% Text title            : Sarasvata Giti Stotram
% File name             : sArasvatagItistotram.itx
% Category              : devii, sarasvatI
% Location              : doc\_devii
% Proofread by          : Vani V
% Description/comments  : Sanskrit Bharati Jan-Mar 1920 Vol 3, No 1 p 4 (16)
% Latest update         : March 18, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sarasvata Giti Stotram ..}##
\itxtitle{.. sArasvatagItistotram ..}##\endtitles ##
bhAratanandanavandanananditA viharati bhAratI navavanabhavane |
charaNakamaladalaparimalamadhuritamadhukararavamukharitamadhupavane ||
janamanora~njanagu~njanaga~njanavINAnAdanajitasuravanasadane |
pikakulakalakalakalayitakisalayachalitachamaravR^itasarasijavadane ||
haMsaviDambitahaMsakashi~njanadhUnitapu~njitasitavanakamale |
shashadhararuchiharamukharuchidhavalitadhavalaradanaruchishuchikaravimale ||
bhUShitasitatanva~NgAH shvetasarojamaNDite |
bhAratyA bhAratAraNye bhAratI bhAnti bhAratiH || 1||
pralayAmbunidhau purA mamau na viri~nchimukhAmbujodgatA |
tanunAdamayI cha yattanurnanu sAdya vane.api shobhate || 2||
shvetahaMsakamalAsanA sitA shvetavarNaparidhAnamaNDanA |
vyajyate madhuravallakIravai raktapAdakamalAbhayA param || 3||
taruniShaNNAprasavapikArutaM madhusamIrasamIraNacha~nchalam |
shishirasAndrapratandriprabodhitaM virachitaM svadR^isheva tayA vanam || 4||
kvaNadvipa~nchImalima~njugu~njanairmarAlanAdaiH padanUpuradhvanim |
vimishrayantI pavanAvadhUnanachChalena vANI madhuraM pranR^ityati || 5||
chalakisalayalInAH kokilA vItarAgA
      viShayiNA iva bhR^i~NgA mAdhavIgandhamugdhAH |
lalitamalayavAtAH premikA lokapAlA
      vanabhavanamupetA bhAratIvandanArtham || 6||
puNyaM tat kAnanaM dhanyaM vareNyaM ma~NgalAvaham |
sakhIvallapato lakShmIbhAratyau yatra saMsthite || 7||
kA tvaM vANI mR^igaya vadanaM shvetapadmAsanAhaM
      nIrAdhAraM vraja vada rame ! nAma te cha~nchalAham |
yatrAsi tvaM na cha mama gatiH pashya lole ! niku~njaM
      bhAShAkAntisphuritavibhavaM pAntu vANyo jananyoH || 8||
vedA yasyAH kirITaH kamalanayanayo ra~njanaM darshanAni
      svA~Nge puNyaM sushubhraM suruchiravasanaM nUpuraM nR^ityagItam |
kAvyaM hArashcha kaNThe ruchirabhujayuge kaM~NkaNaM brahmacharyaM
      yodbhAsA brahmavidyA kaTitaTarashanA bhUShaNaiH kinnu tasyAH || 9||
dhyeyA nityaM hariharavidhidhyAtamUrtiH prasannA
      j~neyA nityaM saphalavibudhaj~nAnadAtrI cha dhAtrI |
geyaM nAma praNavamadhuraM sarvaktisvarUpaM
      peyaM tasyAH padakamalayoH syandanaM mAkarandam || 10||
hR^itku~nje chenna vasati jananI ma~njuku~njAsanaiH kiM
      bhaktishchenna prasarati paramA chandanairnandanaiH kim |
nIraM chenno galati nayanayoH puNyaga~NgodakaiH kiM
      pratya~NgaM chenna lasati pulakaiH dhyAnamantrAdibhiH kim || 11||
kAruNyaikanidhiH vidhipratinidhiH j~nAnAmbudhiH puNyadhI\-
      rnItichChannavidhiH samAdhimadhurastIvrAdhisambAdhanaH |
yasyA netramaNiprabhAkanakito nUnaM bhaved bAlisha
      shchittAnandalasanmarAlaramaNAM vande jagadvanditAm || 12||
aj~nAnadhvAntarAshiM sphuradamalavapUrochiShA nAshayantIM
      vINAgAnaiH narANAM yugashatavitatAM nodayantIM prasuptim |
bhaktAlIna shrIpadAnte sarasijarajasA lAsayantIM salIlaM
      vande.anindyAM praphullAM tribhuvanajananIM bhAratImiShTadevIm || 13||
mAtaH !
na jAne vidhAnaM na mantraM na yogaM
      na yAche vidagdhAdR^itaM pAdapadmam |
tvadutsa~NgalInastvaho nAmagItaiH
      kadA dIrghakAlaM sadA yApayAmi || 14||

iti sArasvatagItistotraM sampUrNam |

##
Encoded and proofread by Vani V.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}