% Text title            : rAmasukunjagAminI
% File name             : rAmasukunjagAminI.itx
% Category              : devii, devI, nadI
% Location              : doc\_devii
% Author                : jagannAtha ravi shAstri
% Transliterated by     : Kamini Viswanathan
% Proofread by          : Kamini Viswanathan, Lalitha Mallikarjunan
% Latest update         : March 7, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramasukunjagamini ..}##
\itxtitle{.. rAmasuku~njagAminI ..}##\endtitles ##
smAraM smAraM janimR^itibhayaM jAtanirvedavR^iti\-
        rdhyAyaM dhyAyaM pashupatimumAkAntamantarniShannam |
pAyaM pAyaM sapadi paramAnandapIyUShadhArAM
        bhUyo bhUyo nijagurupadAmbojayugmaM namAmi || 1||
ga~NgApUraprachalitajaTAsR^ista bhogendrabhItA
        mAli~NgantImachalatanayAM sasmitavIkShamAnaH |
lolApA~NgaiH praNatajanatA nandaya~nchandramauli\-
        rmohadhvAntaM haratu paramAnandamUrtishshivo naH || 2||
kamaNDalau yA kamalAsanena samAnitA pUrvamapUrvatoyA |
trivikrame viShNupadAravinda sampUjya yAtA haramaulibhAgam || 3||
bhagIrathaH sAgaragAnsvapitR^inuddhartuM kAmashshiva sannidhau saH |
ArAdhayAmAsa saridvarAM tAM himAdrideshe pitR^imuktimatyai || 4||
santuShTachittasya shivasyamaulervinirgatA puNyajalA trimArgaiH |
mandAkinI svargapathAnugAminI bhAgIrathI bhAratapAvanI sadA || 5||
pAtAlagA bhogavatI yashasvinI yA saptadhA saptasarovare sthitA |
sampUjitAbhUdR^iShibhistusaptabhiH sApAtu no rAmasuku~njagAminI || 6||
kUrmAsanasthA mR^igashAvakAkShI, chaturbhujA shobhitashvetavastrA |
dhR^itAkShamAlA ghaTapadmamudrA, dR^iShTA mayA rAmasuku~njagA sA || 7||
bhAgIrathI pUtajalA tritApahA, yA bhAratebhyo jayadAyinI sadA |
sampUjitA bhAratavAsibhirmudA, sA me.astu chAnte shivadhAma dAyinI || 8||
sadA pUtA ga~NgA vitarati muhurdarshanasukhaM
        himAdreH  sa~njAtA bharatavipine si~nchati tarUn |
mayAdR^iShTA saiShA pravahati sadA khaNDitagatiH
        svadeshasya snehaM prakaTayati mudA snehapayasA || 9||
himAdrernirgatya pravishati banaM tarpaNaparA
        janasthAne lokAnvividhabahulAbhaM prakurute |
triveNI tIrthe.asmin hasati kurute nartanamapi
        jalormINAM nR^ityaM sukhakaramaho sAgarajale || 10||
kR^itaH ku~nje vAsaH paramasukhado rAmakR^ipayA
        pravaddho.asyAM snehaH surasariti me rAmadayayA |
iyaM ga~NgA mAtuH prakaTayati rAgaM mayi sadA
        chitAbhasma tyAjyaM surasariti me.ato mR^itiparam || 11||
viri~nchipANyabjavinirgatA sA, padabjapUtA garuDAsanasya |
ala~NkR^itA mUrghniM sadAshivena, puNyA patAkA sagarAtmajAnAm || 12||
ga~NgA nadI pUtajalA trimArgagA, mandAkinI bhogavatI cha jAhnavI |
viri~nchinArAyaNarudrapUjitA, svargApavargAbhayadA sudhA sravA || 13||
satsa~NgalAbhaM shivapAdapUjAM, mAghe.asite dharmatithau samApya |
dvijo jagannAthasunAmadhanyastR^iptiM parAmApa suku~nja bhR^i~NgaH || 14||
ga~NgA gItA cha gAyatrI, trivargaphaladAyinI |
tanau vANyAM hR^idi sphItA, jagadAnandadA bhavet || 15||
trisaptanandaikadine cha kristormAghe.asite dharmatithausvapitR^in
dvijo \ldq{}jagannAtha\rdq{} sunAmadhanyastR^iptiM cha kR^itvA gR^ihamAjagAma || 16||
dhUmrapAna parityajya balabhadraprachoditaH |
jIvanmukto jagannAtho rAmaku~nje babhUva ha || 17||
rAdhAkAnta sudarshanAtmajajagannAthena sampAdito
        nAnAChandamayaH surAgabharito ga~NgAvatArastavaH |
so.ayaM sajjanamAnaseShu nitarAM sharmaprado mokShadaH
        bhUthAnno jayadaH sadA shivamayaH kAmaprado bhArate || 18||

iti ga~NgAvatArAntargatA shrIrAmasuku~njagAminI samAptA |
          | shrI shivArpaNamastu |

##
Encoded by Kamini Viswanathan
Proofread by Kamini Viswanathan, Lalitha Mallikarjunan, NA


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}