% Text title            : sarasvatIstotra evaM vANIstavanaM yAjnavalkyokta
% File name             : sarasvatIstotrayAjnavalkyaBVP.itx
% Category              : devii, sarasvatI, stotra, devI
% Location              : doc\_devii
% Transliterated by     : Singanallur Ganesan singanallur at gmail.com, PSA Easwaran
% Proofread by          : Singanallur Ganesan singanallur at gmail.com, PSA Easwaran
% Description-comments  : brahmavaivartapurANa prakRitikhaNDa and devIbhAgavatam navamaskandha both adhyAya 5
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrISarasvatIstotra by Yajnyavalkya ..}## 
\itxtitle{.. shrIsarasvatIstotraM athavA vANIstavanaM yAj~nyavalkyokta ..}##\endtitles ##
(devIbhAgavatatashcha)
atha pa~nchamo.adhyAyaH |
nArAyaNa uvAcha |
vAgdevatAyAH stavanaM shrUyatAM sarvakAmadam |
mahAmuniryAj~navalkyo yena tuShTAva tAM purA || 1||
gurushApAchcha sa munirhatavidyo babhUva ha |
tadA jagAma duhkhArto ravisthAnaM cha puNyadam || 2||
samprApyatapasA sUryaM koNArke dR^iShTigochare |
tuShTAva sUryaM shokena ruroda sa punaH punaH || 3||
sUryAstaM pAThayAmAsa vedavedA~NgamIshvaraH |
uvAcha stuhi vAgdevIM bhaktyA cha shrutihetave || 4||
tamityuktvA dInanAtho hyantardhAnaM jagAma saH |
munisnAtvA cha tuShTAva bhaktinamrAtmakandharaH || 5||
yAj~navalkya uvAcha |
kR^ipAM kuru jaganmAtarmAmevaM hatatejasam |
gurushApAtsmR^itibhraShTaM vidyAhInaM cha duHkhitam || 6||
j~nAnaM dehi smR^itiM dehi vidyAM dehi devate |
pratiShThAM kavitAM dehi shAktaM shiShyaprabodhikAm || 7||
granthanirmitishaktiM cha sachChiShyaM supratiShThitam |
pratibhAM satsabhAyAM cha vichArakShamatAM shubhAm || 8||
luptAM sarvAM daivavashAnnavaM kuru punaH punaH |
yathA.a~NkuraM janayati bhagavAnyogamAyayA || 9||
brahmasvarUpA paramA jyotirUpA sanAtanI |
sarvavidyAdhidevI yA tasyai vANyai namo namaH || 10||
yayA vinA jagatsarvaM shashvajjIvanmR^itaM sadA |
j~nAnAdhidevI yA tasyai saraswatyai namo namaH || 11||
yayA vinA jagatsarvaM mUkamunmattavatsadA |
vAgadhiShThAtR^idevI yA tasyai vANyai namo namaH || 12||
himachandanakundendukumudAmbhojasa.nnibhA |
varNAdhidevI yA tasyai chAkSharAyai namo namaH || 13||
visarga bindumAtrANAM yadadhiShThAnameva cha |
itthaM tvaM gIyase sadbhirbhAratyai te namo namaH || 14||
yayA vinA.atra saMkhyAkR^itsaMkhyAM kartuM na shaknute |
kAla saMkhyAsvarUpA yA tasyai devyai namo namaH || 15||
vyAkhyAsvarUpA yA devI vyAkhyAdhiShThAtR^idevatA |
bhramasiddhAntarUpA yA tasyai devyai namo namaH || 16||
smR^itishaktirj~nAnashaktirbuddhishaktisvarUpiNI |
pratibhAkalpanAshaktiryA cha tasyai namo namaH || 17||
sanatkumAro brahmANaM j~nAnaM paprachCha yatra vai |
babhUva jaDavatso.api siddhAntaM kartumakShamaH || 18||
tadA.a.ajagAma bhagavAnAtmA shrIkR^iShNa IshvaraH |
uvAcha sa cha taM stauhi vANImiti prajApate || 19||
sa cha tuShTAva tAM brahmA chA.a.aj~nayA paramAtmanaH |
chakAra tatprasAdena tadA siddhAntamuttamam || 20||
yadApyanantaM paprachCha j~nAnamekaM vasundharA |
babhUva mUkavatso.api siddhAntaM kartumakShamaH || 21||
tadA tvAM cha sa tuShTAva santrastaH kashyapAj~nayA |
tatashchakAra siddhAntaM nirmalaM bhramabha~njanam || 22||
vyAsaH purANasUtraM samapR^ichChadvAlmikiM yadA |
## var ## vyAsaH purANasUtrashcha samapR^ichChatavAlmikim |
maunIbhUtaH sa sasmAra tvAmeva jagadambikAm || 23||
tadA chakAra siddhAntaM tvadvareNa munIshvaraH |
sa prApa nirmalaM j~nAnaM pramAdadhvaMsakAraNam || 24||
purANa sUtraM shrutvA sa vyAsaH kR^iShNakalodbhavaH |
tvAM siSheve cha dadhyau taM shatavarShaM cha puShkkare || 25||
tadA tvatto varaM prApya sa kavIndro babhUva ha |
tadA vedavibhAgaM cha purANAni chakAra ha || 26||
yadA mahendre paprachCha tattvaj~nAnaM shivA shivam |
kShaNaM tvAmeva sa~nchintya tasyai j~nAnaM dadhau vibhuH || 27||
paprachCha shabdashAstraM cha mahendrascha bR^ihaspatim |
divyaM varShasahasraM cha sa tvAM dadhyau cha puShkare || 28||
tadA tvatto varaM prApya divyaM varShasahasrakam |
uvAcha shabdashAstraM cha tadarthaM cha sureshvaram || 29||
adhyApitAshcha yaiH shiShyAH yairadhItaM munIshvaraiH |
te cha tvAM parisa~nchintya pravartante sureshvari || 30||
tvaM saMstutA pUjitA cha munIndramanumAnavaiH |
daityaishcha suraishchApi brahmaviShNushivAdibhiH || 31||
jaDIbhUtaH sahasrAsyaH pa~nchavaktrashchaturmukhaH |
yAM stotuM kimahaM staumi tAmekAsyena mAnavaH || 32||
ityuktvA yAj~navalkyashcha bhaktinamrAtmakandharaH |
praNanAma nirAhAro ruroda cha muhurmuhuH || 33||
tadA jyotiH svarUpA sA tenA.adR^iShTA.apyuvAcha tam |
sukavIndro bhavetyuktvA vaikuNThaM cha jagAma ha || 34||
mahAmUrkhashcha durmedhA varShamekaM cha yaH paThet |
sa paNDitashcha medhAvI sukavishcha bhaveddhruvam || 35||

iti shrIbrahmavaivarte mahApurANe prakR^itikhaNDe nAradanArAyaNasa.nvAde
yAj~navalkyokta vANIstavanaM nAma pa~nchamo.adhyAyaH ||

iti shrImaddevIbhAgavate mahApurANe navamaskandhe
yAj~navalkyakR^itaM sarasvatIstotravarNanaM nAma pa~nchamo.adhyAyaH ||

##
brahmavaivartapurANa prakRitikhaNDa adhyAya 5
same as
devIbhAgavata mahApurANa navamaskandha adhyAya 5
Encoded and proofread by
Singanallur Ganesan singanallur at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}