% Text title            : Sadashivashakini Kavacham
% File name             : sadAshivashAkinIkavacham.itx
% Category              : devii, ShaTchakrashakti, kavacha, shiva, devI
% Location              : doc\_devii
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sadashivashakini Kavacham ..}##
\itxtitle{.. sadAshivashAkinIkavacham ..}##\endtitles ## 
atha saptatitamaH paTalaH
shrIAnandabhairava uvAcha
kathitaM shAkinIsAraM sadAshivaphalodayam |
shrutaM paramakalyANaM bhedabhAShAkramodayam || 70\-1||
idAnIM shrotumichChAmi kavachaM sAradurlabham |
yasya vij~nAnamAtreNa bhavet sAkShAt sadAshivaH || 70\-2||
vada kAnte shabdamayi yadi sneho.asti mAM prati |
AnandabhairavaM natvA sovAchAnandabhairavI || 70\-3||
shrIAnandabhairavI uvAcha
guroH paramakalyANaM kavachaM kathaye tava |
sadAshivasya shAkinyA bhairavAnandavigraha || 70\-4||
shR^iNuShva kAmadaM nAmAdbhutaM kavachama~Ngalam |
trailokyasArabhUtaM cha sarvaj~nAnavivardhanam || 70\-5||
sarvamantraughanikaraM j~nAnamAtreNa sid.hdhyati |
sarvagUDhapriyAnandaM sAmarasyaM kulAntaram || 70\-6||
prachaNDachaNDikAtulyaM sarvanirNayasAkShiNam |
sarvabuddhikarAnandaM kulayogimanogatam || 70\-7||
rAmasevyaM shivaM shambhusevitaM viShanAshanam |
aprakAshyaM mahAyogaM dhanArogyavivardhanam || 70\-8||
sarvasaubhAgyajananaM sarvAnandakaraM param |
sarvatantradurlabhaM yat kathitaM rudrayAmale || 70\-9||
viniyogakathanaM
asya shrIshAkinIsadAshivakAmanAnAmamahAkavachasya
sadAshivaR^iShirgAyatrIchChandaH shAkinI devatA
sakalaharIM jIvabIjaM mAyAstrashaktiH kAmasvAhA kIlakaM vajraM
daMShTrAghoraghargharAmahogrAshAkinIshaktiH sadAshivamahAmantrasiddhaye
viniyogaH |

OM prabhAvA sadA pAtu mahAkAshAdhishAkinI |
triguNA chaNDikA pAtu krodhadaMShTrA karAlinI || 70\-10||
anantA.anantamahimA mahAstradalapa~Nkajam |
pUrvAhNaM pAtu satataM gAyatrI savitA mama || 70\-11||
AkAshavAhinI devI shiroma~Ngalamadbhutam |
sarvadA pAtu me guhyaM li~NgaM chakraM sudhAmayam || 70\-12||
mahAmaNDalamadhyasthA pAtu me bhAlamaNDalam |
sahasrashatakoTInduyoginIgaNamaNDalam || 70\-13||
mahAchakreshvarI pAtu mahAchakreshvaro mama |
mukhAbjaM chaNDikA devI dantAvalimanantakaH || 70\-14||
jihvAgraM tAlumUlasthA tAlumUlaM manojavaH |
tIkShNadaMShTrA dantamadhyaM kaNThAgraM chibukaM shivaH || 70\-15||
sadA pAtu ShoDashAraM shAkinI shrIsadAshivaH |
kaNThamadhyasthitaM pAtu mahAmohavinAshinI || 70\-16||
pretarAjaH sadA pAtu mahAdevI svapa~Nkajam |
vidyAdevI mahAshaktiH kUTasthAnaM sadAshivaH || 70\-17||
mahAkAshAvalaghnI me dhUmrAM bhoja~ncha dhUrjaTI |
kaumudI paTalA~NgI me varNaShoDashasa.nj~nakam || 70\-18||
akArAdikAntavarNAn shrIdevI paripAtu me |
hemachitrarathasthA me chitriNI pAtu me madhu || 70\-19||
aparNA yA vishuddhaM me ShoDashI ShoDashAkShyakam |
pa~nchadurgA sahadevaH pratyekaM pAtu me dalam || 70\-20||
dIpamAsahalkIM me pravarA pAtu me balA |
vyApinI chAnavachChinnA pAtu me dalamaNDalam || 70\-21||
akAlatAriNI durgA shukraM chakraM sadAvatu |
shAkinIsho mahAmAyA parivArAnvitA.avatu || 70\-22||
pa~ncharashminIlakaNTho madhupUraM svapIThakam |
sadA pAtu kaNThapa~NkeruhAshrayasvarAnapi || 70\-23||
kaNThasvargaH sadA pAtu kandarpesho manogatiH |
shAkinI shAkavibhavA shAkeshI shAkasambhavA || 70\-24||
shAkambharIshvarA pAtu sumanA dalaShoDasham |
sadAshivaH sadA pAtu parivAragaNaiH saha || 70\-25||
hR^idayaM shAkinI devI shiraHsthAnaM sadAvatu |
kAkinIsahitaM pAtu dvAdashAraM kuleshvarI || 70\-26||
daladvAdashakaM pAtu kAmanAthaH sadAshivaH |
abhedarUpiNI pAtu kAdiThAntAkSharaM mama || 70\-27||
vANI me hR^idayagranthirdeshaM tu kapileshvaraH |
pAyAnmeghaM cha sUryAsyA vimAyA hR^itsu karNikAm || 70\-28||
tAlahastA mahAvANI pAtu me hR^idayAntaram |
shoShiNI mohinI vahniH pAtu me hR^idayAmbujam || 70\-29||
pilApippalAdesho ratirme hR^idayepsitam |
yoginIkuladantashcha pAtu me hR^itsvarAnapi || 70\-30||
kekaresho gUDhasa.nj~nA vajradhArI hR^idambujam |
ekali~NgI sadA pAtu hR^idayAntaH shivaM mama || 70\-31||
tadadho maNDalaM pAtu bhedAbhedavivarjitA |
akAlalakShaNaH pAtu pAshinI nAbhimaNDalam || 70\-32||
kAlakUTasvarUpo me nAbhipadmaM prapAtu me |
chandrachUDA vidhumukhI shAkinI me dashAmbujam || 70\-33||
trivR^ittAkAramudrA me pAtu rudrashcha lAkinIm |
trikhaNDArohaNaH pAtu DAdiphAntAkSharAnapi || 70\-34||
kAlikA kapilA kR^iShNA ghanAvAlA kapAlinI |
lalitA tAriNI sarvAM mahAmAyA dashachChadam || 70\-35||
paripAtu kAmadurgA lAkinI pAtu me sadA |
sadAshivaH pAtu nityaM maNipUraM kulasthalam || 70\-36||
jADyanAshakarI durgA muNDamAlAvibhUShitA |
mAM pAtu saptarodhAtmA keshaveshI mahApadam || 70\-37||
abhayA chaNDikA kR^iShNA kAlikA kulapaNDitA |
vajravarNA dhAraNAkhyA dharA dhAtrI kShamA ramA || 70\-38||
vAsukI vasudhA vAchyA sarvANI sarvama~NgalA |
pArvatI sarvashaktisthA pArvaNe paripAtu mAm || 70\-39||
raNe rAjakule dyUte vAde mAnApamAnake |
gehe.araNye prAntare cha jale chAnalamadhyake || 70\-40||
sarvANI sarvadA pAtu mahAtantrArthabhUShitA |
vijayA padminI jAyA jAnakI kamalAvatI || 70\-41||
etAH pAntu digvidikShu mahApAtakanAshanAH |
antaraM pAtu li~NgasthA li~NgamUlAmbujaM mama || 70\-42||
karNikAM pAtu satataM kA~nchIpIThasthitA shivA |
ativegAnvitA pAtu vahnimaNDalameva me || 70\-43||
rAkShasIshA sadA pAtu jambudvIpanivAsinI |
jAhnavI bhAskarA maunA malayasthA malA~NgajA || 70\-44||
matitaptA pApahantrI paripAtu vibhAkarI |
layasthAnaM sadA pAtu ku~njareshvarasaMsthitA || 70\-45||
viMshatyarNamahAvidyA lambamAnA kulasthalI |
mandire pAtu mAM nityaM vittasaMhArakAriNI || 70\-46||
anantashayanA pAtu vaTamUlanivAsinI |
pralaye mAM kAlI pAtu vaTapatranivAsinI || 70\-47||
kevalAkhyA sadA pAtu mahAkUrchasvarUpiNI |
AyurArogyadAtrI me dhanaM rAjyaM sadAvatu || 70\-48||
kAmarUpaM gR^ihaM pIThaM paripAtu mahAbalA |
balAkA ghoradaMShTrA me udaraM pAtu sarvadA || 70\-49||
sarvarogaharA pAtu muNDamAlAvibhUShitA |
Anando nandanAtho me hR^idUrdhvAbjaM sadA.avatu || 70\-50||
ShaTpadmaM sarvadA pAtu nAnArUpavihAriNI |
akala~NkA nirAdhArA nityapuShTA nirindriyA || 70\-51||
ShoDashordhvaM mahApadmaM dvidalaM pAtu sarvadA |
digvidikShu sadA pAtu shAkinyAdyaShTashaktayaH || 70\-52||
atiguptasthalaM pAtu pApanAshakarI parA |
kShAlanAkhyA li~Ngaguhye pAtu me pAvanaM prabhA || 70\-53||
viprachittA koTarAkShI lipibhUtA sarasvatI |
chaturdalaM sadA pAtu vibhUtiH kAmayA saha || 70\-54||
pAntu vidyAH sadaitAshcha ripupakShavinAshanAH |
kaTideshaM sadA pAtu chAmuNDA shUladhAriNI || 70\-55||
trinetrA sarvadA pAtu bhUrbhuvaHsvaHsvarUpiNI |
vasantAdikalAH pAntu pAmarograpratApinI || 70\-56||
ShaDbhujA sarvadA pAtu vedahastA prapAtu mAm |
atividyA sarvavidyA chaNDavidyA prapAtu mAm || 70\-57||
vAruNI madirA pAtu sarvA~NgaM shAkinI mama |
gR^ihodarI sadA pAtu sarvA~NgaM vajradhAriNI || 70\-58||
ulkAmukhI sadA pAtu bhR^iguvaMshasamudbhavA |
akAlatAriNI durgA lalitA dharmadhAriNI || 70\-59||
viMshatyarNA mahAvidyA sarvatra sarvadA.avatu |
hasakalaharIM vidyA paripAtu sadAshivA || 70\-60||
sahasravadanA vANI paripAtu jalodarI |
jalarUpA sadA pAtu mahojjvalakalevarA || 70\-61||
ShoDashI sakalaharIM sarvANI pAtu pArvatI |
mahAmattA sadA pAtu kAmanAthaprapUrakA || 70\-62||
vAmadevI sadA pAtu sarvA~Nge dehadevatA |
kAmapIThasthitA durgA parivAragaNAvR^itA || 70\-63||
sadAshivaH sadA pAtu sAmavedasvarUpagA |
shmashAnavAsinI devI mahAkAlasamanvitA || 70\-64||
AryA devI sadA pAtu mAtA pAtu mahAkalA |
sarvatra kapilA pAtu mahAbhagavatIshvarI || 70\-65||
phalashrutikathanaM
 iti te kathitaM nAtha mahAvidyAphalapradam |
kavachaM durlabhaM loke tava snehAt prakAshitam || 70\-66||
atiguhyataraM j~nAnaM kavachaM sarvasiddhidam |
amalodArachittaH san pUjayitvA sadAshivam || 70\-67||
tathA shrIshAkinIdevyAH pUjanaM sumahatphalam |
rAjyadaM dhanadaM vA~nChAsiddhidaM dharmasiddhidam || 70\-68||
vAchAM siddhiM kare prApya aShTasiddhiH kare bhavet |
kAkinIdarshanaM prApya shAkinIdarshanaM bhavet || 70\-69||
mantrasiddhiM tantrasiddhiM kriyAsiddhiM labhed dhruvam |
AkAshagAminI siddhiH kare tasya virAjate || 70\-70||
puruSho dakShiNe bAhau yoShidvAmabhuje tathA |
dhR^itvA kavacharAjaM tu rAjatvaM labhate dhruvam || 70\-71||
mahApAtakakoTIshcha hatvA rAjatvamAlabhet |
vane vR^ikShatale.ashvatthamUle sthitvA paThed yadi || 70\-72||
trisandhyaM dashadhA japtvA shatadhA vA sahasradhA |
sa bhavet kalpavR^ikShesho bhUmIsho nAtra saMshayaH || 70\-73||
koTivarShasahasrANi chirajIvI sa yogirAT |
mahAsiddho bhaved dhImAn mahApAtakanAshakR^it || 70\-74||
mAsArdhena bhaved yogyo vipro guNasamanvitaH |
varShaikeNa kShatriyashcha vaishyo varShachatuShTaye || 70\-75||
shUdro dvAdashavarSheNa yogI bhavati pAThataH |
evaM mahAphalaM nityaM kavachaM yaH paThet sudhIH || 70\-76||
bhogamokShau kare tasya kimanyairbahubhAShitaiH || 70\-77||

iti shrIrudrayAmale uttaratantre mahAtantroddIpane siddhamantraprakaraNe
ShaTchakraprakAshe bhairavabhairavIsaMvAde sadAshivashAkinIkavachaphalAdesho
nAma saptatitamaH paTalaH || 70||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}