% Text title            : shAradAchatuHShaShTiH
% File name             : shAradAchatuHShaShTiH.itx
% Category              : devii, sachchidAnanda-shivAbhinava-nRisiMhabhAratI, devI, sarasvatI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharada Chatuhshashtih ..}##
\itxtitle{.. shrIshAradAchatuHShaShTiH ..}##\endtitles ##
adrAkShamavyAjakR^ipAmapArAM shrIshAradAmbAbhidhayA lasantIm |
shrIshR^i~NgapuryAmadhichakramadhyamitaH paraM kiM karaNIyamasti || 1||
adrAkShamambhojabhavasya puNyaparamparAmAshritadivyamUrtim |
mAlAsudhAkumbhalasatkarAbjAmitaH paraM kiM karaNIyamasti || 2||
adrAkShamAnandapayodhirAkAsudhAkarANAmiva ramyapa~Nktim |
vibodhamudrAvarapustakADhyAmitaH paraM kiM karaNIyamasti || 3||
adrAkShamuttu~Ngatara~Ngatu~NgAtaTAntarAjadvaramandirasthAm |
shashA~NkabAlojjvaladivyamaulimitaH paraM kiM karaNIyamasti || 4||
adrAkShamardhendusamAnaphAlAM lAvaNyasarvasvapayodhivelAm |
kIlAlasambhUtasamutthalolAmitaH paraM kiM karaNIyamasti || 5||
adrAkShamindIvaratulyanetrAM bhrUvallikAnirjitakAmachApAm |
tu~NgAnadItIravihArashIlAmitaH paraM kiM karaNIyamasti || 6||
adrAkShamakShNorjanimarthayuktAM prakurvatIM svA~NghrinirIkShaNena |
payaHprabhUtaprabhavasya jAyAmitaH paraM kiM karaNIyamasti || 7||
adrAkShamikShUdatara~NgatulyAM vAchaM natAnAM dadatIM javena |
lokeshavAmA~NkamahadvibhUShAmitaH paraM kiM karaNIyamasti || 8||
adrAkShamAsyenduvilokanena vikAsayantIM hR^idayAmbujAni |
praNamrapa~NktervachasAM savitrImitaH paraM kiM karaNIyamasti || 9||
adrAkShamaj~nAnatamaHprachaNDamArtANDaShaNDIkR^itapAdasevAm |
apArasachchitsukharUpadehAmitaH paraM kiM karaNIyamasti || 10||
adrAkShamakShINadayArasArdrakaTAkShasaMrakShitalokajAlAm |
ajAntara~NgAmbujabhAnurUpAmitaH paraM kiM karaNIyamasti || 11||
adrAkShamadyAhamasheShalokapravR^ittisAkShyAtmatayA vibhAntIm |
guptyai prapa~nchasya kR^itAvatArAmitaH paraM kiM karaNIyamasti || 12||
adrAkShamatyantaviraktibhaktishraddhApramukhyaiH suguNaiH sulabhyAm |
sudurlabhAM tadguNavarjitAnAmitaH paraM kiM karaNIyamasti || 13||
adrAkShamambhojabhavAbjanetragirIshamukhyaiH paripUjyamAnAm |
vINAlasatpANisarojamadhyAmitaH paraM kiM karaNIyamasti || 14||
adrAkShama~NgachChavinirjitendunIhArahArAvalidugdhasindhum |
sagarbhayantImagajAsanAthamitaH paraM kiM karaNIyamasti || 15||
adrAkShamAdyairvachasAM samUhairabhiShTutAM devamunIndrasa~NkhaiH |
ambhojamachChaM shukamAdadhAnAmitaH paraM kiM karaNIyamasti || 16||
adrAkShamAdyantavihInashuddhabuddhasvabhAvaM paramaprameyam |
vibodhayantIM kR^ipayA praNamrAnitaH paraM kiM karaNIyamasti || 17||
adrAkShama~NkAvahama~NkavAsamAlochya vAsaM pratihAya tatra |
chaturmukhAsyAmbujavAsasaktAmitaH paraM kiM karaNIyamasti || 18||
adrAkShamIshAnarameshapadmabhavAdirUpeNa jagatpravR^ittim |
prakurvatIM shR^i~NgamahIdharasthAmitaH paraM kiM karaNIyamasti || 19||
adrAkShamAmnAyashirovachAMsi hR^idApyalabhyAM jagadurhi yAM tAm |
vichitramasyAH karuNAvisheShAditaH paraM kiM karaNIyamasti || 20||
adrAkShamAyAsavihInasevAlavairapi prItahR^idambujAtAm |
asheShakalyANaguNAbhirAmAmitaH paraM kiM karaNIyamasti || 21||
adrAkShamAkaNThanatAnukampAmakShiprabhAnirjitamInagarvAm |
vA~NmAdhurInirjitakekilokAmitaH paraM kiM karaNIyamasti || 22||
adrAkShamaishvaryamapAramAshu samprApayantIM padanamralokAn |
dantachChadAdhaHkR^itapakvabimbAmitaH paraM kiM karaNIyamasti || 23||
adrAkShamAnamrajanAnutApavArAshisaMshoShaNabADavAgnim |
tu~NgAnadIkhelanalolachittAmitaH paraM kiM karaNIyamasti || 24||
adrAkShamAdhArasaroruhasthAM pa~nchAnanAmasthikR^itapratiShThAm |
mudgaudanAsaktamano.ambujAtAmitaH paraM kiM karaNIyamasti || 25||
adrAkShamaShTA~NgahaThAdiyoganibaddhabhAvairanuchintyamAnAm |
kaShTAdiShaDvargavibhedadakShAmitaH paraM kiM karaNIyamasti || 26||
adrAkShamarkAyutabhAsamAnAmanAhatAkhye hR^idayAbjamadhye |
phAle.ahishatrordhanuShaH savarNAmitaH paraM kiM karaNIyamasti || 27||
adrAkShamindoH sadR^ishIM shirasthasahasrapatre kamale manoj~ne |
trikoNamadhye varadIpikAbhAmitaH paraM kiM karaNIyamasti || 28||
adrAkShamambA~Nghrisarojayugmamavochamapyamba tavAbhidhAnam |
ashrauShamaMhoharaNaM charitramitaH paraM kiM karaNIyamasti || 29||
adrAkShamambhodatamaHsamUhanIkAshakeshavrajashobhamAnAm |
kaNThaprabhAnirjitakambugarvAmitaH paraM kiM karaNIyamasti || 30||
adrAkShamavyAjadayAsamudrairnR^isiMhabhAratyabhidhairyatIndraiH |
modAchchiraM pUjitapAdapadmAmitaH paraM kiM karaNIyamasti || 31||
adrAkShamIshAnaparAvatArashrIsha~NkarAryairvarachakrarAje |
pratiShThitAM sarvajagatsavitrImitaH paraM kiM karaNIyamasti || 32||
adrAkShamatyantaviraktimAshu vishrANayantIM viShayeShu susthAm |
shamAdiShaTkaM cha vinamrapa~NkteritaH paraM kiM karaNIyamasti || 33||
adrAkShamAtmaikyavibodhanena saMsAravArAkaramadhyamagnAn |
uttArayantIM karuNAkaTAkShairitaH paraM kiM karaNIyamasti || 34||
adrAkShamashvastananityavastuvivekamatyantamumukShutAM cha |
sampAdayantIM padasannatAnAmitaH paraM kiM karaNIyamasti || 35||
adrAkShamAkAshanabhasvadagnijalAdirUpANi jaganti sR^iShTvA |
pravishya teShu pravibhAsamAnAmitaH paraM kiM karaNIyamasti || 36||
adrAkShamUrIkR^itapArahaMsyairdUrIkR^itA~Ngaprabhavaprasa~NgaiH |
vichAryamANAM shrutishIrShavAgbhiritaH paraM kiM karaNIyamasti || 37||
adrAkShamenAM hR^idi maunivaryairvishoShayadbhirviShayapravAhAn |
sAkShAtkR^itAM pa~NkajajAtakAntAmitaH paraM kiM karaNIyamasti || 44||
adrAkShametatparidR^ishyamAnaM yaddarshanAnnIrasameva vishvam |
tAM sachchidAnandaghanasvarUpAmitaH paraM kiM karaNIyamasti || 39||
adrAkShamApUrNakala~NkashUnyashItAMshunIkAshamukhAmbujAtAm |
ka~njAtasa~njAtamanoharantImitaH paraM kiM karaNIyamasti || 40||
adrAkShamAkarNavishAlanetrAM rambhAsamAnoruyugAbhirAmAm |
nAgendrakumbhapratimastanADhyAmitaH paraM kiM karaNIyamasti || 41||
adrAkShamenAM jaDajAtajAto.apyanekanAnAvidhavishvakartA |
yatpANipadmagrahaNAdabhUttAmitaH paraM kiM karaNIyamasti || 42||
adrAkShamenAM kalikalmaShaghnIM yatpAdapadmaM dinanAthatulyam |
svadhyAtR^ihR^id.h{}dhvAntanivAraNAttAmitaH paraM kiM karaNIyamasti || 43||
adrAkShamachChAchChapayojasaMsthAM sharannishAnAthasadR^ikShachelAm |
namrAlijihvAgrakR^itapranR^ittAmitaH paraM kiM karaNIyamasti || 44||
adrAkShamavyAhatashaktidAtrIM vinigrahAnugrahayoH kShaNena |
apIndralokAdisamastasR^iShTyAmitaH paraM kiM karaNIyamasti || 45||
adrAkShamenAM mahiShAsurasya nishumbhashumbhAsurayoshcha hantrIm |
asvapnalokAvanabaddhadIkShAmitaH paraM kiM karaNIyamasti || 46||
adrAkShamAlokya janiM samR^ityuM jAtasya hItyAdi nayena vavre |
ajaM patiM yA chaturAmahaM tAmitaH paraM kiM karaNIyamasti || 47||
adrAkShamenAM tarasaiva namrAnkulyAmivAyAsalavaM vinaiva |
saMsArayantIM bhavavArirAshImitaH paraM kiM karaNIyamasti || 48||
adrAkShamadvaitavibodhanArthaM kaNThena kamborvachasA pikasya |
madhyena siMhyA dadhatImabhedamitaH paraM kiM karaNIyamasti || 49||
adrAkShamenAM dayayA javena prakurvatIM svA~NghrisarojanamrAn |
sampannasArvaj~nyasamastashaktInitaH paraM kiM karaNIyamasti || 50||
adrAkShamagrAhyanijasvarUpAM gUDhAmasheShe kila bhUtavarge |
grAhyAM sukhenaiva susUkShmadhIbhiritaH paraM kiM karaNIyamasti || 51||
adrAkShamakShAsumanovibhinnasachchitsukhAkAratayA gurUktyA |
avApamAnandamapAyashUnyamitaH paraM kiM karaNIyamasti || 52||
adrAkShamenAM munibhirhi sAhamahaM cha seti vyatihArato yA |
vibhAvyate tAM trijagatsavitrImitaH paraM kiM karaNIyamasti || 53||
adrAkShamaShTAdashasa~NkhyavidyA vashyA yada~NghryambujalagnabuddheH |
tAM sarvavidyAmayadivyadehAmitaH paraM kiM karaNIyamasti || 54||
adrAkShamenAM parihR^itya pa~nchakoshAnsudhIbhiH parichintyamAnAm |
vedAntasiddhAntavichArashIlairitaH paraM kiM karaNIyamasti || 55||
adrAkShamAdhAragatatrikoNe santaptahemaprabhali~NgarUpAm |
anAhatAkhye.aruNali~NgarUpAmitaH paraM kiM karaNIyamasti || 56||
adrAkShamabjAyutakoTishuklali~NgasvarUpAM kamale shiraHsthe |
vANImanojanmaparasvarUpAmitaH paraM kiM karaNIyamasti || 57||
adrAkShamenAM gR^ihadAraputradeheShvahantAmamate jahAti |
yatpAdapAthojavichintanAttAmitaH paraM kiM karaNIyamasti || 58||
adrAkShamenAM haridantajAlavikhyAtapANDityayutA bhavanti |
yatpAdasaMsaktahR^ido muhustAmitaH paraM kiM karaNIyamasti || 59||
adrAkShamenAM madavadvivAdigarvebhanirvApaNapa~nchavaktrAH |
yatpAdapa~NkeruhapUjakAstAmitaH paraM kiM karaNIyamasti || 60||
adrAkShamenAmapi kimpachAnaH surendratulyaH prabhavejjavena |
yanmantrajApAddR^iDhabhaktitastAmitaH paraM kiM karaNIyamasti || 61||
adrAkShamamlAnasarojamAlAvibhUShitoraHsthalashIrShabhAgAm |
amartyatejaHsamudAyarUpAmitaH paraM kiM karaNIyamasti || 62||
adrAkShama~NgaprabhavaprabhUtavyathAnabhij~naiH parichintyamAnAm |
chittAmalatvapradanaijachintAmitaH paraM kiM karaNIyamasti || 63||
adrAkShamAtmeShTavarapradAnasantoShitAnekanatipradhAnAm |
ajAtarUpAmapi jAtarUpAmitaH paraM kiM karaNIyamasti || 64||
adrAkShaM nAradAdyaiH suramuninikarairgIyamAnApadAnAM
nR^ityaddivyA~NganAnAM karacharaNalasatka~NkaNAnAM ravaughaiH |
sampUrNAshAvakAshAM navanavakavitAchAturIdAnadakShAM
shR^i~NgAdrau chakrarAjasthirakR^itanilayAM shAradAM pAradAbhAm || 65||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIshAradAchatuHShaShTiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}