% Text title            : Saubhagyakavacham
% File name             : saubhAgyakavacham.itx
% Category              : devii, kavacha, dashamahAvidyA, devI
% Location              : doc\_devii
% Transliterated by     : Rama Prakasha ramaprakashak at gmail.com
% Proofread by          : Rama Prakasha ramaprakashak at gmail.com
% Description/comments  : vAmakeshvarantantre nityAShoDashikArNave
% Latest update         : September 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Saubhagya Kavacha Stotram ..}##
\itxtitle{.. shrIsaubhAgyakavachastotram ..}##\endtitles ##
|| pUrvapIThikA ||
kailAsashikhare ramye sukhAsInaM surArchitaM
girIshaM girijA stutvA stotrairvedAntapAragaiH |
praNamya parayA bhaktyA tamapR^ichChat kR^itA~njaliH
rahasyaM rakShaNaM kiM vA sarvasampatkaraM vada ||

shrIshivovAcha \-
shR^iNu devi! pravakShyAmi yasmAt tvaM paripR^ichChasi
yasya shravaNamAtreNa bhavabhItirna jAyate |
etat saubhAgyakavacha rahasyAtirahasyakaM
saubhAgyakavachaM devi! shR^iNu saubhAgyadAyakam ||

viniyogaH \-
asya shrIsaubhAgyakavachastotrasya shrIAnandabhairava R^iShiH |
anuShTup ChandaH | shrIsaubhAgyasundarI devatA | OM klIM sauH bIjam |
hrIM klIM shaktiH | AM hrIM kroM kIlakam |
sarvasaubhAgyasid.h{}dhyarthe pAThe viniyogaH ||

R^iShyAdinyAsaH \-
shirasi shrIAnandabhairavAya R^iShaye namaH | mukhe anuShTupChandase namaH |
hR^idi shrIsaubhAgyasundarIdevatAyai namaH | guhye OM klIM sauH bIjAya namaH |
pAdayoH hrIM klIM shaktaye namaH | nAbhau AM hrIM kroM kIlakAya namaH |
sarvA~Nge sarvasaubhAgyasid.h{}dhyarthe pAThe viniyogAya namaH |

ShaDa~NganyAsaH \-

karanyAsaH \-
aiM a~NguShThAbhyAM namaH |
klIM tarjanIbhyAM namaH |
sauH madhyamAbhyAM namaH |
aiM anAmikAbhyAM namaH |
klIM kaniShThikAbhyAM namaH |
sauH karatalakarapR^iShThAbhyAM namaH ||

a~NganyAsaH \-
aiM hR^idayAya namaH |
klIM shirase svAhA |
sauH shikhAyai vaShaTa |
aiM kavachAya huM |
klIM netratrayAya vauShaT |
sauH astrAya phaT ||

dhyAnaM \-
aihikaparaphaladAtrImaishAnIM manasi bhAvaye mudrAm |
aindavakalAvataMsAmaishvaryasphuraNapariNatiM jagatAm || 1||
klIbatvadaityahantrI klinnamanaskAM maheshvarAshliShTAm |
klR^iptajaneShTakartrIM kalpitalokaprabhAM namAmi kalAm || 2||
saubhAgyadivyakanidhiM saurabhakachavR^indavichaladalimAlAm |
saushIlyasheShatalpAM saundaryavibhAma~njarIM kalaye || 3||
pAshapANi sR^iNipANi bhAvaye chApapANi sharapANi daivatam |
yatprabhApaTalapATalaM jagat padmarAgamaNimaNDapAyate || 4||
hemAdrau hemapIThasthitAmakhilasurairIDyamAnAM virAjat |
puShpeShviShvAsapAshA~NkushakarakamalAM raktaveShAtiraktAm || 5||
dikShUdyadbhishchaturbhirmaNimayakalashaiH pa~nchashaktyA~nchitaiH sva |
bhraShTaiH klR^iptAbhiShekAM bhajata bhagavatIM bhUtidAmantyayAme || 6||

kavachastotraM \-
shikhAgraM satataM pAtu mama tripurasundarI |
shiraH kAmeshvarI nityA tatpUrvaM bhagamAlinI || 1||
nityaklinnA.avatAddakShaM bheruNDA tasya pashchimam |
vahnivAsinyaved vAmaM mukhaM vidyeshvarI tathA || 2||
shivadUtI lalATaM me tvaritA tasya dakShiNam |
tadvAmapArshvamavatAt tathaiva kulasundarI || 3||
nityA pAtu bhruvormadhyaM bhruvaM nIlapatAkinI |
vAmabhruvaM tu vijayA nayanaM sarvama~NgalA || 4||
jvAlAmAlinyakShi vAmaM chitrA rakShatu pakShmaNI |
dakShashrotraM mahAnityA vAmaM pAtu mahodyamA || 5||
dakShaM vAmaM cha vaTukA kapolau kShetrapAlikA |
dakShanAsApuTaM durgA tadanyaM tu bhAratI || 6||
nAsikAgraM sadA pAtu mahAlakShmIrnirantaram |
aNimA dakShakaTiM mahimA cha tadanyakam || 7||
dakShagaNDaM cha garimA laghimA chottaraM tathA |
UrdhvoShThakaM prAptisiddhiH prAkAmyamadharoShThakam || 8||
IshitvamUrdhvadantAMshcha hyadhodantAn vashitvakam |
rasasiddhishcha rasanAM mokShasiddhishcha tAlukam || 9||
tAlumUladvayaM brAhmImAheshvaryau cha rakShatAm |
kaumArI chibukaM pAtu tadadhaH pAtu vaiShNavI || 10||
kaNThaM rakShatu vArAhI chaindrANI rakShatAdadhaH |
kR^ikATikAM tu chAmuNDA mahAlakShmIstu sarvataH || 11||
sarvasa~NkShobhiNImudrA skandhaM rakShatu dakShiNam |
tadanyaM drAviNImudrA pAyAdaMsadvayaM kramAt || 12||
AkarShaNI vashyamudrA chonmAdinyatha dakShiNam |
bhujaM mahA~NkushA vAmaM khecharI dakShakakShakam || 13||
vAmakakShaM bIjamudrA yonimudrA tu dakShiNam |
lasat trikhaNDinImudrA vAmabhAgaM prapAlayet || 14||
shrIkAmAkarShiNI nityA rakShatAd dakShakUrparam |
kUrparaM vAmamavatAt sA bud.h{}dhyAkarShiNI tathA || 15||
aha~NkArAkarShiNI tu prakANDaM pAtu dakShiNam |
shabdAkarShiNikA vAmaM sparshAkarShiNikA.avatu || 16||
prakoShThaM dakShiNaM pAtu rUpAkarShiNiketaram |
rasAkarShiNikA pAtu maNibandhaM cha dakShiNam || 17||
gandhAkarShiNikA vAmaM chittAkarShiNikA.avatu |
karabhaM dakShiNaM dhairyAkarShiNI pAtu vAmakam || 18||
smR^ityAkarShiNyasau vAmaM nAmAkarShiNiketaram |
bIjAkarShiNikA pAyAt satataM dakShiNA~NgulIH || 19||
AtmAkarShiNikA tvanyA amR^itAkarShiNI nakhAn |
sharIrAkarShiNI vAmanakhAn rakShatu sarvadA || 20||
ana~NgakusumA shaktiH pAtu dakShiNastanopari |
ana~NgamekhalA chAnyastanordhvamabhirakShatu || 21||
ana~NgamadanA dakShastanaM tachchUchukaM punaH |
rakShatAdanishaM devI hyana~NgaHmadanAturA || 22||
ana~NgarekhA vAmaM tu vakShoja tasya chUchukam |
ana~NgaveginI kroDamana~NgAsyA~NkushA.avatu || 23||
ana~NgamAlinI pAyAd vakShaHsthalamaharnisham |
sarvasa~NkShobhiNI shaktirhR^it sarvadrAviNI parA || 24||
kukShiM sarvAkarShiNI tu pAtu pArshvaM cha dakShiNam |
AhlAdinI vAmapArshvaM madhyaM sammohinI chiram || 25||
sA sarvastambhinI pR^iShThaM nAbhiM vai sarvajR^imbhiNI |
vasha~NkarI vastideshaM sarvara~njinI me kaTim || 26||
sA tu sarvonmAdinI me pAyAjjaghanamaNDalam |
sarvArthasAdhinI shaktiH nitambaM rakShatAnmama || 27||
dakShasphichaM sadA pAtu sarvasampattipUriNI |
sarvamantramayI shaktiH pAtu vAmasphichaM mama || 28||
pAyAt kukundaradvandvaM sarvadvandvakShaya~NkarI |
sarvasiddhipradA devI pAtu dakShiNa va~NkShaNam || 29||
sarvasampatpradA devI pAtu me vAmava~NkShaNam |
sarvapriya~NkarI devI guhyaM rakShatu me sadA || 30||
meDhraM rakShatu me devI sarvama~NgalakAriNI |
sarvakAmapradA devI pAtu muShkaM tu dakShiNam || 31||
pAyAt tadanyamuShkaM tu sarvaduHkhavimochinI |
sarvamR^ityuprashamanI devI pAtu gudaM mama || 32||
pAtu devI guhyamadhyaM sarvavighnanivAriNI |
sarvA~NgasundarI devI rakShatAd dakShasakthikam || 33||
vAmasakthitalaM pAyAt sarvasaubhAgyadAyinI |
aShThIvaM mama sarvaj~nA devI rakShatu dakShiNam || 34||
vAmAShThIvaM sarvashaktiH devI pAtu yugaM mama |
sarvaishvaryapradA devI dakShajAnuM sadA.avatu || 35||
sarvaj~nAnamayI devI jAnumanyaM mamAvatAt |
avyAd devI dakShaja~NgAM sarvavyAdhivinAshinI || 36||
tadanyAM pAtu devI sA sarvAdhArasvarUpiNI |
sarvapApaharA devI gulphaM rakShatu dakShiNam || 37||
sarvAnandamayI devI vAmagulphaM sadA.avatu |
pArShNi me dakShiNaM pAyAt sarvarakShAsvarUpiNI || 38||
avyAt sadA sadA pArShNi sarvepsitaphalapradA |
dakShA~NghripArshvaM vashinI pUrvaM vAgdevatA mama || 39||
sarvaM kAmeshvarI chordhvamadho vAgdevatA mama |
modinI prapadaM pAtu vimalA dakShiNetare || 40||
a~NgulIraruNA pAtu dakShapAdanakhojjvalA |
tadanyA jayinI pAtu sadA sarveshvarI mama || 41||
dakShavAmapAdatalaM kaulinI devatA mama |
kurvantu jR^imbhaNA bANAH trailokyAkarShaNaM mama || 42||
mohaM saMharatAdikShukodaNDaM bhR^i~Ngamauvikam |
karotu satataM pAshI vashIkaraNamadbhutam || 43||
vidadhyAda~NkushaM nityaM stambhanaM shatrusa~NkaTe |
pIThaM me kAmarUpAkhyaM pAtu kAmAntikaM manaH || 44||
pUrNaM pUrNagireH pIThaM kAntiM me janayet sadA |
jAlandharamanyajAlandharapIThaM me rakShatu || 45||
sAyujye niyatAM praj~nAM shrIpIThaM shrIkaraM mama |
kAmeshvarI tvAtmatattvaM rakShed vajreshvarI tathA || 46||
vidyAtattvaM shaivatattvaM pAyAChrIbhagamAlinI |
kAmaM vidyAnmahAshatrUnamR^itArNavamAnasam || 47||
krodhaM krodhApahA hanyAnmanyuM paitAmbujAsanam |
lobhaM chidAsanaM hanyAd devyAtmAmR^itarUpabhAk || 48||
mohaM saMharatAchchakraM madaM mantrAsanaM mama |
mAtsaryaM nAshayennityaM mama sAndhyAsanaM tathA || 49||
AdhAraM tripurA rakShet svAdhiShThAnaM pureshvarI |
maNipUraM maNidyotA pAyAt tripurasundarI || 50||
avyAdanAhataM bhavyA nityaM tripuravAsinI |
vishuddhiM tripurA shrIshcha Aj~nAM tripuramAlinI || 51||
iDAM me tripurasiddhA tripurA chApi pi~NgalAm |
suShumnAM pAtu me nityA pAyAt tripurabhairavI || 52||
trailokyamohanaM chakraM romakUpAMshcha rakShatu |
sarvAshApUrakaM chakraM saptadhAtU.Nshcha rakShatu || 53||
sarvasa~NkShobhaNa chakraM prANAdyaM vAyupa~nchakam |
saubhAgyadAyakaM chakraM nAgAdyanilapa~nchakam || 54||
sarvArthasAdhakaM chakraM kAraNAnAM chatuShTayam |
sarvarakShAkaraM chakraM rakShatAnme guNatrayam || 55||
sarvarogaharaM chakraM pAyAt puryaShTakaM mama |
sarvasiddhipradaM chakamavyAnme koshapa~nchakam || 56||
sarvAnandamayaM chakraM yashaH kIrtiM cha rakShatu |
saundaryaM manmathaH pAyAd dhR^itishchApi ratiM mama || 57||
prItiM me pAtu yA prItiH rUpaM pAtu vasantakaH |
sa~NkalpaM kalpakodyAnaM mahAlakShmI shriyaM mama || 58||
kAntiM kapAlinI rakShet mandiraM maNimaNDapaH |
putrAn sha~NkhayanidhiH pAyAd bhAryAM padmanidhistathA || 59||
mArge kShema~NkarI rakShet mAta~NgI mukuTaM tathA |
yoginI prakaTAdyAstA navadvArANi pAntu me || 60||
bhojane mAmannapUrNA mAta~NgI krIDane.avatAt |
vane rakShatu mAM durgA jAgratI duShTanigrahe || 61||
tridhA.aha~NkAranaiShThuryadoShatrayaM malatrayam |
DAkinyo yoginImukhyAH saMharantu mamAnisham || 62||
ichChAshaktirgurorbhaktiM pAtu me j~nAnamAtmani |
j~nAnashaktiH kriyAshaktirvairAgyaviShayeShvapi || 63||
hR^itpadmakarNikAmadhye hrI~NkArI parirakShatu |
vaikharI shravaNaM pAtu madhyamA mananaM punaH || 64||
yogaM rakShatu pashyantI sAkShAt j~nAnaparA mama |
brahmANI jAgR^itaM pAtu shayAnaM vaiShNavI tathA || 65||
suShuptau chaNDikA pAtu turyA me mohakAriNI |
sadA mAM bhairavI pAtu jagadbharaNapaNDitA || 66||
charaNAmbhoruhAnandaparAmR^itaraseritA |
plAvinI kuNDalI pUrNA antarAntaM sadA.avatAt || 67||
aShTadikShu mahendrAdyA sAyudhAH pAntu sarvadA |
pAyAdUrdhvA dishaM brahmA viShNushchakrAyudhopyadhaH || 68||
anAvR^ittAni sthAnAni kavachena tu yAni me |
tAni sarvANi rakShantu shivAdyA guravaH sadA || 69||

phalashrutiH |
etat saubhAgyakavachaM shA~NkaraM yastu pAThayet |
trisandhyaM yaH paThed bhaktyA shR^iNuyAd vA samAhitaH || 1||
tasya shIghreNa sidhyanti siddhayastvaNimAdayaH |
guTikApAdukAdyaShTasiddhayaH sambhavanti cha || 2||
vashyAdInyaShTakarmANi yogashchAShTA~NgasaMyutaH |
brahmAviShNugirIshendrakandarparatibhiH saha || 3||
vicharante tadakhilAn siddhagandharvasevitAH |
tasya smaraNamAtreNa grahabhUtapishAchakAH || 4||
kITavat prapalAyante kaShmANDA bhairavAdayaH |
tasyA~NghritoyapatanAt prashAmyati mahArujAH || 5||
tatpAdakamalAsaktarajoleshAbhimarshanAt |
vashyaM bhavati shIghreNa trailokyaM sacharAcharam |
AbAlamahilAbhUpAH kimu mAyAvimohitAH || 6||

|| iti vAmakeshvarantantre nityAShoDashikArNave shrIsaubhAgyakavacham ||

##
Encoded and proofread by Rama Prakasha ramaprakashak at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}