% Text title            : Shri Sharadakusumanjalih
% File name             : shAradAkusumAnjaliH.itx
% Category              : devii, vAsudevanElayath, devI, sarasvatI
% Location              : doc\_devii
% Description/comments  : From Bhaktitarangini by Prof. P.C. Vasudevan Elayath
% Latest update         : December 25, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharadakusumanjalih ..}##
\itxtitle{.. shrIshAradAkusumA~njaliH ..}##\endtitles ##
shrIrAmakR^iShNagurudevanibaddhabhAvA |
      shrIrAmakR^iShNaparipUjitapAdapadmA |
shrIdakShiNeshvaragatA bhavatAriNI sA
      shrIshAradA vijayate jagadekamAtA || 1||
shvetAmbarAvR^itavishuddhamanoj~nagAtrIM
      shAntaprasannavadanAM karuNArdranetrAm |
dhyAyAmi tAM hR^idayapadmasukhAsanasthAM
      shrIshAradAM paramahaMsamahAvibhUtim || 2||
amba prasIda bhuvaneshvari mAtR^idevi,
      tvAmaprameyamahimArjitAvishvapUjAm |
kShAntyAdharIkR^itadharAM saraLAntara~NgAM
      nishsheShaduHkhashamanIM sharaNaM prapadye || 3||
vidyAvivAdajaTilatvavihInabhAvA
      svAtmAnubhUtimadhurA satataM prasannA |
AnandarUpiNi padAbjasamAshritAnAM
      shAntipradA vijayase laLitAmbike tvam || 4||
yogeshvareshvaramahAgurudharmapatni,
      sarvArthade sakalashaktyavatArarUpe |
ArtaprapannaparipAlanabaddhadIkShe
      shrIshAradAmba jagadamba namo namaste || 5||
divyAnubhUtimuditau pitarau vidhAya
      tvaM labdhavatyasi vishiShTanavAvatAram |
yena prasiddhimabhajatkila dharmavATI
      va~NgeShu ma~NgaLatamA jayarAmavATI || 6||
dhyAnaM japaM cha paripUjanamamba, bAla\-
      lIlAsu tatparatayaiva chakartha nityam |
adhyAtmajIvitamanantarabhAvimanye
      dhanyA vishuddhahR^idayA samasUchayastvam || 7||
bAlA vadhUstvamayi kevalapa~nchavarShA
      prauDho yuvA nanu varaH sa tu rAmakR^iShNaH |
haMho viraktahR^idayashcha bhavadvivAho
      jAtastathApi cha parasparabhAvabaddhaH || 8||
shrIshAradAparamahaMsavishuddhadivya\-
      dAmpatyamadbhutatamapraNayaprabhAvam |
vishvopadeshajananaM jayatAt gurubhyA \-
      mAbhyAM namo.astu satataM jagataH pitR^ibhyAm || 9||
kAle gate cha yuvatI bhavatI jagAma
      shrIdakShiNeshvaramanupriyavAsabhUmim |
AdhyAtmikonnatatale viharantamenaM
      tvayyadbhutapraNayaniShThamavAluloke || 10||
shrIshAradAmba nigamAdR^ita bhartR^isevA
      labdhAvakAshamuditA vijahau viShAdam |
adhyAtmabhautikasamanvayashikShaNena
      reme cha tadgurudayAshishirAnta~NgA || 11||
tvaM tatra puNyacharitA nigR^ihItachittA
      shrIrAmakR^iShNacharaNArpitasarvabhAvA |
AnanditA vividhasevanamAcharantI
      pUrNAmavApitha kR^itArthatamAmavasthAm || 12||
nAnAvidheShu kaThineShu parIkShaNeShu
      he devi labdhavijayA vinayAvanamrA |
sammAnitA guruvareNa samastabhakta\-
      vR^indena pUjitapadA sutarAM chakAse || 13||
tvaM ShoDashImahitapUjanamAtmanAtha
      yogeshvareNa vihitaM parigR^ihra shAntA |
suvyaktashaktibharitAmalachittapadmA
      dhanyA babhavitha jagadgurudharmapatnI || 14||
shushrUShayA paramahaMsagurestadIya\-
      divyopadeshamananena cha pUrNabodhA |
bhaktAvalIpariniShevitapAdapadmA
      tvaM shobhase sma janapAvani mAtR^idevi || 15||
vanye cha taskarapateH pathi saumyabhAva\-
      mApAdya vantyapitR^ibhAva pupAdadhAne |
snehAtmike sakalamAnasahaMsi devi
      tubhyaM namaH patitapAvani he bhavAni || 16||
he mAtR^idevi gurudeva mahAsamAdhe\-
      rarvAgananyahR^idayA tamanusmarantI |
taddivyadarshananirastasamastasha~NkA
      sa.nprApitha prathitanityasuma~NgalI tvam || 17||
tIrthATanena susamAhitachittavR^itti\-
      rAtanvatI hR^idayanAthanideshamAtram |
strIdharmasusthiradhiyA patigehametya
      kleshena vastumupachakramiShe tvamekA || 18||
dAridryamutkaTamasajjanadurvimarsha\-
      manyatra pITanamaho bhavatI viShehe |
shrIrAmakR^iShNabhajane japapUjanAdau
      niShThAntavardhata dinamprati nirvisha~Nkam || 19||
dhIrA jigAya paruShAgniparikShaNe.asmi\-
      nnAtmashvarArpitAvishuddhadR^iDhAntara~NgA |
kShINApi divyatanukAntirasheShapUjyA
      saMrejiShe pratipradIva shashA~NkalekhA || 20||
j~nAtvaitadamba, sahasA guradevashiShyai\-
      ratyantabhaktivinayAvanatAntara~NgaiH |
sampUjitA suvihitAkhilakAryajAtA
      sasmartha hanta gurudevadayAmanantAm || 21||
amba prasUtikaThinavyathayA vinaiva
      labdhvA vinitahR^idayAMstanayAnanekAn |
premaprakarShalaharItaralAntara~NgA
      tvaM devi sasmaritha bhartR^igiraM saharSham || 22||
mAtastadAprabhR^iti vishrutakALighaTTaM
      tvaM pAvanImapi mudA jayarAmavATIm |
shrIrAmakR^iShNacharaNasmaraNe nimagnA
      sadbhaktapUjitapadA chiramadhyavAtsIH || 23||
yogatrayeshvari vishuddhavibodharUpe
      mantropadeshamakhilaM gurudevadattam |
kAruNyapUrNahR^idayA daditha prapanna\-
      lokAya he patitapAvani mAtR^idevi || 24||
AdhyAtmikonnatatale viharantyathApi
      gR^ihraM cha bandhamadhR^ithA nanu chitrametat |
yadvA tavaitaduchitaM khalu rAmakR^iShNa\-
      devasya dharmagR^ihiNI bhavati vishuddhA || 25||
shrIshAradAmba bhavatI nijajIvitena
      vaichitryabandhuratamena vishuddhibhAjA |
pUrNaprabhAvamakhileshvari bhAratIya\-
      strItvasya darshitavatI mahite namaste || 26||
dhyAyAmi tvAM dadhAnAM jagadatisubhagaM sthUlarUpaM vichitra
      chaitanyaM chApi sUkShmaM vapurakhilapadArtheShu nityaM nigUDham |
chillInAnityatR^iptAM praNatajanamanodarpaNodbhAsirUpAM
      devIM shrIshAradAmbAM jaya janani namaste namaste namaste || 27||
samarpaNaM
shrI shAradAmba mahite tava sannidhAne
\ldq{}tAravalIya\rdq{}mayi devi samapryamANA |
he vishvarUpiNi tavAstu vinItashuddha
nIrAjanaM cha lalitaM shivade namaste ||

iti shrIvAsudevan elayathena virachitA shrIshAradAkusumA~njaliH samAptA |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}