% Text title            : Saubhagyakavacham 2
% File name             : saubhAgyakavacham2.itx
% Category              : devii, kavacha, dashamahAvidyA, devI
% Location              : doc\_devii
% Description/comments  : vAmakeshvarantantre nityAShoDashikArNave.  See other alternate edited version.
% Latest update         : March 7, 2020, July 5, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIsaubhAgyakavacham 2 ..}##
\itxtitle{.. shrIsaubhAgyakavacham 2 ..}##\endtitles ##
OM shrIgaNeshAya namaH |
shrIgurubhyonamaH hariH OM |
kailAsashikhare ramye sukhasInaM surArchitam |
girIshaM girijA natvA stotrairvedArthagocharaiH  || 1||
praNamya parayA bhaktyA tamapR^ichChatkR^itA~njaliH |
shrIdevyuvAcha \-
rahasyaM rakShaNakaraM sarvasampatkaraM vada || 2||
Ishvara uvAcha \-
etatsaubhAgyakavachaM rahasyAtirahasyakam |
saubhAgyakavachaM devi shR^iNu saubhAgyadaM param || 3||
(mUlavidyayA R^iShyAdinyAsam)
dhyAnam \-
shoNaprabhaM somakalAvataMsaM pANisphuratpa~nchasharekShuchApam |
prANapriyaM naumi pinAkapANiM koNatrayasthaM kuladaivataM me ||
ikShukodaNDapuShpeShupAshA~NkushachaturbhujAm |
udyatsUryanibhAM vande devIM tripurasundarIm ||
atha kavacham |
OM shikhAyAM satataM pAtu mahAtripurasundarI |
shiraH kameshvarI nityA tatpUrvA~NgaM bhagamAlinI || 1||
nityaklinnA cha taddakShaM bheruNDA pashchimaM shiraH |
vahnivAsinyasya vAmaM vajreshvaryalakAMstathA || 2||
shivadUtI lalATaM cha tvaritA tasya dakShiNam |
tadvAmapArshvamavatAttathaiva kulasundarI || 3||
nityA pAtu bhruvormadhyaM bhruvaM nIlapatAkinI |
vAmabhruvaM cha vijayA nayanaM sarvama~NgalA || 4||
jvAlAmAlinyakShi vAmaM chitrA rakShatu nAsikAm |
dakShashrotraM tu gaNapaH svayaM pAtu mahodyamaH || 5||
dakShasavyantu baTukaH kapolaM kShetrapAlakaH |
dakShanAsApuTaM durgA tadanyaM pAtu bhAratI || 6||
aNimA dakShiNaM sha~NkhaM mahimA cha tadanyakam |
dakShagaNDaM tu garimA ladhimA chottaraM tathA || 7||
UrdhvamoShThaM  prAptisiddhiH prAkAmyamadharoShThakam |
IShitvamUrdhvadantAMshcha vashitvamadharAMstathA || 8||
iChAsiddhistu rasanAM mokShasiddhistu talukam |
tAlumUladvayaM brAhmI mAheshvaryauttarakShatAm || 9||
kumArI chibukaM pAtu tadadhaH pAtu vaiShNavI |
kaNThaM rakShatu vArAhI indrANI rakShatAdadhaH || 10||
kR^ikATikAM tu chAmuNDA mahAlakShmIstu sarvataH |
sarvasa.nkShobhiNImudrA skandhaM rakShatu dakShiNam || 11||
tadanyaM drAviNImudrA pAyAdaMsadvayaM kramAt |
AkarShavashyamudre dve chonmAdinyatha dakShiNam || 12||
bhujaM mahA~NkushA vAmaM khecharI dakShakakShakam |
vAmakakShaM bIjamudrA yoniHsthAddakShabAhukam || 13||
lasattrikhaNDinI mudrA vAmabAhuM prapAlayet |
kAmAkarShiNikA nityaM rakShatAddakShakUrparam || 14||
kUrparaM vAmamavatAdbudhyAkarShiNikA tathA |
aha~NkArAkarShiNI tu prakoShThaM pAtu dakShiNam || 15||
shabdAkarShiNikA vAmaM sparshAkarShiNikAvatu |
tanmadhyaM dakShiNaM pAtu rUpAkarShiNiketaram || 16||
rasAkarShiNikA pAtu maNibandhaM cha dakShiNam |
gandhAkarShiNikA vAmaM chittAkarShiNikAvatu || 17||
karabhaM dakShiNaM dhairyAkarShiNI pAtu vAmakam |
smR^ityAkarShiNyasau pANiM nAmAkarShiNi dakShiNam || 18||
bIjAkarShiNyasau pAyAtsatataM dakShiNA~NgulIH |
 AtmAkarShiNyadakShiNyAmamR^itAkarShiNI nakhAn || 19||
sharIrAkarShiNI vAmanakhAn rakShatu sarvadA |
ana~NgakusumA shaktiH pAtu dakShastanopari || 20||
ana~NgamekhalA chAnyastanordhvamabhirakShatu |
ana~NgamadanA dakShastanaM tachchUchukaM punaH || 21||
rakShatAdanishaM devI ana~NgamadanAturA |
stanayormadhyamaM pAyAdana~NgamadanAturA
ana~NgarekhA vAma~ncha vakShojaM tasya chUchukam || 22||
ana~NgaveginI kroDAmana~NgasyA~NkushAvatu |
ana~NgamAlinI pAyAdvakShasthalamaharnisham || 23||
sarvasa.nkShobhiNI hR^ichcha sarvavidrAviNI parA |
kukShiM sarvAkarShiNI pAtu pAtu pArshvaM tu dakShiNam || 24||
AhlAdinI vAmapArshvaM madhyaM sammohinI parA |
sA sarvastambhinI pR^iShThaM nAbhiM vai sarvajR^imbhiNI || 25||
vasha~NkarI vastideshaM kaTiM sA sarvara~njinI |
unmAdinI tu sarvAdyA pAyAjjaghanamaNDalam || 26||
sarvArthasAdhinIshaktirnitambaM rakShatAdatha |
dakShasphichaM sadA pAtu sarvasampatprapUriNI || 27||
sarvamantramayIshaktiH pAtu vAmasphichaM mama |
pAyAtkakundaradvandvaM sarvadvandvakShaya~NkarI || 31||
sarvasiddhipradA devI vR^iShaNaM pAtu dakShiNam |
sarvasampatpradA devI vR^iShaNaM pAtu vAmakam || 32||
sarvapriya~NkarI devI  guhyaM rakShatu me sadA |
meDhraM rakShatu me devI sarvama~NgalakAriNI || 33||
sarvakAmapradA devI pAtu muShkaM tu dakShiNam |
tayormad.hdhyaM sadA pAtu sarvakAmaphalapradA |
pAyAttadanyaM devI tu sarvaduHkhavimochinI || 34||
sarvamR^ityuprashamanI devI pAtu gudaM mama |
pAtu devI dehamad.hdhyaM sarvavighnanivAriNI || 35||
sarvA~NgasundarI devI rakShatAddakShasakthikam |
vAmasakthitalaM pAyatsarvasaubhAgyadAyinI || 36||
aShThIvaM mama sarvaj~nA devI rakShatu dakShiNam |
anyaShThIvaM sarvashaktirdevI pAtu chiraM mama || 37||
sarvaishvaryapradA devI dakShajAnuM sadAvatu |
sarvaj~nAnamayI devI tadanyajjAnu rakShatu || 38||
avyAdiyaM dakShaja~NghAM sarvavyAdhivinAshinI |
tadanyaM pAtu devI cha sarvAdhArasvarUpiNI || 39||
sarvapApaharA devI dakShagulbhaM sadAvatu |
sarvAnandamayI devI vAmagulphaM sadAvatu || 40||
pArShNiM me dakShiNaM pAyAtsarvarakShAsvarUpiNI |
avyAtsavyaM sadA pArShNiM sarvepsitaphalapradA || 41||
dakShA~NghriM vashinI pAtu pUrvaM vAgdevatA mama |
sarvakAmeshvarI purvaM sadA vAgdevatottaram || 42||
modinI prapadaM pAtu dakShiNaM vimaletaram |
a~NgulIraruNA pAtu dakShapAdanakhojjvalA || 43||
tadanyaM jayinI pAyAtsadA vAgdevatetaram |
dakShapAdalaM sarveshvarI vAgdevatA mudA || 44||
vAmapAdatalaM pAyAtkaulinI devatA mama |
kurvantu jR^imbhaNA bANAstrailokyakarShaNaM mama || 45||
mohaM saMharatAddikShu kodaNDaM bhR^i~Ngamaurvikam |
karotu satataM pAshI vashIkaraNamuttamam || 46||
vidadhAtva~NkushA nityaM stambhanaM shatrusa~Ngare |
pIThaM me kAmarUpAkhyA pAtu kAmAnnikAmataH || 47||
pUrNaM pUrNagireH pIThaM pAyAdarthaM madIyakam |
jAlandharasya jAlandhraM pIThaM rakShatu me sadA || 48||
(/pUrNaM purNAgirIpIThaM payAdarthaM madIyakam || 48||)
sAyujyaM tanutAM prAjyaM shrIpIThaM shrIkaraM mama |
kAmeshvarI chAtmatattvaM rakShedvajreshvarI cha mAm || 49||
vidyAtattvaM shaivatattvaM pAyAchChrI bhagamAlinI |
kAmaM ChindyAnmahAshatrumamR^itArNavamAsanam || 50||
krodhaM bodhApahaM hanyAdraktapotAmbujAsanam |
lobhaM divyAsanaM bhindyAddevyAtmA divyarUpabhAk || 51||
mohaM saMharatAchchakraM madaM mantrAsanaM mahat |
mAtsaryaM nAshayennityaM mama sAdhyAsanaM javAt || 52||
AdhAraM tripurA rakShetsvAdhiShThAnaM pureshvarI |
maNipUraM maNidyotaM pAyAttripurasundarI || 53||
avyAdanAhataM bhavyaM  nityaM tripuravAsinI |
vishuddhaM tripurAshrIshcha Aj~nA tripuramAlinI || 54||
iDAM me tripurA siddhA tripurAmbA cha pi~NgalAm |
suShumnAM pAtu me nityaM mahAtripurasundarI || 55||
trailokyamohanaM chakraM romakUpAMshcha pAtu me |
sarvAshApUrakaM chakraM saptadhAtUMshcha rakShatu || 56||
sarvasa.nkShobhaNaM chakraM prANAdyaM vAyupa~nchakam |
saubhAgyadAyakaM chakraM nAgAdyAnilapa~nchakam || 57||
sarvArthasAdhakaM chAntaHkaraNAnAM chatuShTayam |
sarvarakShAkaraM chakraM pAyAtpUrteShTakaM cha me || 58||
sarvarogaharaM chakraM rakShatAnme guNatrayam |
sarvasiddhipradaM chakraM mamAvyAtkoshapa~nchakam || 59||
sarvAnandamayaM chakraM yashaH kIrtiM cha rakShatu |
saundaryamanmathaH pAyAdratiH pAtu ratiM mama || 60||
prItirme pAtu sA prItirutsAhaM cha vasantakaH |
sa~NkalpaM kalpakodyAnaM mahAlakShmIrmama shriyam || 61||
kAntiM kapAlinI rakShenmandiraM mama manDapam |
putrAn  sha~NkhanidhiH pAyAdbhAryAM padmanidhistathA || 62||
mArge mAM bhairavI rakShenmAta~NgI mukuTaM sadA |
aShTadikShu mahendrAdyAH sAyudhAHpAntu mAM sadA || 63||
pAyAdUrdhvadishaM brahmA viShNushchakrAyudho tvadhaH |
anAvR^itAni sthAnAni kavachena tu yAni me || 64||
tAni rakShantu satataM shivAdi guravaH kramAt |
etatsaubhAgyakavachaM svakare yastu dhArayet || 65||
trisandhyaM paThati prItyA shR^iNuyAdvA samAhitaH |
tasya shIghreNa sidhyanti siddhayastvaNimAdayaH || 67||
brahmavittu girIshendrakanrparavibhiH samaH |
viharatkhilAn lokAn siddhagandharvasevitaH || 68||
tasya smaraNamAtreNa mahAbhUtapishAchakAH |
kITavatprapalAyante kUShamANDA bhairavAdayaH || 69||
tasyA~NghritoyapatanAt prashAmyanti mahArujaH |
tatpAdakamalAsaktarajoleshAbhimarshanAt || 70||
vashyaM bhavati shIghreNa trailokyaM sacharAcharam |
bhUpAlamahilA bhUpAH kimu mAyA vimohitAH || 71||

iti shrIvAmakeshvaratantre nityA ShoDashArNavara
saubhAgyakavachaM samAptam |
shubhamastu |
shrIshubham |

##
The kavacha text has quite a few variations from the
one already posted with detailed nyAsa.

Encoded by Sivakumar Thyagarajan Iyer
Proofread by Sivakumar Thyagarajan Iyer, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}