% Text title            : Shri Sarasvati Dashashloki Stotram 08 25
% File name             : sarasvatIdashashlokIstotram.itx
% Category              : devii, devI, stotra, sarasvatI, dashaka
% Location              : doc\_devii
% Proofread by          : Rajesh Thyagarajan
% Description/comments  : From stotrArNavaH 08-25
% Latest update         : August 15, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sarasvati Dashashloki Stotram ..}##
\itxtitle{.. shrIsarasvatIdashashlokIstotram ..}##\endtitles ##
R^iShaya UchuH\-
kathaM sArasvataprAptiH kena dhyAnena suvrata |
mahAsarasvatI yena tuShTA bhavati tadvada || 1||
AshvalAyana uvAcha\-
shR^iNvantu R^iShayaH sarve guhyAdguhyatamaM mahat |
dashashlokIstutimimAM vadAmi dhyAnapUrvakam || 2||
a~NkushaM chAkShasUtraM cha pAshaM pustaM cha dhAriNIm |
muktAhAraiH samAyuktAM devIM dhyAyechchaturbhujAm || 3||
sitena darpaNAbhena vaktreNa paribhUShitAm |
sustanIM vedimadhyAM tAM chandrArdhakR^itashekharAm || 4||
jaTAkalApasaMyuktAM pUrNachandranibhAnanAm |
trilochanIM mahAdevIM svarNanUpuradhAriNIm || 5||
kaTakasvarNaratnADhyamahAvalayabhUShitAm |
kambukaNThIM sutAmroShTIM sarvAbharaNabhUShitAm || 6||
keyUrairmekhalAdyaishcha dyotayantIM jagattrayam |
shabdabrahmAraNiM dhyAyed.hdhyAnakAmaH samAhitaH || 7||
vakShye sArasvataM stotraM vAkpravR^ittikaraM shubham |
lakShmIvivardhanaM chaiva vivAde vijayapradam || 8||
parabrahmAtmikAM devIM bhuktimuktiphalapradAm |
praNamya staumi tAmeva j~nAnashaktiM sarasvatIm || 9||
yA vedAntoktatattvaikasvarUpA paramArthataH |
nAmarUpAtmikA vyaktA sA mAM pAtu sarasvatI || 10||
yA sA~NgopA~NgavedeShu chaturShvekaiva gIyate |
advaitA brahmaNaH shaktiH sA mAM pAtu sarasvatI || 11||
yA varNapadavAkyArthasvarUpeNaiva vartate |
anAdinidhanAnantA sA mAM pAtu sarasvatI || 12||
adhyAtmamadhidevaM cha devAnAM samyagIshvarI |
pratyagAtmeva santI yA sA mAM pAtu sarasvatI || 13||
antaryAmyAtmanA vishvaM trailokyaM yA niyachChati |
rUdrAdityAdirUpasthA sA mAM pAtu sarasvatI || 14||
yA pratyagdR^iShTibhirj~nAnairvyajyamAnAnubhUyate |
vyApinI j~naptirUpaikA sA mAM pAtu sarasvatI || 15||
nAmajAtyAdibhirbhedairaShTadhA yA vikalpitA |
nirvikalpAtmikA chaiva sA mAM pAtu sarasvatI || 16||
vyaktAvyaktagiraH sarve devAdyA vyAharanti yAm |
sarvakAmadudhA dhenuH sA mAM pAtu sarasvatI || 17||
yAM viditvAkhilaM bandhaM nirmathyAmalavarmanA |
yogI yAti paraM sthAnaM sA mAM pAtu sarasvatI || 18||
nAmajAtyAdikaM sarvaM yasyAmAvishya tAM punaH |
dhyAyantI brahmarUpaikA sA mAM pAtu sarasvatI ? || 19||
yaH kavitvaM nirAta~NkaM bhuktiM muktiM cha vA~nChati |
so.abhyarchyainAM dashashlokyA bhaktyA stautu sarasvatIm || 20||
tasyaivaM stuvato nityaM samabhyarchya sarasvatIm |
bhaktishraddhAbhiyuktasya ShaNmAsAt pratyayo bhavet || 21||
tataH pravartate vANI svechChayA lalitAkSharA |
gadyapadyAtmikA vidyA prameyaishcha vivartate || 22||
ashruto budhyate granthaH prAyaH sArasvataH kaviH |
shrutaM cha dhArayedAshu skhaladvAk spaShTavAgbhavet || 23||
prakhyAtaH sarvalokeShu vAgmI bhavati pUjitaH |
ajitaH pratipakShANAM svayaM jetA.adhijAyate || 24||
ayodhyairvedabAhyairvA vivAde prastute sati |
ahaM vAchaspatirviShNuH shivo vAsmIti bhAvayet || 25||
evaM bhAvayatA tena bR^ihaspatirapi svayam |
na shaknoti paraM vaktuM nareShvanyeShu kA kathA || 26||
na kA~nchana striyaM nindet na devAnnApi cha dvijAna |
anAryairnAbhibhASheta sarvatraiva kShamI bhavet || 27||
sarvatraiva priyaM brUyAt (yathechChAlabdha) mAtmanaH |
shlokaireva tiraskR^itya dviShanda prativAdinam || 28||
prativAdigajAnAM tu siMho bhavati tadvachaH |
yadvAgitidavyR^ichenaiva devIM yo.archati suvrataH || 29||
      tasya nAsaMskR^itA vANI mukhAduchchAritA kvachit |
prathamaM bhAratI nAma dvitIyaM cha sarasvatI |
      tR^itIyaM shAradA devI chaturthaM kaMsamardanI || 30||
pa~nchamaM tu jaganmAtA ShaShThaM chaiva tu pArvatI |
saptamaM chaiva kAmakShI hyaShTamaM brahmachAriNI || 31||
navamaM chaiva vArAhI dashamaM brahmaputrikA |
ekAdashaM cha vAgdevI dvAdashaM varadAmbikA || 32||
dvAdashaitAni nAmAni trisandhyaM yaH paThennaraH |
tasya sArasvataM chaiva ShaNmAsenaiva sidhyati || 33||
yasyAH smaraNamAtreNa vAgvibhUtirvijR^imbhate |
sA bhAratI prasannAkShI ramatAM manmukhAmbuje || 34||
ityAshvalAyanamunirnijagAda devyAH
      stotraM samastaphalabhoganidhAnabhUtam |
etat paThan dvijavaraH shuchitAmupaiti
      sandhyAsu vA~nChitamupaitina saMshayo.atra || 35||

iti shrIsarasvatIdashashlokIstotraM sampUrNam |
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}