% Text title            : reNukAstavarAja stotram
% File name             : reNukAstavarAja.itx
% Category              : stavarAja, devii, reNukA, devI
% Location              : doc\_devii
% Transliterated by     : Kaushal S. Kaloo kaushalskaloo at gmail.com
% Proofread by          : Kaushal S. Kaloo kaushalskaloo at gmail.com
% Description-comments  : kaulArNave bhairavoktam from shrIreNukAtantram, Pitambarapeeth, Datia
% Latest update         : May 18, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Renuka Stavaraj Stotram Kaularnava ..}##
\itxtitle{.. reNukAstavarAjastotram kaulArNave bhairavoktam ..}##\endtitles ##

shrI gaNeshAya namaH |

sadAshivaM namaskR^itya umAM durgAM gaNeshvaram |
vakShyAmi reNukAstotraM bhukti\-mukti\-phalapradam |

guptaprakaTa\-siddhAnAM yoginI chakra\-pAdukAm |
namAmi shirasA nAthaM kAla kauleshvaraM prabhum ||

Ananda\-pITha\-madhyasthamAnanda\-paraveShTitam |
praNamya cha kulAnandaM j~nAnAnanda\-prakAshakam ||

akSharaM kSharamAdyantaM prakR^itiM puruShaM param |
taM vande sachchidAnandamekavIraM sashAmbhavam ||

siMhaparvatamAsInaM devadeveshvarottamam |
tatrastha~ncha suravAsinamAtreyaM brahmavAdinam ||

anusUyA varaM prAptaM putrasnehena vatsalAm |
yatra yogIshvaro viShNuH sambhaviShyatvayonijAm ||

nAnAbhogasamAkIrNaM krIDate pramadAdibhiH |
madirAnandachaitanyaM j~nAnAnandaprabodhakam ||

jamadagnestu yA bhAryA reNukA nAma vishrutA |
rAmamAteti vikhyAtA triShu lokeShu vistR^itA ||

dattAtrayo mahAtmA.asau nAgapi~NgalapUrvakam |
reNukAyAH vinikShiptaM sadbhAvaM bIjamuttamam ||

mAyA bIjena saMyuktaM mahApIThodbhavaM shubham |
tatrasthA shAmbhavI shaktiH somayA cha kulAnvayA ||

kulAkulavibhAgena vAma\-dakShiNa\-sa~nj~nakam |
santAnaM triH prakAraM chatuH siMhAsane sadA ||

kramapITheH sadA yuktaM dvIpa\-dvIpAntare sthitam |
pa~nchAshadvarNabhedena mantrayantrANi vai sthitam ||

chatuShkaM pa~nchakaM ShaTkaM chatuShkaM pa~nchakantrikam |
vaShaTkAraH samutpannaH kaumAryA baTukAdvayaH ||

ShaDbhiH chakraistu vai devyAH shrIkaNThAdyAshchaiva bhairavAH |
shriyA krameNa saMyuktA chatuHShaShThyAstu devatAH ||

brAhmI mAheshvarI chaiva kaumArI vaiShNavI tathA |
vArAhI cha tathendrANI chAmuNDA cha shivodbhavA ||

prayoge vAruNaM kaulaM AdAvAhya jayantikA |
charatrikaM prata~nchaiva devI koShThena chAShTadhA ||

mAhendrI cha tathAgneyI yAmyAM nairR^itya vAruNI |
vAyavyAM hi cha kauverI IshAnyAM divyayoginI ||

uDyAyanI jalandharI kAmarUpA cha yA sthitA |
kaulArNave sthitA yA cha mantre chakre tu yA sthitA ||

prasannA prakaTA chaiva sahajA kulajAdayaH |
kShetrapAlAshcha dikpAlA vetAlAshchaiva rAkShasAH ||

pishAchA gaNagandharvA shAkinI DAkinI tathA |
KecharA bhUcharAshchaiva pAtAlAshchAntarikShagAH ||

nAnArUpadharA sarve balipUjAbhikA~NkShiNaH |
adhikArasvarUpeNa vicharanti mahItale ||

krIDate yoginI vR^indaM kShetramAtR^igR^ihe sthitam |
kechid gAyanti nR^ityanti pUjayanti stuvanti cha ||

hasanti kilakilAyanti garjayanti mahAbalAH |
mAtR^ipAdodbhavA sarve mAtR^imaNDalasaMsthitA ||

tanmadhye shAmbhavI shaktirreNukA surapUjitA |
shrAvaNyashchaiva shAkteyamaShTavyA shAmbhavIpadam ||

tena sA shAmbhavI proktA hakArAddhi kalAsmR^itA |
brahmA viShNushcha rudrashcha IshvaraH shiva eva cha ||

mAlAbIjasamutpannA sA shaktirreNukA matA |
namo.astu te mahAdevi mahAmAye namo.astu te ||

namo.astu te vIrabhadre vIramAtre namo.astu te |
rAmamAtre namastubhyaM triShu lokeShu pUjitA ||

namo.astu kulakauleshi namo.astu j~nAnabhairavi |
namo.astu j~nAnage sarve sarveshvari namo.astu te ||

rAmeshvari namastubhyaM kAmeshvari namo.astu te |
bhadrakAli namastubhyaM kAmeshvari namo.astu te ||

jamadagnipriye shubhre reNuke tvAM namo.astu te |
chaitanyavigrahe nitye vyApake tvAM namo.astu ||

trailokyavyApinI devI viShNumAye namo.astu te |
sha~Nkara\-premapAtratvaM pArvati tvAM namo.astu te ||

harakAyArddhavAsitvaM sha~Nkari tvAM namo.astu te |
bhaktipriye mahAshubhre mAlini tvAM namo.astu te ||

pa~nchamudre mahAmudre bhUtapa~nchakamudrite |
mahAmudrAtmike shAnte reNukAyai namo.astu te ||

sadbhAvabIjamutpannaM bhAvena tava saMsthitam |
svAtmabhAvAtmajAtmasthA reNukAyai namo.astu ||

svachChandavihariNI shaktiH svachChandena cha saMsthitA |
svachChandonmattamAta~NgI reNukAyai namo.astu te ||

pramatte madirAnande madirAnandavigrahe |
chidrupe paramAnande reNukAyai namo.astu te ||

jagadbIje jagadrUpe jagadbhUte jaganmaye |
jaganmAte jaganmAtaH reNukAyai namo.astu te ||

vaiShNavI viShNumAyA tvaM mohitaM sacharAcharam |
vA~nChitArthapradAdevi tAM vande reNukAmaham ||

svachChandabhairavIchaNDe mAta~NgI mattarUpiNI |
yoginIvR^indamadhyasthe ekavIre namo.astu te ||

brahmavaikuNTharudrAdyA munIndrAH siddhakinnarAH |
tvatpadaM pUjayantIha mAtR^ipIThe namo.astu ||

tvaM parA tvaM cha pashyantI madhyamA tvaM cha vaikharI |
R^igyajuH sAmAtharvANi shabdabrahmAtmike namaH ||

yaj~navidyA trisandhyA tvaM vedagarbhA sureshvari |
ga~NgA gayA cha gAyatrI mAtApuranivAsinI ||

tvaM svAhA tvaM svadhA chaiva pa~nchayaj~namahAmaKe |
yasya jAti dvijendrANAM mAtR^ili~Ngamaheshvari ||

tvaM cha kAlI mahAkAlI mahAlakShmI sarasvatI |
tripurA tvaritA tvaM cha reNukAyai namo.astu te ||

kapAlinI kAlikAtvaM bhairavI tvaM chAmbikA |
mAhendrI tvaM vishAlAkShI reNukAyai namo.astu te ||

kShetrajA pIThajA tvaM cha mantrajA tvaM kalAmbike |
prasannA prakaTA tvaM cha sahajA tvaM cha reNuke ||

vAme jyeShThe cha raudre cha mAlinI mantrayoginI |
veda siddhAntayAnityaM tAM vande reNukAmaham ||

surajyeShThe surAnande sarvadevamayI shive |
sachchidAnandachidrUpe vishveshvari namo.astu te ||

pIThakShetre shmashAne cha krIDate vR^indabhairavI |
chatvAri yoginI vR^inde reNukAyai namo.astu te ||

chatuHShaShThistu yoginyAH siddhasa~NghaTTamelake |
mAtR^imaNDalamadhyasthe reNukAyai namo.astu te ||

mantrayantrakulAdye tu kulakauleshvari shive |
j~nAnAnandasurApUrNe reNukAyai namo.astu te ||

chaturaShTakapIThA tvaM mAyA sA chaNDikA matA |
bindu\-nAda\-kalA\-jyotiH shivashaktiH sushAmbhavI ||

pa~nchabIjasamAyuktA pa~nchapraNavasambhavA |
ukAravigrahA shaktiH samayA cha~nchalAmbikA ||

kaulAnvayasamudbhUte kaulikAnvayapUjite |
bhAratI chaikavIrA tvaM kulakaulAntarAlinI ||

rAjarAjeshvarI tvaM cha siMhe chaNDeshvarI mate |
svachChandA shrIbhavA proktA sA shaktirmAtR^imaNDale ||

Adi sUtrakramairyuktaM madhyasUtraM tathaiva cha |
saMvarttamaNDalAntasthe vIramAtre namo.astu te ||

kulAvalimathA vR^ikShA ambA shrInAthapAdukA |
akR^iShTaketaki tvaM cha kubje chaNDi namo.astu te ||

dUtI baTukakaumAryA bhairavI kShetrapAlakA |
siddhasa~NghaTTayoginyAM krIDate mAtR^imaNDale ||

yoginI pIThamadhyasthaM mahApIThaM sashAmbhavam |
ekavIrAkSharaM brahma sUrasiddhAlayaM param ||

haMsaparya~NkamArUDhaM trikoNaM bIjapUrakam |
ekavIrAmidaM bIjaM vAgbhavaM parameshvaram ||

tribIjaM bANasaMyuktaM trishaTkoShThadale sthitam |
tanmadhye shAmbhavI bIjamekavIraM chidAtmakam ||

trikoNAnyekabIja~ncha mAyAbIjena veShTitam |
Ananda kandakallolaM hasantaM mAtR^imaNDalam ||

brahmA viShNurmahAdeva indrAdyAshchaiva devatA |
yadbIjaM mAtR^ipIThasthaM shAmbhavaM taM namAmyaham ||

akArasyAShTamaM bIjaM shivashaktisamanvitam |
tanmadhye vastuniShkrAntaM ekavIraM sashAmbhavam ||

hR^idimadhye sthitaM padmaM hR^idi padmaM sakarNakam |
tanmadhye vastuniShkrAntamekavIraM sashambhavam ||

sarvanArIshubhatva~ncha kUTasthaM bIjamavyayam |
hakarArdhakuladharamekavIre namo.astu te ||

nityaklinne madadrAve prANajIvAtmasa~nj~nake |
hR^illeKe sachchidAnande vishveshvari namo.astu te ||

kulapa~NkajamArtaNDe haMsAkShe prANadhAriNI |
chaitanyavigrahe nitye reNukAyai namo.astu te ||

kadambagolakAkAre brahmarandhravilambinI |
sUkShmasUkShmAntare nitye reNukAyai namo.astu te ||

kenduH sravalita shaktiH ShaTchakrakramabhedinI |
brahmarandhre viniShkrAnte reNukA vyomamaNDale ||

li~NgatrayAnte niShkrAnte shUnye nAdavinigrahe |
nirAlambe nirAbhAse reNukAyai namo.astu te ||

nAbhimUleShu yA shaktiH kuNDilyAH sarparUpiNI |
ShaTchakravindunAdAnte reNukA vyomamaNDale ||

iDA pi~Ngalamadhyasthe brahmamArgapravAhinI |
mR^iNAlatanturUpeNa himAMshu nityaM chidAmbike ||

dvAsaptati\-sahasrANi nADI vR^indAni chAlayet |
soma\-sUryAgnibhinne.asi chidrUpe paramAmR^ite ||

shashikoTi samAbhAse avasIH brahmamaNDale |
achale sarvabhUtasthe rAmamAtre namo.astu te ||

antaHkaraNasambandhi nADIyantrapravAhinI |
praNavAtmaka haH samyak hR^itpraShThe pratitiShThati ||

AdhAre nAbhi madhyasthe hR^itpadma\-kaNTha\-tAluke |
prANasyAntargate sUkShme ShoDasha chaiva reNuke ||

sthAnatrayaviniShkrAnte mAtrAtrayaviniShThite |
mAtR^iketyekavIre cha vyomAtIte parAtpare ||

pIThasthe pIThamadhyasthe mAyAtIta\-parAtpare |
ha~NkArArdhakalApUrNe reNukAyai namo.astu te ||

tvayA vinaikabhedena vyApitaM sacharAcharam |
ichChA\-j~nAna\-kriyA\-shakti reNukAyai namo.astu te ||

girimadhye tathAraNye merumadhye himAchale |
nandA kAtyAyanI durge reNukAyai namo.astu te ||

svargapAtAlamartyeShu vicharantI tvanekadhA |
prachaNDayoginI chaNDe ekavIre namo.astu te ||

tejomaNDaladurdharShe sUryakoTi\-samaprabhe |
durnirIkShye durAdhAre ekavIre namo.astu te ||

aiM bIjaM vyApitaM yena vajreyaM sacharAcharam |
trailokyaM kShobhayantIM tvA mAyAbIjena reNukAm ||

tvameva paramaM jApyaM tvameva paramaM tapaH |
tvameva paramaM j~nAnaM reNukAyai namo.astu te ||

tvaM mAtA tvaM pitA bhrAtA tvaM sakhA tvaM guruprabhuH |
tvameva jagatAM dhAtrI trAhi mAM bhaktavatsale ||

adharmaH kuru te dharma dhanavAn dhanamIshvari |
ajAtiH kuru te jAtistvayAj~nA parameshvari ||

apavitraM pavitreyaM kuruShe tvaM sadAmbike |
tvameva paramaM tIrthaM traimUrtistvaM jaganmaye ||

jAtibhraShTA kulabhraShTA vratabhraShTA cha ye narAH |
ekavIrAprasAdena shuddhAste nAtra saMshayaH ||

dvijAti mlekSha paryantaM pApaM yaH kurute naraH |
tatsarvaM dahyate kShipraM reNukAdarshanena tu ||

varNAvarNo na tasyAsti tvanmArge ye yatheritam |
tIrthaM bhUtAsi mAta~NgI reNukAyai namo.astu te ||

viraje rajanImUrte nirdhUte dhUtakalmaShe |
trailokya pAvani puNye ekavIre namo.astu te ||

samano ghrANA~Nghri pANishcha dadrusphoTakameva cha |
dAridrya\-duHkha\-rogaghnIM tAM vande reNukAmaham ||

kalpadruma\-samAkhyAtA chintAmaNi\-vibhUShitA |
rejanAH kiM pashyanti reNukAM kAmadhenukAm ||

dharmArthakAmamokShANAM puruShANAM chaturvidhAm |
ekavIrAprasAdena sidhyante nAtra saMshayaH ||

sarvaM tIrthAbhiShekaM tu sarvayaj~naphalaM labheta |
AShADhe chaiva kArtikyAM reNukAdarshanena tu ||

pR^ithivyAM yAni tIrthAni samudrA saritAni cha |
ekavIrA paraM nAsti sadyaH pratyayakArakam ||

kArtikyAM kR^ittikAyoge yaH pashyantIha reNukAm |
na teShAM punarAvR^ittiH kalpakoTishatairapi ||

shrIsiMhAmalakaM deva devadevena sevitam |
muktigatA samAsAdya dvisaptatichaturmukhAH ||

devadevo tathA rudraH sambhedo bhAskarAlayam |
toyaM merustaDAgasya sadyaH pApaharANi ShaT ||

kurukShetre sakR^ittIrthe rAhugraste divAkare |
prayAgaM cha sadAtIrthaM gayA ga~NgA cha reNukA ||

AdhArabhUtanilayo lalanArUpadhAriNI |
kShudhA tR^iShA cha duHkhaghnIM tAM vande reNukAmaham ||

ye pashchimAstu ye siddhA pUrvAyai ye cha saMsthitAH |
ekavIrA paraM bIjaM shAshvataM padamavyayam ||

mAyAbIjena yA proktA ha~NkArArddhakalAsmR^itA |
sA yoniH sarvamantrANAM sA shaktiH reNukA smR^itA ||

kiM tasya bahubhirmantrairvedasiddhAntavistaraiH ||
ekavIrAmahAmantraM sarva\-kAma\-phalapradam ||

mUlamantramidaM proktaM haMsabhedena saMsthitam |
sa sAkShAd bhairave proktamekavIraM parAtparam ||

shivashaktimidaM bIjaM reNukAmidamavyayam |
sarvama~NgalamA~Ngalye pavitraM pApanAshanam ||

ya idaM paThate nityaM trisandhyaM shraddhayAnvitam |
AyurArogyamaishvaryaM padaM nirvANamApnuyAt ||

achalAM shriyAmApnoti putradArAdi sampadAm |
bhu~njate vipulAnbhogAn trailokyaM mohayeddhruvam ||

ekavIrA idaM bIjaM trailokye yaH paThennaraH |
aishvaryaM labhate rAjyaM vAgaishvaryaM cha jAyate ||

durvR^ittAnAmasheSheNa tathA duHsvapnadarshane |
rakShobhUta\-pishAchebhyo grahapIDAM vyapohati ||

reNukAparamaM stotraM ye japanti cha mAnavAH |
prApnuyAtparamAM siddhimaNimAdi guNAShTadhAm ||

mAtApurasthitA devI mAtR^ipIThodbhavA shivA |
mahAdevena saMstutya bhukti\-mukti\-phalapradAm ||

reNukAyA idaM stotraM paThiShyati dine dine |
sa gachChet paramaM sthAnaM yatra devo maheshvaraH ||

iti shrIkaulArNave shrIbhairavaproktaM reNukAstavarAjastotraM sampUrNam |

            || shrI reNukArpaNamastu ||

##
Encoded and proofread by Kaushal S. Kaloo  kaushalskaloo  at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}