% Text title            : shAradAstotram 3
% File name             : shAradAstotram3.itx
% Category              : devii, sachchidAnanda-shivAbhinava-nRisiMhabhAratI, devI, sarasvatI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharada Stotram 3 ..}##
\itxtitle{.. shrIshAradAstotram 3 ..}##\endtitles ##
nidAnamanukampAyAH padAdhaHkR^itapa~NkajAm |
sadA namrAlisukhadAM kadA drakShyAmi shAradAm || 1||
vidAmagrasaro bhUyAdyadAlokanamAtrataH |
radAlijitakundAM tAM kadA drakShyAmi shAradAm || 2||
ambhodanIlachikurAM kumbhodbhavaniShevitAm |
dambholidhArisaMsevyAM kadA drakShyAmi shAradAm || 3||
rambhAnibhoruyugalAM kumbhAbhastanarAjitAm |
shumbhAdidainyashamanIM kadA drakShyAmi shAradAm || 4||
avyAjakaruNAmUrtiM suvyAhArapradAyinIm |
ravyAdimaNDalAntaHsthAM kadA drakShyAmi shAradAm || 5||
mahyambvAdijagadrUpAM mahyaM lokeShu ye janAH |
druhyanti teShAM bhayadAM kadA drakShyAmi shAradAm || 6||
shalyApahArachaturAM valyAshAsitamArdavAm |
kalyANadAnaniratAM kadA drakShyAmi shAradAm || 7||
asmAnavAptakAmAMste yasmAtprakurute kR^ipA |
tasmAtkR^itopakArAM tvAM kadA drakShyAmi shAradAm || 8||
kundendudugdhadhavalAM mandetaradhanaM javAt ||
vindedyada~NghrinamrastAM kadA drakShyAmi shAradAm || 9||
vandArujanavR^indAnAM mandAravratadhAriNIm |
vR^indArakendravinutAM kadA drakShyAmi shAradAm || 10||
kShamAnirdhUtavasudhAM shamAdiguNadAyinIm |
ramAsaMstutachAritrAM kadA drakShyAmi shAradAm || 11||
samArAdhayatAM naiva yamAdbhIryatpadAmbuje |
samAdhimAtragamyAM tAM kadA drakShyAmi shAradAm || 12||
sumAlivilasadgrIvAM samAnAdhikavarjitAm |
kumAragaNanAtheDyAM kadA drakShyami shAradAm || 13||
sAmAdivedavinutAM bhUmAnandapradAyinIm |
sImAtila~NghikaruNAM kadA drakShyAmi shAradAm || 14||
gaNDAgrarAjatkastUrI khaNDAnyasukhadAyinIm |
shuNDAlAsyAgnibhUsevyAM kadA drakShyAmi shAgvAm || 15||
tuNDAdharIkR^itavidhuM chaNDAj~nAnanivAriNIm |
bhaNDAdidaityadarpaghnIM kadA drakShyAmi shAradAm || 16||
juShTvA vedashirovAgbhiriShTvA cha vividhairmakhaiH |
dR^iShTvA hR^iShyanti loke yAM kadA drakShyAmi shAradAm || 17||
tejovijitagA~NgeyAM rajoguNanivAriNIm |
bhujoddhR^itabisAhantAM kadA drakShyAmi shAradAm || 18||
divAkarendutATa~NkAM pravAhakavitApradAm |
savAdikarmabhistuShTAM kadA drakShyAmi shAradAm || 19||
lavAdyasyAH kaTAkShasya savAjirathaku~njarAm |
avApnuyAchChriyaM lokaH kadA drakShyAmi shAradAm || 20||
durlabhAM duShTamanasAM sulabhAM shuddhachetasAm |
valanmuktAsarAM kaNThe kadA drakShyAmi shAradAm || 21||
drAkShAsadR^ikShavAgdAtrIM vIkShApAlitaviShTapAm |
lAkShAra~njitapAdAbjAM kadA drakShyAmi shAradAm || 22||
dhR^itvA lakShyaM bhruvormadhye kR^itvA kumbhakamAdarAt |
dhyAtvA hR^iShyanti yAM lokAH kadA drakShyAmi shAradAm || 23||
niShpApArAdhyacharaNAM duShprApAmakR^itAtmabhiH |
puShpAligarbhitakachAM kadA drakShyAmi shAradAm || 24||
nIlAmbujatulyanayanAM bAlAbjavilasatkachAm |
kailAsanAthavinutAM kadA drakShyAmi shAradAm || 25||
lIlAnirmitalokAliM lolAmambujasambhave |
kAlATavIdavashikhAM kadA drakShyAmi shAradAm || 26||
purANAgamasaMvedyAM virAgijanasevitAm |
karAgravilasanmAlAM kadA drakShyAmi shAradAm || 27||
murArimukhasaMsevyAM surArimadamardinIm |
svarAdibhuvanAdhIshAM kadA drakShyAmi shAradAm || 28||
surAchAryasadR^ikShaH syAdgirA yatpadapUjakaH |
charAcharajagatkartrIM kadA drakShyAmi shAradAm || 29||
vIrArAdhyapadAmbhojAM krUrAmayavinAshinIm |
ghorApasmArashamanIM kadA drakShyAmi shAradAm || 30||
sharaNaM sarvalokAnAM sharadabhranibhAmbarAm |
kararAjadbodhamudrAM kadA drakShyAmi shAradAm || 31||
smaraNAtsarvapApaghnIM charaNAmbujayoH sakR^it |
varadAM padanamrebhyaH kadA drakShyAmi shAradAm || 32||
parNAhAraiH sevyamAnAM karNAgralasadutpalAm |
svarNAbharaNasaMyuktAM kadA drakShyAmi shAradAm || 33||
pUrNachandrasamAnAsyAM tUrNamiShTapradAyinIm |
chUrNayantIM pApavR^indaM kadA drakShyAmi shAradAm || 34||
prabhAjitataTitkoTiM sabhAsu pratibhApradAm |
vibhAvarIshatulyAsyAM kadA drakShyAmi shAradAm || 35||
mattamAta~NgagamanAM chittapadmagatAM satAm |
vittanAthArchitapadAM kadA drakShyAmi shAradAm || 36||
yatinAthasamArAdhyAM matidAnadhurandharAm |
patitAyApi varadAM kadA drakShyAmi shAradAm || 37||
yathA duShTA lipirvaidhI vR^ithA syAnnamraphAlagA |
tathA karoti yad.h{}dhyAnaM kadA drakShyAmi shAradAm || 38||
rogAlivAraNachaNAM bhogAnAM pUgadAyinIm |
yogAbhyAsaratadhyeyAM kadA drakShyAmi shAradAm || 39||
vidhAtumamarAnnamrAnsudhAkalashadhAriNIm |
krudhArahitahR^illabhyAM kadA drakShyAmi shAradAm || 40||
vItAM nirjaranArIbhirgItAM gandharvagAyakaiH |
pItAmbarAdivinutAM kadA drakShyAmi shAradAm || 41||
shikShitAkhiladaiteyAM kukShisthitajagattrayIm |
rakShitAmarasandohAM kadA drakShyAmi shAradAm || 42||
shikhAbhirgItamAhAtmyAM sukhArAdhyapadAM shruteH |
nakhAMshujitachandrAbhAM kadA drakShyAmi shAradAm || 43||
shokApahArachaturAM rAkAchandrasamAnanAm |
kekAsadR^ishavAgbha~NgIM kadA drakShyAmi shAradAm || 44||
shR^i~NgAdrivAsaniratAM ga~NgAdharasahodarIm |
tu~NgAtaTacharIM bhUyaH kadA drakShyAmi shAradAm || 45||
shR^i~NgArajanmadharaNiM ga~NgAM tApanivAraNe |
tu~NgAM payodharayuge kadA drakShyAmi shAradAm || 46||
suyashodAnaniratAM shayanirjitapallavAm |
iyattAtItasaundaryAM kadA drakShyAmi shAradAm || 47||
svargApavargasukhadAM durgApadvinivAriNIm |
durgAshAkambharIrUpAM kadA drakShyAmi shAradAm || 48||
kadA shR^i~NgagiriM drakShye kadA tu~NgAM pibAmyaham |
kadA stoShye.agrato devyAH kadA drakShyAmi shAradAm || 49||
kadA pApakShayo bhUyAtkadA puNyasamAgamaH |
kadA pade namasyAmi kadA drakShyAmi shAradAm || 50||
suhR^idaH shatravo vA me ye santi bhuvi shArade |
avisheSheNa sarvAMstAnpAhi dattvA shubhAM dhiyam || 51||
shArade tvatpadAmbhojalolambAyitamAnasaH |
akArShaM stotrametachChrIsachchidAnandanAmakaH || 52||
ya idaM prapaThedbhaktyA shAradAstotramaNDalam |
prApnoti satataM loke ma~NgalAnAM sa maNDalam || 53||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaM shAradAstotraM (3) sampUrNam |
##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}