% Text title : shAradAmAhAtmyam % File name : shAradAmAhAtmyam.itx % Category : devii, sarasvatI % Location : doc\_devii % Transliterated by : Shankara shankara\_2000 at yahoo.com % Proofread by : P. P. Narayanaswami swami at mun.ca, PSA Easwaran % Latest update : November 27, 2016 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIshAradAmAhAtmyam ..}## \itxtitle{.. shrIshAradAmAhAtmyam ..}##\endtitles ## OM atha shAradAmAhAtmyam || bhairavyuvAcha | vada satyaM mahAdeva shAradAvanamuttamam | shANDilyo yatra vai gatvA sarvAnkAmAnavAptavAn || 1|| anAdinidhanA devI yathA bhUlokamAgamat | shAradA nAma sA shaktistridhA rUpamadhArayat || 2|| tasyA mAhAtmyamIshAna vada lokahitepsayA | kA cha devI parA yAsau shAradAnAmadhAriNI || 3|| bhairava uvAcha | shR^iNu vakShye mahAdevi shAradAvanamuttamam | yasya darshanamAtreNa parAM siddhimavApnuyAt || 4|| mAta~NgakanyAsa~NgAchcha sambhUtastatsarUpakaH | shANDilyo nAma tanujo maharSherbhAvitAtmanaH || 5|| shyAmA~NgaH sa tamorUpaH pitrAj~naptashchachAra ha | ghoraM tapo mahAdevi mahAdevAdrisaMnidhau || 6|| jagattrANAdikR^ichChaktijapadhyAnaparAyaNaH | nirAhAro yatAtmA sa dadhyau devIM sanAtanIm || 7|| evaM tu dhyAyatastasya shANDilyasya mahAtmanaH | prAdurbabhUva tu mahachChyAmalaM teja uttamam || 8|| adbhutaM tanmunirdR^iShTvA vismito na shashAka ha | ki~nchidvaktuM cheShTituM vA sthANubhUto maheshvari || 9|| kShaNenAntardadhe tattu tejaH shyAmalamuttamam | muniH sa vismito bhUyaH prekShyAntardhAnamAgatam || 10|| sasmAra pitaraM tatra shANDilyo vana uttame | tenApi preShitastatra nArado munisattamaH || 11|| Agatya nAradaH prAha shANDilyaM munisattamam | dhyAyasva bhUyo viprAgrya yena darshanamApsyasi || 12|| shyAmalAM shyAmalA~NgIM tAM shaktiM shaktimato.anaghAm | dR^iShTvA tu tAmaghaM sarvaM nAshamAyAti tatkShaNAt || 13|| ityuktvAntardadhe tatra nArado munisaMnidhau | shrutvA devarShivachanaM punardadhyau sureshvari || 14|| shatavarShaM dhyAnaparaH shyAmA~NgIM dR^iShTavAnmuniH | nutvA stutvA cha vidhinA shyAmA~NgIM tAM sureshvari || 15|| sovAcha taM mahAbhAga varaM varaya suvrata | shrutvA tu tadvachaH saumyaM varadA chenmaheshvari || 16|| mamA~NgAt sakalaM pApaM vilayaM yAtu tatkShaNAt | iti shrutvA vachastasya shANDilyasya mahAtmanaH || 17|| provAcha shyAmalA devI putra sarvamavApsyasi | iti gachCha mahArAShTraM shyAmalaM nAma nAmataH || 18|| tatra drakShyasi tAM devIM shAradAM trividhAtmikAm | tataH prApsyasi svaM rUpaM brAhmameva na saMshayaH || 19|| ityuktvA shANDilyamuniM devI chAntardadhe tadA | smR^itvA vacho mahAdevyAH shyAmalAyA munIshvaraH || 20|| pratasthe shyAmalaM nAma viShayaM sArvakAmikam | tatra gatvA munirdhyAnarato ghoShaM samR^iddhidam || 21|| ghoShe dhyAtvA mahAdevIM dadarshAgrasthitAM satIm | stutA tatra maheshAnI agra evAdishanmunim || 22|| ito.adUre munishreShTha shAradAyA vanaM mahat | tatra praviShTasya munestamo nashyati tatkShaNAt || 23|| tamonAshe cha svAmeva prakR^itiM prApsyasi dhruvam | ityuktvAntardadhe devI hayashIrShAshrame muniH || 24|| tato vanaM samAsAdya kR^iShNaga~NgAM samAshrayat | dR^iShTvA spR^iShTvA cha vidhivachshyAmAM ga~NgAM mahAmuniH || 25|| suvarNArdhA~Ngake gatvA paraM tatra visismiye | sauvarNArdhA~NgastadvIkShya yayau bhUyo maheshvari || 26|| tatra vai shANDilyamuniH suvarNArdhA~Nga IkShitaH | sa deshaH prathito.adyApi survarNArdhA~NgasaMj~nayA || 27|| suvarNArdhA~Ngake deshe snAnadAnajapArchanaiH | puNyaM prApnoti manujo vedapArAyaNe priye || 28|| tasmAtsarvaprayatnena suvarNArdhA~Ngake kalau | snAnaM tatra visheSheNa brahmahatyAM vyapohati || 29|| mahApAtakayukto vA yukto vApyupapAtakaiH | snAtvA shrIkR^iShNaga~NgAyAM muchyejjanmashatodbhavaiH || 30| tatastu girimAruhya muniH paramakAruNaH | pratasthe darshanAkA~NkShI devyAH prApaddhi nATakam || 31|| dadarsha nATakaM tatra devInAM vismito muniH | namaskR^itya cha devInAM gaNaM ra~NgamupeyivAn || 32|| devyastu dR^iShTvA tatraiva survarNArdhA~NgakaM munim | parasparamathochustAH suvarNArdhA~Ngako muniH || 33|| sarvA~Ngasundaro bhUtvA gachChediti na saMshayaH | tathetyuktvA maheshAni devInAM gaNa uttamaH || 34|| nATyaM kR^itvA tena saha tato.antardhAnamAgataH || tatra devIgaNaM nATyaparaM dR^iShTvA sa vai muniH || 35|| tannAlaM prakaTIbhUtaM ra~NgavATyAM maheshvari | dR^iShTvA devIvanaM tatra ra~NgavATyabhidhaM param || 36|| muchyate ghorapApaughairjanmajanmAntarodbhavaiH | tato dR^iShTvAdbhutaM divyaM ra~NgavATAbhidhaM vanam || 37|| gandharvanagarAkAraM pratasthe vismito muniH | tato.agre tasya deveshi shANDilyasya mahAmuneH || 38|| gostambho hyabhavattatra ra~NgadarshanavismitaH | anelamUko hyabhavadyatra vai vismito muniH || 39|| tadvanaM prathitaM loke gostambhanasamAkhyayA | gostambhanavanaM dR^iShTvA snAtvA dattvA yathAvidhi || 40|| muchyate ghorahatyAbhiriti satyena te shape | tato hyanelamUkaH sa muniH paramavismitaH || 41|| prApya tejavanaM nAma ga~NgAtIre dadarsha saH | muniM gautamamAsInaM gatvA natvA cha bhUrishaH || 42|| anelamUkaM shANDilyamapR^ichChatkR^ipayA muniH | dR^iShTaM kimadbhutaM brahman tatra divye mahAvane || 43|| shaktiprasAdAt prApnoShi varametanna saMshayaH | tamobhUtastamorUpastAmasastAmasodbhavaH || 44|| suvarNA~Ngo bhavAnyasmAt saMpanno darshanena yaH | sa evAnelamUko.asi vismayAddvijasattama || 45|| snAnAchcha paramaM tejaH sthAnaM prApsyasi chottamam | shrutvA tasya vacho divyaM snAtvA puNye cha vAriNi || 46|| gostambhAnmuktimAsAdya tejaH paramavAptavAn | tattejaH paramaM dR^iShTvA muniH shANDilyanAmakaH || 47|| gautamaM pratyuvAchainaM tejasvI paramAdarAt | mune ko.ayaM prabhAvo.asti kShetre yasya prabhAvataH || 48|| yasya darshanato jAtaM mama tejaH paraM mune | shrutvA munergautamo.api vachastatparamaM priye || 49|| pratyuvAcha muniM tatra kimAshcharyeNa vai dvija | iti shrutvA prasthitashcha bhUyo.agre surasundari || 50|| yatra mukto maheshAni gostambhAtsa muniH paraH | tejaH paramakaM prApa sa deshaH pAvanaH smR^itaH || 51|| tattattejavanaM nAma kShetraM paramapAvanam | prayatnena tu tatkShetre snAtavyamamareshvari || 52|| muchyate ghorahatyAbhiH snAnadhyAnajapArchanaiH | mahApAtakayukto vA yukto vApyupapAtakaiH || 53|| uttejane mahAkShetre muchyate ghorasa~NkaTAt | uttejanasamaM kShetraM divi bhuvyantarikShake || 54|| ghorapApaharaM divyaM na bhUtaM na bhaviShyati | tato giriM samAruhya shANDilyaH prasthito muniH || 55|| dR^iShTvAgre gaNapaM divyaM vighnakartAramIshvaram | prasAdayitvA deveshaM vighnAnAM nAyakaM param || 56|| tadAj~nayA jagAmAgre vanaM puNyamatandritaH | dR^iShTvA puNyaM vanaM divyaM shAradAyA maheshvari | tatrAcharattapo ghoraM divyavarShasahasrakam || 57|| divyavarShasahasrAnte shrIshailashikharAtpriye | shyAmalA dhavalA devI raktA chAvirbabhUva ha || 58|| dR^iShTvA tu devIM tAM tatra shArAM varShasahasrakam | yasmAdraktA cha shyAmA cha shvetA cha varavarNini || 59|| tasmAtproktA purAvidbhiH shAradAnAmanAmataH | shikharAgre cha dR^iShTvA tAM devIM trividhavigrahAm || 60|| munirvismayamApannastasthau smaraNatatparaH | shArIbhUtA yato devI dR^iShTA te nAtra saMshayaH || 61|| tataH proktA purAvidbhiH shAradeti maheshvari | sharatkAle yato devI pUjitA sarvajantubhiH || 62|| tataH proktA purAvidbhiH shAradAnAmanAmataH | shabaleti yato devi proktA trividhavigrahA || 63|| shAradA nAradA chaiva vAgdevIti cha sochyate | nAradasyopadeshena yA dR^iShTA shyAmalA~NgakA || 64|| sarasvatIti sA proktA vAkstambhAnmuchyate yayA | nirmalA yA cha muninA dR^iShTA trividhavigrahA || 65|| shrIshailashikhare puNye shAradeti matA cha sA | dR^iShTvA devIM tatra muniH praNanAma chiraM mudA || 66|| daNDavatpatito bhUtvA girA paramayaiDayat || 67|| shrIshANDilya uvAcha | devIM chidAnandamayImajasraM vishvAtmikAM vishvaparAM jayantIm | tamo.apahartrIM manasA pareshIM tAM shAradAkhyAM sharaNaM prapadye || 68|| pApaiH shabalito yasmAnmochito.asmi svabhAvataH | tasmAttvAM shAradAM nAma pravadanti manIShiNaH || 69|| chidvimarshamahAshaktiM paramAnandadAyinIm | sharaNaM devadeveshIM tvAmeva gatavAnaham || 70|| rajastamovyaktarUpAmomityekAkSharAtmikAm | sharaNaM yAmi tAM devIM shAradAM shabalAM parAm || 71|| aghorAM ghorarUpAM tAM ghoraghoratarAM shubhAm | sharvANIM chAtha rudrANIM mR^iDAnIM tAM namAmyaham || 72|| shatarudrAM parAM nityAM shAradAM tAM nato.asmyaham | mahAkAlAgninA grastaM jagattrAtumihodyatA || 73|| parAsvarUpAM paramAM shAradAM tAM nato.asmyaham | mahAkAlAgnirUpAM tAM sR^iShTisaMhArakAriNIm || 74|| jagatsthitikarIM devI shAradAM sharaNaM shraye | shyAmAM shabalitApA~NgAM sharmadAM bhArgavArchitAm || 75|| nAradAnugrahakarIM shAradAM sharaNaM shraye | vAkstambhamochanIM bhadrAM mahaduttejanIM parAm || 76|| gautamenArchitAM durgAM shAradAM varadAM bhaje | chintyAmachintyAM chetyAM cha chidvimarshavidhAyinIm || 77|| chidrUpAM chArunayanAM shAradAM sharaNaM shraye | ghorakAnanasaMlInAM trividhAM trisvarUpiNIm || 78|| shrIshaile tripuTAM devIM shAradAM tAM bhajAmahe | kAmakrodhabhayonmAdagrastamokShavidhAyinIm || 79|| tripurAM trividhAvAsAM shAradAM nAradAM bhaje | bhaktAbhayakarIM devIM varachApasharA~NkitAm || 80|| trishUlakhaTvA~NgadharAM trinetrAM chAruhAsinIm | ShaDbhujAM ShaDguNAM ramyAM guNAtItAM guNAtmikAm || 81|| prakR^itiM vikR^itiM divyAM shAradAM varadAM bhaje | atItAnAgatAM divyAM mahAmAyAsvarUpiNIm || 82|| brahmaviShNushivAtItaparya~NkAsanasaMsthitAm | mahAmohaparigrastAM mahAmohasvarUpiNIm || 83|| mohAndhitajanoddhArAM shAradAM varadAM bhaje | dInAnAthaparitrANaparAyaNaparAyaNAm || 84|| mAdR^ikprapannapashupAshavimochanIM tAM sachchidvimarshavimalAM paramArtharUpAm | mAnapramAtR^irahitAM sthitimaprameyAM tAM shAradAM bhuvanakoshagatAM nato.asmi || 85|| iti stutvA mahAdevIM shANDilyaH kAnane shubhe | chakAra sa munistatra tapaH pApanibarhaNam || 86|| vAyubhakSho nirAhAro devIdarshanalAlasaH | evaM sa~ncharatastasya dushcharaM paramaM tapaH || 87|| jagAma sumahAnkAlo devI prItA babhUva ha | atropahAraM vakShyAmi tachChR^iNuShva sureshvari || 88|| sA cha devI pratuShyeta pashuM dR^iShTvA vArdhrINasam | pashurapi parAM muktiM labhate nAtra saMshayaH || 89|| vaiShNavo.api narastatra brAhmaNaH kShatriyo.athavA | vaishyo vApi prakurvIta homaM pashupuraHsaram || 90|| vaiShNavo naiva bhu~njIta vratadhArI tathaiva cha | mAMsaM vArdhrINasasyAsya na doShastatra vidyate || 91|| amAMsabhojanaH shambhustuShyate nAtra saMshayaH | devI chApi sureshAni sadA prItikarA bhavet || 92|| modakairmatsyamAMsaishcha gaNanAthaM prapUjayet | ityeSha paTalo guhyo pAvanaH prItivardhanaH || 93|| tathA tapasi saktasya prasannAbhUnmaheshvarI | devI durvAsasA sArdhaM munibhishcha samAyayau || 94|| dR^iShTvA devIM purastatra shANDilyo daNDavatkShitau | papAta punarutthApya devI shANDilyamabravIt || 95|| shrIshailopari shANDilya matpArshve tu chiraM vasa | maddarshanAchcha yatpuNyaM tadbhavaddarshanAdapi || 96|| uttiShTha shIghraM putra tvaM matpArshve sannidhiM kuru | dAsyAmi vedAMstatraiva sA~NgAnapi cha putraka || 97|| trisR^iNAshchaiva mokShyAmi satyaM jAnIhi mAnada | ityuktvA tatra shANDilyaM devadevI maheshvarI || 98|| tatraivAntarhitA bhUtvA shrIshailoparisaMsthitA | shANDilyo.api yayau tatra yatra devI pratiShThitA || 99|| gachChatastasya deveshi shANDilyasya mahAtmanaH | ardhA~NgaM tu suvarNasya babhUva kila sundari || 100|| ardhA~NgaM tu suvarNasya dR^iShTvA hR^iShTo bhavan muniH | vismayaM paramaM prApto manasaitadachintayat || 101|| kiM mamA~NgaM suvarNasya phalaM kasyaiSha karmaNaH | rAShTrasya mahimA ko.api tathA tIrthajalasya cha || 102|| athavA devadevyAstu shAradAyAH prasAdataH | itthaM chintayatastasya shANDilyasya mahAmuneH || 103|| vismitasya mahAdevi pitaro dR^iShTimAgatAH | dR^iShTvA pitR^igaNAMstatra shANDilyaH purataH sthitAn || 104|| uvAcha vismitaH ke vai bhavantaH purataH sthitAH | kimarthamAgatA yUyaM brUtAgamanakAraNam || 105|| bhavatAM ki~NkarashchAsmi avilambena sattamAH | brUtAgamanakR^ityaM me samudyukto.asmi tatkR^ite || 106|| pitara UchuH | vayaM te pitaraH putra kShINAH smo.atha chiraMsamAH | varNasa~NkarajAddoShAchChuddhavarNo.asi sAMpratam || 107|| adhunA pAtumichChAmastvatta eva jalA~njalIn | dAtumarhasi naH putra sindhau shrAddhamanuttamam || 108|| jalA~njalimapIdAnImasmAkaM tR^iptikAraNam | yo.arhaH sannaiva pitR^INAM dadAti jalatarpaNam || 109|| shrAddhaM vApi munishreShTha sa daridraH prajAyate | nirapatyaH kulachChedakArakashchaiva putraka || 110|| tasmAdAryaiH sadA deyaH pitR^ibhyastu jalA~njaliH | shrAddhaM madhughR^itairvApi phalairvA guDapAyasaiH || 111|| tUShNIM babhUvurdeveshi muniM prochya praharShitAH | pitaraste tadA sarve shANDilyaM prA~njaliM sthitam || 112|| bhairava uvAcha | shrutvA teShAM vachaH saumyaM shANDilyashchAtivismitaH | uvAcha pitR^InsaMstutya vAchA paramayA mudA || 113|| adhunaiva pitR^igaNAH sindhau dAsyAmi vo jalam | vapanaM tu kariShyAmi pitR^INAM shrAddhashuddhaye || 114|| kR^itvA hi vapanaM tatra shrAddhaM kurvanti ye narAH | tR^iptAH syuH pitarasteShAM kartR^INAM cha mahAphalam || 115|| ityevamuktvA pitR^ibhyastAnsantoShya mahAtapAH | kR^itvA tu vapanaM tatra shANDilyo munisattamaH || 116|| chakAra vidhivachChrAddhaM pitR^ibhyastR^iptihetave | shANDilyashchaiva devebhyaH pitR^ibhyashcha dadau jalam || 117|| shANDilyahastAddeveshi mahAsindhujalaM tadA | kShaudrameva babhUvAshu pitR^INAM tR^iptikAraNam || 118|| sindhoH sroto mahAdevi munihastagataM yadA | ardhaM kShaudramayaM jAtaM pitR^INAM tR^iptihetave || 119|| yadAprabhR^iti shANDilyaH pitR^InsantR^iptavAn jalaiH | tataH sindhupravAhasya nAmAbhUnmadhumatyapi || 120|| suvarNo jagadIshAni shANDilyo nAma vai muniH | babhUva paramaprItaH pitR^INAM tR^iptikAraNam || 121|| tato.agre madhumatyAshcha sindhoH sa~Ngama eva cha | snAtvA cha vapanaM kR^itvA shrAddhaM kR^itvA maheshvari || 122|| sAkShAdbhUtA mahAdevI shANDilyamidamabravIt | bhrAjamAnatanuM tvAM ye vane.amuShminpratiShThitam || 123|| mAM chApi trividhAM chAtra ye pashyanti narottamAH | te siddhAH kathitAH putra pApamuktA na saMshayaH || 124|| mahApAtakayukto vA yukto vApyupapAtakaiH | kShetraM pITheshvarAkhyaM cha dR^iShTvA muchyeta kilbiShaiH || 125|| ityuktvA taM muniM devI tUShNImAsa maheshvari | tasmAtsarvaprayatnena shAradAvanamAshrayet || 126|| ghoShaM gatvA cha nutvA cha ghoShAvAsA~njanAnapi | upoShya rajanImekAM ShaT{}tisro dvAdashaiva vA || 127|| AhvAnArchanapAdyArghyamadhuparkairyathAkramam | saMpUjya bhojayitvA cha ma~NgalochchArapUrvakam || 128|| suvarNA~NgaM tato gatvA tejanIsindhusa~Ngame | vapanaM vidhivatkR^itvA shrAddhaM chaiva yathAvidhi || 129|| shANDilyamadhumatyoshcha sa~Ngame lokavishrute | ShaShTistIrthasahasrANi ShaShTistIrthashatAni cha || 130|| kurvanti saMnidhAnaM cha mAsi bhAdrapade sadA | shuklapakShe chaturthyAM cha tathAnyAsu cha sarvadA || 131|| chaturdashyAM cha shuklAyAM tvatprasAdAnmaheshvari | gostambhanamathAbhyarchya pravishenmunikAnanam || 132|| muniM dR^iShTvA tato devi shAradAM trividhAtmikAm | saMpUjya parayA bhaktyA dhUpaiH kusumachandanaiH || 133|| kShIrakhaNDAjyadhUpaishcha dIpaiH karpUravartikaiH | naivedyairghR^itapakvaishcha balidAnairanekashaH || 134|| pUjayedvidhinA devIM vastrAla~NkArabhUShaNaiH | kumArIH pUjayechchApi tathA brAhmaNapUjanaiH || 135|| godAnairashvadAnaishcha kanthAvastrAnnabhUShaNaiH | akShayaM phalamApnoti satyaM satyaM varAnane || 136|| aputriNaH putrAnyogyAnnirdhanAshcha dhanaM bahu | mUrkhashcha shobhanAM vidyAM rogiNaH svAsthyamApnuyuH || 137|| svargaM cha narakAdbhItAstathA mokShaM mumukShavaH | shAradAM gantukAmasya gR^ihAtprabhR^iti sundari || 138|| padAni kramamANasya yAvanto bhUmireNavaH | pade pade.ashvamedhasya phalamApnoti mAnavaH || 139|| upoShya rajanImekAM tisraH ShaDdvAdashaiva vA | AhvAnArchanapAdyArghyamadhuparkairyathAkramam || 140|| nR^ittagItaistathA vAdyairbhogairdAnaistathA gR^ihaiH | hastyashvarathayAnaishcha vAsobhiH shayanaistathA || 141|| shAradAkShetramAhAtmyaM nAlaM vaktuM chaturmukhaH | sheSho nAlaM phalaM vaktuM prabhAvaM chApi sundari || 142|| iti tatkathitaM tubhyaM yatpR^iShTo.ahamiti tvayA | adhunA devadeveshi kimanyachChrotumichChasi || 143|| ityeSha paTalo guhyo mahApAtakahA kalau | shrutvA paThitvA muchyeta koTijanmabhavAdaghAt || 144|| iti shrIbhR^i~NgIshasaMhitAyAmuttaraviShayopajAtatIrthasa~Ngrahe shAradAmAhAtmyaM samAptam || ## Shankara processed. Proofread by P. P. Narayanaswami swami at mun.ca, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}