% Text title : Rakini Radhika Stavam % File name : rAkiNIrAdhikAstavam.itx % Category : devii, ShaTchakrashakti, devI % Location : doc\_devii % Transliterated by : staff of Muktabodha.org Mark S.G. Dyczkowski % Proofread by : Aruna Narayanan narayanan.aruna at gmail.com % Description/comments : rudrayAmale uttaratantre 1 bhairava bhairavI sa.nvAde % Source : Rudrayamalam part 1 edited by Ram Prasad Tripathi and Sudhakar Malaviya % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : February 16, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Rakini Radhika Stavam ..}## \itxtitle{.. rAkiNIrAdhikAstavam ..}##\endtitles ## AndolitA rasanidhau kulacha~nchalA yA mAyAmayo sakaladuHkhavinAshavIrA | vIrAsanA sthitigatA sulabhA munInAM bhavyA prapAtu bhavikA kularAkiNI mAm || 41\-18|| Anandasindhu jaDitAkhilasArapAnA bAlA kulInanamitA dalaShaTkulasthA | kAlIkalAmalaguNA dhaninAM dhanasthA | kR^iShNeshvarI samudayaM kuru rAkiNI me || 41\-19|| yA rAkiNI trijagatAmudayAya cheShTA sa.nj~nAmayI kulavatI kulavallabhasthA | vishveshvarI smaraharapriyakarmaniShThA kR^iShNapriyA mama sukhaM paripAtu devI || 41\-20|| ShaDvarganAthakarapadmaniShevitA yA rAdheshvarI priyakarI surasundarI sA | mAtA kuleshajananI jagatAM manusthA | vidyA parA ripuharAvata me sharIram || 41\-21|| govindarAmaramaNI navamAlinI yA rAjyeshvarI smaraharA navakAminI vA | me ShaDdalAshritasuraM paripAtu nityaM shrIkuNDalI suvimalA kularAkiNI sA || 41\-22|| shrIsundarI kulaparA kulavR^indavandyA sandhyAvidhi prabhavatAmatikAmatIrthA | shrIdAyinI kulagaNAmalabhAvadAtrI nityaM prapAtu viShayaM kulaShaDdalAnAm || 41\-23|| chaitanyadAnaniratAM triguNAbhirAmAM shyAmAM nitambadhR^itasundararatnaghaNTAm | nIlAchalasthitakarAM varadAnahastAM shrIkR^iShNavAma kamalopari pUjayAmi || 41\-24|| tAM rAkiNIM triramaNIM samalApahantrIM sarvasthitAM gaganamAtaramambujasthAm | padmAsanAM shrutibhujAM gurujAmanantAM shAntAM ShaDambujadalopari pUjayAmi || 41\-25|| shAntiM kR^ipAkapaTakopari nAshamuktiM shivAM paramavaiShNavapUjitA~Nghrim | rAdhAM sudhAM varamayIM jagatAM guNasthAM dharmArNavAM rasadale paripUjayAmi || 41\-26|| karttIkarAM sakaruNAM ramaNIM trisargAm | tAM rAkiNImatidayAmamalArthachintAm | bhrAntiM bhramAgamavarAM smR^itimAdipUjyAm | bhAryAM hareratisukhAM paripUjayAmi || 41\-27|| yA kAtaraM niravadhipraNayasvavasthA vAgIshvarI bhagavatI yatikoTinamrA | tAmrAkR^itiprakR^itichetasi raktavarNA mAyAmayI surakalAvati pAtu me.a~Ngam || 41\-28|| kalpadrumAshayalatA phalarUpiNI yA bhargasthitA puruShakoTimunistuvantI | sA me kuleshvararasaM harihastapUjyA kShAntiH sadA mama dhanaM paripAtu rAdhA || 41\-29|| kShema~NkarI varakarI sukarI haristhA yA saukarI bhavakarI tripurA maheshI | vAyusthitA layamayI sthitimArgasa~NgA bha~NgapirayA sakalakA paripAtu rAdhA || 41\-30|| ga~NgA nirmalabhAvadA mamashirodeshaM sadA rakShatu shrIrAdhA kularAkiNI mama kapAlordhvaM mahAvAkpriyA | mantrasthA jayadA mudA kumudinI bhAlaM bhruvorantaraM vidyA vAgbhavakuNDalIphalavalAbAlA cha netratrayam || 41\-31|| gaNDaM chaNDasarasvatI shrutikulaM kailAsashailasthitA medhA TaM ghaTavAsinI shashImukhI sUkShmAtisUkShmAshayA | jihvAgraM chibukaM radAvadhivahA kaNThaM galaM skandhagaM skandeshI dashanaprabhAmalamati \-\- vaikuNThadhAmeshvarI || 41\-32|| nAnAvarNavilAsinI mR^idurasaM shambhorbhavAnI shivA pR^iShThaM karmasu pR^iShThagA gatikarI nityolbaNI bhAsvatI | pArshvaM me kulamAlinI mama kaTiM li~NgaM nitambAmbaraM kAmAkhyA dhanadAyinI sakaruNA pAdadvayaM pAtu sA || 41\-33|| mAtR^ikrodhanivAriNI mama shivaM ShaT patrashobhAkaraM pAtu shrIcharuvAsinI kulataruM gaurI parAnandadA | chaitanyasthalavAsinI mama gatA govindamAtR^ipriyA chaitanyaM satataM prapAtu dharaNI dhAtrI varakShetragA || 41\-34|| dhanyA pi~NgalalochanAmbujamukhI chaitanyakarmapriyA sarvatra priyamAkarotu niyataM shaktiH kShamAkartR^ikA | kIrtisthA mama kIrtichakranilayaM lAkShAruNA balvarI nIchA chakranivAsinI mama jayA jIvaM mudA pAtu mAm || 41\-35|| etatstotraM paThennityaM prANavAyuvarAshubhe | ShaTchakrabhedasamaye sadA pAThyaM suyogibhiH || 41\-36|| kulavinyAsasamaye kulachakrapraveshane | avashyaM prapaThedvidvAn rAkiNIrAdhikAstavam || 41\-37|| trisandhyaM chedamAkuryAt paThitvA cha punaH punaH | dhyAtvA bhAvaparo bhUtvA muchyate bhavabandhanAt || 41\-38|| achalAM bhaktimApnoti vishvAmitro yathA vashI | paThanAt pAmaro yAti brahmalokaM kulAdhipa || 41\-39|| etatpaThanamAtreNa shItalo guNavAn bhavet | aprakAshyamidaM stotraM sarvAntakavinAshanam || 41\-40|| samabhAvaM samAkR^itya jIvanmukto bhavedvashI | pa~nchAchArarato bhUtvA sAdhayed yadi sAdhanam || 41\-41|| kuNDalIyogakAle cha kulAchAraM na varjayet | kulAchAravarjanena mahAhAniH prajAyate || 41\-42|| brAhmaNaH kShatriyo vApi vaishyo vA shUdra eva cha | samabhAvaM sadA kR^itvA kulAchAraM samAshrayet || 41\-43|| kuNDalI pR^ithivI devI rAkiNI svAridevatA | tadgehagAminI devI rAdhikA rAjyakAminI || 41\-44|| asyAH sAdhanakAle cha samayAchAramAshrayet | samabhAve mahAmokSha iti tantrArthanirNayaH || 41\-45|| samabhAvArthakathanaM tyaktvA yogI bhavetkR^itI || 41\-46|| iti shrIrudrayAmale uttaratantre mahAtantroddIpane siddhimantraprakaraNe ShaTchakraprakAshe bhairavIbhairavasaMvAde svAdhiShThAnarAkiNIstotraM nAmaikachatvAriMshattamaH paTalaH || 41|| ## The numbers correspond to paTala and verse numbers from Rudrayamala uttaratantra. Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}