% Text title            : Rajarajeshvari Kavacham
% File name             : rAjarAjeshvarIkavacham.itx
% Category              : devii, devI, dashamahAvidyA, kavacha
% Location              : doc\_devii
% Proofread by          : Megha Jogithaya
% Description/comments  : Gandharva Tantra chaturthaH paTalaH
% Latest update         : August 1, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rajarajeshvari Kavacham ..}##
\itxtitle{.. shrIrAjarAjeshvarIkavacham ..}##\endtitles ##
atha chaturthaH paTalaH \-
pArvatI uvAcha\-
devadeva mahAdeva lokAnAM hitakAraka |
yat sUchitaM purA nAtha kimarthaM na prakAshitam || 1||
rAjarAjeshvarIdevyAstripurAyAH shubhAvaham |
kavachaM yadi me prItaH kathayasva vR^iShadhvaja || 2||

Ishvara uvAcha\-
lakShavArasahasrANi vAritAsi punaH punaH |
strIsvabhAvAnmahAdevi ! punastvaM paripR^ichChasi || 3||
atyantaM durlabhaM guhyaM kavachaM sarvakAmadam |
tathApi kathayAmyadya tava prItyA varAnane || 4||
trailokyamohanaM nAma triShu lokeShu durlabham |
sarvasaubhAgyajananaM bhogamokShaphalapradam || 5||
yat kR^itvA dAnavAn viShNurnijaghAna sudAruNAn |
lokAn vitanute brahmA saMhartA.ahaM yataH priye || 6||
dhanAdhipaH kubero.api yataH sarve digIshvarAH |
naitat parataraM guhyaM pratijAnIhi pArvati || 7||
vedashAstrapurANeShu sArametad varAnane |
putradArAdisahitaM shiro deyaM katha~nchana || 8||
na deyaM kavachaM guhyaM prANaiH kaNThagatairapi |
shR^iNu sarvA~Ngasubhage divyaM kavachamuttamam || 9||
rAjarAjeshvarIdevyAH kavachasya R^iShiH shivaH |
Chando virAD devatA cha mahAtripurasundarI || 10||
haMsaH shaktiH parAbIjaM ramAbIjaM cha kIlakam |
dharmArthakAmamokSheShu viniyogaH prakIrtitaH || 11||
tripurA trividhA pAtu mama sarvArthasiddhaye |
aiM klIM sauH vadane bAlA pAtu sarvArthasiddhidA || 12||
kaNThaM pAtu mahAdevI shrImattripurabhairavI |
hR^idaye.avyAnmaheshAnI mahAtripurasundarI || 13||
rAjarAjeshvarI vidyA ShoDashI yA mahodayA |
brahmarandhre sadA pAtu kamalA parameshvarI || 14||
girirAjasutA devI pAtu nityaM cha shIrShake |
kAmabIjaM lalATe.avyAd vAgbIjaM kaNThadeshake || 15||
sauH pAtu tathA pArshve praNavo bAhumUlake |
shambhupriyA sadA pAtu bAhudakShiNasavyayoH || 16||
viShNupriyA sadA pAtu maNibandhadvaye tathA |
pArvatIshaH kare pAtu netre nakShatravallabhaH || 17||
shrotre ratipriyaH pAtu ghrANe shakraH sadA.avatu |
pR^iShThadeshe sadA pAtu pArvatI parameshvarI || 18||
hrasauH shvAse cha niHshvAse pAtAM paramasiddhidau |
kAmaH kAme sadA pAtu pinAkI li~Ngagochare || 19||
pR^ithvI sarvAMshake pAtu hR^illekhA hR^idaye.avatu |
stanau bhR^igupriyA pAtu kukShau cha sa purAntakaH || 20||
netre vajradharaH pAtu mAyA vai jaThare.avatu |
padadvandve cha sauH pAtu aiM jihvAnilaye.avatu || 21||
klI~NkAraH sarvadA pAtu dantauShThayorvarAnane |
shIrShAdipAdaparyantaM sarvA~NgaM bhuvaneshvarI || 22||
rakShAhInaM cha yat sthAnaM varjitaM kavachena tu |
tat sarvaM parameshAni ! pAtu nityaM haripriyA || 23||
AdhAre vAgbhavaH pAtu kAmarAjo hR^idi priye |
shaktikUTaM tathA pAtu bhruvormadhye cha pArvati || 24||
shIrShe kUTatrayaM pAtu lalATe sarvamantrakaH |
aShTAviMshativarNeyaM mukhavR^itte sadA.avatu || 25||
ShoDashIyaM mahAvidyA brahmavidyaiva kevalA |
bhogamokShapradA devI kevalAtmasvarUpiNI || 26||
kAmeshvarI lalATe.avyAnmukheShu bhagamAlinI |
dakShanetre sadA pAtu nityaklinnA mahodayA || 27||
bheruNDA vAmanetre.avyAt karNe vai vahnivAsinI |
mahAvidyeshvarI pAtu vAmakarNapradeshake || 28||
dakShanAsApuTe pAtu shivadUtI maheshvarI |
vAmanAsApuTe pAtu tvaritA sarvasiddhidA || 29||
dakShagaNDe sadA pAtu nityaM mAM kulasundarI |
trailokyavimalA pAtu vAmagaNDapradeshake || 30||
oShThe nIlapatAkA.avyAdadhare vijayA.avatu |
Urdhvadante sadA pAtu devI mAM sarvama~NgalA || 31||
adhodantapradeshe.avyAnnityaM jvAlAMshumAlinI |
vichitrA sarvadA pAtu nityaM mUrddhani pArvati || 32||
AsAM pradhAnabhUtA yA mahAtripurasundarI |
ShoDashI sA sadA pAtu mukhe vai parameshvarI || 33||
pR^iShThadeshe sadA pAntu guravastrividhAshcha te |
pAdayoH sarvadA pAtu tripurA parameshvarI || 34||
anudeshe sadA pAtu devI mAM tripureshvarI |
Urudvaye sadA pAtu devI tripurasundarI || 35||
tripuravAsinI devI kaTideshe sadA.avatu |
tripurAshrIshcha mAM nityaM guhyadeshe sadA.avatu || 36||
mUlAdhAre sadA pAtu devI tripuramAlinI |
nAbhau tripurasiddhA.avyAt tripurA cha sadA hR^idi || 37||
brahmarandhre sadA pAtu mahAtripurasundarI |
AsAM tu mantrabIjAni proktasthAneShu vinyaset || 38||
pAShaNDagaNamadhye tu buddho mAM parirakShatu |
brahmA.avyAd brahmasaMhA[ghA]te shivo mAM yogasiddhaye || 39||
j~nAne mAM bhAskaraH pAtu mokShe nArAyaNaH prabhuH |
yA shaktiH sarvabhUtAnAM vidyA.avidyeti gIyate || 40||
sA shaktiH sarvadA pAtu strIputradhanasampadi |
aNimA pashchime pAtu laghimA chottare.avatu || 41||
pUrvataH pAtu mahimA IshitvA dakShiNe.avatu |
vashitvA vAyunilaye Ishe prAkAmyasiddhidA || 42||
bhuktisiddhistathAgneye pAtvichChAsiddhI rAkShase |
adhaH pAtu prAptisiddhirmokSha siddhistathordhvake || 43||
brahmANI sandhyayoH pAtu mAheshvarI divA.avatu |
madhyAhne pAtu kaumArI rAtrau cha shatruvallabhA || 44||
brAhme muhUrttake pAtu vaiShNavI sarvasiddhidA |
nishIthe pAtu vArAhI chAmuNDA shatruvigrahe || 45||
mahotsAhe mahAlakShmIH pAtu nitya maheshvarI |
shIrShe sa~NkShobhaNI pAtu tAriNI hR^idaye.avatu || 46||
AkarShaNI shikhAyAM tu kavache pAtu vashyadA | (AkarShiNI)
unmAdinI tathA netre sarvagAtre mahA~NkushA || 47||
trikhaNDA bhujayoH pAtu bIje bIjasvarUpiNI |
khecharI pAdayoH pAtu yonimudrA cha sarvataH || 48||
sa[kA]mAkarShaNarUpA.avyAt sadA.a.akarShaNakarmaNi |
bud.hdhyAkarShaNarUpA.avyAt parabuddhivikarShaNe || 49||
aha~NkAre sadA pAtu aha~NkAravikarShaNI |
shabdAkarShaNarUpA.avyAchChabdAkarShaNakarmaNi || 50||
sparshAkarShaNarUpA mAM pAtu sparshanakarmaNi |
rUpAkarShaNarUpA.avyAt pararUpavikarShaNe || 51||
rasAkarShaNarUpA.avyAd rase vai parameshvarI | (rasAkarShada)
gandhAkarShaNarUpA mAM pAtu gandhe cha sarvadA || 52||
chittAkarShaNarUpA mAM pAyAdAkR^iShTikarmaNi |
dhairyAkarShaNarUpA tu pAtu dhairyavidhau sadA || 53||
smR^ityA.a.akarShaNarUpA.avyAjj~nAnAkarShaNakarmaNi |
nAmAkarShaNarUpA.avyAnnAmavyAharaNe sadA || 54||
bIjAkarShaNarUpA mAM sarvabIjapraropaNe |
parajIvAkarShaNe pAtu AtmAkarShaNarUpiNI || 55||
amR^itAkarShaNI pAtu amR^itIkaraNI sadA |
sharIrAkarShaNI pAtu sadA sharIrarakShaNe || 56||
ana~NgakusumA pAtu purataH sarvakarmaNi |
ana~NgamekhalA pAtu pR^iShThataH parameshvarI || 57||
ana~NgamadanA pAtu vAmato me maheshvarI |
dakShiNe sarvadA pAtu ana~NgamadanAturA || 58||
nityaM chA.ana~NgarekhA.avyAdUrddhvaM(?) mama sadA priye |
ana~NgaveginI pAtu adho parameshvarI || 59||
tathA.ana~NgA~NkushA nityaM pAtu mAM dikShu sarvadA |
ana~NgamAlinI pAtu vidikShu mama sarvadA || 60||
sarvasa~NkShobhaNI chordhve pAtu mAM jagadIshvarI |
sarvavidrAviNI chAdho dikShu sarvavikarShiNI || 61||
sarvAhlAdakarI shaktirvidikShu parirakShatu |
sarvasammohinI pAtu samantAt parameshvarI || 62||
antarbahishcha mAM pAtu sarvastambhanakarmaNi |
tathaiva pAtu mAM nityamAkAshe sarvajR^imbhaNI || 63||
pAtAle chaiva mAM pAtu sarvavashyakarI tathA |
devaloke sadA pAtu sarvara~njanakAriNI || 64||
sarvonmAdanashaktirmAM bhUtale parirakShatu |
sarvArthasAdhanI shaktiH pAyAd bhUtagaNAlaye || 65||
siddhAnAmAlaye pAtu sarvasampattipUraNI |
rAkShasAnAM cha yakShANAM sarvamantramayI gR^ihe || 66||
asurANAM nivAse tu sarvadvandvakShaya~NkarI |
sarvasiddhipradA devI pAtu rAjagR^ihe sadA || 67||
sarvasampatpradA pAtu svagR^ihe sarvasampadi |
sarvapriya~NkarI pAtu sarvalokeShu sarvadA || 68||
sarvama~NgalakArye.avyAt sarvama~NgalakAriNI |
sarvakAmapradA devi ! sarvakAryeShu sarvadA || 69||
aishvarye sarvadA pAtu sarvaishvaryapradAyinI |
sarvamR^ityuprashamanI pAyAnnityaM yamAlaye || 70||
sarvArambhe sadA pAtu sarvavighnavinAshinI |
dehasaundaryakAle tu pAtu sarvA~NgasundarI || 71||
sarvasaubhAgyakAle tu sarvasaubhAgyadAyinI |
sarvaj~nA cha gR^ihe pAtu sarvashaktimayI raNe || 72||
sarvaishvaryapradA mArge sarvaj~nAnamayI jale |
sarvavyAdhiShu sarvatra sarvavyAdhivinAshinI || 73||
parvate pAtu prabalA sarvAdhArasvarUpiNI |
sarvapApaharA pAtu sarvakarmasu sarvadA || 74||
sarvAnandakarI devI nAnAsukR^itagochare |
sarvavairibhaye pAtu sarvarakShAsvarUpiNI || 75||
sarvasa~NkalpakAryeShu sarvepsitaphalapradA |
vashinI ' vashyakAryeShu kAmeshI stambhane.avatu || 76||
mohane mohinI pAtu vimalochchATane.avatu |
aruNA pAtu mAM vAde jayinI jalpakarmaNi || 77||
sarveshvarI kAmyakArye kaulinI bhedakarmaNi |
jR^imbhaNe sarvadA pAntu sharAH pa~ncha maheshvari || 78||
dhanurmohavidhau pAtu pAshastu pashyakarmaNi |
mahAtejomayaH pAtu stambhane mAM tathA.a~NakushaH || 79||
sarvaj~nA hR^idaye pAtu nityakR^ityA cha shIrShake |
anAdibodhikA pAtu nityaM shikhApradeshake || 80||
kavache mAM svatantrA.avyAnnetre nityamaluptikA |
achintyashaktirastreShu pAyAt paramasiddhidA || 81||
kAmeshvarI ratau pAtu yuddhe vajreshvarI tathA |
nityaM pAtu maheshAni shrIkAme bhagamAlinI || 82||
rase rUpe cha gandhe cha shabde sparshe cha pAtu mAm |
sarvAnandamayI devI mahAtripurasundarI || 83||
IshAne vaTukaH pAtu AgneyyAM yoginIgaNaH |
tvagasR^i~NmAsamedo.asthimajjAshukrANi pAntu naH || 84||
kShetresho nairR^ite(?) pAtu gaNesho vAyumandire |
mAta~NgavanitA pAtu sheShikA kulasundarI || 85||
shaktirmAM sarvadA pAtu mUlAdhAranivAsinI |
itIdaM kavachaM devi ! triShu lokeShu durlabham || 86||
yannoktaM DAmare tantre yannoktaM rudrayAmale |
sarvatantreShu yannoktaM gandharve prakaTIkR^itam || 87||
tava prItyA mahAdevi ! gopanIyaM prayatnataH |
tava nAmni smR^ite devi ! sarvayaj~naphalaM labhet || 88||
sarvatraiva jayaprAptirvA~nChA sarvatra sidhyati |
nAmnaH shataguNaM stotraM vyAkhyAnaM chApi tachChrutam || 89||
tasmAchChataguNaM dhyAnaM dhyAnAchChataguNo manuH |
mantrAchChataguNaM devi ! kavachaM te mayoditam || 90||
yasmai kasmai na dAtavyaM sugopyamatidurlabham |
na deyaM parashiShyAya kR^ipaNAya sureshvari || 91||
shiShyAya bhaktihInAya chumbakAya tathaiva cha |
gurubhaktivihInAya parahiMsAratAya cha || 92||
nindakAya kushIlAya dAmbhikAya maheshvari |
abhaktebhyo.api putrebhyo datvA mR^ityumavApnuyAt || 93||
yo dadAti niShiddhebhyaH kavachaM manmukhAchchyutam |
tasya nashyanti deveshi ! vidyA.a.ayuH kIrtisa~nchayAH || 94||
taM hiMsanti cha yoginyo madIyashAsanAt priye |
pare narakamApnoti janmakoTishatAni cha || 95||
sarvalakShaNayuktAya mantrayantraratAya cha |
shiShyAya shAntachittAya gurubhaktiratAya cha || 96||
udake lavaNaM lInaM yathA bhavati pArvati |
mano bhavati vai lInaM pAdayoH shrIguroH priye || 97||
deyaM mahad guhyaM kR^ipayA chAtidurlabham |
guroH pAdaprasAdena shrIvidyA yadi labhyate || 98||
tathaiva kavachaM devi ! triShu lokeShu durlabham |
sa cha devo haraH sAkShAt tatpatnI parameshvarI || 99||
pramAdAdapi deveshi ! shrIgurornAma nAdadet |
yasya bhaktirgurau nityaM vartate devavat priye || 100||
tasya mantrasya yantrasya siddhirbhavati nAnyathA |
kavachasya tathA siddhirguTikAyAshcha sundari || 101||
idaM kavachamaj~nAtvA yo japet sundarI parAm |
navalakShaM prajaptvApi tasya vidyA na sid.hdhyati || 102||
shuchiH samAhito bhUtvA bhaktishraddhAsamanvitaH |
sarvabhUtAlaye supte nishAyAmarddharAtrake || 103||
hetuyukto maheshAni! nirjane pashuvarjite |
raktAsanopaviShTastu raktAbharaNabhUShitaH || 104||
tAmbUlapUritamukho dhUpAmodasugandhitaH |
saMsthApya vAmabhAge tu shaktiM svAmiparAyaNAm || 105||
raktavastraparIdhAnAM shivamantradharAM shubhAm |
yA shaktiH sA mahAdevI hararUpastu sAdhakaH || 106||
anyonyachintanAd devi! devatvamupajAyate |
shaktiyukto yajed devIM shrIchakre lakShaNAnvite || 107||
puShpA~njalitrayaM devyai mUlamantreNa dApayet |
bhogaishcha madhuparkAdyaistAmbUlAdyaiH suvAsitaiH || 108||
pUjayitvA mahAdevIM pUjAkoTiphalaM labhet |
pUrvoktanyAsamevAsmin samaye cha pravinyaset || 109||
AtmAnaM paramaM dhyAyed divyastrIbhirala~NkR^itam |
divyaM mUrdhni mahachChatraM sahasradalanirmitam || 110||
sudhAvarShimukhAmbhojaM sasmitaM divyavarchasam! |
paramAnandasandohamuditaM paramAvyayam || 111||
divyAla~NkAravastrADhyaM divyamAlyAnulepitam |
divyAsanasamAsInaM divyabhogavibhoginam || 112||
sarvagaM sarvabhUteshaM sR^iShTisthityantakAriNam |
nirlepaM nirmalaM shAntaM sarvavyApinamIshvaram || 113||
tato devI hR^idambhoje dhyAyet tadgatamAnasaH |
japAkusumasa~NkAshAM bAlArkakiraNAruNAm || 114||
raktapadmasamAsInAM raktAbharaNabhUShitAm |
raktavastraparIdhAnAM pUrNachandranibhAnanAm || 115||
saivAhamityabhedena dvaitahInaM vichintayet |
advaitAnandabhAvena sAdhakaH paramAtmanaH || 116||
ChAyayA shoNayA vyAptaM jagadetachcharAcharam |
bhAvanAvashasampanno bhAvayed bhAvataH param || 117||
evaM chintAparasyA.a.ashu siddhayo.aShTau bhavanti hi |
samprApya vipulAn bhogAn rAjyAspada~ncha bhUtale || 118||
aindra padamavApyAtha ' viharennandane vane |
urvashIpramukhAbhishcha svechChayA divyabhogavAn || 119||
tadApnoti paraM sthAnaM durApaM tridashairapi |
tatastu kavachaM divyaM paThedekamanAH priye || 12
tasya sarvArthasiddhiH syAnnAtra kAryA vichAraNA |
idaM rahasyaM paramaM paraM svastyayanaM mahat || 12||
sarveShAmeva hiMsrANAM DAkinInAM maheshvari |
nishAcharagaNAnA~ncha vAraNaM nAshanaM tathA || 122||
AyurbalapradaM nityaM tuShTipuShTishubhAvaham |
nArINAM mR^itavatsAnAM guNavatsutadAyakam || 123||
sUtyA sUtigR^ihasyApi bAlagrahanivAraNam |
viShadasyugrahANA~ncha sadA shAntivivarddhanam || 124||
viShashastrA.agnirudrANAM vAraNaM jayadaM yudhi |
jale sthale tathA.a.akAshe sarvotpAteShu sarvadA || 125||
trailokyavAsinAmeva sarvama~NgaladAyakam |
sakR^id yastu paThed devi ! kavachaM devadurlabham || 126||
hayamedhaphalaM tasya bhavatyeva saMshayaH |
nityaM yastu paThed devi shR^iNuyAd vA samAhitaH || 127||
sa sarvAn labhate kAmAn pare devIpuraM vrajet |
sa~NgrAme cha jayechChatrUn mAta~NgAniva kesharI || 128||
dahet tR^iNaM yathA vahnistathA shatrUn jayet sadA |
nAstrANi tasya shastrANi sharIre prabhavanti cha || 129||
tadgAtraM prApya shastrANi ' brahmAstrAdIni yAni cha |
mAlyAni kusumAnIva sukhadAni bhavanti hi || 130||
parAH parA~NmukhA yAnti vinA yuddhena pArvati |
vyAdhistasya kadAchit tu duHkhaM nAsti kadAchana || 131||
gatistasyaiva sarvatra vAyostulyA sadA bhavet |
dIrghAyuH kAmabhogIsho dhanadhAnyasamR^iddhimAn || 132||
jitavyAdhI rUpavAn syAd guNavAnabhijAyate |
chAturvargyaM kare tasya bhavatyeva na saMshayaH || 133||
anyasya vallabhaH so vai putradArakulAnvitaH |
ihaloke sukhaM bhuktvA pare mukto bhaviShyati || 134||
na tasya durgatirdevi ! kadAchidapi jAyate |
durgrahAH sugrahA yAnti vashaM gachChanti mAnavAH || 135||
na tasya vighno bhavati na shoko bhuvi jAyate |
vetAlAshcha pishAchAshcha rAkShasAshcha bhayAnakAH || 136||
te sarve vilayaM yAnti kavachasyAsya kIrtanAt |
tasyaiva shatravo devi ! chintAmAtraprayogataH || 137||
vinashyanti na sandeho yoginyo bhakShayanti tAn |
shAntikAdIni karmANi mAraNochchATanAni cha || 138||
vachomAtreNa deveshi ! tasya sidhyanti bhUtale |
na pApairlipyate devi ! mahograistu sudAruNaiH || 139||
na kAlasya vashaM gachChenna jarA na cha duHkhitA |
tatra deshe na durbhikShaM na cha mArI pravartate || 140||
na rogAstatra jAyante notpAtAH prabhavanti cha |
vividhAshchaiva yoginyastasya sAdhakasannidhau || 141||
shAnti chaiva prayachChanti rakShanti putravat sadA |
sarvadA cha sukhaprAptiH sarvatIrthaphalaM labhet || 142||
nAnena sadR^ishaH kashchit sAdhako bhuvi jAyate |
surAsuramanuShyANAM tattvarUpaH sukhAvahaH || 143||
yena vij~nAtamAtreNa smR^itenaiva cha sundari |
akShayAn labhate kAmAn muktisthAnaM cha gachChati || 144||
sarvalakShaNahIno.api smaraNAt ' kaluShApahaH |
aho kavachamAhAtmya paThamAnasya nityashaH || 145||
vinApi yogacharyeNa yoginAM samatAM vrajet |
bhUrjatvachi samAlikhya chakraM tattvavinirmitam || 146||
madhye trikoNaM saMlikhya sAdhyasAdhakayorlipim |
tadUrdhve mUlamantra~ncha mAtR^ikArNena veShTayet || 147||
agurudravamishreNa chandanena sugandhinA |
etad yantram mahAdevi ! surAsurasudurlabham || 148||
rochanAkuDakumenaiva tadbAhye kavachaM likhet |
shvetasUtreNa saMveShTya lAkShayA pariveShTayet || 149||
pa~nchAmR^itaiH pa~nchagavyaiH snApayitvA shubhe.ahani |
sampUjya devIrUpAM tAM guTikAM sarvakAmadAm || 150||
prANapratiShThAmantreNa prANAMstatra niveshayet |
chAruNA shAktakumbhena bhUShitAM yonimudrayA || 151||
antaryoniM tato dhyAtvA tatra saMsthApayed budhaH |
eShA tu guTikA devi ! kaNThalagnA dhanapradA || 152||
shIrShe vashyakarI devi ! kaTyAM stambhanakAriNI |
baddhA vAmabhuje chaiva vairipakShavinAshinI || 153||
jaThare rogashamanI putradA hR^idisaMsthitA |
vidyAkarI lalATasthA shikhAyAM tu yashaHpradA || 154||
dakShiNe bAhumUle vai yadi tiShThati sarvadA |
tadA sarvArthasiddhiH syAd yadyanmanasi vartate || 155||
satyaM satyaM punaH satyaM satyaM satyaM punaH punaH |
na shaknomi prabhAvaM hi kathituM kavachasya vai || 156||
etattu kavachenaiva paThanaM sAdhanaM priye |
kathitaM me tava snehAd gopanIya sadA bhuvi || 157||

 || iti shrIrAjarAjeshvarIkavachaM sampUrNam |
 || iti shrIgandharvatantre mahAtripurasundarItrailokyamohanAkhyaH
      chaturthaH paTalaH || 4||

##
Proofread by Megha Jogithaya

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}