% Text title            : shrIraadhaastotraM shrIkRiShNakRitam
% File name             : raadhaakrishnakrit.itx
% Category              : devii, rAdhA, stotra, devI
% Location              : doc\_devii
% Transliterated by     : Daniel Mohanpersad (danielmohanpersad98 at msn.com)
% Proofread by          : Daniel Mohanpersad (danielmohanpersad98 at msn.com)
% Translated by         : -
% Latest update         : July 1, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Radhastotram ShrIkrishnakritam ..}##
\itxtitle{.. shrIrAdhAstotraM shrIkR^iShNakR^itam ..}##\endtitles ##

shrIkR^iShNa uvAcha |
evameva priyo.ahaM te pramodashchaiva te mayi |
suvyaktamadya kApaTyavachanaM te varAnane || 1||
he kR^iShNa tvaM mama prANA jIvAtmeti cha saMtatam |
brUShe nityaM tu yat premNA sAmprataM tad gataM drutam || 2||
asmAkaM vachanaM satyaM yad vravImitI tad dhruvam |
pa~nchaprANAdhidevI tvaM rAdhA prANadhiketi me || 3||
shakto na rakShituM tvAM cha yAnti prANastvayA vinA |
 vinAdhiShThAtR^idevIM cha ko vA kutra cha jIvati || 4||
mahAviShNoshcha mAtA tvaM mUlaprakR^itirIshvarI |
saguNA tvaM cha kalayA nirguNA svayameva tu || 5||
jyotIrUpA nirAkArA bhaktAnugrahavigrahA |
bhaktAnAM ruchivaichitryannAnAmUrtIshcha bibhramatI || 6||
mahAlakShmishcha vaikuNThe bhAratI cha satAM prasUH |
 puNyakShetre bhArate cha satI tvaM pArvatI tathA || 7||
tulasI puNyarUpA cha ga~NgA bhuvanapAvanI |
brahmaloke cha sAvitrI kalayA tvaM vasundharA || 8||
goloke rAdhikA tvaM cha sarvagopAlakeshvarI |
tvayA vinAhaM nirjIvo hyashaktaH sarvakarmasu || 9||
shivaH shaktastvayA shaktyA shavAkArastvayA vinA |
vedakartA svayaM brahmA vedamAtrA tvayA saha || 10||
nArAyaNastvayA lakShmyA jagatpAtA jagatpatiH |
phalaM dadAti yaj~nashcha tvayA dakShiNayA saha || 11||
bibharti sR^iShTiM sheShashcha tvAM kR^itvA mastake bhuvam |
bibharti ga~NgArUpAM tvAM mUrghni ga~NgAdharaH shivaH || 12||
shaktimachcha jagat sarvaM shavarUpaM tvayA vinA |
vaktA sarvastvayA vANyA sUto mUkastvayA vinA || 13||
yathA mR^idA ghaTaM kartuM kulAlaH shaktimAn sadA |
sR^iShTiM sraShTuM tathAhaM cha prakR^ityA cha tvayA saha || 14||
tvayA vinA jaDashchAhaM sarvatra cha na shaktimAn |
sarvashaktikharUpA tvaM samAgachCha mamAntikam || 15||
vahnau tvaM dAhikA shaktirnAgniH shaktastvayA vinA |
shobhAsvarUpA chandre tvaM tvAM vinA na sa sundaraH || 16||
prabhArUpA hi sUrye tvaM vinA na sa bhAnumAn |
na kAmaH kAminIbanghustvayA ratyA vinA priye || 17||
ityevaM stavanaM kR^itvA tAM samprASha jagatprabhuH |
devA babhUvuH sathIkAH sabhAryAH shaktisaMyutAH || 18||
sastrIkaM cha jagat sarvaM babhUv shailakanyake |
gopIpUrNashcha goloko babhUva tatprasAdataH || 19||
rAjA cha jagAm golokamiti stutvA haripriyAm |
shrIkR^iShNena kR^itaM stotraM rAdhAyA yaH paThennaraH || 20||
kR^iShNabhaktiM cha taddAsyaM sa prApnoti na saMsayaH |
strIvichChedeyaH shR^iNoti mAsamekamidaM shuchiH || 21||
achirAllabhate bhAryAM sushIlAM sundarIM satIm |
bhAryAhIno bhAgyahIno varShamekaM shR^iNoti yaH || 22||
achirAllabhate bhAryAM sushIlAM sundarIM satIm |
pura mayA cha tvaM prAptA stotreNAnena pArvati || 23||
mR^itAyAM dakShakanyAyAmAj~nayA paramAtmanaH |
stotreNAnena samprAptA sAvitrI brahmaNA purA || 24||
purA durvAsasaH shApAnniHshrIke devatAgaNe |
stotreNAnena devaistaiH samprAptA shrIH sudurlabhA || 25||
shR^iNoti varShamekaM cha putrArthi labhate sutam |
mahAvyAdhI rogamukto bhavet stotraprasAdataH || 26||
kArtikIpUrNamAyAM tu tAM sampUjya paThettu yaH |
achalAM shriyamApnoti rAjasUyaphalaM labhet || 27||
nArI shR^iNoti chet stotraM svAmisaubhAgyasaMyutA |
bhaktyA shR^iNoti yaH stotraM bandhanAnmuchyate dhruvam || 28||
nityaM paThati yo bhaktyA rAdhAM sampUjya bhaktitaH |
sa prayAti cha golokaM nirmukto bhavabanAt || 29||

iti shrIbrahmavaivarte shrIkR^iShNakR^iShNakR^itaM
shrIrAdhAstotraM sampUrNam |
##\medskip\hrule\medskip
Encoded by Daniel Mohanpersad danielmohanpersad98@msn.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}