% Text title            : shAradAmbAstotramAlikA
% File name             : shAradAmbAstotramAlikA.itx
% Category              : devii, sachchidAnanda-shivAbhinava-nRisiMhabhAratI, devI, sarasvatI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharadambastotramalika ..}##
\itxtitle{.. shrIshAradAmbAstotramAlikA ..}##\endtitles ##
(shrIkAlaTikShetre)
AsetushItagirimadhyanivAsalokAn
     svasvAshramAdyuchitakarmaniShaktachittAn |
shrIghraM vidhAya karuNAmR^itavArirAshe
     shrIshAradAmba sitachittamimaM kuruShva || 1||
haMsAdimaskarivarArchitapAdapadme
     haMsAgryayAnanirate mukhanirjitAbje |
kaMsArimukhyasuranAyakapUjyamAne
     shrIshAradAmba sitachittamimaM kuruShva || 2||
shvetAmbusambhavanivAsaniShaktabuddhe
     shItAMshurAjatamahIdharatulyavarNe |
vAtAmbumAtraparituShTajanAlisevye
     shrIshAradAmba sitachittamimaM kuruShva || 3||
kravyAdavairimukhadevavareDyapAde
     suvyAhR^itipradapadAmbujajAtupAte |
nirvyAjapUrNakaruNAmR^itajanmabhUme
     shrIshAradAmba sitachittamimaM kuruShva || 4||
bhaktyAdigandharahitAngurupAdapadme
     tatsevane cha sutarAM vinivR^ittabhAvAn |
lokAnavAmba parishuddhahR^ido vidhAya
     shrIshAradAmba sitachittamimaM kuruShva || 5||
aj~nAtavedanichayasmR^itimukhyagandhAn
     kAmArthamAtrapuruShArthadhiyo manuShyAn |
AmnAyamArgapathikAMstarasA vidhAya
     shrIshAradAmba sitachittamimaM kuruShva || 6||
dehAtmavAdaniratAnsatataM hi modA\-
     ttatpAlanaikaniratAnapi nIchavR^ittyA |
kiM cha svavR^ittivimukhAnparipAlayantI
     shrIshAradAmba sitachittamimaM kuruShva || 7||
pApAmburAshivinimajjanamuhyamAna\-
     menaM durantaviShayAshamajAsyavAse |
lokaM nivArya tarasA kR^ipayA durAshAM
     shrIshAradAmba sitachittamimaM kuruShva || 8||
udvegakAlaparituShTahR^idambujAta\-
     mapyaihikAdinichaye spR^ihayA vihInam |
bhItyA ruShA cha sutarAM rahitaM vidhAya
     shrIshAradAmba sitachittamimaM kuruShva || 9||
AkalpakAlaTinivAsanibaddhadIkShA
     bhUtvA tathAkhilajagatyapi dharmavR^iddhim |
prApayya lokaparirakShaNamAcharantI
     shrIshAradAmba sitachittamimaM kuruShva || 10||
bhAgyAbdhipUrNasharadindusamUharUpe
     bhaktaughasasyasitabhinnapayodapa~Nkte |
vedhomano.ambujanibAladivAkarAbhe
     shrIshAradAmba sitachittamimaM kuruShva || 11||
prANAdivAyunichayaM vinirud.h{}dhya cheto
     hR^itpa~Nkaje chirataraM tava divyamUrteH |
dhyAnaM vibhuM rachayituM pravidhAya mAtaH
     shrIshAradAmba sitachittamimaM kuruShva || 12||
kANAdakApilamukheShu samastashAstre\-
     ShvavyAhatAM pratibhayA sahitAM manIShAm |
jAtvapyakarNaviShayeShu vitIrya tUrNaM
     shrIshAradAmba sitachittamimaM kuruShva || 13||
lakShye.akhilashrutimahAdimavAkyapa~NkteH
     R^ikSheshagarvaparishAtanadakShavaktre |
yakSheshapAshimukhadikpatipUjyapAde
     shrIshAradAmba sitachittamimaM kuruShva || 14||
dArAtmajAvasathapAlanasaktachittAM\-
     statpAlanAttabahuduHkhatatIshcha soDhvA |
svapne.api saukhyarahitAnparipAlya lokAn
     shrIshAradAmba sitachittamimaM kuruShva || 15||
kAruNyapUrNanayane kalikalmaShaghni
     kandarpavairisahaje kamalAyatAkShi |
kastUrikAmakarikAshritagaNDabhAge
     shrIshAradAmba sitachittamimaM kuruShva || 16||
naivApahAya nijadharmamatIva kaShTa\-
     kAle.api vANi sutarAM nijadharmavA~nChAH |
bhUyAsurAshu puruShAH kuru tadvadamba
     shrIshAradAmba sitachittamimaM kuruShva || 17||
IhAvihInajanasantatichintyamAna\-
     pAdAravindayugale praNatavrajAya |
IshitvasiddhimukhasiddhitatipradAtri
     shrIshAradAmba sitachittamimaM kuruShva || 18||
bAlAruNAdharavinirjitapakvabimbe
     chelAvadhUtasharadabhrasanastagarve |
lIlAvinirmitavichitrajagatsamUhe
     shrIshAradAmba sitachittamimaM kuruShva || 19||
bhaktiM vitIrya sudR^iDhAM tava pAdapadme
     duHkhAlayeShu viShayeShu viraktidArDhyam |
autsukyamapyaviralaM nigamAntapAThe
     shrIshAradAmba sitachittamimaM kuruShva || 20||
dUrvAdimattagajasiMhadhurandharatvaM
     sharvAdisevitapade tarasA vitIrya |
durvAsanAM hR^idi gatAM tarasA pramathya
     shrIshAradAmba sitachittamimaM kuruShva || 21||
pAdAmbujapraNatalokavichitrakAvya\-
     kartR^itvadAnachature chaturAsyajAye |
kumbhIndrakumbhaparipanthikuche kumAri
     shrIshAradAmba sitachittamimaM kuruShva || 22||
chApalyanaijajanibhUmihR^idambujAtaM
     pApAmburAshidR^iDhamagnamapetapuNyam |
AtmAvabodhavidhuraM gurubhaktihInaM
     shrIshAradAmba sitachittamimaM kuruShva || 23||
ra~Nko.api yatkaruNayA prabhavetsuresho
     mUko.api tadgurumaho vachasA jayechcha |
sA tvaM prabhUtadhanavAgvibhavapradAtri
     shrIshAradAmba sitachittamimaM kuruShva || 24||
ambAshu bodhaya kR^ipAbharitaiH kaTAkShai\-
     stattvaM paraM yadavalokanato na bhUyAt |
bhUyo.api janma padanamratateH kadAchit
     shrIshAradAmba sitachittamimaM kuruShva || 25||
kAlaTyabhikhyapuravAsanibaddhabhAve
     kAlapratIpasahaje kalakaNThakaNThe |
kAyaprabhAjitatuShArasitAMshushobhe
     shrIshAradAmba sitachittamimaM kuruShva || 26||
yattvaM hi vIkShaNalavena natArbhakANAM
     sampoShaNaM prakuruShe jagadamba sArtham |
mInAmbakatvamabhajadbhavatIha tasmAt
     shrIshAradAmba sitachittamimaM kuruShva || 27||
aShTA~NgayogamakhilaM tarasopadishya
     nItvA cha madhyapadavIM sahashaktivAyum |
chetashcha dhAmani pare dR^iDhamArachayya
     shrIshAradAmba sitachittamimaM kuruShva || 28||
aikyAvabodhanakR^ite praNamajjanAnAM
     vaktre vidhutvamatha netrayuge jhaShatvam |
madhye cha pa~nchamukhatAM paridhArayantI
     shrIshAradAmba sitachittamimaM kuruShva || 29||
shrIsha~NkarAryakarapa~NkajapUjitA~Nghre
     pAshaM vibhidya tarasA bhavanAmabhAjam |
sAshaMsadAhiviShaye.apyupabhuktapUrve
     shrIshAradAmba sitachittamimaM kuruShva || 30||
kIrArbhakapravilasatkarapa~NkajAte
     svArAjyadAnaparitoShitanamravR^inde |
smerAsyakAntiparidhUtasudhAMshubimbe
     shrIshAradAmba sitachittamimaM kuruShva || 31||
kAruNyasAgaranimagnahR^idambujAte
     lAvaNyajanmasadanIkR^itanaijadehe |
kAruNyanityavihR^iternilayA~Ngasaudhe
     shrIshAradAmba sitachittamimaM kuruShva || 32||
shrIsheshapadmajamukhAmarapUjitA~Nghre
     shrIbodhadAnanirate praNamajjanebhyaH |
shrIkaNThasodari kR^ipAmR^itavarirAshe
     shrIshAradAmba sitachittamimaM kuruShva || 33||
pUrNAnadItaTavihAravilolachitte
     tUrNAnateShTatatidAnanibaddhadIkShe |
chUrNAyitAkhilachirAttahR^idandhakAre
     shrIshAradAmba sitachittamimaM kuruShva || 34||
vairAgyajanmanilayaiH parisevyamAne
     vaiyAsakipramukhamaunijanairnitAntam |
sachchitsukhAtmakatano vidhipuNyarAshe
     shrIshAradAmba sitachittamimaM kuruShva || 35||
yAM vettumichChati makhAnashanAdyupAyai\-
     rloke dvijAvalirasau bahupuNyapAkAt |
sopAyahInamapi naijakR^ipAtirekAt
     shrIshAradAmba sitachittamimaM kuruShva || 36||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIshAradAmbAstotramAlikA sampUrNA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}