe dayasva mAm || 50||
ShaTchakraikanivAsi[ni] ShaDdarshanavidarshite |
ShaTkarmaNAM karmaShaTkavidhAtrI ShaDaripu~njayA || 51||
haMsarUpe hemagarbhe haMsagAmini hAriNi |
haMsakArakR^itaprANe kathaM harasi mAM kShaNAt || 52|| (o~NkAra)

kShamArUpe kShamAshIle kShINamadhye kShaNAnvite |
akShamAlAdhare devi siddhavidye namo.astu te || 53||
iti varNamAlA |

evaM stutA mayA devI kR^iShNena paramAtmanA |
prasasAda rasamayI yoginAmapi durlabhA || 54||
rAdhAM nirIkShya sapremadR^iShTyA sapadi mAmatha | (satprema)
samAshvAsyaikamanasA vaddhayA.abhItimudrayA || 55|| (syaiva manasA)

vAmena pANipadmena padmayuktena shobhanA |
AtmAnaM dAtukAmApi ki~nchinnovAcha lajjayA || 56||
tato.ahaM cha jagatsvAmI tasyA rUpeNa mohitaH |
nikShipya muralIM bhUmau tAmAli~NgitumuttamAm || 57||
etasminneva samaye taddehapratibimbataH |
chaturbhujA kApi shaktistiShThatiShTheti chAbravIt || 58||
imAmekAkinIM prApya balAttvaM rantumichChasi | (bAlA tvaM varNamichChasi)
sApi pAshA~NkushadharA varAbhayakarA.aparA || 59|| (yA sA~NkushadharA)

raktavarNA trinetrA cha raktAmbarasamujjvalA |
raktAbharaNamAlADhyA samuttu~NgastanadvayA || 60||
ratnanUpurasampadbhyAM padbhyAM sampAdya vedikAm | (lasannUpura)
nAnAratnamayIM divyAM jvalajjvalanasannibhAm || 61||
japantIM mohanaM mantraM krI~NkAraM bhuktimuktidam | (hu~NkAraM / jha~NkAraM)
AkarShayantI nitarAma~Nkushena mano mama || 62||
bandhayantI premadAmnA hasantI vAmapANinA | (baddhayantI, rAma)
mA bhayaM kuru sarvesha prApsyasImAM varA~NganAm || 63||
vanditAM sakalairdevaiH sarvashaktishikhAmaNim |
varaM dAsyAmi te kR^iShNa prasannavadano bhava || 64||
prakR^itistvaM pumAMshcha tvaM tvamahaM tvamiyaM vibho | (pumAMstvaM vai tvaM, tvamimaM)
AtmArAmo.asmi bhagavAn vimoho.ayaM kutastvayi || 65||
ityevaM cha prajalpantI kalpayantI sukalpanAm |
a[A]virAsa mahAdevI sarvashaktishiromaNiH || 66||

ahaM (shrIkR^iShNa ) uvAcha
kA tvaM ka~njapalAshAkShi kuto jAtA.asi sundari |
kimarthamiha vA.a.ayAtA kathyatAM mA vilambyatAm || 67||

bhuvaneshvarI uvAcha
ahamasyA mahAdevyA dvitIyA mUrtiruttamA |
mahAmAyA.asmi devesha jaganmohanarUpiNI || 68||
tava vaktroditAM shrutvA stutiM shrutirasAyanIm | (vakroditAM)
ihA.a.ayAtAsmi varada varaM dAtuM samudyatA |
kimichChasi jagatsvAmiMstubhyaM dAsyAmi tadvibho || 69|| (jagatsvAmin stutyaM dA, yadvibho)

ahaM (shrIkR^iShNa ) uvAcha
prasannA yadi me devI varamekaM prayachChatu |
asau bhavatu suprItA gaurA~NgI vishvamohinI || 70||
tava prasAdAd yadyeShA vashyA mama bhavatyuta |
mamApi pUjyA bhavatI bhavitA bhuvaneshvarI || 71||

bhuvaneshvarI uvAcha
kR^iShNa kR^iShNa mahAyogin pradhAnapuruSheshvara |
bhAvitA tava vashyeyaM rAdhA trailokyasundarI || 72||
yadA tvayA varNamAlAstutirvashakarI kR^itA | (rantumAnAstuti)
tadaiveyaM mahAdevI svayaM tava vashaM gatA || 73|| (yadaiveyaM)

sannirIkShya bhavadrUpaM trailokyAtimanoharam |
AkarNya vaMshIninadaM kA strI na syAdvimohitA || 74||
tvayA proktamidaM stotraM rAdhAmohanamohanam |
yaH paThettasya tuShTA.asau pradAsyati manogatam || 75||
vayaM tadvashagA nityaM vishvaM cha sacharAcharam |
tasya darshanamAtreNa vAdino niShprabhAH sadA || 76||
dhyAtvA devIM jagadyonimAdibhUtAM sanAtanIm | (tvAM devIM)
rAdhAM trailokyavijayAM jayAM sarvasukhapradAm || 77|| (pathAM)

japannaShTAkSharaM mantraM paThan stotraM samAhitaH | (paThet)
praNamet parayA bhaktyA karasthAstasya siddhayaH || 78|| (praNametat parayA)

dharmArthakAmamokShAdyA aNimAlaghimAdayaH |
atha tasyA mahAmantraM kathayAmi shR^iNuShva tam || 79|| (tasyAmahaM mantraM)

klIbaM cha vahnisaMyuktamanantaM tadanantaram | (~NakAraM vahni)
nAdabindukalAyuktaM rAdhikAyai tataH param || 80|| (rAdhikArNa tataH)

hR^idayAnto mahAdevyA manuraShTAkSharaH paraH | (hR^idayAntA, manuraShTAkaraH)
asya smaraNamAtreNa kinna sidhyati sAdhanam || 81||
idaM stotramasau mantro yasya vAchi pravartate |
trailokyasundarI rAdhA chitte yasya sadA sthitA || 82|| (sthiraH)


tasya vAksiddhiratulA dhanadhAnyAdisampadaH |
bhaviShyanti na sandeho bhuvaneshI vacho yathA || 83|| (vachano yathA)


|| shrIkR^iShNayAmale mahAtantre rAdhAvashIkAre bhuvaneshyutpatti\-
rbhagavanmukhavinirgatA varNamAlAstutishchaturdasho.ayAyaH || 14||

iti rAdhAvarNamAlAstutiH samAptA |

##
Proofread by Tanvir Chowdhury


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}