% Text title            : shAradAbhujangaprayAtastutiH
% File name             : shAradAbhujangaprayAtastutiH.itx
% Category              : devii, sachchidAnanda-shivAbhinava-nRisiMhabhAratI, devI, sarasvatI, bhujanga
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharada Bhujangaprayatastutih ..}##
\itxtitle{.. shrIshAradAbhuja~NgaprayAtastutiH ..}##\endtitles ##
(kAlaTIkShetre)
smitoddhUtarAkAnishAnAyakAyai
     kapolaprabhAnirjitAdarshakAyai |
svanetrAvadhUtA~NgajAtadhvajAyai
     sarojotthasatyai namaH shAradAyai || 1||

bhavAmbhodhipAraM nayantyai svabhaktA\-
     nvinAyAsaleshaM kR^ipAnaukayaiva |
bhavAmbhojanetrAdisaMsevitAyai
     ajasraM hi kurmo namaH shAradAyai || 2||

sudhAkumbhamudrAvirAjatkarAyai
     vyathAshUnyachittaiH sadA sevitAyai |
krudhAkAmalobhAdinirvApaNAyai
     vidhAtR^ipriyAyai namaH shAradAyai || 3||

nateShTapradAnAya bhUmiM gatAyai
     gatenAchChabarhAbhimAnaM harantyai |
smitenendudarpaM cha toShaM vrajantyai
     suteneva namrairnamaH shAradAyai || 4||

natAlIyadAridryaduHkhApahantryai
     tathA bhItibhUtAdibAdhAharAyai |
phaNIndrAbhaveNyai girIndrastanAyai
     vidhAtR^ipriyAyai namaH shAradAyai || 5||

sudhAkumbhamudrAkShamAlAvirAja\-
     tkarAyai karAmbhojasammarditAyai
surANAM varANAM sadA mAninInAM
     mudA sarvadA te namaH shAradAyai || 6||

samastaishcha vedaiH sadA gItakIrtyai
     nirAshAntara~NgAmbujAtasthitAyai |
purArAtipadmAkShapadmodbhavAdyai\-
     rmudA pUjitAyai namaH shAradAyai || 7||

avidyA.a.apaduddhArabaddhAdarAyai
     tathA buddhisampatpradAnotsukAyai |
natebhyaH kadAchitsvapAdAmbujAte
     vidheH puNyavatyai namaH shAradAyai || 8|| ## var ## puNyatatyai

padAmbhojanamrAnkR^ite bhItabhItAn
     drutaM mR^ityubhItervimuktAnvidhAtum |
sudhApUrNakumbhaM kare kiM vidhatse
     drutaM pAyayitvA yathAtR^ipti vANi || 9||

mahAnto hi mahyaM hR^idambhoruhANi
     pramodAtsamarpyAsate saukhyabhAjaH |
iti khyApanAyAnatAnAM kR^ipAbdhe
     sarojAnyasa~NkhyAni dhatse kimamba || 10||

sharachchandranIkAshavastreNa vItA
     kanadbharmayaShTeraha~NkArabhettrI |
kirITaM satATa~NkamatyantaramyaM
     vahantI hR^idabje sphuratvamba mUrtiH || 11||

nigR^ihyAkShavargaM tapo vANi kartuM
     na shaknomi yasmAdavashyAkShavargaH |
tato mayyanAthe dayA pArashUnyA
     vidheyA vidhAtR^ipriye shAradAmba || 12||

kavitvaM pavitvaM dviShachChailabhede
     ravitvaM natasvAntahR^id.h{}dhvAntabhede |
shivatvaM cha tattvaprabodhe mamAmba
     tvada~NghryabjasevApaTutvaM cha dehi || 13||

vilokyApi loko na tR^iptiM prayAti
     prasannaM mukhenduM kala~NkAdishUnyam |
yadIyaM dhruvaM pratyahaM tAM kR^ipAbdhiM
     bhaje shAradAmbAmajasraM madambAm || 14||

purA chandrachUDo dhR^itAchAryarUpo
     girau shR^i~NgapUrve pratiShThApya chakre |
samArAdhya modaM yayau yAmapAraM
     bhaje shAradAmbAmajasraM madambAm || 15||

bhavAmbhodhipAraM nayantIM svabhaktAn
     bhavAmbhojanetrAjasampUjyamAnAm |
bhavadbhavyabhUtAghavidhvaMsadakShAM
     bhaje shAradAmbAmajasraM madambAm || 16||

varAka tvarA kA taveShTapradAne
     kathaM puNyahInAya tubhyaM dadAni |
iti tvaM girAM devi mA brUhi yasmA\-
     daghAraNyadAvAnaleti prasiddhA || 17||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIshAradAbhuja~NgaprayAtastutiH sampUrNA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}