% Text title            : Shakini Stotram
% File name             : shAkinIstotram.itx
% Category              : devii, ShaTchakrashakti, devI
% Location              : doc\_devii
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shakini Stotram ..}##
\itxtitle{.. shAkinIstotram ..}##\endtitles ## 
atha saptaShaShTitamaH paTalaH
shrIAnandabhairavI uvAcha
kuru nAtha vandanaM bho pUjanaM kavachaM paTha |
varNAdhyAnaM kaNThapadme sthiro bhava jagatpate || 67\-1||
paramA shAkinI vidyA mahAmohanivAriNI |
yoginIkoTibhiH sArdhaM rAjate sUryavat sadA || 67\-2||
vArANasIpure sthitvA kaNThapadmasthitAM bhaja |
stotreNAnena vidhinA bhaktiM kuru mahAshive || 67\-3||
akhaNDe nIlapa~Nkeruhavimalakare sthApitAM ShoDashAre
hemAbhAM vidyutAbhAM sukaNakavalayAM chandrakoTiprabhAvAm |
shrIkanyAM shAkinIshAM tripuraharakarAmbhojapUjAvinodIM
kAmAkhyAM rudramAyAM vadhunayanayutAM shakrakAntaprakAshAm || 67\-4||
sindhusthAM bhAvayAmi pramathagaNavadhUprojjvalAM vedayuktAM
yogendrAnandakartrIM kamalavalayAM nIlajImUtanetrAm |
o~NkArAM kAraNAkhyAM madhugR^ihanikarAmaShTagehaprakAshA\-
mAnandaj~nAnanityAM dvivinadalakalAM kaNThavaikuNThashobhAm || 67\-5||
dharmArthaj~nAnadAtrIM tribhuvanabhuvikAhlAdahetoH prakAshyAM
vindhyasthAM pIThakanyAM trikamalanayanAM vedahastAM prasannAm |
smerAsyAM chandravaktrAM hariharavidhibhirdhyAnagamyAM kadAchi\-
chChambhusthAM chArurUpAM bhavabhayaharaNIM tAriNIM bhAvayAmi || 67\-6||
sUkShmAM sthUlaprabhADhyAM charaNatalavibhAkoTibandhUkakAntiM
kAntAnAM kAmakAntAM jayaratibhavatIM shAkinIM shokahantrIm |
shabdAntaHprAntarasthAM sthitilayagaganAM padmarAgasrajADhyAM
kAntyA vishvaM jvalantIM madanavadhuramAbIjamAlAM smarAmi || 67\-7||
vyAghrasthAM vyAghravastrAM hariNanayanakaiH kevalAnandarUpAM
vAmAM shaktiM pravAlAM trikulajalakalAM kAlarAjeshvarIM yAm |
AnandAbdhau prabhAntIM prabhugaNabhayahAM mAtR^ikAbIjabhUShAM
ghorAmaTTATTahAsyAM dashanasuhasanAM chArunetrAM bhajAmi || 67\-8||
bAlAdityAyutAbhAM charamapadamadAM madyamAdhuryabhakShAM
kShoNIsiMhAsanasthAM maNimayajapamAlAbhirvarAnandahastAm |
mAtallIlAkalApAM taratanuvimalAM chAmale kaNThapadme
nityaj~nAnaprakAshAM bhajati mama sadAnandachittAvasannAm || 67\-9||
hAlApAnodyatA~NgIM paramasukhamayIM vedasantAnakartrIM
yogAnandAdikartrIM taruNaghanaghaTAghorarUpAM karAlAm |
AkAshAmbhojamadhye.avikalakarayuShA vyApakA~NgaprakAshAM
sA mAtA shrIM vahantIM parisamayakalau mokShabhaktiM bhaje tvAm || 67\-10||
sA vidyAdharmachintAmaNiguNajanitA yojitA jAtu bhItau
shabdabrahmaikahetusthalanilayamahAj~nAnasAkShipratItA |
tvaM mAtA vedamAtA hara hara kaluShaM bAlishaM tArayantI
jIvAtmAnaM dvirakShakShayamaraNabhayabhrAntimAbha~njayantI || 67\-11||
jvAlA mAlAvilolA kalayati kaluShaM shAkinI saiva mAtA
yAtAyAtaprabhAtodayadivasanishAbhrAntimohArinAshA |
dAsAnAmAmavAsA vasati shashigR^ihe kAtIkeshAsuvaMshA
saMsAre.ashAdihaMsA chala chala chapalaM tvaM kalAShoDashAre || 67\-12||
bIjAtmA yaj~nakuNDe rachayati charaNAchChandasAM gadyapadyaiH
pAtAle bhUkarAle kulayugadalake nirgatA vedashaktiH |
pashyantI madhyamAdyA nayanavachanagA vaikharI vAksvarUpA
kaNThe hR^itpadmamUle kathayati kavitA stambhitAstvAM prayAmi || 67\-13||
parA sA parvA sA rahitamatahAsA pravisha me
     ghanashyAme vAme dvikamalalalATe.atishikhayA |
vahantI sindUraM trijapaparayAnAmaparayA
     mukhAmbhoje vashyA bhavabhavayugaM ShoDashadale || 67\-14||
ramA lajjA mAyA vadhumadanakUrchchAstrasahite
hite mAtaH shAkambhari dharaNi bAlA kamalayA |
nishArdhe shatrva~NgaM hana hana kare saMhara ripuM
tritArI ShaTkUTA madanavadhujAhnijAyA hara agham || 67\-15||
yogendrAnandamudrAM taratanutapanAM tApinIM taptadehAM
mugdhAnAM mohamugdhAM mukuTashashimaNichChAyayAchChannaveshAm |
kAmAkhyAM brahmabIjadhvanimadanakulAdyAdibIjapratiShThAM
svAhAntAM bhAvayAmi kShitisurapatihaMsAkhyabrahmAstravidyAm || 67\-16||
sAyAhne kAmalakShmIH pavanavidhuyutA dIrghanetrA trinetrA
sAvitrI madhyakAle na chalati chalati shraddhayA mastakordhve |
koTyarkAbhAsamAnA na namati kuTilaM tejasA vyAkulAlaM
kAlolkAkoTikUTaM ramayati dhavalAsyAruNA~NgI prabhAte || 67\-17||
gAyatrI varNamAtrAmitavanavanitA mAnitA bhAlakUpe
hAlAkAlAnalA~NgI timiraharapadAlIDhapAdAravindA |
tvaM vidyA vAgbhavAdyA praNavatanumayI devalakShmIH prasAdA
nAdAdyAchArdhachandrojjvalayugalaM ShoDashAre mamAre || 67\-18||
jAyA mAyA vimAyA hayamukhi vimale kevale tArahAre
hArArkachitritA~Ngi svavadhuyugayuge tArayadvandvachandre |
svAhA medhA svadhA tvaM shrutinutisunatigranthivAgvAdinI tvaM
mAmekaM rakShayugmaM dharaNidharasukhaM sa~nchayAgnipriyAntA || 67\-19||
etat stavavaraM paThedyadi sadA dhyAtvA narendraH sukhI
dhanyaH puNyamupaiti devavilayaM pIThAdisandarshanam |
yogAnAmapi siddhibhAkpriyataraM j~nAnaM dhanaM labhyate
rAjAnaM vashayanti te cha sahasA sAkShAt kaTAkShai ramAm || 67\-20||

iti shrIrudrayAmale uttaratantre mahAtantroddIpane siddhamantraprakaraNe
ShaTchakraprakAshe bhairavIbhairavasaMvAde shAkinIstotravinyAso nAma
saptaShaShTitamaH paTalaH || 67||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}