% Text title            : Shri Ranganayika Stotram 08 20
% File name             : ranganAyikAstotram.itx
% Category              : devii, devI, stotra
% Location              : doc\_devii
% Proofread by          : Rajesh Thyagarajan
% Description/comments  : From stotrArNavaH 08-20
% Latest update         : August 15, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ranganayika Stotram ..}##
\itxtitle{.. shrIra~NganAyikAstotram ..}##\endtitles ##
IshAnAM varadAM samastajagatAM padmAsanasthAM shriyaM
      padmAla~NkR^itapANipallavayugAM shrIra~NgiNaH preyasIm |
vAtsalyAdiguNojjvalAM maNimayarbhUShAgaNairbhUShitAM
      asmanmAtaramabjakAntavadanAM vande jaganmAtaram || 1||
svasti shrIrdisha me shashA~Nkavadane kalyANade vatsale
      sarveShAM kila ra~NganAthadayite tatkShAntisaMvardhake |
santyakte nivahaiH satAmasharaNe tApatrayIbAdhite
      pApiShThe mayi durmatau tava kR^ipA kAryetyahaM prArthaye || 2||
aramanmAtaH shrutInAM shirasi vilasite vatsale sindhukanye
      kAnte shrIra~NgarAjaH kuvalayanayane sarvalokAdhirAjaH |
IshAne lokamAtaH sarasijavadane dIpragAtre sushIle
      padme tvaM pAhi dInaM bhavajaladhigataM durmatiM durdashaM mAm || 3||
durvR^ittaM durmanIShaM bhavajaladhigataM viShNubhaktAparAdhai\-
      rvAggAtrasvAntajanyairbharitamasharaNaM garhitaM sarvalokaiH |
nityaM mUrkha nR^ishaMsaM madanaparavashaM mohavashyapravashyaM
      duHkhAbdhau majjitaM mAM sapadi hi kamale pAhi mAtaH prasIda || 4||
shrIra~NganAthadayite.akhilalokamAtaH
      kAryA kR^ipA hyasharaNe mayi sindhakanye |
vAtsalyatastu kamale mama divyabodhaM
      dehi tvameva sharaNaM bhava divyasaukhyam || 5||
saukhyaM pradehi subhage dayite murAreH
      shrIra~NgiNaH khalu rame sulabhe sushIle |
kAntasmite shashilasadvadane dayAM te
      nityaM kuruShva mayi mAM paripAhi pajhe || 6||
kamale kamalAruNadivyamukhe
      sukhade jagatAM khalu kalpalate |
ayi mAmavalokaya sindhusute
      kR^ipayA tava kevalamajapade || 7||
patitaM bhavavAridhimabhyagataM
      satataM vimataM janatAbhimate |
ayi mAmavalokaya padmakare
      dayite jagadIshvari ra~NgapateH || 8||
padayoH sharaNAgatamabdhisute
      tava dInamaki~nchanamArtiyutam |
ayi mAmavalokaya ra~Ngapate
      dayite vidhisha~NkaramukhyapateH || 9||
api duHsahapApashatairbharitaM
      jagatAM janani kShamayA kamale |
paripAlaya mAM dayanIyamimaM
      paridInahR^idaM tava ra~NgapateH || 10||
yuvayorapi duHsahapApashatai\-
      rbhuvaneshvari ra~Ngapaterdayite |
api mAM bharitaM paripAlaya te
      dayayA sharaNAgatikaM padayoH || 11||
mAtaH prasIda kamale jagatAM sushIle
      tApatrayIjanitaduHkhasahasrasa~NghaiH |
pApairananyagatikaM bharitaM cha dInaM
      mAM rakSha divyakR^ipayA sharaNAgataM tvAm || 12||
yuShmatpadAmbujayugaM sharaNaM gatasya
      mAtaH prayachCha varade jagatAM priyaM me |
shrIra~NganAyaki manoharadivyarUpe
      pAhi prasIda kamale subhage sushIle || 13||
bhavasindhumagnamaravindalochane
      praNataprasannamukhachandramaNDale |
paripAlayAdya dayanIyadurdashaM
      kR^ipayA cha mAM cha kamale dayAnidhe || 14||
tava ra~NgiNashcha charaNAmbuje vinA
      gatirasti no cha mama ra~NganAyaki |
iha mAM kuruShva tava ki~NkaraM sadA
      jananI samasta jagatAM dayAnidhe || 15||
vidhisha~NkarendramukhanirjaraiH sadA
      vanitAyutashcha kamale samarchite |
akhileShTade sakalalokavallabhe
      satataM kuruShva tava ki~NkaraM tu mAm || 16||
jananI mama tvamasi sindhukanyake
      sharaNaM tvameva kamale dayAnidhe |
iha nistareyamahamabjalochane
      kR^ipayA tavaiva bhavaghorasAgaram || 17||
mAtaH shrIH sindhukanye kuvalayashapharIpadmasaugandhikAdi\-
      praspardhisphAranetre sarasijavadane divyalAvaNyagAtre |
bimbashrIvidrumAbhAdhararuchilasite divyavakShojadIpre
      padme (rakSha) shrIra~NgaharmyA~NgaNakanakalate
          tvatkaTAkShaiH shubhairmAm || 18||
mAM rakSha ra~Ngidayite madhuraiH kaTAkShaiH
      rAbhogatu~NgaruchirastanabhAsamAne |
sarveshvarastava sudarshanaloladR^iShTi\-
      stvAM vIkShate tava patiH satataM sushIle || 19||
samajjati stanataTe tava ra~NganAtho
      vyAmugdhavAMstvayi shubhe jhaShamugdhanetre |
vashyaH sadA bhavati te kamale tatastvaM
      mAM rakSha ra~Ngidayite karuNAkaTAkShaiH || 20||
IShatpraphullakamalotpalakAntanetre
      mugdhasmitapravilasadvadanAravinde |
shrIra~NganAyaki manoharadivyagAtre
      nityaM prasIda mama vR^ittamachintayitvA || 21||
shrIra~NgarAjasayuje shriyai kanakabhUShaNaiH |
mANikyabhUShaNairdIpratanva~Ngathai jayama~Ngalam || 22||

iti shrIra~NganAyikAstotraM sampUrNam |
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}