% Text title            : Shri Sarasvati Stotram
% File name             : sarasvatistotramshrIdharasvAmi.itx
% Category              : devii, shrIdharasvAmI, sarasvatI, stotra, ShoDasha
% Location              : doc\_devii
% Author                : Shridharaswami
% Proofread by          : Manish Gavkar
% Description/comments  : shrIdharasvAmI stotraratnamAlikA
% Latest update         : February 11, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sarasvati Stotram ..}##
\itxtitle{.. shrIsarasvatistotram ..}##\endtitles ##
           (shikhariNIvR^ittam)
lase devi! stotuM tava vividhavaichitryasukR^itiM
      paraM tveShA buddhistava vimalashaktyA na kalitA |
suvAgdhIdhAtrI! tvadghaTitasukR^ipApA~NganiratA
      yadi syAddhe mAtaH! stutiriti tadAnIM ghaTayati || 1||
matirme vANI vA bhagavati! tavAMshau suvimale!
      mahAbdhistAra~NgaiH sphuTamasi tathA tva~ncha sakalaiH |
bhavatpraj~naikatvaM sphuTataravikAsa vitanute
      yadA buddhau devi! stutiriti tadAnIM ghaTayati || 2||
avidyAyAH kAryaM kaluShayati madbuddhimabhaye!
      na tasyAM he devi! sphuTataravibhAnaM tava khalu |
apAkR^itya tvaM he janani! yadi tAM bhAsi vimalA
      yadA naivAj~nAnaM stutiriti tadAnIM ghaTayati || 3||
avidyAyA chaivaM mama tanuriyaM vA tanurahaM
      anekAkArairvA jagadidamaho mohayati mAm |
manaHkAluShyaM he janani! na cha shakyaM kathayituM
      yadA shuddho buddhaH stutiriti tadAnIM ghaTayati || 4||
bhayaM chintA duHkhaM mama matimatirbhrAmayati yat
      drutaM tvaM prItyA he janani! tava divyAmR^itakaraiH |
nijaM mAmAli~Ngya tvayi sukhanidhau sthApayasi che\-
      dahaM svAntaH shAntaH stutiriti tadAnIM ghaTayati || 5||
ayi! tvadvANyA mAM bhagavati! dayApUrNanayane!
      kila tvaM brahmAsi tvayi kimapi no bhedabharitam |
yadaivaM he devi! hyupadishasi mAmarbhakadhiyA
      yadAhaM muktaH syAM stutiriti tadAnIM ghaTayati || 6||
bhavAduddhartrIM tvAM sharaNamahamevaM gata ito
      bhavAbdheH pAraM mAM yadi nayasi vAtsalyabharite! |
kR^itaM yuktaM manye tadiha khalu chihnaM tava shubhe! (tava shive!)
      yadA tvattrAto.ahaM stutiriti tadAnIM ghaTayati || 7||
jananyAM prItiryA bhavati kila bAlasya tu yathA
      na jAnAsi tvaM he janani! tava mAtA nahi yataH |
aho kroshantaM mAM priyanijatanUjaM na vahase
      yadA shAnto mAtaH! stutiriti tadAnIM ghaTayati || 8||
pR^ithivyAM yA mAtA vasati shishubhiryA parivR^itA
      ruShA pashyantyenAn rudata iti sA naiti vahati |
tathA tvaM naivAsi! hyamitakaruNApA~NganibhR^itA
      yadA jAne mAtaH! stutiriti tadAnIM ghaTayati || 9||
maduktairdurvAkyairapi tu ghanadoShairmuninute
      pramAdAttvaM kruddhA yadi na dayayA lAlayasi mAm |
ahaM bAlastAvanmadanusaraNaM na tvayi tathA
      yadA j~nAsye mAtaH! stutiriti tadAnIM ghaTayati || 10||
samAdhAtuM mAM tvaM yadi na cha vijAnAsi shubhade!
      bruve.ahaM tvAM mAtaH! shravaNasulabhopAyamuchitam |
gR^ihItvA tvadvINAM hyatimadhurakaNThena sadaye
      samAdhehyantarmAM stutiriti tadAnIM ghaTayati || 11||
jaganmAtaH stotuM bhavati kila ko vA matiyutaH (bhavati khalu)
      kR^ipApA~Ngo na syAdyadi mayi tatastvaM kuru kR^ipAm |
ahaM yAche mAtarmadabhilaShitA pUritadhiyA
      yadA sarvaj~no.asmi stutiriti tadAnIM ghaTayati || 12||
jagatsatyaM no vA bhavati na cha ko vA.asya viShayaH
      imau kau jIveshau jagadidamanIshaM kila na vA |
iyaM mAyA kasmAtprabhavati cha bhinnota na cha vA
      na jAne he mAtaH! stutiriti tadAnIM ghaTayati || 13|| (na jAne mAM shAdhi)

mumukShUNAM muktyai tvamiha khalu nAnyo.astyaghahare!
      prasiddhaM tadyasmAjjanani! vada kaM yAmi sharaNam |
asau ko.api brahmA harirapi shivAdyAH suragaNAH
      nijabrahmaikyArthaM janani! tava bhaktiM vidadhate || 14||
             (shArdUlavikrIDitavR^ittam)
aj~nAnAM pratibhAsi he shrutinute! mAyeti mohapradA
      suj~nAnAM pratibhAsi suShTu charatAM brahmeti mokShapradA |
brahmaikaM tava divyarUpamamalaM svAnandamAtraM shivaM
      manye nityamapArasaMsR^itibhayAtparaM nayasvAdhunA || 15||
             (mAlinIvR^ittam)
jayatu jayatu nityaM shAradA vedamAtA
      jayatu jayatu devI j~nAnadA mokShadA cha |
jayatu jayatu yA shrIssarvadevairupAsyA
      jayatu jayatu nityaM bhAratI chitsvarUpA || 16||
ya idaM paThati stotraM nityaM bhaktyAnupAvanam |
sarasvatIprasAdena vidyAvAn sambhaveddhruvam ||

iti shrIsamartharAmadAsAnugR^ihitarAmapadaka~njabhR^i~NgAyamAna
shrImatparamahaMsaparivrAjakAchArya sadguru bhagavAn
shrIdharasvAminA virachitaM shrIsarasvatIstotraM sampUrNam |
shAradA navarAtrI \- rachanAsthAnaM \- sirasi saMvatsaraH \- 1942

##
Proofread by Manish Gavkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}