% Text title            : shAradAstavakadambam
% File name             : shAradAstavakadambam.itx
% Category              : devii, sachchidAnanda-shivAbhinava-nRisiMhabhAratI, devI, sarasvatI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharada Stavakadambam ..}##
\itxtitle{.. shrIshAradAstavakadambam ..}##\endtitles ##
(shrIkAlaTikShetre)
helayA rachitachitraviShTapAM cheladhUtasharadabhravibhramAm |
kAlaTIpuranivAsadIkShitAM kAlakAlasahajAM numo vayam || 1||

nAstikyabuddhihatamAnasavArijAtAM\-
     styaktAtmakarmanichayAnbahusho dvijAdyAn |
kR^ittottamA~NgajatatInvinirIkShya duHkha\-
     vArdhau nimagnamimamamba sukhe niyu~NkShva || 2||

Isho.asti janma cha vichitrataraM hi janto\-
     rlokAntaraM cha nijakarmakR^itAM sukhApam |
pApAni pApaphaladAshcha tathaiva lokA
     ityamba lokatataye vitarAshu buddhim || 3||

brahmAsti satyamatha dR^ishyamidaM hi mithyA
     rajjUragAdivadato na hi saukhyaleshaH |
tasmAditi pravitarAmba dR^iDhAM manIShAM
     namrAlaye.atisukhamApsyati yena shIghram || 4||

yA shR^i~Ngashailashikhare yatirUpadhartrA
     saMsthApitApi girijApatinA purA sA |
kAlaTyabhikhyaviShaye.api mayArthitA tvaM
     vAsaM kuruShva jagatAmavanAya vANi || 5||

nAkAdhirAjamukhalekhavarArchitAyai
     rakAshashA~NkanibhavastravibhUShitAyai |
mUkAlaye.api tarasA kavitApradAyai
     ekAjapuNyatataye tanumo namAMsi || 6||

sarasvati sarasvati prapatitAnabodhAhvaye
     sharIrajamukhAkhyaShaNmakarato.atisambhIShaNe |
ShaDUrmisahite janAnkaruNayA tu nirvyAjayA
     samuddhara samuddhara druhiNapuNyarAshe javAt || 7||

mudrApustakamAlikA.amR^itaghaTabhrAjatkarAmbhoruhe
     vidrAvyAshu chirAttamAndhyamakhilaM dustyAjyamanyairjanaiH |
shIghraM tattvamasIti bodhamachalaM dattvA kR^ipAvAridhe
     vANi tvachcharaNAravindasharaNaM shuddhAntara~NgaM kuru || 8||

kiM brUShe vachasAM savitri janatAnAstikyabuddhirdhruvA
     kAlAttiShyayugAnna chAnyathayituM shakyeti kiM suShThu tat |
kAlAkharvamanaHsamunnatiharashrIshambhusodaryapi
     tvaM bhUtvA kathamadya kAlakalitaM dauHsthyaM bravIShyambike || 9||

yasmAjjaDAnugrahadIkShitasya shambhoH svasAraM bhavatIM vadanti
tasmAtsvasR^itvaM girishasya sArthaM kuruShva shIghraM mama dhIpradAnAt || 10||

Ajanmanaste.a~NghriyugaM gatAnAM chittaM sitaM chetprakaroShi vANi
chitraM na tattanmalinAgragaNyaM matkaM sitaM kurvaramamba chittam || 11||

sAnnidhyamasminkuru mUrtivarye chiraM kR^ipAto jagadamba vANi |
pravartayAsetutuShArashailaM saddharmamenaM jagatAM hitAya || 12||

sandhyAdikarmANyapi hA vihAya rAtrindivaM svodarapUraNechChUn |
narAnimAnpApabhayena shUnyAntato vidhAyAshvava vAksavitri || 13|| ## var ## shUnyAnsato

mAlAsudhAkumbhavibodhamudrAvidyAvirAjatkaravArijAtAm |
apArakAruNyasudhAmburAshiM shrIshAradAmbAM praNato.asmi nityam || 14||

samAgato.adhyetumayaM dhvaniM kiM kIrArbhakastvatkarapadmasaMsthaH |
tavAdhare bimbadhiyAttumamba samAgato vA vada dhAtR^ijAye || 15||

vANi pANijitaraktapayoje shoNitAmbaradhare.adharakAntyA |
pANinA dharasi kiM shukamenaM prANibodhanakR^ite.akhilagupteH || 16||

shAradAmbudasamAnanijAbhAM nIrajAbhakachasaMhatiramyAm |
pAradAM laghu bhavAkhyapayodheH shAradAmba kalayAmi tanuM te || 17||

bAlachandraparichumbitashIrShAM lIlayaiva parirakShitalokAm |
nIlanAgasadR^ishAkR^itiveNIM shIlayAmi hR^idaye vidhikAntAm || 18||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaM shrIshAradAstavakadambaM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}