% Text title : Savitri or Gayatri Panjarastotram % File name : sAvitrIpanjarastotram.itx % Category : devii, gAyatrI, panjara, devI % Location : doc\_devii % Transliterated by : NA % Proofread by : PSA Easwaran psaeaswaran at gmail.com % Latest update : March 24, 2017 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Savitri or Gayatri Panjarastotram ..}## \itxtitle{.. sAvitrIpa~njarastotram athavA gAyatrIpa~njarastotram ..}##\endtitles ## shrIgaNeshAya namaH || bhagavantaM devadevaM brahmANaM parameShThinam | vidhAtAraM vishvasR^ijaM padmayoniM prajApatim || 1|| shuddhasphaTikasa~NkAshaM mahendrashikharopamam | baddhapi~NgajaTAjUTaM taDitkanakakuNDalam || 2|| sharachchandrAbhavadanaM sphuradindIvarekShaNam | hiraNmayaM vishvarUpamupavItAjinAvR^itam || 3|| mauktikAbhAkShavalayastantrIlayasamanvitaH | karpUroddhUlitatanuH sraShTurnayanavardhanam || 4|| vinayenopasa~Ngamya shirasA praNipatya cha | nAradaH paripaprachCha devarShigaNamadhyagaH || 5|| nArada uvAcha | bhagavan devadevesha sarvaj~na karuNAnidhe | shrotumichChAmi prashnena bhogamokShaikasAdhanam || 6|| aishvaryasya samagrasya phaladaM dvandvavarjitam | brahmahatyAdipApaghnaM pApAdyaribhayApaham || 7|| yadekaM niShkalaM sUkShmaM nira~njanamanAmayam | yatte priyatamaM loke tanme brUhi pitarmama || 8|| brahmovAcha | shR^iNu nArada vakShyami brahmamUlaM sanAtanam | sR^iShTyAdau manmukhe kShiptaM devadevena viShNunA || 9|| prapa~nchabIjamityAhurutpattisthitihetukam | purA mayA tu kathitaM kashyapAya sudhImate || 10|| sAvitrIpa~njaraM nAma rahasyaM nigamatraye | R^iShyAdikaM cha digvarNaM sA~NgAvaraNakaM kramAt || 11|| vAhanAyudhamantrAstraM mUrtidhyAnasamanvitam | stotraM shR^iNu pravakShyAmi tava snehAchcha nArada || 12|| brahmaniShThAya deyaM syAdadeyaM yasya kasyachit | Achamya niyataH pashchAdAtmadhyAnapuraHsaram || 13|| omityAdau vichintyAtha vyomahaimAbjasaMsthitam | dharmakandagataj~nAnamaishvaryAShTadalAnvitam || 14|| vairAgyakarNikA.a.asInAM praNavagrahamadhyagAm | brahmavedisamAyuktAM chaitanyapuramadhyagAm || 15|| tattvahaMsasamAkIrNAM shabdapIThe susaMsthitAm | nAdabindukalAtItAM gopurairupashobhitAm || 16|| vidyAvidyAmR^itatvAdiprakArairabhisaMvR^itAm | nigamArgalasa~nchChannAM nirguNadvAravATikAm || 17|| chaturvargaphalopetAM mahAkalpavanaivR^itAm | sAdrAnandasudhAsindhunigamadvAravATikAm || 18|| dhyAnadhAraNayogAditR^iNagulmalatAvR^itAm | sadasachchitsvarUpAkhyAM mR^igapakShisamAkulAm | vidyAvidyAvichAratvAllokAlokAchalAvR^itAm || 19|| avikArasamAshliShTanijadhyAnaguNAvR^itAm | pa~nchIkaraNapa~nchotthabhUtatattvaniveditAm || 20|| vedopaniShadarthAkhyadevarShigaNasevitAm | itihAsagrahagaNaiH sadArairabhivanditAm || 21|| gAthApsarobhiryakShaishcha gaNakinnarasevitAm | nArasiMhapurANAkhyaiH puruShaiH kalpachAraNaiH || 22|| kR^itagAnavinodAdikathAlApanatatparAm | tadityavA~NmanogamyatejorUpadharAM parAm || 23|| jagataH prasavitrIM tAM savituH sR^iShTikAriNIm | vareNyamityannamayIM puruShArthaphalapradAm || 24|| avidyAvarNavarjyAM cha tejovadgarbhasaMj~nikAm | devasya sachchidAnandaparabrahmarasAtmikAm || 25|| dhImahyahaM sa vai tadvadbrahmAdvaitasvarUpiNIm | dhiyo yo nastu savitA prachodayAdupAsitAm || 26|| paro.asau savitA sAkShAdenonirharaNAya cha | paro rajasa ityAdi paraM brahma sanAtanam || 27|| Apo jyotiriti dvAbhyAM pA~nchabhautikasaMj~nakam | raso.amR^itaM brahmapadaistAM nityAM tapinIM parAm || 28|| bhUrbhuvaHsuvarityetairnigamatvaprakAshikAm | maharjanastapaHsatyalokoparisusaMsthitAm || 29|| tAdR^igasyA virADrUpakirITavararAjitAm | vyomakeshAlakAkAsharahasyaM pravadAmyaham || 30|| meghabhrukuTikAkrAntavidhiviShNushivArchitAm | gurubhArgavakarNAntAM somasUryAgnilochanAm || 31|| iDApi~NgalasUkShmAbhyAM vAyunAsApuTAnvitAm | sandhyAdviroShThapuTitAM lasadvAgbhUpajihvikAm || 32|| sandhyAsau dyumaNeH kaNThalasadbAhusamanvitAm | parjanyahR^idayAsaktavasusustanamaNDalAm || 33|| AkAshodaravitrastanAbhyavAntaradeshakAm | prajApatyAkhyajaghanAM kaTIndrANIti saMj~nikAm || 34|| UrU malayamerubhyAM shobhamAnAsuradviSham | jAnunI jahnukushikavaishvadevasadAbhujAm || 35|| ayanadvayaja~NghAdyakhurAdyapitR^isaMj~nikAm | padA~NghrinakharomAdyabhUtaladrumalA~nChitAm || 36|| graharAshyR^ikShadevarShimUrtiM cha parasaMj~nikAm | tithimAsartuvarShAkhyasuketunimiShAtmikAm || 37|| ahorAtrArdhamAsAkhyAM sUryAchandramasAtmikAm | mAyAkalpitavaichitryasandhyAchChAdanasaMvR^itAm || 38|| jvalatkAlAnalaprakhyAM taDitkoTisamaprabhAm | koTisUryapratIkAshAM chandrakoTisushItalAm || 39|| sudhAmaNDalamadhyasthAM sAndrAnandAmR^itAtmikAm | prAgatItAM manoramyAM varadAM vedamAtaram || 40|| charAcharamayIM nityAM brahmAkSharasamanvitAm | dhyAtvA svAtmani bhedena brahmapa~njaramArabhet || 41|| pa~njarasya R^iShishchAhaM Chando vikR^itiruchyate | devatA cha paro haMsaH parabrahmAdhidevatA || 42|| praNavo bIjashaktiH syAdoM kIlakamudAhR^itam | tattattvaM dhImahi kShetraM dhiyo.astraM yaH paraM padam || 43|| mantramApo jyotiriti yonirhaMsaH sabandhakam | viniyogastu siddhyarthaM puruShArthachatuShTaye || 44|| tatastaira~NgaShaTkaM syAttaireva vyApakatrayam | pUrvoktadevatAM dhyAyet sAkAraguNasaMyutAm || 45|| pa~nchavaktrAM dashabhujAM tripa~nchanayanairyutAm | muktAvidrumasauvarNAM sitashubhrasamAnanAm || 46|| vANIM parAM ramAM mAyAM chAmarairdarpaNairyutAm | ShaDa~NgadevatAmantrai rUpAdyavayavAtmikAm || 47|| mR^igendramR^igapakShIndramR^igahaMsAsane sthitAm | ardhendubaddhamukuTakirITamaNikuNDalAm || 48|| ratnatATa~NkamA~NgalyaparagraiveyanUpurAm | a~NgulIyakakeyUraka~NkaNAdyairala~NkR^itAm || 49|| divyasragvastrasa~nchChannaravimaNDalamadhyagAm | varAbhayAbjayugalAM sha~NkhachakragadA~NkushAn || 50|| shubhraM kapAlaM dadhatIM vahantImakShamAlikAm | gAyatrIM varadAM devIM sAvitrIM vedamAtaram || 51|| AdityapathagAminyAM smaredbrahmasvarUpiNIm | vichitramantrajanarnIM smaredvidyAM sarasvatIm || 52|| tripadA R^ihmayI pUrvAmukhI brahmAstrasaMj~nikA | chaturviMshatitattvAkhyA pAtu prAchIM dishaM mama || 53|| chatuShpAdayajurbrahmadaNDAkhyA pAtu dakShiNAm | ShaTtrishattattvayuktA sA pAtu me dakShiNAM disham || 54|| pratya~NmukhI pa~nchapadI pa~nchAshattattvarUpiNI | pAtu pratIchImanishaM sAmabrahmashiro.a~NkitA || 55|| saumyA brahmasvarUpAkhyA sAtharvA~NgirasAtmikA | udIchIM ShaTpadA pAtu chatuHShaShTikalAtmikA || 56|| pa~nchAshattattvarachitA bhavapAdA shatAkSharI | vyomAkhyA pAtu me chordhvAM dishaM vedA~NgasaMsthitA || 57|| vidyunnibhA brahmasaMj~nA mR^igArUDhA chaturbhujA | chApeShucharmAsidharA pAtu me pAvakIM disham || 58|| brAhmI kumArI gAyatrI raktA~NgI haMsavAhinI | bibhratkamaNDalvakShasrakstruvAnme pAtu nairR^itIm || 59|| chaturbhujA vedamAtA shuklA~NgI vR^iShavAhinI | varAbhayakapAlAkShasragviNI pAtu vAruNIm || 60|| shyAmA sarasvatI vR^iddhA vaiShNavI garuDAsanA | sha~NkhArAbjAbhayakarA pAtu shaivIM dishaM mama || 61|| chaturbhujA vedamAtA gaurA~NgI siMhavAhanA | varAbhayAbjayugalairbhujaiH pAtvadharAM disham || 62|| tattatpArshvasthitAH svasvavAhanAyudhabhUShaNAH | svasvadikShu sthitAH pAntu grahashaktya~NgadevatAH || 63|| mantrAdhidevatArUpA mudrAdhiShThAna devatA | vyApakatvena pAtvasmAnApahR^ittalamastakI || 64|| tatpadaM me shiraH pAtu bhAlaM me savituHpadam | vareNyaM me dR^ishau pAtu shrutIrbhagaH sadA mama || 65|| ghrANaM devasya me pAtu pAtu dhImahi me mukham | jihvA mama dhiyaH pAtu kaNThaM me pAtu yaHpadam || 66|| naHpadaM pAtu me skandhau bhujau pAtu prachodayAt | karau me cha paraH pAtu pAdau me rajase.avatu || 67|| asau me hR^idayaM pAtu mama madhyaM sadAvatu | OM me nAbhiM sadA pAtu kaTiM me pAtu me sadA | omApaH sakthinI pAtu guhyaM jyotiH sadA mama || 68|| UrU mama rasaH pAtu jAnunI amR^itaM mama | ja~Nghe brahmapadaM pAtu gulphau bhUH pAtu me sadA || 69|| pAdau mama bhuvaH pAtu suvaH pAtvakhilaM vapuH | romANi me mahaH pAtu romakaM pAtu me janaH || 70|| prANAMshcha dhAtutattvAni tadIshaH pAtu me tapaH | satyaM pAtu mamAyUMShi haMso shuddhiM cha pAtu me || 71|| shuchivat pAtu me shukraM vasuH pAtu shriyaM mama | matiM pAtvantarikShaM saddhotA dAnaM cha pAtu me || 72|| vediShat pAtu me vidyAmatithiH pAtu me gR^iham | dharmaM duroNasat pAtu nR^iShat pAtu sutAnmama || 73|| varasat pAtu me bhAryAM mR^itasat pAtu me sutAn | vyomasatpAtu me bandhUn bhrAtRRInabjAshcha pAtu me || 74|| pashUnme pAtu gojAshcha R^itajAH pAtu me bhavam | sarvaM me adrijAH pAtu yAnaM me pAtvR^itaM sadA || 75|| anuktamatha yatsthAnaM sharIre.antarbahishcha yat | tatsarvaM pAtu me nityaM haMsaH so.ahamaharnisham || 76|| idaM tu kathitaM samya~N mayA te brahmapa~njaram | sandhyayoH pratyahaM bhaktyA japakAle visheShataH || 77|| dhArayed.hdvijavaryo yaH shrAvayedvA samAhitaH | sa viShNuH sa shivaH so.ahaM so.akSharaH sa virAT svarAT || 78|| iti vasiShThasaMhitAyAM brahmanAradasaMvAde sAvitrIpa~njarastotraM athavA gAyatrIpa~njarastotraM sampUrNam || ## Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}