॥ रेणुकास्तोत्रम् श्रीमातापुरनिवासिनी ॥

श्रीगणेशाय नमः । नमस्तेऽस्तु ते महादेवि शिवे कल्याणशाम्भवि । प्रसीद वेदविनुते जगदम्ब नमोऽस्तु ते ॥ १॥ जगतामादिभूता त्वं जगत्त्वं जगदाश्रया । एकाऽप्यनेकरूपाऽसि जगदम्ब नमोऽस्तु ते ॥ २॥ सृष्टिस्थिते विनाशानां हेतुभूते मुनिस्तुते । प्रसीद देवविनुते जगदम्ब नमोऽस्तु ते ॥ ३॥ सर्वेश्वरि नमस्तुभ्यं सर्वसौभाग्यदायिनि । सर्वशक्तियुतेऽनन्ते जगदम्ब नमोऽस्तु ते ॥ ४॥ विविधारिष्टशमनि त्रिविधोत्पातनाशिनि । प्रसीद देवि ललिते जगदम्ब नमोऽस्तु ते ॥ ५॥ प्रसीद करुणासिन्धो त्वत्तः कारुणिका परा । यतो नास्ति महादेवि जगदम्ब नमोऽस्तु ते ॥ ६॥ शत्रूञ्जहि जयं देहि सर्वान् कामांश्च देहि मे । भयं नाशय रोगांश्च जगदम्ब नमोऽस्तु ते ॥ ७॥ जगदम्ब नमोऽस्तु ते हिते जय शम्भोर्दयिते महामते । कुलदेवि नमोऽस्तु ते सदा हृदि मे तिष्ठ यतोऽसि सर्वदा ॥ ८॥ मातापुरनिवासिन्याः देव्याः स्तोत्रमिदं परम् । यः पठेत्प्रयतो भक्त्या सर्वान् कामान् स आप्नुयात् ॥ ९॥ इति श्रीवासुदेवानन्दसरस्वतीपण्डितविरचितं श्रीमातपुरवासिन्याः देव्याः स्तोत्रं सम्पूर्णम् ॥ Encoded and proofread by Kaushal S. Kaloo kaushalskaloo at gmail.com

% Text title            : reNukAstotram mAtApuravAsinI
% File name             : reNukAstotrammAtApuravAsinI.itx
% itxtitle              : reNukAstotram shrImAtApuranivAsinI
% engtitle              : Matapura Nivasini Renuka Stotram
% Category              : devii, reNukA, stotra, vAsudevAnanda-sarasvatI
% Location              : doc_devii
% Sublocation           : devii
% SubDeity              : reNukA
% Texttype              : stotra
% Author                : Vasudevananda Saraswati
% Language              : Sanskrit
% Subject               : philosophy/hinduism/religion
% Transliterated by     : Kaushal S. Kaloo kaushalskaloo at gmail.com
% Proofread by          : Kaushal S. Kaloo kaushalskaloo at gmail.com
% Indexextra            : Vasudevananda Saraswati
% Latest update         : June 18, 2013
% Send corrections to   : Sanskrit@cheerful.com
% Site access           : http://sanskritdocuments.org
This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP