Shri Rajarajeshvari Stuti or Rajarajeshvaryashtakam

 श्रीराजराजेश्वर्याः स्तुतिः अथवा राजराजेश्वर्यष्टकम् 
ॐ नमः पराशक्तये ।
आदिक्षान्त समस्तवर्णविभवा यामातृकारूपिणी
     मन्त्रवीर्य परामृतरसा स्वादात्सुखदायिनी ।
भावव्रात समुद्रगर्भलहरी शब्दार्थतत्त्वव्यापिनी
     सा मां पातु सरस्वती भगवती श्रीराजराजेश्वरी ॥ १॥

वाच्य वाचक सारपूर्ण विभवा देवी षडध्वाश्रया
     श्रीचक्रान्तरवह्णिकोण निलयाया बिन्दुमात्रात्मिका ।
सूक्ष्मात्सूक्ष्मतरा परामृतमयी नित्यं जगत्तर्पिनी
     सा मां पातु सरस्वती भगवती श्रीराजराजेश्वरी ॥ २॥

पूर्णाहन्त्वविमर्श पावनकरी नित्यं मलक्षालिनी
     भक्तानां भवभीति भञ्जनकरी हृत्पङ्कजे संस्थिता ।
बाह्याभ्यन्तरचारिणी सुरसतो हंसेनया सेविता
     सा मां पातु सरस्वती भगवती श्रीराजराजेश्वरी ॥ ३॥

उर्ध्वाधः स्थितनाडिवृन्दविभवे सञ्जीविकामध्यमा
     स्वात्मामर्शन तत्परैश्च सततं भक्तैः खलु प्राप्यते ।
मूलाद् ब्रह्मबिलावधितडिदिवया ब्रह्मनाडी स्मृता
     सा मां पातु सरस्वती भगवती श्रीराजराजेश्वरी ॥ ४॥

वर्णावर्णनिवर्ण भेद निवहातत्राप्यभेदात्मिका
     वेदान्तागमतन्त्र सार महिमाषड्दर्शनोल्लङ्घिनी ।
सर्वाचार विचार पालन परायानिर्गता चारका
     सा मां पातु सरस्वती भगवती श्रीराजराजेश्वरी ॥ ५॥

ॐ तत्सदितिनामभिर्निगदिता सर्वागमे योगिभिः
     तत्प्राणान्त विचार्यभक्त निबहैः ह्रीतमिव शष्पवत् ।
ऐन्द्रं-धाम विहाय क्षीणकलुषैर्मोक्षाय या स्वीकृता
     सा मां पातु सरस्वती भगवती श्रीराजराजेश्वरी ॥ ६॥

सौरं ज्योतिरिदमपि परिमितंह्रीतं तथा यत्पदात्
     ॐइत्येतद्विमर्शनेन सततं सर्वमिदं स्वात्मनि ।
रक्तेस्तत्पद प्रेप्सुभिञ्च मुनिभिःस्वस्थै सदास्वीकृतं
     सा मां पातु सरस्वती भगवती श्रीराजराजेश्वेरी ॥ ७॥

तैस्त्तैर्योगिवरैः सदा कवियशोनक्रं दिनं यत्पद-
     ध्यानावस्थित तद् गतेन मनसा प्राप्तं महत् निर्मलम ।
मोक्षं भोगं ददाति या प्रभुदिता विद्याधरैर्वन्दिता
     सा मां पातु सरस्वती भगवती श्रीराजराजेश्वरी ॥ ८॥

इति श्रीराजराजेश्वर्याः स्तुतिः राजानक विद्याधर विरचिता शुभायास्तु ।
इति शिवम् ।

Encoded and proofread by Girdhari Lal koul glkoul.18 at gmail.com
Send corrections to (sanskrit at cheerful dot c om)