% Text title            : Sharada Stava 4
% File name             : shAradAstavaH4.itx
% Category              : devii, sarasvatI, ApaTIkara
% Location              : doc\_devii
% Author                : ma. sa. ApaTIkara
% Transliterated by     : Mandar Mali aryavrutta gmail.com
% Proofread by          : Mandar Mali aryavrutta gmail.com
% Description/comments  : stotrapanchadashI by Shri M. S. Apatikar, Satara
% Source                : Sharada year 11, Vol 21-22, September 1970
% Acknowledge-Permission: Pt. Vasant A. Gadgil, Sharada Gaurava Granthamala, 425 Sadashv Peth, Pune 30
% Latest update         : September 14, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharada Stava 4 ..}##
\itxtitle{.. shrIshAradAstavaH 4 ..}##\endtitles ## 
     (pR^ithvI)
namAmi dhavalAMshukAM sarasijAsanAM shAradAM
     namAmi timirApahAM sakalabuddhidAM devatAm |
namAmyamarapUjitAM vividha\-gIta\-santoShitAM
     namAmi sharaNArthinAM vyasananAshinIM siddhidAm || 1||
namAmi sarasIruhAsana\-vibhUShitAM sundarIM
     kare sphaTikamAlikAM vidadhatIM prasannAnanAm |
sadA.adhyayanatatparAn satatabhaktisevAratAn
     janAnavasi shArade sakala saukhyade devate || 2||
na rAjyamapi kAmaye na cha sUkhe.api me kAmanA
     na kIrtimapi kA~NkShate mama mano yashodAyini |
madIyahR^idaye dayAmayi sadA nivAsaM kuru
     tvadIyaguNakIrtane mama ratiH sadA vardhatAm || 3||
tvameva varadAyinI sakalavA~NmayAdhIshvarI
     sukIrtidhanadAyinI tvamasi devi vINAdhare |
namanti vibudhAH sadA tava padAravindadvayaM
     tvameva bhava shArade bhavanidhau mamoddhAriNI || 4||
tavaiva kR^ipayA vidhiH sR^ijati devi vishvAvalIM
     sarasvati murAriNA jagadidaM susaMrakShitam |
tavaiva kR^ipayA haro harati vishvapApAvalIM
     kR^ipA na tava chetkathaM hariharAdayaH pAntu naH || 5||
trilokabhayanAshinI trividhatApasaMhAriNI
     sudhAmadhurabhAShiNI sumanasAM yashodAyinI |
suvarNapadadhAriNI navarasaishcha santoShiNI
     mamAguNavinAshinI bhavatu sA.atha tejasvinI || 6||
sadaiva kavimAnase vijayase jaganmohinI
     marAlanR^ipavAhinI madhuramAlapantI sadA |
nitAntaramaNIyatAM vidadhatI suvarNAyutA
     madIyamanasi sthitA bhavatu divyavAgIshvara || 7||
analpasukhadAyinI duritaduHkhavidhvaMsinI
     subhAShitasubhAShiNI navarasAmbusantoShiNI |
manomalavinAshinI sakalasaukhyaniShyandinI
     madantaranivAsinI bhava sadaiva medhAvinI || 8||
imaM saMstavaM shAradAyAH suramyaM
     paThet pratyahaM sAdaraM mAnavo yaH |
jaDatvaM matestasya nItvA vinAshaM
     prasannA bhavet shAradA j~nAnadAtrI || 9||

iti shrI ApaTIkaravirachitaH shrIshAradAstavaH sampUrNaH |
##
Encoded and proofread by Mandar Mali aryavrutta gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}