% Text title            : Hymn in praise of shrI rAjarAjeshwarI
% File name             : rAjarAjeshvarIstava.itx
% Category              : devii, dashamahAvidyA, stotra, tyAgarAja, devI
% Location              : doc\_devii
% Author                : tyAgarAja
% Transliterated by     : Sridhar  Seshagiri sridhar.seshagiri at gmail.com
% Proofread by          : Sridhar  Seshagiri sridhar.seshagiri at gmail.com
% Latest update         : November 22, 2001
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hymn in praise of shrI rAjarAjeshwarI ..}##
\itxtitle{.. rAjarAjeshvarIstavaH ..}##\endtitles ##
           tyAgarAjavirachitaH
yA trailokyakuTumbikA varasudhAdhArAbhisantarpiNI
     bhUmyAdIndriyachittachetanaparA sa.nvinmayI shAshvatI |
brahmendrAchyutavanditeshamahiShI vij~nAnadAtrI satAM
     tAM vande hR^idayatrikoNanilayAM shrIrAjarAjeshvarIm || 1||
yAM vidyeti vadanti shuddhamatayo vAchAM parAM devatAM
     ShaTchakrAntanivAsinIM kulapathaprotsAhasa.nvardhinIm |
shrIchakrA~NkitarUpiNIM suramaNervAmA~Nkasa.nshobhinIM
     tAM vande hR^idayatrikoNanilayAM shrIrAjarAjeshvarIm || 2||
yA sarveshvaranAyiketi lalitetyAnandasImeshvarI\-
     tyambeti tripureshvarIti vachasAM vAgvAdinItyannadA |
ityevaM pravadanti sAdhumatayaH svAnandabodhojjvalAH
     tAM vande hR^idayatrikoNanilayAM shrIrAjarAjeshvarIm || 3||
yA prAtaH shikhimaNDale munijanairgaurI samArAdhyate
     yA madhye divasasya bhAnuruchirA chaNDA.nshumadhye param |
yA sAyaM shashirUpiNI himaruchermadhye trisandhyAtmikA
     tAM vande hR^idayatrikoNanilayAM shrIrAjarAjeshvarIm || 4||
yA mUlotthitanAdasantatilavaiH sa.nstUyate yogibhiH
     yA pUrNendukalAmR^itaiH kulapathe sa.nsichyate santatam |
yA bandhatrayakumbhitonmanipathe siddhyaShTakeneDyate
     tAM vande hR^idayatrikoNanilayAM shrIrAjarAjeshvarIm || 5||
yA mUkasya kavitvavarShaNasudhAkAdambinI shrIkarI
     yA lakShmItanayasya jIvanakarI sa~njIvinIvidyayA |
yA droNIpuranAyikA dvijashishoH stanyapradAtrI mudA
     tAM vande hR^idayatrikoNanilayAM shrIrAjarAjeshvarIm || 6||
yA vishvaprabhavAdikAryajananI brahmAdimUrtyAtmanA
     yA chandrArkashikhiprabhAsanakarI svAtmaprabhAsattayA |
yA sattvAdiguNatrayeShu samatAsa.nvitpradAtrI satAM
     tAM vande hR^idayatrikoNanilayAM shrIrAjarAjeshvarIm || 7||
yA kShityantashivAditattvavilasatsphUrtisvarUpA paraM
     yA brahmANDakaTAhabhAranivahanmaNDUkavishvambharI |
yA vishvaM nikhilaM charAcharamayaM vyApya sthitA santataM
     tAM vande hR^idayatrikoNanilayAM shrIrAjarAjeshvarIm || 8||
yA vargAShTakavarNapa~njarashukI vidyAkSharAlApinI
     nityAnandapayo.anumodanakarI shyAmA manohAriNI |
satyAnandachidIshvarapraNayinI svargApavargapradA
     tAM vande hR^idayatrikoNanilayAM shrIrAjarAjeshvarIm || 9||
yA shrutyantasushuktisampuTamahAmuktAphalaM sAttvikaM
     sachchitsaukhyapayodavR^iShTiphalitaM sarvAtmanA sundaram |
nirmUlyaM nikhilArthadaM nirupamAkAraM bhavAhlAdadaM
     tAM vande hR^idayatrikoNanilayAM shrIrAjarAjeshvarIm || 10||
yA nityAvratamaNDalastutapadA nityArchanAtatparA
     nityAnityavimarshinI kulagurorvAvayaprakAshAtmikA |
kR^ityAkR^ityamatiprabhedashamanI kAtsnaryAtmalAbhapradA
     tAM vande hR^idayatrikoNanilayAM shrIrAjarAjeshvarIm || 11||
yAmuddishya yajanti shuddhamatayo nityaM parAgnau sruchA
     matyA prANaghR^itaplutendriyacharudravyaiH samantrAkSharaiH |
yatpAdAmbujabhaktidArDhyasurasaprAptyai budhAH santataM
     tAM vande hR^idayatrikoNanilayAM shrIrAjarAjeshvarIm || 12||
yA sa.nvinmakarandapuShpalatikAsvAnandadeshotthitA
     satsantAnasuveShTanAtiruchirA shreyaHphalaM tanvatI |
nirdhUtAkhilavR^ittibhaktadhiShaNAbhR^i~NgA~NganAsevitA
     tAM vande hR^idayatrikoNanilayAM shrIrAjarAjeshvarIm || 13||
yAmArAdhya munirbhavAbdhimatarat kleshormijAlAvR^itaM
     yAM dhyAtvA na nivartate shivapadAnandAbdhimagnaH param |
yAM smR^itvA svapadaikabodhamayate sthUle.api dehe janaH
     tAM vande hR^idayatrikoNanilayAM shrIrAjarAjeshvarIm || 14||
yApAShA~NkushachApasAyakakarA chandrArdhachUDAlasat
     kA~nchIdAmavibhUShitA smitamukhI mandAramAlAdharA |
nIlendIvaralochanA shubhakarI tyAgAdhirAjeshvarI
     tAM vande hR^idayatrikoNanilayAM shrIrAjarAjeshvarIm || 15||
yA bhakteShu dadAti santatasukhaM vANIM cha lakShmIM tathA
     saundaryaM nigamAgamArthakavitAM satputrasampatsukham |
satsa~NgaM sukalatratAM suvinayaM sayujyamuktiM parAM
     tAM vande hR^idayatrikoNanilayAM shrIrAjarAjeshvarIm || 16||

ityAnandanAthapAdapapadmopajIvinA kAshyapagotrotpannenAndhreNa
tyAgarAjanAmnA virachitaH shrIrAjarAjeshvarIstavaH sampUrNaH ||
##
Encoded and proofread by Sridhar  Seshagiri seshagir at engineering.sdsu.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}