% Text title : shAradAshatashlokIstavaH % File name : shAradAshatashlokIstavaH.itx % Category : devii, sachchidAnanda-shivAbhinava-nRisiMhabhAratI, devI, sarasvatI, shataka, stava % Location : doc\_devii % Author : Sachchidananda Shivabhinava Nrisimha Bharati Swamigal % Proofread by : PSA Easwaran psawaswaran % Latest update : November 9, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Sharada Shatashlokistavah ..}## \itxtitle{.. shrIshAradAshatashlokIstavaH ..}##\endtitles ## karotu padavinyAsAnkamalAsanakAminI | jihvAgre mama kAruNyAjjitachandrAyutaprabhA || 1|| pApe.api shAradAmba tvaM kR^itvA bahukR^ipAM mayi | garIyasIM chApi vA~nChAM pUrayAshu kR^ipAnidhe || 2|| bahubhistvadvadanAmbujamullekhaiH stotumAryajanahR^idyaiH | pratibhAM prayachCha mahyaM karuNAjaladhe payojabhavajAye || 3|| champakasumakorakayukchakitamR^igIprekShaNena saMyuktam | shukakekininadajuShTaM vanamiva tava bhAti vadanAbjam || 4|| nAsikAkhyavarashAkhayA yutaM kha~njarITakhagayugmabhUShitam | pakvabimbaphalasaMyutaM shive bhAti bhUruha ivAnanaM tava || 5|| bhaktakekikulatoShaNavrataM padmasambhavahR^idambarAshritam | gadyapadyamayavArisandadanmeghavattava mukhaM vibhAti me || 6|| netrotpalAla~NkR^itamadhyabhAgaM bhrUvallikAbambharapa~Nktiramyam | pakShmAlishaivAlayutaM vibhAti tavAsyametatsarasIva vANi || 7|| suchillikAtoraNashobhamAnaM vishAlaphAlA~NgaNaramyaramyam | uttu~NgamANikyakirITaharmyaM vibhAti veshmeva tavAmba vaktram || 8|| nayanajhaShayuto.ayaM dantamuktAphalADhyo dashanavasananAmashrIpravAlaprabhAyuk | pratipadamabhivR^iddhaiH kAntipUraiH sametaH sharadhiriva vibhAti tvanmukhaM vAksavitri || 9|| kalaya kalivimokaM kAlakAlAnujAte kalaya shubhasamR^iddhiM bhUmimadhye.akhile.asmin | kalaya ruchisamR^iddhiM svasvadharme janAnAM kalaya sukhasamR^iddhiM svasvadharme ratAnAm || 10|| sphura hrudayasaroje shArade shubhravarNe kalashamamR^itapUrNaM mAlikAM bodhamudrAm | sarasijanibhahastairbibhratI pustakaM cha praNatahR^idayamachChaM kurvatI tUrNameva || 11|| pAlaya mAM karuNAbdhe parivArayutaM tvihApi shR^i~NgAdrau | shAradashashinibhavadane varade laghu shArade sadaye || 12|| aindrImAshAmaindavIM vA kalAmi\- tyAdau bIjaM jAtu mAtastvadIyam | vyAjAdvA yo vyAharettasya vaktrA\- ddivyA vAcho niHsarantyaprayatnAt || 13|| shArade tava padAmbujayugmaM bodhapuShparasapUrNamajasram | mAmakaM hR^idayasa.nj~nakamIshe naiva mu~nchatu saraH karuNAbdhe || 14|| kathitAni madIpsitAni mAtarmuhuragre tava shAradAmbike tvam | na hi pUrayase chirAyase kiM madaghaughAtkimu shaktyabhAvato vA || 15|| adyaiva matprArthitamamba dadyA yadi tvapArAM karuNAM vidhAya | velAvihInaM sukhamApnuyAM hi naivAtra sandehalavo.api kashchit || 16|| kamanIyakavitvadAM javAdramaNIyAmbujatulyapadyutAm | shamanIyabhayApahAriNIM ramaNIM padmabhavasya bhAvaye || 17|| kA~NkShe kamalajakAmini kamanIyaiH padyanikurumbaiH | stotuM vAchAM nikaraM svAyattaM kalaya jagadamba || 18|| kAmaM mama phAlatale likhatu lipiM duHkhadAM vidhiH satatam | nAhaM bibhemi mAtarlumpAmi tvatpadAbjarajasA tAm || 19|| kiM kalpavR^ikShamukhyaiH kiM karadhR^itameruNA shivenApi | kiM kamalayA cha hR^idi chetki~NkarasarveShTadA vANI || 20|| tu~NgAtaTanikaTacharaM bhR^i~NgAvaligarvaharaNachaNachikuram | shrIshAradAbhidhAnaM bhAgyaM mama jayati shR^i~NgashailAgre || 21|| niraNAyi mayA samastashAstrA\- Nyapi vIkShya praNatArtihAri loke | pravihAya tavA~Nghripa~NkajAtaM na paraM vastviti vANi nishchitaM tat || 22|| padmAsanAsi khalu bhArati vAgadhIshe padmAsanapriyatame karalagnapadme | matkaM mano.ambujamaho svayameva mAtaH shrIshAradAmba vijahAsi kimatra vAchyam || 23|| AnIya divyakusumAni kiranti lokA ye tvatpadAbjayugalaM vachasAM savitri | tAnprAptarAjapadavIMstarasA kiranti paurA~NganAH kusumalAjachayena nUnam || 24|| Aj~nAsIdgauravI me tava khalu karuNAvAridhiH shAradAmbA sAShTA~NgaM yogamArAdupadishati bhavAnaurasaH sUnurasyAH | ityapyadyApi mAtarna hi khalu karuNA jAyate mayyanAthe kiM vA kuryAM vadAmba praNatabhayahare shArade chApalo.aham || 25|| nAhaM nigR^ihya karaNAni sarojajAta\- jAye tvadIyapadapa~Nkajayorhi sevAm | shaknomi kartumalasAj~nashikhAmaNirya\- ttasmAnnisargakaruNAM kuru mayyanAthe || 26|| vANi sarasvati bhArati vAgvAdini vArijAtajanijAye | kAshmIrapuranivAsini kAmitaphalavR^indadAyini namaste || 27|| sharaNaM tvachcharaNaM me nAnyadvAgdevi nishchitaM tvetat | tasmAtkuru karuNAM mayyananyasharaNe drutaM mAtaH || 28|| sharadabhrasadabhravastravItA karadUrIkR^itapa~NkajAbhimAnA | charaNAmbujalagnanAkimaulirvaradA syAnmama shAradA dayArdrA || 29|| sthApaya narakeShu sadApyatha sukhakAShThAsu divyalokeShu | na hi tatra me vichAraH paraM tu chittaM tavA~Nghrigatamastu || 30|| shR^i~NgAdrivAsalole bhR^i~NgAha~NkArahArikachabhAre | tu~NgAtIravihAre ga~NgAdharasodari prasIda mama || 31|| R^iShyashR^i~NgajanibhUmivibhUShe kashyapAdimunivanditapAde | pashyada~NghrimukhapAlanalole vashyapa~Nkajabhave.ava sadA mAm || 32|| kambuDambaranivartakakaNThAmambudhiM niravadhi karuNayAH | ambudapratimakeshasamUhAmambujodbhavasakhIM kalaye.aham || 33|| bharmagarvaharasaMhananAbhAM sharmadAM padasarojanatebhyaH | karmabhaktimukhapaddhatigamyAM kurmahe manasi padmajajAyAm || 34|| shambhusodari shashA~NkanibhAsye mandabuddhivitaterapi shIghram | vAkpradAyini kR^ipAmR^itarAshe shR^i~NgashailavaravAsavilole || 35|| tuShTimehi vachasAM janani tvaM matkR^itena vidhinA.avidhinA vA | ai~njapena paripUraya vA~nChAM mAmakIM cha mahatImapi shIghram || 36|| tavaurasaM sUnumaho tvadIyabhaktAgragaNyA mama deshikendrAH | prAhuryato.ato mayi shAradAmba pApyagragaNye.api dayA vidheyA || 37|| tavaurasaM mAM sutamAhurAryAstvatpAdabhaktAgrasarA yato.ataH | soDhvA madIyAnsakalAparAdhAnpuro bhavAmbAshu girAM savitri || 38|| bhakteShTapAthonidhipUrNachandraH kavitvamAkandavasantakAlaH | jADyAndhakAravrajapadmabandhuramba praNAmastava pAdapadme || 39|| mukhAmbujaM bhAtu jagajjananyA hR^idambuje me jitachandrabimbam | radAmbarAdhaHkR^itapakvabimbaM mahAghavidhvaMsanacha~nchvajasram || 40|| yAnena haMsaM vadanena chandraM shroNIbharAchChailapatiM cha kAmam | kA~nchiddhasantIM kalaye hR^idabje chandrArdharAjadvarakeshapAshAm || 41|| vismR^itya dehAdikamamba samyaksamuchcharaMstAvakamantrarAjam | tu~NgAnadIpuNyataTe kadAhaM susaikate svairagatirbhavAmi || 42|| shrIshAdisaMsevitapAdapadme shrIbodhadAnavratabaddhadIkShe | shrIkaNThasodaryamitAnukampe shrIshAradAmbAshu kR^ipAM kuruShva || 43|| hR^idyAni padyAni viniHsaranti tvada~NghrisampUjakavaktrapadmAt | vinA prayatnaM tarasA na chitraM tvamamba yasmAdvachasAM savitrI || 44|| gamAgamavivarjitairasubhirantara~Nge.anishaM gajAsyaguhanandibhiH suravarairmudA chintite | gajAjinadharAnuje galitatR^iShNalokekShite gatiM mama shubhAM matiM sapadi dehi vAgIshvari || 45|| jalodbhavajabhAmini praNatasaukhyabhUmaprade jaDatvavinivAraNavrataniShaktacheto.ambuje | jagattrayanivAsibhiH satatasevyapAdAmbuje jagajjanani shArade janaya saukhyamatyadbhutam || 46|| madebhagamane.avane natatateranekaiH sukhai\- ranAratamajAmitaM pravaNahR^itsaroje.ambike | kuto mayi kR^ipA na te prasarati prasanne vada prapa~nchajananaprabhupraNayini prapadye.adya kam || 47|| kadA vA shru~NgAdrau vimalataratu~NgAparisare vasanmAtarvAchAM shirasi nidadhAno.a~njalipuTam | girAM devi brAhmi praNatavarade bhArati javA\- tprasIdeti kroshannimiShamiva neShyAmi divasAn || 48|| jagannAthaM ga~NgA vividhavR^ijinoghaiH parivR^itaM yathA.arakShatpUrvaM sakalamapi hatvA.a.ashu duritam | punashchAnte dattvA karasarasijaM pUrNakR^ipayA janaiH sadbhiH prApyAM paramapadavIM prApitavatI || 49|| tathA shAntaM pApaM sakalamapi kR^itvA mama javA\- ddhR^idambhoje lagnaM kuru tava padAmbhoruhayugam | karAmbhoje pashchAtparamakR^ipayA devi vachasAM pradattvA.a.alambaM mAM gamaya padavIM nirmalatarAm || 50|| davIyAMsaM tvenaM paramakR^ipayA deshikamukhA\- tsamAnIyAmba tvaM tava padapayojAtanikaTam | avitvA.a.apIyantaM samayamadhunA devi bhajase yadaudAsyaM tarhi trijagati mamAnyAM vada gatim || 51|| kAmaM santu surA nirantaranijadhyAnArchanAkAriNo lokAnsvepsitasarvasaukhyasahitAnkartuM jagatyAM kila | pUjAdhyAnajapAdigandharahitAMstrAtuM punastvAM vinA nAnyaddaivatamastipadmajamanaHpadmArbhakArkaprabhe || 52|| kAruNyaM mayi dhehi mAtaranishaM padmodbhavapreyasi prArabdhaM mama duShTamAshu shamaya praj~nAM shubhAM yachCha me | kartuM kAvyachayaM rasaughabharitaM shaktiM dR^iDhAM bhaktima\- pyaMhaHsa~nchayavAriNIM tava padAmbhoje kR^ipAmbhonidhe || 53|| kuryAmadya kimamba bhaktirahitaH pUjAM japaM tarpaNaM kiM vairAgyavivekagandharahitaH kuryAM vichAraM shruteH | kiM yogaM prakaromi cha~nchalamanAH shR^i~NgAdrivAsapriye tvatpAdapraNatiM vihAya na gatirme.anyA girAM devate || 54|| jahyAnnaiva kadApi tAvakapadaM mAtarmano mAmakaM mAndyadhvAntanivAraNodyatadineshAkharvagarvAvali | gaurInAtharamAdhavAbjabhavanaiH sambhAvyamAnaM mudA vAkchAturyavidhAnalabdhasuyashaHsampUritAshAmukham || 55|| tu~NgAtIravihArasaktahR^idaye shR^i~NgArajanmAvane ga~NgAdhArimukhAmarendravinute.ana~NgAhitApaddhare | sa~NgAtItamanovihArarasike ga~NgAtara~NgAyitA bhR^i~NgAha~NkR^itibhedadakShachikure tu~NgAgiro dehi me || 56|| tvatpAdAmbujapUjanAptahR^idayAmbhojAtashuddhirjanaH svargaM rauravameva vetti kamalAnAthAspadaM duHkhadam | kArAgAramavaiti chandranagaraM vAgdevi kiM varNanai\- rdR^ishyaM sarvamudIkShate sa hi punA rajjUragAdyaiH samam || 57|| tvatpAdAmburuhaM vihAya sharaNaM nAstyeva me.anyaddhruvaM vAchAM devi kR^ipApayojalanidhe kutrApi vA sthApaya | apyUrdhvaM dhruvamaNDalAdatha phaNIndrAdapyadhastatra me tvannyastaihikapAralaukikabharastvAse na kApi vyathA || 58|| tvatpAdAmburuhaM hR^idAkhyasarasisyAdrUDhamUlaM yadA vaktrAbje tvamivAmba padmanilayA tiShThedgR^ihe nishchalA | kIrtiryAsyati diktaTAnapi nR^ipaiH sampUjyatA syAttadA vAde sarvanayeShvapi pratibhaTAndUrIkarotyeva hi || 59|| mAtastvatpadavaibhavaM nigadituM prArabhya nAgeshvarA\- svapnAchAryakavIndushekharadineshAdyAH prabhagnA muhuH | kvAhaM tatkathane jaDeShvacharamaH kAruNyapAthonidhe vAchAM devi sutasya sAhasamidaM kShantavyamevAmbayA || 60|| mAtaH shR^i~NgapurInivAsarasike mAta~Ngakumbhastani prANAyAmamukhairvinApi manasaH sthairyaM drutaM dehi me | yenAhaM sukhamanyadurlabhamahorAtraM bhajAmyanvahaM prApsyAmyAtmaparaikabodhamachalaM niHsaMshayaM shArade || 61|| vedAbhyAsajaDo.api yatkarasarojAtagrahAtpadmabhU\- shchitraM vishvamidaM tanoti vividhaM vItakriyaM sakriyam | tAM tu~NgAtaTavAsasaktahR^idayAM shrIchakrarAjAlayAM shrImachCha~NkaradeshikendravinutAM shrIshAradAmbAM bhaje || 62|| vairAgyaM dR^iDhamamba dehi viShayeShvAdyantaduHkhaprade\- ShvAmnAyAntavichAraNe stiratarAM chAsthAM kR^ipAvAridhe | pratyagbrahmaNi chittasaMsthitividhiM sambodhayAshveva mAM tvaM brUShe sakalaM mameti guravaH prAhuryataH shArade || 63|| kamalAsanavarakAmini karadhR^itachinmudrike kR^ipAmbhodhe | karakalitAmalakAbhaM tattvaM mAM bodhayatu jagadamba || 64|| karavidhR^itakIraDimbhAM sharadabhrasadharmavastrasaMvItAm | varadAnaniratapANiM suradAM praNamAmi shAradAM sadayAm || 65|| kAmAkShIvipulAkShImInAkShItyAdinAmabhirmAtaH | kA~nchIkAshImadhurApureShu bhAsi tvameva vAgjanani || 66|| chandrArdhashekharApararUpashrIsha~NkarAryakarapUjye | chandrArdhakR^itavataMse chandanadigdhe namAmi vANi pade || 67|| jaya jaya chinmudrakare jaya jaya shR^i~NgAdriviharaNavyagre | jaya jaya padmajajAye jaya jaya jagadamba shArade sadaye || 68|| durvasanadattashApapratipAlanalakShyataH samastAnAm | rakShArthamavanimadhye kR^itachiravAsAM namAmi vAgdevIm || 69|| navanavakavanasamarthaM paTutaravAgdhUtavAsavAchAryam | vanajAsanavaramAnini varade kuru shIghrama~Nghrinatam || 70|| bhagavatpadamaNDanayorvAdamahe sakalalokachitrakare | a~NgIkR^itamAdhyasthyAM jagadambAM naumi shAradAM sadayAm || 71|| sevApUjAnamanavidhayaH santu dUre nitAntaM kAdAchitkA smR^itirapi padAmbhojayugmasya te.amba | mUkaM ra~NkaM kalayati surAchAryamindraM cha vAchA lakShmyA loko na cha kalayate tAM kaleH kiM hi dauHsthyam || 72|| AshAvastraH sadAtmanyaviratahR^idayastyaktasarvAnurAgaH kAye chakShurmukheShvapyanuditamamataH kvApi kasmiMshcha kAle | shailAgre.araNyakoNe kvachidapi puline kvApi revAtaTe vA ga~NgAtIre.atha tu~NgAtaTabhuvi cha kadA svairachArI bhaveyam || 73|| kalpantAM kAmyasid.h{}dhyai kalimalahataye chAkShayaishvaryasiddhyai kAruNyApArapUrAH kamalabhavamanomodadAnavratADhyAH kAtyAyanyabdhikanyAmukhasuraramaNIkA~NkShyamANAH kavitva\- prAgbhArAmbhodhirAkAhimakarakiraNAH shAradAmbAkaTAkShAH || 74|| kalpAdau tanmahimnA katipayadivaseShveva lupteShu mArge\- ShvAmnAyaproditeShu pravarasuragaNaiH prArthitaH pArvatIshaH | AmnAyAdhvapravR^id.h{}dhyai yativaravapuShAgatya yAM shR^i~Ngashaile saMsthApyArchAM prachakre nivasatu vadane shAradA sAdaraM sA || 75|| tiShThAmyatraiva mAtastava padayugalaM vIkShamANaH pramodA\- nnAhaM tyaktvA tavA~NghriM sakalasukhakaraM kvApi gachChAmi nUnam | ChAyAM matkAM vidhatsva pravachananamanadhyAnapUjAsu shaktAM shuddhAmekAM trilokIjananapaTuvidhiprANakAnte namaste || 76|| tvadbIje vartamAne vadanasarasije durlabhaM kiM narANAM dharmo vA.arthashcha kAmo.apyatha cha sakalasantyAgasAdhyashcha mokShaH | kAmyaM vA sArvabhaumyaM kamalajadayite.ahetukAruNyapUrNe shR^i~NgAdryAvAsalole bhavati suravarArAdhyapAdAravinde || 77|| dR^iShTvA tvatpAdapa~NkeruhanamanavidhAvudyatAnbhaktalokA\- ndUraM gachChanti rogA harimiva hariNA vIkShya yadvatsudUram | kAlaH kutrApi lIno bhavati dinakare prodyamAne tamova\- tsaukhyaM chAyuryathAbjaM vikasati vachasAM devi shR^i~NgAdrivAse || 78|| nAhaM tvatpAdapUjAmiha gurucharaNArAdhanaM chApyakArShaM nAshrauShaM tattvashAstraM na cha khalu manasaH sthairyalesho.api kashchit | no vairAgyaM viveko na cha mama sudR^iDhA mokShakA~NkShA.api nUnaM mAtaH kAvA gatirme sarasijabhavanaprANakAnte na jAne || 79|| naumi tvAM shaivavaryAH shiva iti gaNanAthArchakA vighnaharte\- tyAryetyambA~NghrisaktA haribhajanaratA viShNurityAmananti | yAM tAM sarvasvarUpAM sakalamunimanaHpadmasa~nchArashIlAM shR^i~NgAdryAvAsalolAM kamalajamahiShIM shAradAM pAradAbhAm || 80|| yaH kashchidbuddhihIno.apyaviditanamanadhyAnapUjAvidhAnaH kuryAdyadyamba sevAM tava padasarasIjAtasevAratasya | chitraM tasyAsyamadhyAtprasarati kavitA vAhinIvAmarANAM sAla~NkArA suvarNA sarasapadayutA yatnaleshaM vinaiva || 81|| yAchante namralokA vividhagururujAkrAntadehAH pishAchai\- rAviShTA~NgAshcha tattajjanitabahutarakleshanAshAya shIghram | kiM kuryAM mantrayantrapramukhavidhiparij~nAnashUnyashchikitsAM kartuM na tvatpadAbjasmaraNalavamR^ite vANi jAne.atra ki~nchit || 82|| rAgadveShAdidoShaiH satatavirahitaiH shAntidAntyAdiyuktai\- rAchAryA~NghryabjasevAkaraNapaTutarairlabhyapAdAravindA | mudrAsrakkumbhavidyAH karasalilaruhaiH sandadhAnA purastA\- dAstAM vAgdevatA naH kalikR^itavividhApattividhvaMsanAya || 83|| vAraya pApakadambaM tAraya saMsArasAgaraM tarasA | shodhaya chittasarojaM bodhaya paratattvamAshu mAmamba || 84|| sachchidrUpAtmaniShThaH pragalitasakalAkShAdivR^ittiH shayAno bhu~njAnaH satyasaukhyaM taditarasukhataH prAptanIrAgabhAvaH | pAShANe vAtha talpe vanabhuvi sadane pArthivasyA.ashmahemno\- rnAryAM mR^ityau cha tulyaH satatasukhimanAH syAM kadA shAradAmba || 85|| kiM pAThayeyaM laghuchandrikAM vA kiM vA tyajeyaM sakalaprapa~ncham | svapne.adya me brUhi kimatra kAryaM DolAyitaM mAmakamamba chetaH || 86|| tyAge vA.adhyApane vA mama khalu na girAM devi kApyasti shakti\- stvaM vai sarvatra heturyadasi niravadhirvArirAshiH kR^ipAyAH | tasmAtsvapne.adya kAryaM mama khalu nikhilaM bodhayaivaM kuruShve\- tyaj~nAnAM bodhanArthaM tvamiha bahuvidhA amba mUrtIrbibharShi || 87|| vitara vidhipreyasi me vimaladhiyaM vA~nChitaM cha tarasaiva | viShNumukhAmaravandye vidhubimbasamAnavadanaka~njAte || 88|| shAradanIradasannibhavasane vanajAsanAntara~Ngachare | varaTAvallabhayAne varade vAgdevi shArade pAhi || 89|| saptadashaghasramaviratamIshena samastavidyAnAm | virachitavAdAM kutukAtsAmodaM naumi vAgjananIm || 90|| suravaraniShevyapAde sukhalavAdhUtakekikulaninade suravanavihArabalade suravarade pAhi shArade surade || 91|| kundaradane.amba vANi mukundaravIndvAdidevavaryeDye | kundarakR^ipAvashAnmukundavarAdyAMshcha me nidhIndehi || 92|| sphurasharadindupratibhaTavadane vAgdevi mAmake manasi | varadAnaniratapANe sarasijanayane sarojajAtasakhi || 93|| asthirabhaktermama devi girAM shIghraM dattvA kA~nchitsiddhim | kuru sudR^iDhAM mama tava pAdAbje bhaktiM shR^i~NgagirIndranivAse || 94|| sahamAnasodari saha praNtakR^itA mAnahInamantutatIH | sahamAnasodarItvaM tyaja vA yuktaM yadatra kuru vANi || 95|| valabhinmukhanirjaravarasevye kalavachananyakkR^itapikarAve | jalajapratibhaTapadayugaramye kalaya pravaraM kR^itinAmenam || 96|| karavilasadvarapustakamAle sharadabjAha~NkR^itiharachele | araNIsumanibhaku~NkumaphAle sharaNaM mama bhava dhR^itashukabAle || 97|| ## var ## araNIsutanibha kalayAsaktiM kamalajadayite tulanAshUnyAmImmanuvarye | valayA~nchitakarasarasIjAte lalanAbhiH suravitateH pUjye || 98|| shR^i~NgakShmAbhR^itkUTavihAre tu~NgAtaTabhUkR^itasa~nchAre | vAchAM devi prArthitamarthaM shIghraM dehi praNatAyAsmai || 99|| nAhaM soDhuM kAlavilambaM shaknomyamba praNatapravaNe | IpsitamarthaM dehi tadAshu druhiNasvAntAmbujabAlaghR^iNe || 100|| iti shR^i~Ngeri shrIjagadguru shrIsachchidAnandashivAbhinavanR^isiMha\- bhAratIsvAmibhiH virachitaH shrIshAradAshatashlokIstavaH sampUrNaH | ## Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}