% Text title            : rudrachaNDItrailokyamaMgalakavacham
% File name             : rudrachaNDItrailokyamaMgalakavacham.itx
% Category              : devii, kavacha, devI
% Location              : doc\_devii
% Transliterated by     : lalitha parameswari parameswari.lalitha at gmail.com
% Proofread by          : lalitha parameswari, NA
% Description/comments  : Rudrayamala tantra
% Latest update         : May 16, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rudrachandi Trailokyamangala Kavacham ..}##
\itxtitle{.. shrIrudrachaNDI trailokyama~Ngalakavacham ..}##\endtitles ##
           || pUrvapIThikA||
shrIpArvatyuvAcha |
devadeva ! mahAdeva ! dayAlo ! dInavatsala ! |
kena siddhiM dadAtyAshu chaNDI trailokyadurlabhA || 1||

shrImahAdeva uvAcha |
rudreNArAdhitA chaNDI mahAsiddhirbhavet tadA |
rudrarUpA rudrabhAvA rudrabhUShA sadA sthitA || 2||
rudradhyeyA rudragehA rudrANI rudravallabhA |
sarvadA varadA devI brahmaj~nAnapradAyinI || 3||
sarvapApaharA devI sarvarogakShaya~NkarI |
sarvAriShTagatairdAtrI sarvagrahanivAriNI || 4||
shivaM dehi shubhaM dehi sukhaM dehi sadA priye ! |
tuShTiM puShTiM jayArogyaM ma~NgalAnAM cha ma~Ngalam || 5||
akAlamaraNaM vApi kAle mR^ityuryadA bhavet |
chaNDIsmaraNamAtreNa mR^ityormR^ityukaraM param || 6||
j~nAtvA devagaNAH sarve chaNDyabhUd rudragehinI |
rudrachaNDI tadA khyAtA trailokye parameshvarI || 7||
rudro.abhavanmahArudrashchaNDIpAThaprasAdataH |
tadA shApaH pradAtavyaH svIyasiddhiryadA shive ! || 8||
kR^iShNenArAdhitA chaNDI kR^iShNachaNDI na siddhidA |
kR^iShNanAmadharA devI sarvatantreShu gopitA || 9||
kR^iShNachaNDI mahAdevI prANAnte na prakAshitA |
j~nAtvA chaNDIM jagat sarvaM kR^iShNashApo.abhavat tadA || 10||
tadante chaNDikAM j~nAtvA kR^iShNashApo.abhavanmudA |
svIyabhAve tadA devI abhishApaM karoti hi |
tena te svIyapApena na sid.h{}dhyanti kadAchana || 11||

shrIpArvatyuvAcha |
devadeva dInanAtha dInabandho ! dayAnidhe ! |
idAnIM vada me nAtha ! chaNDIsiddhikaraM param || 12||
vinA dhyAnaM vinA pUjAM vinA japaparAyaNam |
vinA homaM vinA mantraM vinA sAdhanasa.nj~nakam || 13||
anAyAsena sid.h{}dhyanti kenopAyena tad vada ||

shrImahAdeva uvAcha |
shR^iNu pArvati subhage ! chaNDIsiddhikaraM param |
rudradhyeyA rudrachaNDI prasannA sarvadA satI || 14||
tasyAhaM kavachaM devi ! kathayAmi shuchismite ! |
trailokye sarvadevAnAM sAdhanenaiva yat phalam || 15||
tat phalaM labhate sadyaH kavachAdhyAyamAtrataH |
shatamaShTau paThed yastu sarvasiddhIshvaro bhavet || 16||
shatAvR^ittiM paThed yo hi saptadvIpeshvaro bhavet |
pa~nchAshat pAThamAtreNa pa~nchAshadvarNasiddhaye || 17||
aShTAviMshatipAThena aShTasiddhiH kare sthitA |
ekAdasha paThed yastu rudrastasya prasannadhIH || 18||
dashavidyAH prasiddhayanti yaH paThed dashadhA shive ! |
navAvR^ittiM paThed yo hi grahadevaprasannadhIH || 19||
aShTAvR^ittiM paThed yastu aShTapAshairvimuchyate |
saptadhA pAThamAtreNa chirAyurbhavet dhruvam || 20||
paThet ShaShThaM karmabhede ShaTkarmasiddhaye dhruvam |
pa~nchamaM prapaThed yastu pa~nchAtmA cha prasannadhIH || 21||
chaturthaM prapaThed yastu chaturvedavidAM varaH |
tridhA pAThe maheshAni ! sarvashAntirbhaviShyati || 22||
pATha dvayaM kR^itaM yaddhi sarvakAmyaM prasAdhayet |
ekadhA pAThamAtreNa chaNDIsiddhirbhaviShyati || 23||
ataH paramahaM vakShye kavachaM cha parAtparam |
rakShAkaraM mahAmantraM trailokyama~NgalAbhidham || 24||
praNavo vAgbhavo mAyA tataH sadyaH sanAtanI |
sthirA mAyA tataH kAmo lajjAyugmaM tataH param || 25||
eSha navAkSharo mantraH sarvAshAparipUrakaH |
agnistambhaM jalastambhaM vAyustambhaM tataH param || 26||
bahu kiM kathyate devi ! trailokyastambhanaM bhavet |
karShayedakhilaM devi ! shoShayedakhilaM jagat || 27||
mohayedakhilAn lokAn mArayet sakalaM jagat |
vashayet sarvadevAdIn R^itubhede maheshvari ! || 28||
sarvarakShAkaro mantraH sAkShAd brahma na saMshayaH |
(navAkShara mantraH OM aiM hrIM OM krIM hlIM klIM hrIM hrIM)

 || kavachastotra ||
shikhAyAM praNavaH pAtu shirasi vAgbhavaH priye ! |
bhrUmadhye rakShate mAyA hR^idayaM kAlikA.avatu || 1||
nAbhiM pAtu sthirA mAyA tadadhaH kAma rakShatu |
li~NgamUlaM pAtu lajjA yajurguhye sadA.avatu || 2||
kaTiM pR^iShThaM kUrparaM cha skandhaM karNadvayaM tathA |
praNavo rakShate devi ! mAtR^ibhAvena sarvadA || 3||
kaNThaM galaM cha chibukaM oShThadvayaM tataH param |
dantaM jihvAM tathA randhraM tadante mukhamaNDalam || 4||
vAgbhavo rakShate devi ! pitR^ibhAvena sarvadA |
nAsikAM hanuyugmaM cha chakShuShI bhrUyugaM tathA || 5||
lalATaM cha kapAlaM cha chandrasUryA.agnimaNDalam |
sarvadA rakShate mAyA shaktirUpe maheshvari ! || 6||
bAhudvayaM tataH sarvaM pa~njaraM hR^idimaNDalam |
rakShate kAlikAvIjaM kanyArUpeNa sarvadA || 7||
udaraM mUladeshaM cha chaNDike ! tvaM sadA.avatu |
raktaM mAMsaM tathA majjA shukrANi meda eva cha || 8||
rakShellajjA shaktirUpe saguNA paramA kalA |
nakhakeshAni sarvANi yajuH pAtu sadA priye ! || 9||
sarvA~NgaM rakShate chaNDI sarvamantraM sakIlakam |
AtmA parAtmA jIvAtmA chaNDikA pAtu sarvadA || 10||
sAdhane chaNDikA pAtu sajj~nAnaM chaNDikA.avatu |
satsa~NgaM chaNDikA pAtu sadyogaM chaNDikA.avatu || 11||
satkathAM chaNDikA rakShet sachchintAM chaNDikA.avatu |
pUrvasyAM chaNDikA pAtu AgneyyAM chaNDikA.avatu || 12||
dakShiNasyAM tathA chaNDI sarvadA parirakShatu |
nairR^ityAM chaNDikA rakShet pashchime chaNDikA.avatu || 13||
vAyavyAM chaNDikA pAtu uttare chaNDikA.avatu |
aishAnyAM chaNDikA pAtu UrdhvAdhashchaNDikA tathA || 14||
chaNDikA rakShate kanyAM sutaM strIM chaNDikA.avatu |
bhrAtaraM bhaginIM sarvaM chaNDikA rakShate sadA || 15||
bandhuvargakuTumbAni dAsIdAsaM tataH param |
rakShate chaNDikA devI mAtR^ibhAvAnmaheshvarI || 16||
gajavAjigavAn sarvAn jantUnAM sarvaparvasu |
rakShate chaNDikA devI svIyabhAvena shAmbhavI || 17||
vAstuvR^ikShAdikaM sarvaM chaNDikA rakShate sadA |
sainyaM svasainyavargANAM chaNDikA parirakShatu || 18||
shmashAne prAntare.araNye chaNDikA pAtu sarvadA |
rAjadvAre raNe ghore parvate vA jale sthale || 19||
agnivajrAdiduryoge vivAde shatrusa~NkaTe |
chaNDikA pAtu sarvatra yathA dhenuH sutaM prati || 20||
iti te kathitaM kAnte ! trailokyama~NgalAbhidham |
trailokyama~NgalaM nAma kavachaM parikathyate || 21||


 || phalashruti ||
idaM kavachamaj~nAtvA rudrachaNDIM paThed yadi |
siddhirna jAyate tasya kalpakoTishatairapi || 22||
idaM kavachamaj~nAtvA chaNDIpAThaM karoti yaH |
viparItaM bhavet sarvaM vighnastasya pade pade || 23||
tadanantaM bhavet sarvaM kavachAdhyAyamAtrataH |
dhAraNe kavachaM devI phalasa~NkhyAprapUrakam || 24||
tatraiva kavachaM devi ! sarvAshAparipUrakam |
pa~nchavaktreNa kathitaM kiM  mayA kathyate.adhunA || 25||
bhUrje gandhAShTakenaiva likhet tu kavachaM shubham |
samantraM kavachaM devi ! svamantrapuTitaM tataH || 26||
gotraM nAma tataH kAmaM punarmantraM likhet priye ! |
aShTamyAM cha chaturdashyAM pakShayorubhayorapi || 27||
prANapratiShThAmantreNa pratiShThAM kurute tataH |
pUjayed vidhiyuktena pa~nchA~NgaM tadanantaram || 28||
evaM te dhArayed yastu sa rudro nAtra saMshayaH |
kaNThe vA dakShiNe bAhau hR^innAbhikaTideshataH || 29||
yoShid vAmabhuje dhR^itvA sAkShAt kAlI na saMshayaH |
dhanaM putraM jayArogyaM yad yanmanasi kAmadam || 30||
tattat prApnoti deveshi ! nishchitaM mama bhAShitam |
na sandeho na sandeho na sandehaH kadAchana || 31||
deyaM shiShTAya shAntAya gurubhaktiratAya cha |
shaktidhyeyAH shaktaratAH shaktiprANAH sadAshayAH || 32||
evaM tallakShaNairyuktaM kavachaM dIyate kvachit |
nityaM pUjA prakartavyA kavachaM paramaM shive ! || 33||
ashaktau parameshAni ! puShpadhUpaM pradApayet |
tasya dehe tasya gehe chaNDikA tvachalA bhavet || 34||
khale duShTe shaThe mUrkhe dAmbhike nindake tathA |
shaktinindAM shaktihiMsAM yaH karoti saH pAmaraH || 35||
eteShAM parameshAni ! sukR^itirna kadAchana |
na dadyAt kavachaM devi ! yadIchChedAtmano hitam || 36||
datte cha siddhihAniH syAd datte cha shivahA bhavet || 37||

|| shrIrudrayAmalatantre shrIpArvatIrahasye trailokyama~NgalaM
nAma rudrachaNDIkavachaM sampUrNaM shubhaM bhUyAt ||

##
Proofread by Lalitha Parameswari parameswari.lalitha at gmail.com, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}